قصة بين القـ،ـهر والحب بقلم نور عزام
فات 4 ايام
و انا مش بنزل من اوضتي و مش بتكلم مع اي حد ف البيت خالص
خبطت طنط ناهد باب اوضتي و فتحت و حطت فستان فرح علي السرير قدامي
ناهد : دا فستان فرحك ، مالك جايبهولك من باريس و يا ريتك تستاهلي !!
و خرجت من الاوضة
بصيت علي الفستان و فضلت اعيط و نمت من التعب
……….
انهاردة يوم فرحي
مش حاسة بأي حاجة خالص كأن حد مخدرني !!
خلصت كل حاجة و حطيت الميك اب و لبست الفستان
طنط ناهد للكوافير : معلش سبني معاها لوحدنا شوية
مفضلش ف الاوضة غيرنا
ناهد : اسمعي بقا انا كلة كوم و ابني كوم تاني خاالص .. لو سمعت انك منكدة علية ولا مزعلاة هيكون ليا معاكي تصرف تاني
خليكي حلوة كدا و هو هيعاملك كويس ،انا مكنتش هوافق ابدا لولا ان هو اللي مصمم عليكي
قالت كلامها و خرجت و كالعادة مش مسموح ليا حتي اني ارد
…………..
طول الفرح كنت سرحانة و مش بتكلم و بتحرك كأني عروسة لعبة بيحركوها زي ما هما عاوزين
خلص الفرح
ركبنا الطيارة و سافرنا نقضي شهر العسل
وصلنا الاوتيل
اول ما دخلنا السويت و اتقفل علينا باب واحد فضلت اترعش اووي من خوفي
مالك : انتي بتترعشي كدا ليه ؟! بردانه ؟!!
انا ساكتة و عيني مدمعة و بترعش
حط ايدة علي كتفي يهديني
انتفضت جامد
شال ايدة من عليا
مالك : خلاص خلاص اهدي من الواضح انك خايفة مني
اخد هدوم من شنطتة و طلع نام برة !!
فضلنا كدا طول شهر العسل و هو مكنش بيحاول يضغط عليا و سابني براحتي خالص
رجعنا مصر علي الفيلا بتاعة بابا
سلمنا علي بابا و طنط ناهد و قالها انوا مبسوط و سعيد معايا جدااا انا نفسي كنت مستغرباة !! مبسوط معايا ازاي !!
بعد كدا روحنا الفيلا بتاعتنا
فضل الوضع بينا زي ما كنا ف شهر العسل
لحد ما ف يوم كنت نايمة حسيت بأيد حد عليا
فتحت عيني لقيت مالك جنبي علي السرير و ايدة علي شعري
شلت ايدة بسرعة
انا : انت عاوز اييه ؟!
مالك : مفيش بس رجعت من برة لقيتك نايمة كنت بطمن عليكي بس
و كان باصصلي نفس البصة اللي كان بيبصهالي اول مرة شفتة فيها لقيتة قرب عليا يحضني
بعدت بسرعة و قمت من علي السرير
انا : ابعد عني اوعي تقربلي انت فاهم
مالك : لية بس ؟!! انا بحبك يا هنا
حبيتك من اول لحظة شفتك فيها
لية مش راضية تدي لنفسك فرصة تحبيني ؟!!
انا : انا مش عاوزة احب حددددد ابعد عني و سيبني ف حالي و قعدت اعيط اووي
قرب مني و حاول يهديني
كنت بعيط اكتر
بعد عني خالص و قالي بعصبية
خلاااص اهدي بقاا انا مش هقربلك تاني
و خرج من الاوضة و سابني و سمعت صوت رزع الباب
مالك…
خرجت من البيت و انا مخنووووق اوووي مش عارف هي ليه بتعمل معايا كداا لية بتكرهني كدا مع اني بحبها اوووي و مستعد اعمل اي حاجة عشانها
فضلت الف بالعربية كتيير و الوقت اتأخر
سمعت صوت موبليلي النغمة اللي انا حاططها ل هنا
قولت اكيد في مصيبة !
رديت بقلق
الوو
هنا : الحقني يا مالك
انا بذعر : في ايييه بتعيطي كدا لية ؟!!!!
هنا : في ناس مش عارفة هما مين لابسين اسود كلهم و بيحاولوا يكسروا البوابة تحت و عاوزين يدخلوا الفيلا
انا خايفة اوووي
انا : حبيبتي اهدي و متخافيش اطلعي الاوضة فوق و اقفلي علي نفسك بالمفتاح و انا جايلك حالاا
خليكي معايا علي التليفون عشان تطمني مسافة السكة و هكون قدامك
سوقت العربية بسرعة رهيبة كنت هعمل 100 حادثة بس مهمنيش
وصلت الفيلا و دخلت من الباب اللي ورا و دخلت الفيلا بسرعة و طلعت الاوضة
انا : افتحي يا هنا انا مالك متخافيش
هنا..
حسيت اني اطمنت اول ما سمعت صوتة
فتحت الباب و بدون ما احس اترميت ف حضنة اول ما شفتة
حضني اووي و حط الجاكيت بتاعة عليا و نزلنا من باب الفيلا اللي ورا
بلغ البوليس و احنا ف العربية و راحوا قبضوا علي البلطجية دول كانوا عاوزين يسرقوا الفيلا
مالك : احنا هنروح دلوقتي اي اوتيل نبات فية تريحي اعصابك
مسك ايدي و باسها ..
متخايش ابدااا طول ما انا معاكي
وصلنا للاوتل و دخلنا السويت
احساسي كان مختلف تماما معاة المرة دي عن المرة اللي فاتت
كنت حاسة اني مطمنة و ف امان معاة
طلبلنا العشا و اكلني بايدة و شالني و حطني علي السرير و فضل جنبي
مالك : اهدي و نامي و انا هفضل جنبك مش هتحرك
غمضت عنيا و اول مرة انام بهدوء كدا
صحيت الصبح لقيتة نايم علي الكرسي اللي كان قاعد علية و حاطط راسة علي السرير
صحيتة و طلبنا الفطار و قعدنا ف الاوتيل كام يوم لحد ما اعصابي هديت و رجعنا الفيلا تاني بعد ما عينا طقم حراسة
عدت الايام و الشهور بينا
معاملتة ليا كانت فوق الوصف بيعمل كل حاجة ترضيني و تفرحني و مكنش بيسبني لحظة واحدة و مش بيبخل عليا
بأي حاجة لقيتني حبيتة من غير ما احس !
مالك …
ف يوم و انا راجع من الشغل شمت ريحة حلوة اوي اول ما دخلت الفيلا
فضلت ماشي ورا الريحة دي لحد ما وصلت اللسفرة
لقيت علي الارض ورد احمر و علي السفرة عشا حلو اووي و ميوزك هادية شغالة
شوية و لقيت ملاكي داخلة عليا لابسة فستان ابيض طويل و شبة الملايكة فعلا
قربت مني و حضنتني
هنا : وحشتني اوي
انا فضلت واقف متتح مش مصدق ان دي هنا !!
بعدت عني شوية و بصتلي ف عنيا اوي
هنا : كنت محرومة من حاجات كتير اووووي ملقتهاش غير معاك
حبك ليا و حنيتك و خوفك عليا كل حاجة فيك خلنتي احبك
انا بذهول : تحبيني
هنا باروع ابتسامة : ايوة حبيتك … بحبك
محستش بنفسي غير و انا بشيلها و بلف بيها و بقولها بصوت عالي
بحببببببببببببببببببك
النهاااااااية
بقلم نور عزام.
