ادم

يعنى القى واحده فى الطريق مرميه ببنتها اسعدها اقوم اتجوزها يا جاسر ليه خيرا تعمل شرا تلقى

جاسر قال….اهدى ياأدم وأفهم أهل البنت اصلهم من الصعيد وعندهم عادات ومخللات وعمها مش راضى يسكت وجايب اهله ودول مبيفهموش قصدى مبيتفاهموش وهيعملو شوشره كتيره قوى لأبوك ومينفعش يختلف معاهم دلوقتى خالص الناس هتتعاطف معاهم وممكن باباك يخسر الأنتخبات لقدرالله ده غير ان أهلها لاقو البنت فى شقتك

وادم قال بسخريه ….ايوه اديك قولتها لاقوها فى شقتى هما كانو لاقوها فى فرشتى انا أقولك الى حصل انا كنت نايم فى أمان الله صحيت يارتنى ماصحيت على خبط الباب خير الهم أجعلو خير نزلت نزلت الميه فى زورى اشوف مين ياريتو كان عزرائيل وخلصنى لاقيتها واقفه وشايله بنت وملاينه ميه من أولها الأخرها صعبت عليا الاهى تصعب علي نفسى ودخلتها وادتلها هدوم من هدوم مرات اخويا وبنتها حتى اسأل اميره هتقولك ان الهدوم بتاعتها بس هى اكيد عارفه ان اهلها جايين وعملت كده قاصده تورطنى يعنى اشمعنا انا الى خبطت عليا …

.جاسر قال….طيب خلاص الى حصل …قوم روح النهارده فرحكم.ميصحش تسيبها لوحدها فى ليله زى دى

ادم قال.. شوف اقول ايه يقول ايه بقولك مش طايقها تقولى فرحنا وبعدين اروح ليه ها انا نزلتها الشقه وجيت على طول بقولك كانت متجوزه ومعاها بنت وانا أدم المنوفى سلطان عصرى و دنجوان زمانى اتجوز دى ان مش عارف ازاى بابا وافق .اصلا

جاسر قال يابنى افهم ابوك داخل على انتخابات ومش حمل شوشره وبعدين جوازك من بنت مطلقه ومعاها بنت هيبقى ضد العنصريه والكل واحد وحقوق المرأه والحورات دى وبعد ما الأنتخبات تخلص ابقى طلقها فهمت

ادم قال….اه فهمت هو ينجح وانا ادبس غاير اهو اما أشوف اخرتها ومشى ركب عربيتو وطلع على الشقه ودخل الأوضه وكانت البنت قاعده بالفستان بتاع الفرح والدموع على خدودها دخل أدم من غير مايكلمها وهى وقفت وقالت

بسرعه… انا أسفه والله ماكنت اعرف ان ده هيحصل انا بس

أدم قاطعها وقال ادم …انتى اسمك ايه

البنت قالت … أسمى أمنيه يابيه ادم اتنهد بضيق

وقال….بصى ياأمنيه كويس انك عارفه انى بيه وانى مستنضفش ابص فى وشك اساسا احنا للأسف هنقعد متجوزين فتره كدهلحد الأنتخبات ماتخلص وهانتطلق لحد بقى مانتطلق انا مش عايز اشوف وشك قدامى ابدا شايفه البلكونه دى تتلقحى فيها ومش عايز اسمع صوتك ماشى

امنيه قالت بسرعه …ماشى تمام بس والنبى خلى بنتى تاجى تقعد معايا

ادم قال باستغراب.. ..فى البلكونه

امنيه قالت ..لا فى الشقه يعنى هنا معنا

ادم . ..قال بسخريه لا مينفعش تقعد معان احنا عرسان جداد ومشاعرنا لسه جديده والبنت لسه صغيره على الحجات دى وبصلها بغضب وقال بز عيق…. ماتولعى انتى وهى انا مال أمى تقعد هنا ولاهناك ولاحتى فى جهنم الحمره

امنيه قالت بضيق …..هوالدحضرتك قال ان البنت هتاجى بكره تشوفنى وتروح تانى وهتقعد هناك عند أهلى الفتره دى وانا عايزاها تعيش معاياو

بس ادم قاطعها قال ….خلاص خلاص انتى هتحكيلى قصت حياتك انا يومين كده وهاجيبهالك تقعد معاكى و ربنا يعدى اليومين دول على خير واخد هدوم وراح اخد شور وطلع ملقاش أمنيه فى الأوضه اتنهد بضيق وراح على السرير ونام
فضلت تعيط فى الباكونه لحد مانامت فى صباح يوم جديد قام ادم على صوت خبط على الباب نزل يشوف مين وكان واحد من الخدم بتوعهم

قال ..ادم بيه الحجات دى والد حضرتك باعتها و قال ان البت عايزه أمها ادم بص للبنت وكان عمرها ست سنين وكانت بتبصله بابتسامه جميله

ادم ابتسم و شالها وقال …تمام روح انت ودخل

والبنت قالت…فين ماما

ادم قال.. هى لسه نايمه

البنت قالت ….اناهاروح اصحيها ادم افتكر ان امانى نايمه فى البلكونه

قال…لالا انتى اقعدى اسمعى التلفزيون اهو انا هافتحهولك وانا هطلع اصحيها بسرعه واجيكى وطلع بسرعه ودخل وقفل الباب

وقال بصوت واطى ….امنيه امنيه انتى يابت وهزها شويه بس امنيه رجعت لورى برعب وقالت … فى ايه بس

ادم قال..ايه انتى مالك كان فى عفريت الى بيصحيكى اه بنتك تحت انا سبتها عند التلفزيون علشان متشوفكيش وانتى نايمه فى البلكون يلا انزليلها

امنيه اتنهدت بارتياح وقالت…شكرا

ادم قال…مش علشانك انتى مستاهليش بس علشان البنت متضايقش امنيه ابتسمت بسخريه

وقالت…..لا عادى هى عندها حصانه مش هتضايق يعنى من انها تشوفنى نايمه فى البلكونه

أدم بصلها باستغراب وقال….مش فاهم حاجه بس مش وقتو ادخلى اقلعى البتاع ده وانزلى للبنت وانا هنزل اقعد معاها لحد ماانتى تنزلى وبعد كده ابقى اخد شورى بعدك وامرى للله

امنيه بصتله بضيق و قالت …اه ماشى واخدت الهدوم ودخلت الحمام وبعد شويه طلعت امنيه من الحمام ونزلت تشوف البنت بس وقفت بصدمه لما شافت ادم قاعد ومقعد البنت على رجله ومديها دراع بليستيشن وبيلعبو سوا

وقال…ها ها على فكره انتى الى بتتغلبى كده انا جايب فيكى سته بصى دوسى هنا وساب الدراع بتاعه وبقى يعلمها

امنيه كانت بتبصلهم والدموع فى عنيها واتقدمت عليهم وقالت…مين الى كسب فيكم

..ادم قال بسرعه … أكيد طبعا انا بس انا بعلمها اهوه والمره الجايه هى هتكسب وبص للبنت وقال ….مش كده ياملك

ملك قالت ….أكيد طبعا مش انت هتعلمنى

ادم قال …اه اكيد

والبنت بصت لمامتها وقالت…ماما وحشتينى قوى ايه ده انتى ليه لابسه ده فى البيت وشاورت على دماغها لان امنيه محجبه امنيه بصت لأدم وقالت…عادى اصل الجوالنهارده برد شويه

ادم قال…. انا هطلع اخد شور وانزل علشان نفطر سوا وطلع على أوضته وبعد شويه كانو قاعدين بيفطرو
وبيتكلمو سو وا وشربو القهوه وعصير للبنت

وأدم قال…..انا معايا اتصال مهم دلوقتى شويه وهنزل طلع وبقى يتكلم فى الفون بتاعه شويه ونزل لقى أمنيه قاعده على الكنبه وحطه ايدها على وشها

ادم قعد جمبها وقال بضيق …مالك قاعده كده ليه امك ما,تت

امنيه بصتله والدموع فى عنيها وقالت…من زمان ما,تت

ادم قال…ايوه يعنى بتعيطى ليه انا اخر همى اصلا بس

امنيه اترمت فى حضنه وقالت….اخدوها اخدوها خلاص بعد كل الى عملته اخدوها منى برضه

ادم حمحم وبعدها منه شويه وقال..ايه هى الى اخدوها منك

امنيه قالت …ملك انا هربت اصلا علشانها وتبهدلت كتير علشان تفضل معايا بس برضه اخدوها

أدم قال …لا اهدى كده وأحكيلى

أمنيه قالت …. انا كنت متجوزه واحده واتخنقت معاه وطلقنى ومشانى من البيت

ادم قال…. اه طب مشاكى انتى وفهمناه تلاقيكى طلعتى عينو وانتو اساسا متتطاقوش بس ساب بنته ازاى ولاهى مش بنته امنيه وقفة بغضب ولسه هتتكلم

ادم قال ….اقعدى اناقصد كنتى متجوزه قبـ,ــ,ـله وجبتيها اكيد مقصدتش جيبتيها فى الحرام يعنى للنطه دى

امنيه قعدت وقالت ….لا بنته بس هوا كده بيبهدلنا كده انا والبنت ويمشينا قالى غورى مش عايز اشوف وشك ولاوشها

ادم قال…امم تلاقيه بيشرب حاجه ده اكيد مش مظبوط مفيش اب يمشى بنته من البيت

.امنيهابتسمت بسخريه و قالت …حاجه واحده قول حاجات بس ومشيت منه ورحت بيت عمى لان انا يتيمه وعايشه مع عمى وهو
قال …نرميلو بنتو ويجوزنى لواحد تانى قال انتى لسه صغيره وحلوه والف مين يتمناكى بس انا مش عايزه اسيب بنتى واتجوز وسيبها مع ده لو أبوها كويس كان يمكن انما ده لا فاقمت اخدتها وهربت بيها وجيت على هنا

ادم قال بسرعه ….اه وشمعنا انا بقى دولا عن الناس كلها الى خبطتى عليا ومتقوليليش صدفه مش هصدقها

امنيه قالت … لا طبعا مش صدفه انا الزفت الى انا كنت متجوزاه ده هيثم يعنى كان بيشتغل موظف عندك فى الشركه وانت رفدتو