غصون والعاشق

لبت الي قاعده هناك في القطر دي بتعاكسني حضرتك وقالتلي عاجبني يا ملبس ونفسي فيك ادبس

الضابط بصلو باستغراب وقال انت شارب ايه يا جدع انت على الصبح..ولسه هيمشي مسكو من ايده بسرعه وقال..حضرتك رايح فين انت لازم تجبلي حقي..مش انت موجود هنا علشان المعاكسات والتعرض يلا بقى شوف شغلك
الضابط اتنهد وقال..دي بلاوي ايه دي علي الصبح..يا ابني انا فعلا هنا علشان التعرضات دي بس بالعاده المفروض البنت الي تشتكي
قال بغضب..انا مليش دعوه شوف شغلك والا هقدم فيك شكوه
اتنهد بضيق شديد وقال اتفضل قدامي يا اخويا لما نشوف مين الي عاكستك دي
قربو من بنت جميله في العشرينات قاعده بتقرى في كتاب علم نفس
الشاب قال ..هيه دي يا حضرت الظابط
نزلت النضارع بتاعة القرايه وبصتلهم باستغراب وقالت..فيه ايه
الشاب قال بسرعه..هيه دي يا حضرة الضابط…هيه دي الي عاكستني اتفضل شوف شغلك لو سمحت
قالت بزهول ايه..عاكستك
قال بسرعه..اه..
الظابط بصلها كانت بنت محترمه وواضح انها مثقفه اتنهد وقال..حضرتك صحيح..احم..قولتيلو عاجبني يا ملبس
.و..وايه
ردت بسرعه وقالت..ونفسي فيك ادبس
الشاب قال بسرعه…اهوه يا باشا سامع لسه بتقولها
بصتلو بغضب وقالت..بطل تفاهه يا سيف وسيب حضرة الضابط يرجع شغله
سيف قال حضرتك تعرفيني
اتنهدت بغيظ وبصت للظابط وقالت..حضرتك تقدر تشوف شغلك ده ابن خالي ومريض وبنعالجو متاخدش على كلامه
الظابط بصلو ..وقال لا حول ولا قوة الا بالله انا بقول كده برضو
الظابط مشي وسيف ضحك وقعد قصادها وقال طلعتيني مجنون
قالت بغيظ انت اهبل يلا..انا مش عارفه خالي بعتك معايا ليه
سيف ضحك وقال…اولا انتي كنتي عندنا يعني مينفعش تمشي لوحدك..ثانيا مش هو الي بعتني انا جيت معاكي لاني معايه حاجه هخلصها في اسكندريه وهقعد عندكم كام يوم وبصلها بوقاحه وقال…هيبقو كام يوم عسل واحلى ما فيهم اننا هنكون في بيت واحد
بصتلو بغيظ وقالت..طب كويس..على كده هتحضر خطوبتي
داس على اسنانو بغضب مكبوت وقال…وحتى لو مكنتش جيت..اكيد كنت هحضر خطوبتك يا غصون..وبص لعيونها وقال…هو فيه عريس ميحضرش حفلة خطوبتو
غصون نفخت بزهق وقالت بخبث…اه نسيت اقولك..مش كريم نقل هو وعيلتو في العماره عندنا من شهر قال حابب يبقى جمبي
سيف قال بغيظ وصوت واطي..ابو برود اهلو
غصون قالت.. نعم
سيف ابتسم بالعافيه وقال..بقول انتو تستاهلو
غصون ابتسمت بعدم تصديق وقالت امم..طيب … وبقت تكمل قرايه..وهو فضل يتكلم معاها طول الطريق لحد ما اتنهدت وسابت الكتاب وبقت تسمعو وهيه بتضحك بيأس على حركاتو وفضلو يتكلمو لحد ما وصلو وجهتهم
وطلعو على العماره الي ساكنه فيها غصون ..بس اتفاجأو ان فيه ذغاريد وانوار كتير استغربو وسيف قال..هيه مرات خالي شافتلها شوفه ولا ايه
غصون ضحكت وقالت..وهيه مرات خالك عايشه لوحدها في العماره وواقفت واحد وقالت.. فيه ايه عندنا في العماره يا عم احمد
احمد قال ..عقبالك يا دكتوره ده انهارده خطوبة الدكتور كريم جاركم
غصون اتسعت عنيها بزهول كانت صدمه عمرها خطيبها بيخطب واحده غيرها كانت هتقع من طولها من اللي سمعتو ومسكت في الراجل وقالت بغضب ..انت بتقول مين
لا لا مستحيل …وطلعت جري على شقتو وسيف جري وراها وهو بيحاول يوقفها راحت على شقه كريم فورا لقيت الناس مجتمعه والزغاريد و فعلا كريم قاعد جنب بنت جميله بتدرس معاها في نفس الجامعه..وكان بيلبسها خاتم الخطبه
غصون قربت منه وهي هتقع من طولها وبصت له بزهول ومش قادره تنطق
كريم اول ما شافها وقعت الدبله من ايده وبلع ريقه بارتباك وقف وقال بارتباك.. غصون..حمد الله على السلامه..احم..غريبه والدتك قالت مش هتيجي انهارده
غصون اتجمعت الدموع في عينيها وطلعت جري على شقتهم من غير ما اتكلم ولا كلمه وهو جري وراها اول ما طلعت بره الشقه مسكها بسرعه وقال… غصون استني انا هفهمك هشرح لك الي حصل
غصون بصت له بدموع وقالت مبروك يا عريس مبروك يا دكتور ولسه هتمشي شدها من ايدها عليه وهو بيقول ارجوكي.. ارجوكي خلينا نتفاهم
بس غصون مسابتلوش فرصه وبقت تزقه وقالت بصراخ ابعد عني يا حقير يا زباله
كربم لسه هيتكلم قاطعو سيف لما شد ايده من ايدها بغضب وقال.. خليك بعيد عنها مش بتقول لك انها مش عايزه تتكلم معاك
كريم بصله بغضب وقال.. انت تطلع مين انت كمان وبتدخل ليه اصلا
سيف وقف قصادو بالظبط وقال بتحدي ..انا سيف ابن خالها واعتبرني من اللحظه دي خطيبها
بقلم…زهرة الربيع
كريم ووغصون بصولو بزهول شديد وسيف مسك ايد غصون وطلع بيها على شقتهم من غير ما يرد عليه وقبل ما يدخلو
غصون دفعته بغضب وقالت..مش هتبطل تصتاد في الميه العكره ..قلت لك 100 مره ملكش دعوه بيا وانت لو اخر واحد في الدنيا مش هتجوزك
لسه هتمشي شدها عليه بقوه وقال ومتتجوزينيش ليه واحد زي ده مش شايفك اصلا احسن مني في ايه ..اول ما اطمن انك مش في المكان راح اتجوز احمدي ربك انك ما اتجوزتيهوش وعمل كده وانتي على ذمته وجابلك ضره
غصون دفعت ايده بغضب وقالت… انت ما تتدخلش ملكش دخل بيا دي حياتي انا
سيف قال بغضب شديد لا ليا انتي بنت خالي والف مره قلت لك اني بحبك عايزاني اعمل ايه علشان تقبلي بيها هو انا لازم ابقى دكتور زي البيه عشان اعجبك
غصون قالت بغضب شديد انت عمرك ما هتعجبني حتى لو بقيت وزير مش دكتور وفتحت بابب شقتهم بالمفتاح الي معاها ولسه هتدخل
سيف فقد اعصابو وقال بغضب شديد… انا عارف انتي بتحبي ايه كويس انتي بتحبي اللي يعاملك زيك زي صنفك كله يعني لو عملت زيه كده واتجاهلتك كنتي حبيتيني ولو كنت ركنتك على الرف وخطبت غيرك زي ما هو عمل كنتي متي فيا
غصون ضر.بته قلم بضعف ودموع..و هو حط ايده على خده بزهول وقبل ما يتكلم…جريت بسرعه على اوضتها
سيف لسه هيدخل وراها طلعت ست كبيره من الاوضه وقالت ايه ده سيف.. مش معقول انت وصلت امتى يا ابني ودخلت ازاي
سيف قال..احم لسه حالا يا عمتي جيت مع غصون معايا شغل هنا كام يوم وقولت اقعد عندكم
عمته توترت جدا وقالت ايه…هيه غصون كمان جات مش لسه معادها بعد يومين … امال هيه فين
سيف ابتسم بالعافيه لانه فهم من خوفها انها عارفه بعلاقتها بكريم ومخبيه عنها ان خطوبته النهارده..اتنهد وقال.. هي شافت الحفله اللي عند الجيران وكانت متضايقه شويه ودخلت اوضتها
عمته اتنهدت بحزن وقالت …طيب يا ابني انا هدخل لها انت خد راحتك البيت بيتك اصلا
دخلت ورا غصون وسيف قعد على الكنبه جذب شعره لورا بضيق شديد كل ما يفتكر الدموع اللي في عينيها وحزنها على كريم بيبقى هيتجنن لانها بتحبه بالطريقه دي
عند وغصون كانت بتبكي جامد في الاوضه ودخلت والدتها بحزن وقالت ولا تزعلي نفسك ولا يستاهل يا بنتي
غصون اول ماشافتها انهارت بالبكاء وجريت على حضنها بقت تحضنها وتبكي..ووالدتها بقت تهديها شويه
غصون بصتلها وقالت بحزن ليه مقولتليش يا ماما ليه ما قولتليش بدل الموقف اللي اتحطيت فيه ده
امها نزلت عنيها في الأرض بحزن وقالت كنت فاكراكي جايه بعد يومين والموضوع هيكون خلص وقلت اقولك وانتي قدتم عنيا يعني بدل ما تزعلي وانت بعيده لوحدك يا ضنايا سامحيني مكنتش اعرف انك جايه النهارده
غصون حاولت تهدى شويه علشان حاله امها لان امها مريضه وقالت بحزن.. ممكن انام شويه يا ماما ان شاء الله الصبح هبقى كويسه
امها قامت بحزن..حاضر يا حبيبتي اللي يريحك انا هطلع اشوف ابن خالك انتو تعشيتوا
غصون قالت ..لا متعشيناش شوفي سيف يمكن ياكل بس انا ما تجيبليش اكل مش قادره اكل
امها مشيت بحزن وسابتها وهي بقت تبكي بحزن شديد
سيف كمان مرضيش ياكل ودخل على الاوضه اللي عمتو قالتلو عليها وكان متضايق جدا وبيفكر في غصون
ثاني يوم غصون قامت من النوم على لمسات رقيقه جدا على خدها فتحت عيونها بنوم بس اتسعت عنيها واتصدمت بشده لما لقت سيف جنبها على السرير كانت لسه هتصرخ بس حط ايده على بقها وقال بسرعه…اشششش هتصحي عمتي تقول علينا ايه لو صحيت دلوقتي ولقيتني في اوضتك
غصون كانت بتبصلوا وعينيها مفتوحين على اخرهم ومش عارفه تتكلم لانه حاطط ايده على بقها
سيف قال بتحذير هشيل ايدي بس لو صوتي هعمل لك فضيحه هنا فاهمه
غصون هزت راسها بالموفقه وهو شايل ايده بالراحه وبصت له بزهول وقالت… انت بتعمل ايه هنا دخلت هنا ازاي
سيف ابتسم ببرود وقال عادي دخلت من الباب
غصون قالت بغيظ..لا والله من الباب.. تصدق كنت فاكراك دخلت من الحيط انت ازاي فتحت الباب
سيف ضحك وقال.. ما انتي مش قافله الباب اصلا بالمفتاح يا صوصو
غصون قالت بغيظ…صوصو ايه الاهي يصوصو عليك.. هو انا لازم ابقى قافله بالمفتاح علشان تستاذن حتى تدخل… اتفضل اطلع بره اطلع بره بدل ما أهزأك واجيب لك اللي يهزأك
سيف ابتسم وقال انا بس كنت قلقان عليكي والله معرفتش انام كمان حبيت اعتذرلك عن اللي قولته امبارح..انتي عارفه ان ابن خالك دبش والله مش بعرف بقول ايه ..و مشى ايده على خده وقال هو اي نعم يعني انتي سديتي حقك .. بس برضه ما يرضينيش زعلك ابدا
غصون اتنهدت بضيق شديد وقالت… طب اتفضل اطلع من الاوضه ونبقى نتكلم بره
سيف ابتسم وقرب منها جامد وقال.. ليه ما احنا حلوين وبنتكلم اهو
غصون دفعته بغضب وقالت… سيف وبعدين
بس سيف قرب اكتر وقال.. قولي انك مش زعلانه مني
غصون بلعت ريقها وقالت بتوتر.. طيب طيب مش زعلانه منك ممكن تبعد بقى واطلع لان ماما لو صحيت شكلك مش هيبقى كويس ابدا
سيف ابتسم وقال ببرود.. تقريبا شكلنا مش هيبقى حلو
غصون قالت ..نعم ليه بقى انت اللي جيت أوضتي
سيف ضحك وقال.. ومين فتحلي
غصون قالت بغضب… ما انت اللي بتقول انك فتحت الباب لاني مكنتش قفلاه
سيف قعد برود وقال… بس ماعتقدش عمتي تصدق انك مكنتيش قفلاه انتي بالطبيعه لازم بتقفلي الباب عليكي حتى تنامي
غصون اتنهدت بحزن وقالت …امبارح لا غيرت ولا قفلت الباب ولا عملت اي حاجه نمت وبس
سيف اتجمعت الدموع في عنيه على شكلها وقال..ليه يا غصون..ليه تعذبي نفسك وتعذبيني معاكي كده صدقيني ميستاهلش ولا حد يستاهل زعلك ده..خليكي مع الي بحبك انا شاري يا بنت الناس ومش عايز غيرك من الدنيا مش هتندمي اوعدك
غصون وقفت بسرعه وقالت.. تاني يا سيف قولتلك مستحيل لو سمحت اطلع بقى
سيف داس على اسنانو بغضب وقرب منها وشدها عليه بقوه وقال…ليه مستحيل …ليييه انا ينقصني ايه ردي عليا
غصون قالت بسرعه وغيظ..بنقصك ادب واربايه
سيف سابها بدهشه وبعد عنها وقال بسخريه… اه وهو متربي بأماره انه حتى مكلفش خاطره يحكي لك انه هيخطب
غصون قالت بغضب شديد دي حاجه بيني وبينه وانت ما تتدخلش
سيف جذبها عليه بقوه وقال…بينك وبينو … لا هو انتي لسه في بينك وبينه حاجه تتقال
غصون زقتو بعصبيه وقالت..انت ما تتدخلش يا سيف للمره الالف انا حره و
بس قاطعها بغضب شديد وقال… لا منتيش حره وانا مش هسيبك لحد ما تضيعي نفسك ويضحك عليكي بكلمتين وتصدقيه
غصون قالت بغضب شديد انا مش صغيره عشان يقولي كلمتين واصدقهم اتفضل اخرج يا سيف
سيف اتنهد بيأس ومردش واتوجهه ناحية الباب هيخرج.غصون اتنهدت باترتاح انه خلاص هيسيبها ويمشي.. بس التفت لها بسرعه وشدها عليه في لمح البصر كانت ايده محاوطه وسطها والايد التانيه ورا شعرها
اتسعت عنيها بقوه وقالت..فيه ايه هتعمل اي…
بس قاطعها لما ابتلع باقي جملتها بين شفايفو وهو لسه مثبتها دفعها عند الحيط وهو بيبو، سها بجنون وهيه اتخضت جدا وبقت تضر,به جامد و مش قادره عليه
سابها بالعافيه وبص لعينيها الي هيطلعوا من مكانهم من الدهشه وقال بهمس … انا بعشقك… ولا هو ولا الف غيره هيقدرو يحبوكي قدي يا غصون
غصون كانو عيونها مفتوحين على اخرهم ومش بتتكلم وبتبصلو وبس
سيف قال باستغراب …ايه يا بنت مالك غصون.. مالك يا بنت
بس برضو مش بترد وبتبصلو كأنها شايفه شبح و مش مصدقه اللي عمله
سيف ضحك على شكلها وقال بهمس عند ودنها ايه مالك اول مره تتبا،،سي ولا ايه
غصون اتسعت عنيها اكتر ورفعت ايدها لسه هتضر.به بس شد ايدها ورا ضهرها وحوطها وقال لا ما هو مش كل مره تسلم الجره..شوفي علشان انا مش قادر اتحمل وبدل ما اضايقك اكتر هطلع دلوقتي واطلبك من عمتي عايزك توافقي يا غصون وافقي والحقي اللي فاضل من عقلي
سيف لسه هيمشي قالت بغضب شديد… انا قلت لك الف مره لو اخر واحد في الدنيا مش هجوزك والي انت هببته ده دلوقتي اياك تكرره مره ثانيه
سيف بصلهاومرر لسانه على شفايفه بوقاحه وقال.. ما اضمنهاش دي انا لما بدوق اي حاجه حلوه بتعود عليها ومبقدرش انساها..و شفايفك مش حلوين وبس دول الشهد كله قال كده ومشي وسابها واقفه بتبص لطيفه بزهول شديد.. ومش فاهمه تعمل ايه معاه
بعد شويه كان قاعد مع عمته وبيضحكوا جامد وطلعت وهي بتبصله بغيظ وقالت بضيق صباح الخير يا ماما ما شاء الله ايه الضحكه المنوره دي
امها قالت بضحك ده ابن خالك هلكني لو تيجي تسمعي الكلام اللي بيقوله
غصون قالت بضيق وهيه بتقعد على السفره..وهو بيعرف يعمل ايه غير يضحك ..طول عمره مهرج
امها قالت بسرعه…غصون
بس سيف ابتسم وقال.. سيبيها يا عمتي انا مش زعلان منها معذوره اصلها حلت قبل ما تفطر النهارده ومش مركزه
عمتها مفهمتش وغصون بصت له بغيظ وبقت تاكل وسيف قعد كمان يفطر معاها وكان بيبصلها بنظرات جريئه وهي كانت مكسوفه جدا وخايفه والدتها تاخد بالها
غصون قامت بسرعه وقال.. انا تاخرت على الجامعه يا ماما عايزه حاجه
امها قالت.. لا ابدا يا حبيبتي عايزه سلامتك
سيف قال بسرعه انا هوصلك
غصون قالت بضيق.. توصلني ليه انا معايا عربيه
سيف ضحك وقال… وانا مش معايا عربيتي انتي ناسيه اننا جينا في القطر ..انا هوصلك بعربيتك انتي يلا لاحسن تتاخري وطلع بسرعه قبل حتى ما يستنى ردها
غصون اتنهدت بضيق منه ومشيت وراه وهيه هتتجنن من الغيظ
على السلم قالت بغضب.. اقدر اعرف ايه نظرات المراهقين اللي عمال تبصلي بيها قدام والدتي دي افرض كانت خدت بالها
سيف ضحك وقال و فيها ايه …هيه عارفه اني دايب دوب ومش عارف اتوب.
غصون كانت عايزه تضحك وابتسمت بكسوف بس اصتنعت الجديه وقالت..احم..لا غلطان هيه متعرفش حاجه
سيف ابتسم وقال لا عارفه..والدتك ووالدتي واهلك واهلي ومفيش حد ميعرفش اني بموت فيكي وفي عيونك دول
غصون اتنهدت وقالت ..يعني وبعدين يا سيف واخرتها
سيف ابتسم وقال بسرعه…اخرتها تورتايه صغيره ومأذون و 2 شهود وأجرلك فستان ابيض نص عمر كده علشان الميزانيه واخدك واطلع على عزبه جدي هنصيع شويه هناك وبعد كده نرجع على البلد قولتي ايه
غصون كانت بتسمعو بدهشه وبعد كده ضحكت جامد وقالت ..يا سلام بالسهوله دي
سيف ابتسم وقال ..طبعا يا بنتي انا مخطط لكل حاجه متقلقيش
غصون قالت بتنبيه..لا شكرا انا هاستني اخلص الجامعه الاول وانت كمل احلامك لوحدك ..انا باحلم باحلام تانيه خالص انا هبقى دكتوره وهفتح عياده وهتجوز واحد من مستوايا الفكري يعني يا دكتور يا مهندس اي حاجه من الطبقه العاليه دي يعني اكيد مش هبقى دكتوره وانتجوز نقاش معاه دبلوم فهمت كده ولا محتاج اضايقك اكتر
سيف ابتسم ببرود وقال.. لا فهمت بس كل واحد حر في احلامه وبعدين عادي ما تيأسيش وارد جدا تتجوزي نقاش مفيش على ربنا بعيد يعني انا اهوه قدامك نقاش وهتجوز دكتوره فانتي كمان وارد تعمليها بس قولي با رب
غصون بصتلو بغيظ شديد من بروده ولسه هتركب العربيه وقفها كريم وقال بسرعه..كويس اني لحقتك يا غصون ممكن نتكلم
غصون بصتلو بضيق وقالت.. يلا يا سيف خلينا نمشي اتاخرت
سيف لسه هيطلع معاها على العربيه..كريم مسك ايدها وقال .غصون ارجوكي خلينا نتكلم لو سمحتي
سيف لسه هيتدخل غصون قالت بسرعه… لو سمحت استناني هنا خمس دقائق يا سيف .. اتفضل يا دكتور
مشيو سوا على مدخل العماره وقفوا فيه يتكلمو و سيف كان متابعها بنظره وهيتجنن من الغيظ ومش عارف يعمل ايه
غصون وقفت مع كريم بضيق شديد وبصت له وقالت اتفضل اتكلم عايز تقول ايه
كريم اتنهد وقال غصون انتي فهمتي كل اللي حصل ده غلط انا ما حبيتش اجرحك واقول لك اني هعمل كده بس يا غصون انا دكتور ومركزي مرموق صحيح ظروفي الماديه مش قوي بس انا حابب احسنها ..البنت دي والدها مليونير ولو انا ارتبطت بيها هتبقى قدامي فرصه كبيره اعمل المستشفى اللي بحلم بيها وانتي لو بتحبيني المفروض تساعديني على كده
غصون بصلو بزهول شديد وقالت..نعم اساعدك اساعدك ازاي معلش
كريم قال بتوتر ..يعني انا هتجوزها وهكسب كثير قوي وهعيش مبسوط وهحقق احلامي كلها وفي المقابل مش هاستغنى عنك لاني.. لاني بحبك وما اقدرش اعيش من غيرك عايزك انتي كمان ما تستغنيش عني بالسهوله دي وانا اوعدك اول ما اتجوزها ونستقر وكده هتجوزك انتي عارفه طبعا يعني مش هينفع اصارحها بس مش شرط حد يعرف اصلا تلمهم نكون سوا
غصون كانت بتبصلو بصدمه وقالت …اه.. فهمتك مش محتاج تزوق الكلام اكتر.. حضرتك عايز تتجوز واحده تنقلك فوق وتامن لك مستقبلك وتبقى الزوجه المرموقه الواضحه قدام الناس والمجتمع وانا ابقى زيي زي عشيقه بس تكتب عليا فيسر على اساس كده مش بنعمل حاجه غلط وانا بقى المفروض احمد ربنا اني هتجوز حضرتك
كريم لسه هيرد قالت بغضب شديد… انا مشوفتش اوقح ولا ازبل منك … روح للست هانم بتاعتك اللي هتنقلك وتريحك..ومعلش اتعب نفسك وحاول تلاقي واحده ثانيه تخليها على الرف غيري …مش انا يا دكتور غلطت في العنوان
وطلعت لسه رايحه عند سيف اتصدمت بمنظر غريب جدا كان سيف قاعد على طرف العربيه ومجموعه حواليه اربع بنات من سنها وبيجمع منهم فلوس وقال هوصلكم واحده واحده انت قلتيلي بتدرسي ايه
البنت ضحكت وقالت ..فنون جميله
سيف قال بمعاكسه… والله ده انتي اللي جميله… انا على فكره كمان فنون جميله
البنت قالت… ايه ده بجد
سيف قال بسرعه..اه .. وبشتغل رسام كمان
البنت قالت بضحك بترسم على ايه بقى.. فنان تشكيلي يعني
سيف ابتسم وقال… لاطبعا انا لسه هشكيلك وتشكيلي العبد لله بعون ربنا برسم على اي حاجه حلوه في الدنيا انا ممكن ارسم عليكي في وقفتنا دي
البنات ضحكو جامد وغصون قربت عليه وهيه بتبصلو بزهول وقالت.. انت بتعمل ايه
سيف وقف بسرعه وقال… اه اصل البنات متاخرين ومش هيعرفوا يلاقوا تاكسي دلوقتي اوصلك واوصلهم واحده واحده
غصون قالت بزهول اكبر.. انت قلبت العربيه تاكس
سيف ضحك وقال… لا اوبر..علشان يليق مع مركزك المرموق يا دكتوره يلا اطلعي
غصون مشيت بغيظ وركبت وقالت… يا رب صبرني بس
سيف ضحك وركب جنبها من قدام والبنات ركبوا من ورا وطالع علشان يوصلهم
فعلا وصلهم وقال لغصون انا هاجيلك على معاد رجعتك هرجعك ماشي
غصون قالت تمام
ودخلت بسرعه على الجامعه هو بص لطفها بابتسامه جميله ومشي
غصون بقى دخلت الجامعه وكان يوم صعب جدا عليها وخصوصا انه كريم دكتور في الجامعه والبنت اللي خطيبها كمان بتدرس معها كان الكل بيهنوا كريم والبنت على خطوبتهم .. وفي كتير اللي بيبص لغصون بيتهامسوا عليها لانهم كانوا عارفين انها على علاقه بدكتور كريم
وعدى اليوم بصعوبه وغصون طلعت وقفت بره مستنيه سيف يجي ياخدها بس اتقدم عليها شاب وبقى يضايقها ويعاكسها وهي بقت تبعد منه كل شويه بس ما فيش فايده بقى يروح وراها ويضايقها قوي
كريم طلع من الجامعه وهو ماسك ايد خطيبته وبيضحكوا سوا واول ما شاف الشاب الي بيضايق غصون كان هيتقدم عليها بس خطيبته مسكت ايده وبصت له بتحذير لانها عارفه الي كان بين غصون وخطيبها
كريم تنهد وراح ناحيه عربيته وغصون نزلت دموعها لما خدت بالها انه شافها ومرضاش يروح يساعدها وصرخت في الشاب بغضب وقالت ..انت خليك بعيد عني بقى ايه السفا،،له دي
الشاب حط ايده على ايدها وقا..ل في ايه يا جميل حد مضايقك ولا ايه اذا الدكتور خلع انا موجود
بس اتفاجئوا بصوت سيف بيقول… وانا كمان موجود وبصل للشباب الي كانو واقفين بعيد وقال كلنا موجودين ولا ايه يا شباب
الشباب ضحكوا وغصون جريت عليه هو بص للشاب بغضب ومسكه من فكه وقال ..اسمك ايه يلا
الشاب قال بارتباك…هاني..اسمي هاني
سيف قال بغضب..طيب يا هاني لو لقيتك قريب منها تاني هقلبك تهاني..سمعت.. يلا بقى اعتذر للدكتوره بدل ما تاخد الحقنه وانا ايدي تقيله
هاني مكانش متوقع انو ممكن يتورط مع حد من قرايبها لانه دايما بيلاقيها لوحدها.. وخاف من نظرات سيف ومسكته القويه ليه وقال بارتباك.. انا اسف انا اسف حضرتك
سيف زقه بغضب وقع على الرصيف وشدها من ايدها وبص لهاني وقال بسخريه …اه..ابقى سلملي على ماما
هاني قال بارتباك وانت تعرف ماما منين
سيف قال بسخريه ..مدام ربتك انت تبقى اكيد معرفه قديمه او يمكن جديده انت وحظك بقى قلهاسيف زينهم الي تاعبهم ..اكيد هتعرفني وغمزلو وشد غصون ومشي و الشباب بقم يضحكوا عليه
سيف اخذ غصون و طلع بيها على العربيه ومشيو وغصون طول الطريق كانت بتبكي ومش بتسكت
سيف اتنهد وقال خلاص.. خلاص بقى كفايه عياط اهو اخذ جزاؤه
غصون قالت بدموع ..انا مش زعلانه على كده انا زعلانه علشان كريم شافني وعلشان كانت خطيبته معاه مرضيش يتكلم تخيل
سيف اتسعت عنيه بدهشه وقال بغيظ شديد… بقى انتي بتعيطي كل ده وصدعتي امي طول الطريق علشان الباشا شافك ومعملش فيها سبايدر مان…عارفه انا الحق عليا لو اعرف ان هو ده الموضوع اللي مضايقك مكنتش اتدخلت و كنت سبتك ليه هناك يملطك في الشارع
غصون قالت بغيظ انت ازاي تقولي كده ايه قله الادب دي..وبعدين انا مش محتجاك واكيد عمري ما كنت هسيبه…ي..ي
بس سكتت بخجل ومقدرتش تقول جملتو وقالت..قصدي طبعا مش هسيبه يعمل كده.. وبعدين انا شكرتك وخلصت
سيف قال بغضب شديد.. اه شكرتيني كتر خيرك والله شكرتيني وباقي الطريق بتبكيلي عليه .. انا هتجنن مش عارف عاجبك في ايه صرصار البلاعات ده… ده فاضله تكه ويتحط على علب السجاير جاتك القرف فيكي وفي ذوقك
غصون ضحكت جامد على غيرتو وكلامه وقالت.. مش كل حاجه بالجمال اديك انت جميل وتافه
بقلم…زهرة الربيع
سيف قال بضيق شديد… انا تافه فعلا عشان بجري ورا واحده زيك
وبقى يسوق بغضب واتجمعت الدموع في عنيه ومش قادر يستحمل اكتر من كده
غصون ابتسمت بحزن على شكله لانها عارفه شعور الغيره كويس ومرت بيه النهارده كتير قوي ابتسمت وقالت برقه…سيف
سيف قال بضيق شديد.. عايزه ايه من زفت
غصون ضحكت وقالت ممكن توقف العربيه
سيف قال وهو بيسوق … مفيش حمامات هنا استني لما الاقيلك شجره اقف عندها
غصون بصت له بدهشه واتسعه عينيها بصدمه من كلامه
سيف بصلها باستغراب وقال.. ايه ..بتبصيلي ليه
قالت بضيق ودهشه ..شجره..تصدق انا غلطانه اني بحاول اصالحك اصلا
سيف ضحك على شكلها وقال ..بهزر معاكي هنعدي الاشاره دي واقف
وفعلا وقف على جنب من الطريق وبص لها وقال.. نعم عايزه ايه بقى
غصون بصت لعيونه جامد وقالت.. انت جميل قوي يا سيف وطيب قوي وراجل قوي قوي..مش شرط تكون ناقص حاجه علشان انا محبتكش عادي ممكن اكون انا اللي غبيه و
بس سيف قال بسرعه …في دي معاكي حق غصون بصتلو بدهشه وقالت… نعم
سيف ابتسم وحط ايده على خدها وقال وهو بيبص لعيونها.. بس احلى غبيه شوفتها…انا انا بحبك يا غصون قلبي وجعني قوي بحاول.. بحاول احب غيرك بس مش قادر والله ..انا مستعد اعمل اي حاجه علشانك
غصون اتنهدت بحزن وقالت صدقني يا سيف يمكن انت تستاهل واحده احسن بكثير
سيف اتنهد بيأس واضح من كلامها ان مفيش فايده ساق عربيه تاني وهو باصص قدامه وقال.. تمام يا غصون انا مش هضايقك تاني
غصون قالت بارتباك.. سيف انا
سيف شاور لها بايده بمعنى تسكت وقال الموضوع ده انتهى مش عايز اتكلم فيه وزي ما قولتلك مش هضايقك تاني.. ده هيبقى اخر حديث بينا وغمز وقال بمرح… لحد ما نوصل البيت يعني بعد كده ابقى احاول تاني
غصون بصتلو بدهشه كانت فكراه بيتكلم جدا واتنهدت بيأس وهيه بتبتسم بخفه على جنانه وهو فضل سايق بابتسامه لحد ما وصلوا البيت
بالليل كان سيف وعمته في المطبخ بيحضروا العشا وهو قال بضيق شديد… بس ادي كل الحكايه..يعني لسه بتحبه..وبترفضني بنفس الطريقه الي مش لاقي لها اي مبرر..واتنهد وقال …اوبمعنى اصح انا عارف المبرر بس مش قادر يعني اغير حاجه في اللي حصل اضطريت اختصر شويه في تعليمي علشان تعب بابا وماما اضطريت اقف معاهم انا عارف اني ما اناسيبهاش بما انها هتبقى دكتوره وكده ..بس انا مستعد اقف معاها لاخر ثانيه وانتي عارفه ان عندي فلوس كثير والحمد لله من تجارتي والاراضي الي اشترتها ده غير اني عندي المهنه بتاعتي يعني عمري ما هاخد منها قرش ولا
عمته قالت بسرعه انت بتفكر في ايه يا ابني انت فاكر انها هتحسبك طماع …طب على ايه يا حسره دي لسه هتبتدي ومحتاجه فلوس الدنيا على ما تفتح العياده بس انت عارف هي في حكايه التعليم دي محبكاها شويه
سيف ابتسم بحزن وقال ..هيه معاها حق التعليم مهم ..يارتني كملت و
بس قطع كلامو لما جاتلو فكره وقال بسرعه…طب ولو انا كملت تعليم دلوقتي
عمته ضحكه جامد وقالت .. تكمل دلوقتي ازاي بعد ما شاب ودوه الكتاب
سبف ابتسم بسعاده وقال مش مشكله هكمل علشان عيونها اكمل من البيت اون لاين واروح للامتحانات وبس
عمته قالت انا لو عليا اتمناك عروسه لبنتي من غير اي حاجه بس هي بنت غبيه
سيف قال بسعاده انا هروح اقولها على فكره دي
عمته قالت…وناديها للعشاء كمان
سيف راح جري على اوضتها وفتح الباب بحماس ودخل وقال غصون انا
بس اتسعت عينيه بشده وهي شهقت جامد لانها كانت طالعه من الحمام ولافه الفوطه عليها وبتنشف في شعرها بقت تبص له بذهول وقالت بغضب.. انت ازاي تدخل كدددده…اخرج بره حالا
بس اتصدمت بيه دخل وقفل الباب وراه وهو بيبصلها جامد
غصون قالت بخوف..سيف اطلع حالا .. هنادي لماما و
بس قاطعها وقال.. هي الدكتوره فين وانتي مين اصلا
غصون ابتسمت بكسوف وقالت.. سيف عيب كده اطلع لو سمحت
سيف قرب اوي هو بيبص لعينيها جامد وقال بهمس..انا كمان هموت واطلع ..عايز اطلع القمر بس القمر مش راضي
غصون عضت على شفتها بكسوف وقالت.. ارجوك اطلع وانبي يا سيف
سبف قرب من شفايفها وهي غمضت عنيها قوي وهيه بتقول.. والنبي والنبي ما تعمل كده تاني يا سيف وانبي..
سيف بلع ريقه بارتباك وقال مش هقدر..والله ما هقدر
بصتلو بدهشه وهو شدها من وسطها بكل قوته والتهم شفايفها بشفايفه بجنون وعمق
غصون سندت اديها على كتافه من الخضه وبقت تحاول تضر.به وتزقه بس مش قادره عليه ابدا بعد عنها علشان يتنفس وقال…هموووت يا بت يخربيت جمال امك
غصون دفعته بعيد عنها وقالت.. حيوان بجد انا الغلطانه كان لازم انادي لعمتك وفرجك.. اطلع بره حالا لانادي لها حالا
سيف ابتسم بخبث وهو بيبص لعيونها وقال..هو صحيح انتي ليه مش بتناديلها لما باجي هنا..خايفه عليها ولا خايفه عليا
غصون ارتبكت جدا وفعلا بقت تفكر ليه مش بتناديلها بس قالت بسرعه..انت عايز ايه دلوقتي
سيف قال بارتباك ..انا.. انا جاي علشان اقولك كنت عايز عايز ..انا نسيت كنت عايز ايه بس هفتكر
غصون ضحكت على ارتباكو وشدت الروب بتاعها لبسته بسرعه فوق الفوطه وقالت.. ها كده افتكرت عايز ايه
ضحك ومشى ايده على شعره بحرج وقال ..اه افتكرت جيت اقواك اني هاكمل تعليمي.. علشانك ايه رايك هنجح واخد الشهاده اللي انتي عايزاها ها هتديني فرصه
غصون اتسعت عينيها بزهول وصعب عليها جدا لانها عارفه ان القرار ده مش سهل عليه نزلت عيونها في الارض وقالت بارتباك.. ارجوك يا سيف ما تضغطش عليا.. احنا مش هننفع مع بعض صدقني لا حياتنا ولا طريقتنا تنفع انا اتربيت هنا في الاسكندريه طول عمري وانت لا في حاجات كتيره مختلفه ارجوك بقى ما تضايقنيش وتخليني اضايقك كمان انا بزعل جدا عليك
سيف حس بيأس شديد ولمعت عينيه بالدموع وبصلها بسخريه وقال ..تزعلي عليا لا ابدا انا ما يرضينيش زعلك حتى لو كان عليا
و لسه هيخرج بس قالت.. سيف انت زعلت
سيف نزلت دمعه من عيونه مسحها بسرعه وقال بغضب وهزعل ليه الي خلقت ما خلقش غيرك..بص لعيونها وهيه بتبصلو بدموع وعيونها بيلمعو واتنهد وقال ..بس مخلقش ذيك ابدا يا غصون
قال كده ومشي من قدامها وهو بيقول.. ابقي تعالي كلي الأكل جاهز
وطلع من عندها وهيه بقت تبص لطيفه بابتسامه جميله وبصت للمرايه وهيه بتلف باعجاب اول مره تحس بجمالها اول مره تحس انها مبسوطه بالعشق الواضح اللي في عيون قعدت على السرير وقالت.. انا بفكر في ايه معقوله اتنهدت ولبست وخرجت علشان تتعشي
ثاني يوم سيف وصلها على الجامعه عادي وكانو طول الطريق بيتكلموا وكانت لاول مره مبسوطه بوجوده معاها وهو وصلها ورجع على البيت وهو مبسوط جدا وحاسس بامل في معاملتها
بعد الضهر بقت تستناه يجي ياخدها بس اتأخر جدا فاضطرت توقف تاكس اتنهدت بغيظ منو ولسه هتركب كان طالع كريم هو وخطيبته
خطيبته قالت قاصده تغيظها ايه ده غصون هتركبي تاكس ولا ايه اه ما انت عربيتك قديمه زمانها عطلت تفضلي معانا نوصلك
بقلم…زهرة الربيع
غصون بصيت لها بغضب شديد وكانت متغاظه جدا من سيف لانه حطها في الموقف ده ولسه هتركب سيف وصل ونزل من العربيه وقال انا اسف اتاخرت قوي كان معايا موضوع كده بخلصه و
بس قبل ما يكمل كلامه انفجرت فيه بغضب وقالت ايه اللي بتخلصه بعربيتي لما حضرتك هتتاخر ما سبتليش العربيه ليه مش كفايه سايبهالك تقضي مشاويرك بيها
سيف اتسعت عينيه بزهول من كلامها اللي قالته قدام كل الطلاب اللي كانوا واقفين
قال بارتباك..اهدي يا غصون وطي صوتك مش كده الناس بتتفرج علينا.. هو كان حصل ايه يعني لكل ده انا بقول لك اتاخرت شويه اصل كان معايا موضوع ثاني
غصون بصتلو بغضب وقالت.. انت لا عندك ذوق ولا عندك اي احساس طبعا انت هتفهم الحاجات دي ما انت واحد متربي في الزروع مع المواشي..هتفهم ازاي اني مينفعش اقف وقفه زي
سيف اتسعت عنيه بصدمه وقال بغضب ..انتي واخده بالك بتقولي ايه
غصون قالت بغضب..اه واخده بالي كويس لكلامي.. ولو سمحت بقى عربيتي ثاني ما تركبهاش وتسبهالي هنا ..لان طبعا حضرتك معندكش فكره عن الموقف السخيف اللي حطيتني فيه والاشكال الزباله اللي اضطريت اتكلم معاهم.. قالت كده هي وبتبص على خطيبه كريم اللي اتجاهلتها وركبت هي وكريم العربيه
سيف ضحك بسخريه ووجع وعيونه اتملت بالدموع وقال …اه لا كده معاكي حق انا اسف فعلا .و طلع مفتاح العربيه وقالت اتفضلي مفاتيح عربيتك الغاليه اهي انا لاهسوقها تاني ولا هروح معاكي اصلا ..الظاهر ما فيش فايده انا بتعب نفسي على الفاضي.. ان شاء الله تتهني وتلاقي الي يفهم ويقدر وقفتك الغاليه دي حد ذوق ومتعلم زي ما انت عايزه..والاهم ميكونش عايش مع المواشي… قال كده بمنتهى الالم ومشي حرفيا قلبو بينزف
اول ما بعد عنها خطوات نزلت دمعه على خدو كان مانعها بالعافيه وحط ايده على قلبه اللي كان بيدق بوجع وقال..كفايه..كفايه بقى خلي عندك دم
غصون بقت تبص لطيفه بدموع عايزه توقفه ومش قادره غمضت عينيها بغضب من نفسها ومن الكلام اللي قالته…طلعت بالعربيه على البيت وهيه بتبكي على كل كلمه قالتها
فضلت في البيت زعلانه جدا ومستنياه يجي لحد بالليل جات والدتها بغضب وقالت.. انتي زعلتي سيف
غصون قالت بارتباك.. لا يا ماما هزعله ليه بس
امها قالت بغضب.. امال ساب البيت ومشي ليه انا دلوقتي كلمت مرات خالك وقالت لي انه رجع على البيت حتى مجاش خد شنطتو وقالت انو قافل على نفسو ومش بيكلم حد
غصون نزلت دموعها بالم وقالت…ايوه..انا زعلته للاسف علشان اتاخر عليا بس بس والله انا
بس امها قاطعتها بغضب شديد وقالت تعرفي هو الي حما..ر ..علشان بيجري ورا واحده زيك انانيه وما عندهاش احساس
غصون قالت بدهشه انا يا ماما
امها قالت بسرعه اه انتي..الواد مخلاش حاجه معملهاش وانتي كل شويه تهينيه وتقللي منو… ايه يعني ظروفك كانت احسن من ظروفه وكملتي تعليمك.. اللي سيف حققه لا انتي ولا غيرك تقدرو عليه.. دول كانوا طالعين من فقر وما كانش حيلتهم اي حاجه وابوه كان تعبان وامه كمان وفضل جنبهم صحيح فات تعليمه بس قدر يحقق نفسه وعمره ما اتحوج لحد .بقى عنده اراضي واملاك وكل ده بمجهوده بعرق جبينه على كتافه لوحده …عايزه تعرفي هو تاخر عليك ليه يا حبيبتي روحي على العنوان ده ياغصون وانت تعرفي
امها سابت لها ورقه على الطاوله بغضب ومشيت
غصون مسكت الورقه ولقيت فبها عنوان لجنينه قريبه من المكان طلعت بسرعه وركبت العربيه وراحت على هناك
اول ما وصلت اتفاجئت ان المكان كله محجوز وبيعزفوا لها لحن اغنيه عيد ميلاد وفي طاوله متحضره وعليها تورته عليها صورتها بقت تبص للكان بدموع افتكرت ان النهارده عيد ميلادها ومحدش افتكرو غير سيف هيه نفسها نسيته اتقدمت ناحية الطاوله
قرب عليها واحد وقال… ايه ده حضرتك لوحدك امال خطيبك فين ده طول اليوم هنا بيجهز في المكان على ذوقه غصون بصت للمكان بدموع وكان على ذوقها هي مش ذوقه هو نفس الحاجات الي بتحبها نفس الورود نفس الزينه وقفت عند الطاوله اللي جهزها وكانت طاوله لشخصين وعليها علبتين هدايا واحده مكتوب عليها لغصون والثانيه مكتوب عليها للدكتوره غصون
غصون ابتسمت بدموع ومسكت العلبه فتحتها لقيت فيها سماعه طبيه حديثه وجميله وورقه مكتوب فيها..اول اجهزه العياده يا دكتوره
غصون ابتسمت ودموعها بتنزل اكتر ومسكت العلبه الثانيه فتحتها وكان فيها البوم صور فيه صورها وهي طفله كل الصور اللي كانت كل ما تزور البلد عندهم يصورهالها وصور كثيره معاه جميله جدا ودبدوب احمر وورق مكتوب فيها ..اما دي لصوصو حببتي القمرايه بحبك بكل حالاتك
غصون قعدت على الكرسي وهي دموعها بتنزل بحزن شديد مش مصدقه اللي قالتهولو ولا انها زعلتو بالطريقه دي وهو كان طول الوقت هنا بيجهز لها لعيد ميلادها وصارف كتير جدا على المكان فضلت تعيط شويه بس بعد كده مسحت دموعها ومسكت العلبه اللي فيها الدبدوب والبوم الصور وسابت العلبه الثانيه وطلعت جري من المكان على محطه القطر
اما سيف كان في اوضتو قاعد ماسك تليفونو وبيقلب في صورها فيه..وقال بدموع للدرجادي انا قليل لدرجادي انتي كتيره عليا يا غصون..ده انتي كنتي امنيتي الوحيده من ربنا.. ورمى التليفون على السرير وقال بغضب من نفسه..بس بقى ده انت عيل مهزأ انساها بقى انت معندكش كرامه
وحاول ينام وصورتها مش مفارقه خياله
بعد شويه فاق على ادين بتلمس وشه بحنيه فتح عينه بنوم و اتصدم بشده وهو شايفها قدامه قام بزهول و بقى يفرك في عينه بدهشه
غصون ضحكت و قالت.. عاجبني يا ملبس ونفسي فيك ادبس
سبف ابتسم بسعاده لان دي نفس الجمله اللي قالها لها في القطر وقال …انتي هنا… جيتي امتى هو انا بحلم ولا ايه
حطت ايدها على خده وقالت .. لا مش بتحلم يا استاذ سيف انا اهو قدامك تعرف انك وحشتني في الشويه دول
سبف كان بيبصلها بزهول شديد ..بس اتصدم اكتر لما قربت منو وقالت بهمس عند شفايفه.. وحشني كل كلامك وكل جنانك الطريق اللي عدت عليا بوجودك كانها 10 دقائق هيه نفس الطريق اللي عدت عليا في بعدك كانها 10 سنين..ونزات دموعها وقالت بندم… انا اسفه سامحني يا سيف ارجوك تسامحني لو حبيتني يوم واحد
سيف ابتسم بسعاده من جواه ولمعت الدموع في عينيه وقال..يوم واحد..ده انا بدور على يوم واحد مكونش حبيتك فيه مش لاقي…بس افتكر كلامها وقال بضيق…بس خلاص مبقتش عايز الحب ده انا فعلا مناسبكيش
ولسه هيبعد مسكيت ايده وقالت بدموع….حتى لو قولتلك تني محتجالك…ومش قادره على بعدك…حتى لوقولتلك اني مبقتش عايزه حاجه من الدنيا غيرك..هتسبني برضو يا سيف هتسيب حببتك بعد ما جات المشوار ده كلو علشانك
سيف مكانش قادر يبعد رغم كل ده بصلها بدموع وقال.. هو انت بجد جيتي هنا علشاني
غصون هزت راسها بالموافقه وقالت بابتسامه.. مش مصدقه انك عملت كل ده علشاني … وطلعت علبه الهدايا وقالت بس انا جيبت دي بس علشان دي لغصون صوصو حبيبتك انما الثانيه بتاعة الدكتوره غصون دي مش وقتها خالص
سيف ابتسم وقال بعشق..بس انا بعشقك في كل حالاتها دكتوره ولا مش دكتوره زي ما تكوني بحبك
غصون قربت منه اكتر وقالت بهمس في ودنو…انا كمان شكلي كده طبيت
سيف اتسعت عيونه بصدمه وقلبو بيرقص بسعاده من جواه وهو مش مصدق اللي قالته قال… احلفي عظيم بيمين يا بت
غصون ضحكت جامد وقالت.. والله العظيم حبيتك بكل حاجه فيك عايزه اعيش معاك انت وبس زي ما انت عايزاك بكل حالاتك مش عايزه اغير فيك اي حاجه..بس نفسي تسامحني
سيف حط اديه على خدودها وقال..وانا مستعد اغير كل حاجه فيا لعيونك اهم حاجه تبقي مبسوطه وراضيه بوجودك معايا وشدها لحضنه بقوه
غصون بقت تحضنه جامد وقالت.. يعني سامحتني
سيف قال بمرح.. يا بت عادي ولو مكنتيش جيتي كنت هزعل شويه وارجع احاول تاني انا مهزأ اصلا
غصون ضحكت جامد وقالت انت عاشق..والعاشق قلبو مش ملكو وديما بيسامح
ابتسم وهو بيضمها بقوه.. بس هيه حمحمت وقالت طب ممكن تسيبني بقى لاحسن حد يدخل منظرنا يبقى زباله
سيف ابتسم وقال..مش هيبقى زباله لان هتجوزك وقتي
غصون ضحكت وقالت..وقتي ايه طب مش نستنى لبعد الامتحانات حتى
سيف قال بسرعه و لا يوم ثاني هتمتحني في حضني هنا وحط جبينه على جبينها وقال بمشاكسه ..انا استاذ واعرف اساعدك في الامتحان
غصون ضحكت وقالت ده انا هسقط السنه دي يعني هسقط
سيف باس خدها بخفه وقال عمري ما هسيبك تسقطي حتى لو خطفتلك المصححين كلهم
غصون ضحكت وهو ابتسم بارتياح وقال …خليكي جمبي بحبك يا غصون واخيرا ربنا تستجاب دعايا ورد صبري فيكي خير
غصون ابتسمت وهبه مبسوطه جدا بالعشق اللي في عيونه وقالت وانا مبسوطه انك نصيبي
سيف قال يعني ما انتيش زعلانه علشان انا نقاش وانتي هتبقي دكتوره ..انا لو مكانك موافقش الصراحه احسبيها بالعقل شويه
غصون ضحكت وقالت الدكتوره عشقتك زي ما انت..احلى نقاش نقش على القلب اسمو باحتراف واجبرتو يفتح ابوابه ويلعن العقل الف مره لو اتكلم
تمت