بنت السارق سالي مصطفى ج 1

الفصل التاسع ….

وفى صباح اليوم التانى قامت ماسة وملك بمزاج رايق اوووى اول ليلة فى بيت ابوهم ….. وخرجوا من اوضتهم لقوا سهر وابوهم صاحين وقاعدين بره …..

ماسة وملك بصوت واحد بمزاج جيد : صباح الخير يابابا …

سليم : صباح النور ياحبايبى …. يارب تكونوا ارتحتوا فى النوم ….

ماسة بابتسامة : اه طبعا يابابا ….. ارتحنا اوووى هنا …

سهر بغيظ : ومفيش صباح الخير ياسهر …. بابا بس …

ملك بضحكة : لا ازااااى ….. صباح الخير عليكى ياسهر …..

سهر بعصبية : طب يلا بقى انتى واختك على المطبخ ….. حضروا معايا الفطار …..

بصتلها ماسة من فوق لتحت بقرف كده …… وراحت اعدة جمب ابوها …..

غمزت ملك اختها وقامت بسرعة وقالت : تعالى ياسهر انا جاية احضر معاكى الفطار …..

اتعصبت سهر اوووى من طريقة ماسة معاها واخدت ملك وراحوا يحضروا الفطار …… وبعد ما فطروا ….. نزل سليم من البيت وراح على شغله وساب البنات مع سهر فى البيت …….

سهر بقرف : وانتوا مروحتوش كليتكم ليه بقى النهاردة ؟؟

ماسة مسرعة : اصل بابا كان واحشنا اوى وكنا عاوزين نعقد معاه …… عندك مانع ولا ايه ياسهر ؟؟

سهر : لا معنديش …..كويس احسن برده ……. عشان انا محتاجة حد يساعدنى فى البيت مش بقدر لوحدى واديكى شايفة البيت كبير عليه ازاى ياماسة …… ابوكى مش حارمنى من حاجة …..

قاطعتها ماسة بغضب وقالت : لا انتى مش واخدة بالك من حاجة …… احنا مش جايين هنا خدامين لحضرتك …… احنا هنا فى بيت بابا ….. يعنى …

قاطعتها ملك بسرعة وقالت : مااااسة ايه ده انتوا حتتخانقوا ولا ايه ؟؟

ماسة بغضب : انتى مش شايفة ياملك طريقتها وكلامها المستفز ….

سهر : انا مقصدش اللى انتى فهمتيه ده ياماسة ….. بس انا هنا غير ماما فى البيت ….. يعنى انا مش حشوف غير طلبات جوزى وبس …. اظن فهمتونى ….

ملك : واحنا مطلبناش منك حاجة ياسهر …..

وبصتلها ماسة من فوق لتحت باحتقار وقالت : يلا ياملك على اوضتنا متقفيش تتكلمى معاها …..

واخدت ماسة اختها ملك ودخلوا على اوضتهم …..

ملك باستغراب : ايه الست دى ؟؟ ده احنا لسة اول يوم معاها ……. حنفضل فى قرف كده علطول ياربى …. هيه بتزهقنا من اولها ……

ماسة بضيق : انا مش عارفة ازاى بابا متجوزها دى ….. بابا قالى لو زعلتك قوليلى ……. بس انا مش حقوله على اللى حصل ده ……..

عشان ميزعلش ويقول اننا بنعمل مشاكل معاها من اولها مهما كان دى مراته ….. مع انها هيه اللى بدأت وعصبتنى بطريقتها المستفزة ….

ملك : ماشى ياماسة …….. بس انا مش مرتاحة برده ….. ولا مرتاحة هنا …..

ماسة : ده الطبيعى حد يعيش مع الست دى ويرتاح ……. بس حنعمل ايه احسن برده من جوز امك …..

ماسة مسرعة : افتكرت …….. عندى خبر حلو اوووووى ياملك …..

ملك متلهفة : ايه ؟؟ قولى ياماسة …. نفسى فى حاجة تفرح بقى ….

ماسة : جاسر ياملك …. كلمنى امبارح وقالى ابلغ بابا انه عاوز يقابله ويتعرف عليه ………. انا اتشغلت امبارح ونسيت اقولك على الخبر ده ولا قولت لبابا …….. اول لما بابا ييجى من الشغل حقوله …..

ملك : مبروووووك ياماسة فرحتينى ….. بس انتى قولتى لجاسر على ظروفنا دى والعيشة اللى احنا عايشينها عشان يبقى عارف …..

ماسة : اه ياملك قولتله على كل حاجة طبعا …. وده اللى خلاه يسرع الموضوع اكتر ……. ويكلم بابا بسرعة ……. وقالى مروحش بيت ماما تانى ….

ملك : يارب بابا يوافق … ويكملك فرحتك على خير ياماسة ….

ماسة : يااااااارب ياملك …..

ملك بوجع : سيف واحشنى اووى ياماسة …… وعايزة اشوفه اوووووى …..

ماسة : بكره ان شاء الله ياملك …..حنروح الكلية وتشوفيه ….

وفى نهاية اليوم …. وصل سليم البيت ودخل على اوضة بناته علطوووول وقال : عاملين ايه ياقمرات مبسوطين ؟؟

ماسة بفرح : اه يابابا مبسوطين ….. وعندى خبر ليك حلو اوووووى كمان …..

سليم بلهفة : قولى ياماسة فرحينى ….

ماسة : فيه واحد عاوز ييجى يقابلك ويخطبنى منك ….

سليم متفاجا : معقول ياماسة …. ده احلى خبر سمعته …. خليه ييجى مستنى ايه …

ماسة : هوه بس مسافر فى شغل واول ماييجى من السفر حييجى يقابلك علطول …..

سليم : بتحبيه ياماسة ؟؟

اتكسفت ماسة وبصت لابوها بخجل …… وهزت راسها شوية لتحت …. وقالت : اه يابابا …..

سليم : مبروووك ياماسة ….. وانا موافق مقدما مدام بتحبيه اوى كده ….

ماسة بفرح : بجد يابابا …. موافق …..

سليم : طبعا موافق مدام بتحبيه وهوه بيحبك يبقى مفيش مشكلة ………. قوليله انى عاوز اشوفه بسرعة واتعرف عليه ……..

ماسة : حاضر يابابا …

سليم : كبرتى ياماسة وبقيتى تحبى ……. عقبالك ياملك لما افرح بيكى ……

وفى نفس اللحظة دخلت سهر اوضة البنات وقالت بضيق : كل ده ياسليم كلام مع البنات من اول ماجيت من الشغل وسايبنى ……

سليم : تعالى ياسهر … اسمعى الخبر الحلو ده ….. ماسة جيلها عريس ……

سهر بفجاة : معقول …. مبروك ياماسة ……

ماسة بتنهيدة : الله يبارك فيكى ياسهر ….. بس لسة مفيش حاجة تمت يعنى ….

اتغاظت سهر وبان عليها الغيظ والضيق من ماسة وطريقتها معاه ….. راحت خرجت بره الاوضة وراحت على اوضتها …….

وبعد ما ناموا كلهم بليل …. كلمت ملك سيف على الموبايل وقالتله انها عاوزة تقابله بكره ضرورى ……. وقالتله يجيلها بعد الكلية وانها عاوزة تشوفه …..

وفعلاا ….. تانى يوم وهيه خارجة من الكلية لقت سيف مستنيها على الباب ……

ملك : يعنى مكنتش اكلمك واقولك عاوزة اشوفك ….. متكلمنيش ولا تيجى من نفسك …….

سيف : كنت زعلان منك الصراحة …… عشان مردتيش عليا فى الموضوع اللى كلمتك فيه ……..

ملك : موضوع ؟؟ انهى موضوع ؟؟

سيف : سيبك دلوقتى وطمنينى عليكى الاول …. عاملة ايه ؟؟

ملك : زفت ياسيف ….حاجات مش حتتوقعها ياسيف من اول ماسيبتك ……

سيف : ليه كده ايه اللى حصل ؟؟

ملك : انا سيبت البيت عند ماما …….

سيف باستغراب مصطنع : معقول ؟؟ وروحتى فين يعنى ؟؟

ملك : ماما اتجوزت ياسيف وتصرفات جوزها مش حلوة خالص معانا…. وقح وقليل الادب يعنى …… وسيبنا البيت وروحنا عند بابا ……

سيف : ياااه كل ده حصل فى اليومين اللى سيبتك فيهم ….. ومرتاحة مع مرات ابوكى بقى ولا لا ؟؟

ملك : لا مش مرتاحة خالص ياسيف وتصرفاتها وحشة معانا زى ماتكون عايزة تطفشنا وتمشينا من البيت ….. اتخنقت من كل حاجة ياسيف …….. نفسى اعيش زى ماكنت عايشة زمان مع بابا وماما فى بيت واحد ……

سيف : واختك ماسة مرتاحة مع مرات ابوكى ولا زيك ؟؟

ملك : مش طيقاها اكتر منى بس حتعمل ايه بتقول احسن من جوز امى برده ….

بس ماسة فى عريس جايلها قريب …….. ولما عرف كل اللى حصل ده قالها انه حيسرع موضوع الجواز ………. وقالها متروحش عند ماما تانى …….

يعنى ايامها حتبقى قليلة فى بيت بابا …… انا اللى مش عارفة حعيش ازاى كده …….. لقيت نفسى مخنوقة كلمتك ……

سيف : عشان تعرفى انك متقدريش تستغنى عنى ……. وكلمتينى عشان عارفة انى اكتر واحد بيحس بيكى …… وعشان كده انا قولتلك الحل وانتى اللى مش عاوزة ياملك …..

ملك باستغراب : انهى حل ده ياسيف ؟؟

سيف : انك تجوزينى ياملك …. فكرى شوية صح بقى ….

ملك بغضب : انت بتقولى عرفى ياسيف ….. انا عاوزة اتجوزك مقولتش لا ……. بس شرعى وتروح تكلم بابا ….. مش من وراه زى مااختى ماسة حتعمل هوه ده الصح …….

سيف : طب ممكن تهدى شوية وتسمعينى ….

ملك : اتفضل ياسيف سامعاك …..

سيف : احنا حنجوز عرفى مؤقت بس ياملك لحد ما انتى تخلصى كليه وانا تكون امورى كلها اتظبطت عن كده واقدر اجبلك كل اللى بتحلمى بيه …….

ومنها برده تكونى ارتحتى من جوز امك ومضايقته ليكى ……… وارتحتى من مرات ابوكى وتصرفاتها معاكى ………وحتعيشى معايا فى شقتى انا وانتى لوحدنا وتبقى على راحتك فى كل حاجة ومحدش حيضايقك فى حاجة ………..

انا عايش لوحدى فى البيت …….. مؤقت بس ياملك بعد كده ادعى ربنا يقدرنى وانا اجبلك قصر ده عشانك انتى ياملك مش عشانى على فكرة ………. قولتى ايه …..

ملك : واقول لبابا انا فين بقى ؟؟

سيف : شغلى مخك شوية ياملك دى فرصة …………. .. قولى لابوكى انك مش متحملة تعيشى مع مراته وحترجعى عند امك تانى …….وتيجى تعيشى معايا وابوكى وماسة عمرهم ماحيعرفوا انتى فين ؟؟

ولا حيتكلموا مع امك عشان زعلانين منها ……… يعنى باختصار كده لو امك كلمتك حتقولى عند بابا ولو ابوكى كلمك حتقولى عند ماما وانتى قولتى ان اختك مش حتروح لامك تانى يعنى محدش حيعرف حاجة وحنبقى انا وانتى مع بعض ….. هاا قولتى ايه ؟؟

ملك : انت دماغك دى ايه ياسيف …. مصيبة …..

سيف : انا بقول كده عشان خايف عليكى ياملك وعاوز اخرجك من اللى انتى فيه ……… ومش عاوز اشوفك حزينة كده انا حسعدك ياملك وحيبقى اسمك عايشة مع جوزك …….

ولو حصل اى حاجة وابوكى عرف حاجة عن علاقتنا انا حطلبك منه رسمى وحتجوزك شرعى اطمنتى بقى ولا لسة ؟؟

ملك بقلق : مش عارفة ياسيف سيبنى افكر ……

سيف بغضب : انا المفروض انى سايبك من المرة اللى فاتت بتفكرى برده ……. الموضوع مش صعب كده ياملك …..

ملك بقلق : خايفة ياسيف ……

سيف بغضب : مفيش حاجة تخوف ياملك ……. وعلى العموم فكرى تانى بس هيه ملهاش حل تانى ………..

بس عاوز اقولك ان اختك حتتجوز وانتى حتفضلى فى القرف ده لوحدك ………. ومتتاخريش عليا فى الرد بقى عشان ممكن ازهق واغير رايى واصرف نظر عن الموضوع اصلا …….

ملك : خلاص ياسيف انا موافقة …..

سيف : اخيرآ ياملك …….. آخر كلام ….

ملك : اه ياسيف ….. مش حقدر ابعد عنك تانى …..

سيف : تمام ياملك …. النهاردة بعد ماتروحى البيت تعملى مشكلة مع مرات ابوكى على اى حاجة …… وتتقمصى وتلمى هدومك وتقولى لابوكى انك رايحة عند امك ……. وتنزلى من البيت حتلاقينى واقفلك على اول الشارع ……. تمام ياملك …….

 

الفصل العاشر …..

ملك بقلق : تمام ياسيف … حعمل كده …

سيف بفرحة : روحى بقى لاختك ياملك ……. عشان متتاخريش عليها ومتشكش فى حاجة …. حستناكى النهاردة …. على ميعادنا ….

ملك بخوف : ماشى ياسيف حمشى … ومشت ملك وهيه خايفة وقلقانة جداااا من اللى حتعمله ده …… وراحت لاختها ماسة ….

ماسة باستغراب : مالك ياملك شكلك مش مبسوط ….. سيف زعلك فى حاجة ؟؟

ملك بقلق : لا ابدا مزعلنيش بالعكس ……. انا كنت مبسوطة وانا معاه ……. بس مبقتش حبه البيت عند مرات بابا ونفسيتى تعبت ومش عاوزة اروح هناك ….

ماسة : معلش ياملك …… احنا مش قدامنا حل تانى حنعمل ايه وحنروح فين يعنى …… واديكى شوفتى جوز امك طلع مش كويس ازااى …..

ملك بوجع : فعلاا ياماسة معاكى حق برضوو ….. وروحوا البنات على البيت عند سهر ….. وملك بتفكر تعمل مشكلة ازاى مع مرات ابوها ؟؟

واول مادخلت ماسة وملك البيت ….. راحت ملك لسهر وقالتلها بزعيق : عملتى الاكل ياسهر ولا لسة احسن انا ميتة من الجوع …..

سهر بغيظ : اكل ؟؟ لا لسة معملتش الاكل …… وبعدين انا بعمل الاكل وبخلصه على ميعاد ابوكى لما ييجى مش دلوقتى ….. ولو جعانة بقا تعالى ساعدينى ……

ملك بغضب : ايه الطريقة اللى انتى بتكلمينى بيها دى ؟؟ انتى فاكرة نفسك مين ؟؟ انتى هنا مش عايشة مع بابا بس …….. احنا كمان لينا ميعاد بنيجى فيه من الكلية والمفروض الاكل يبقى جاهز …..

ماسة بغضب : ملك …… فيه ايه مااالك ؟؟ انتى عاوزة تعملى مشكلة ؟؟ ساعديها وخلاص ماانتى قبل كده ساعدتيها ايه المشكلة يعنى وانا حعمل معاكى …… وعدى اليوم ياملك …..

ملك بغضب : لا بقى مش حعدى حاجة ….. وبعدين احنا عند ماما كنا بنيجى بنلاقى الاكل جاهز مش لسة بنقعد نعمله ……

سهر بغضب : وانا قولتلك قبل كده ياملك انا هنا مش زى ماما ….

ملك : اه طبعاا ….. بيت امى احسن من هنا بكتيررر …..

ماسة بخوف : ايه معنى كلامك ده ياملك ؟؟ قصدك ايه يعنى ؟؟ مش مرتحالك ….

ملك بثقة : قصدى انى رايحة عند ماما ياماسة …… ومش حعقد هنا ….

ماسة مصدومة : انتى بتقولى ايه ياملك ؟؟ مينفعش تروحى عند ماما ….

ملك بعصبية : لا ياماسة ينفع وانا مينفعش اعد هنا ….. ودخلت ملك على اوضتها بسرعة عشان تلم هدومها ……

دخلت وراها ماسة بسرعة وقالت بغضب : اهدى شوية ياملك وفكرى كويس انتى ليه مكبرة الموضوع كده …. انتى عارفة انتى بتعملى ايه ؟؟؟

ملك بعصبية : اه ياماسة عارفة انا بعمل ايه كويس ….. حروح اعيش مع ماما ومليش علاقة بجوزها …… وخليكى انتى هنا انا عارفة انك مينفعش تروحى عند ماما تانى ……

ماسة بوجع : انا مش عاوزة اسيبك ياملك …… انتى ليه بتبعدى المسافات بينا كده …. طب استنى بابا لما ييجى …..

ملك : عشان تعبت ياماسة تعبت ومش قدرة استحمل اكتر من كده ………. انتى مستنية جاسر يقابل بابا ومشكلتك تتحل لكن انا لا …….. ومش حقدر استحمل العيشة هنا ……

ماسة بعصبية : انتى مش حتنزلى من هنا ياملك ….. احنا مينفعش نسيب بعض …..

ملك بغضب : لا حنزل ياماسة ….. دى حياتى وانا حرة فيها …..

ماسة بوجع : تبقى قطعتى كل حاجة بينا ياملك بطريقتك دى ….

وبصتلها ملك اوووى ودمعت من كلامها …… ولمت حاجتها ونزلت من البيت برضوو وهيه معيطة …… ومسالتش فى كلام اختها …….

وسمعت سهر الحوار اللى دار بين ماسة وملك كله …… وفرحت لما ملك لمت هدومها ونزلت من البيت …… وراحت بصه لماسة بفرح وشماتة فيهم ودخلت على اوضتها …..

ونزلت ملك واتصلت بسيف علطوووول وهيه بتعيط …..

ملك بوجع : الووو ايوه ياسيف …. انا نزلت من البيت وعملت زى ماقولتلى بالظبط …..

سيف بفرحة : حبيبتى ياملك ….. دقايق وحكون عندك …..

ملك معيطة : ماشى ياسيف ….. مستنياك …..

ووصل سيف لملك واخدها وراح على بيته علطوول وهيه بتعيط …… دخلت ملك البيت ومعاها شنطة هدومها ولقيت البيت قديم شوية ومش نظيف ……

وبصلها سيف بفرحة وقالها : معلش بقاا البيت مش على اد مقامك ياملك بس ده مؤقت بس …… ولما انتى تعيشى فيه اكيد حيبقى جنة ياحبيبتى ….. صح ياملك ….

ملك بخوف : انا خايفة ياسيف …..

سيف : متخافيش ياملك ….. واحنا حنكتب ورقة عرفى عشان تطمنى وحتبقى الورقة معاكى ……. بطلى عياط بقى …..

ملك بقلق : ماشى ياسيف …

وفى آخر اليوم …. وصل سليم البيت ودخل اوضة البنات عشان يطمن عليهم لقى ماسة لوحدها وبتعيط ……

وبصلها سليم بقلق وقالها : حصل ايه ياماسة …. فين اختك ؟؟

ماسة بوجع : ملك زعقت مع سهر جااامد ياباباا ولمت هدومها وراحت عند ماما …..

سليم مصدوووم بعصبيةة : اييه ؟؟؟ ازاى تعمل كده ؟؟ وليه خلتيها تنزل من البيت ؟؟ مستنتنيش ليه لما اجى ؟؟ ….. انا مش قولتلكم اللى يزعلكم هناا تقولولى …..

ماسة بضيق : وانا قولتلها كده يابابا … بس هيه اللى صممت تنزل برضوو ……
سليم بوجع : وحتعيش ازااااى مع جوز امك هناك ؟؟ انتوا عندى اغلى حاجة فى الدنيا افهموا بقاا …… وانا ممكن اطلق سهر عشانكوا ….. انتوا ليه مش عاوزين تفهموا ده ؟؟؟ ليه بتعملوا كده ؟؟؟

وبعدين رفع سليم صوته جااااامد وقال بغضب : سهرررر …. ياسهرررر …..

وجت سهر بسرعة على صوت سليم وهيه مخضوضة وقالت بخوف : فيه ايه ياسليم ؟؟؟

سليم بغضب شديد : زعلتى ملك ليييه ياسهررر ؟؟ وخلتيها تسيب البيت ليه كده ……

سهر بخوف : انا مزعلتهاش فى حاجة ياسليم …… دى هيه اللى اتقمصت ومشت لوحدها …..

سليم بغضب : ماشى ياسهر … طب بصى بقاا ….. ملك بنتى حترجع البيت هناا تانى يا سهرر ولو زعلتى اى حد من بناتى تاانى بعد كده حتبقى طالق طالق ياسهر فهمتى …..

سهر بعصبية : ماشى ياسليم …. ومشت سهر بسررعة وراحت على اوضتها ……
وراح باصص سليم لمااسة تانى وقالها : كلمتى ملك واطمنتى عليها انها وصلت البيت عند امك هناك ولا لسة …..

ماسة بقلق : لا يابابا مكلمتهاش …..بس حكلمها دلوقتى حاضر …..

سليم : كلميها ياماسة واطمنى عليها …. وانا بكره حكلمها وحرجعها البيت تانى واهى تكون هديت شوية برضوو …..

وطلع سليم بره الاوضة ……. وراحت متصلة ماسة باختها ملك علطووول …….

ماسة بقلق : الووو ايوه ياملك …. وصلتى عند ماما ولا لسة ؟؟

ملك بقلق : ايوه ياماسة وصلت …. اطمنى انا بخير …..

ماسة : ماشى ياملك … وخلى بالك من نفسك ….. وابقى طمنينى عليكى علطووول …..

ملك بقلق : حاضر ياماسة ……. ونهت ملك المكالمة مع اختها وقفلت ……

سيف بفرح : برافواااا عليكى ياملك …. اختك ماسة مشكتش فى اى حاجة خااالص …..

ملك بخوف : ااه … بس انا خايفة برضوو ياسيف ….

وراح قرب سيف منها شوية وقالهاا : خايفة وانا معاكى ياملك ؟؟؟ متخافيش من حاجة يا حبيبتى وانسيهم شوية وفكى بقا ….. انتى مع حبيبك وافردى التكشيرة دى وورينى الضحكة الحلوة بقا ……

ملك بخوف وقلق : حاضر ياسيف …..

وتانى يوم الصبح وبعد ماسليم راح على شغله وماسة نزلت كليتها …… اتصلت سهر بسيف علطوووول ……

سهر متلهفة : الوووو ايوه ياسيف ….. عرفت اللى حصل ؟؟

سيف بخباثة : ايه اللى حصل ياسهر ؟؟؟

سهر : ملك ياسيف …. شديت معاها فى الكلام جامد امبارح ….. واتقمصت ولمت هدومها وراحت عند امها فريدة وسابت البيت ….. جت من عند ربنا ياسيف …. هيه ملك مقلتلكش ولا ايه ؟؟؟

وضحك سيف ضحكة عالية ساعتهاا وقال : راحت عند امهاا !!!؟؟ ملك عندى فى البيت من امبارح ياسهرر …..

سهر مصدووومة : انت بتقول ايه ياسيف ؟؟؟ بتعمل ايه ملك عندك فى البيت ؟؟؟

سيف بثقة وضحكة : بقولك عندى فى البيت من امبارح ياسهر ….. افهميها انتى بقى ومرحتش عند امها اصلا …….

انا مش قولتلك انى حشوفلك طريقة وحخلصك من البنات دى ….. ادينى خلصتك من واحدة وكل اللى حصل ده كان بتخطيط منى ياسهرر ……

سهر مصدووومة وصاارخة : انت مجنوون ياسيف …. انا مقولتلكش تعمل كده …….. حرام عليك البنت ايه ذنبها ؟؟؟

سيف : انا فيه طار بايت بينى وبين سليم ….. وسليم لازم يخسر اغلى حاجة عنده ….. وذنبها انها بنته ……