قصة بين القـ،ـهر والحب بقلم نور عزام

انا اسمي هنا ، عندي 21 سنة لسة متخرجة من كلية اداب
والدتي متوفية من و انا عندي 5 سنين و والدي اتجوز بعدها بأقل من سنة …
مرات ابويا خلتني اعيش اسوأ ايام حياتي ، كانت بتكرهني جدا و يتعاملني وحـ،ـش اوي بس كانت قدام بابا بتعاملني كويس و انا ولا مرة اتكلمت او اشتكيت .. دايما كنت ساكتة ، كنت صغيرة مش فاهمة حاجة ولا فاهمة هي ليه بتكرهني كدا، بس لما كبرت عرفت انها كانت بتحب بابا من زمان من قبل ما يتجوز ماما و هو كمان كان بيحبها بس اهلوا رفضوا انه يتجوزها عشان كانت مش من عيلة كبيرة و بابا مقدرش يعصي اوامر والدة و سابوا بعض و بعد فترة بابا اتجوز ماما بنت شريك والدة ، طبعا من عيلة كبيرة و غنية و بعد ما انا اتولدت ماما تعبت اوي و جالها سرطان فضلت تصارع المرض 4 سنين و سافرت برة بس للاسف اتوفت و انا عندي 5 سنين و بعدها بابا اتجوز طنط ناهد حبيبتة القديمة و بدأت مأساتي ….
طنط ناهد عندها ولد واحد اسمة مالك ، كان مسافر كندا عند والدة و انا مكنتش بشوفوا خالص
اه نسيت اقولكوا ان طنط ناهد بعد ما بابا سابها اتجوزت و عاشت مع جوزها سنة ف كندا و بعد كدا اطلقت و رجعت مصر مستحملتش الغربة بس جوزها كان شرطة عشان يطلقها انها تسبلوا الولد
و دة فعلا اللي حصل و كانت بتسافر تشوفوا من وقت للتاني
…………
و ف يوم
عاصم
ايوة يا ناهد
ناهد بسعادة : مالك كلمني و قالي انه نازل مصر كمان اسبوع و هيأسس شركة هنا
عاصم بسعادة لسعادتها : بجد خبر حلووو اوي ، ينور مصر يا حبيبتي
………….
و بعد اسبوع فعلا جة مالك مصر
انا كنت برة و رجعت الفيلا لاقيت شنط كتير و طنط ناهد و معاها بابا قاعدين مع واحد ف الصالون شكلة لفت نظري اوي
كان وسيم جدا و جسمة رياضي و طويل
اول ما دخلت قولت السلام عليكم
ووشي باين علية الاستغراب
عاصم : تعالي يا هنا سلمي علي مالك ابن طنط ناهد
بيني و بين نفسي
( ياه انت بقا مالك اللي بيقولوا علية ! )
سلمت علية بس لاحظت انه بيبصلي اووووي بطريقة غريبة !! و فضل مركز معايا جدا طول القاعدة و عينة منزلتش من عليا لدرجة اني اتضايقت و استأذنت و قمت !
مر اسبوع..
طبعا مالك كان عايش معانا ف الفيلا و دايما كان بيحاول يفتح معايا ف اي مواضيع و انا كنت بصدة ، كنت كرهاه من مجرد فكرة انه ابن طنط ناهد !
هو كان غريب فعلا..
كان دايما بيبصلي بصات غريبة مش بفهمها و يسألني رايحة فين و جاية منين و اتأخرتي لية ! مكنتش فاهمة اية سر اهتمامة دا
ف يوم بليل طنط ناهد جاتلي قوضتي ، استغربت اوي
انا : خير يا طنط
ناهد : كل خير يا حبيبتي
انا بيني و بين نفسي
(حبيبتي !! ربنا يستر )
ناهد : عندي ليكي خبر حلو اوي
انا بقلق : خبر ايه ؟!
ناهد : مالك معجب بيكي من ساعة ما شافك و كلم باباكي انهاردة و طلب ايدك منة و هو وافق
مبرووووك !!!
كنت حاسة كأن حجر تقيل وقع علي دماغي و مكنتش قادرة انطق من الصدمة
و بعد شوية لما فوقت من صدمتي
انا مالك ازاي
طنط ناهد فجرت القنبلة و مشيت ، متكلمتش حتي معايا ف اي حاجة
حستني ان الموضوع مفروغ منة و غير قابل للنقاش !
فضلت سهرانة طول الليل مش عارفة انام و كنت حاسة اني مخنوقة اوووي
كلمت لميا صاحبتي و قولتلها اني مخنوقة اوي و عاوزة اقابلها ف النادي
لبست و نزلت من اوضتي لقيت بابا و طنط ناهد و مالك علي السفرة بيفطروا
انا بتكشيرة : بابا انا نازلة
مالك : رايحة فين ؟؟
انا : بقول بابا مقولتش مالك !!
مالك : ايوة ما انتي المفروض تستأذني مني انا مش من بابا
انا : دا بأمارة ايه يعني ؟!!
بابا : بأمارة انه خطيبك و بعد كام يوم هيبقي جوزك
انا : بس انا موافقتش !!!!
ناهد : و انتي هتلاقي احسن من ابني فين ؟!!!! وسيم و ابن ناس و غني و الف واحدة تتمناة ، انا اللي مش عارفة هو عاجبة فيكي اية ؟!!
انا : يا ستي خلية يشوفلة واحدة من الاف دول و خلية يتجوزها و حلو عني بقااااااا
خلصت الكلمة من هنا و لقيت قلم نازل علي وشي من هنا
اول مرة بابا يمد ايدة عليا
بابا بصوت عالي : انا يظهر معرفتش اربيكي ازاي تكلمي مرات باباكي كداااا
انا مبعملش حاجة غير اني بعيط و بس
مالك مسكني من ايدي : خلاص يا عمي اهدي .. انا هاخد هنا و نخرج شوية
ناهد : و انا يعني اولع !!!
مالك : يا ماما اهدي بقا هي متقصدش
مشيت معاة باستسلام و انا لسة بعيط لحد ما طلعنا الجنينة
فوقت فجأة و سيبت ايدة
انت فاكر نفسك ايييه انا مش عاوزاك و مش هتجوزك
و رجعت الفيلا و طلعت اوضتي جري و قفلت علي نفسي الباب