التحدي المستحيل بقلم اسراء هاني شويخ ج٣

&&&
يجلس الجميع في الصالة بعد حادث عمر لم يخبر احد به
نفين : انا قررت ارجع لشادي
سقط الكاس من يد عمر ونظر الجميع له ولها بذهول
مصطفى : انتي بتقولي ايه
نفين : عادي غلط وهو ندم ومش حيعمل كدة تاني
نورا : انتي تجننتي بعد اللي عملوا فيكي
نفين: عمل ايه … حلفلي انه اخر مرة عادي
نورا لعمر : قول حاجة
لو ان احد يرى القلب من الداخل لشاهد انف.جاره
عمر بابتسامه : حياتها وهي حرة فيها ربنا يسعدها
نورا بدموع: وحياة ربنا انت خسارة فيها بنتي ده فقرية وش نكد وبو.مة انت تستاهل ست الستات
عمر بابتسامه: عادي يا ماما ماحدش بياخد اكتر من نصيبه عن اذنككو
رحمة ببكاء : انتي حتعملي كدة بجد
نفين بدموع: اه في ايه بحبه مش قادرة انساه عادي بتحصل
هناء : والغلبان اللي عشمتي ذنبه ايه … انتي من النهاردة لا اختي ولا اعرفك
تركتها ودخلت لعمر الذي كان نعم الأخ لهم ..
هناء بابتسامه: انت عارف اني دايما كنت اتمنى انك ما كنتش اخويا انا واحبك واتجوزك بدل البو.مة اللي بتتنطط معرفش على ايه

عمر بضحك: حبيبة قلبي بس انا لو خدتك حتجنن ويمكن اموت
هناء بغيظ : ليه بقى
عمر : اصلي حقضى حياتي اراضي بيكي بس انتي حتزعلي ان ما قولتلكيش صباح الخير
هناء : كدة يا عمر طيب والمصحف تستاهل اللي تعمل بيك
ضمها بحب وهمس : بس اطيب بنت في الكون كله تزعل وترضى بكلمة بس انتي اخر العنقود يعني القلب كله
هناء : طيب ما تزعلش
عمر : انا عايز سعادتها حتى لو مش معايا .. اكيد ربنا ما بيعملش غير كل خير
هناء: طيب ما انفعش انا ..
عمر بضحك : حسأل الشيخ واقولك
رحمة: لا اسأله عني انا ..
هناء : تنيلي انتي مش تجوزتي سبيلي العريس القمر ده ..
رحمة بحزن : ان شاء الله ربنا حيسعدوا باجمل عروسة
عمر : أجمل منكو ما ظنش
ضمهم بحب يحاول اقناعهم انه غير مهتم لكن قلبه ينز.ف
في صباح اليوم التالي ذهبت نفين الى منزل شادي
وما ان شاهدها حتى ضمها بقوة حتى آلمها حاولت ان تبتعد لم تستطيع
شادي : وحشتيني اوي
نفين : حتفضل وا.طي اوعك تفكر اني رجعت لك حبا فيك انا رجعت عشان اهلي
شادي : وانا حخليكي ترجعي تحبيني اوعدك
اقترب من شفت.يها لتهمس بقر.ف : العدة خلصت من اسبوع
شادي بلهفة: انا حجيب المأذون بسرعة وجاي بحبك اوي
ركض شادي الى احد الشيوخ وعاد ومعه شهود وقلبه يرقص فرحا ..
كانت تفرك يديها الما على ذاك التي تركته محطما بعد ان أعطته أملا لكنها فعلت ذلك خوفا عليه ..
الشيخ : قولي ورايا جوزتك نفسي
&&&&
خرج زين من السجن وبدا بتصوير اخر كام مشهد يراها في الجامعة يتمنى لو يضمها لكنها ترفض حتى ان يكلمها
زين بتعب : اعمل ايه طيب
كان في الكارفان يستعد لآخر مشهد حتى لاحظ شيئا في السقف جلبه ليستغرب انه كاميرا ..
زين : كاميرا؟؟؟ بتعمل ايه في اوضتي ومين حطها
زين بأمل: معقول تكون صورت اللي حصل مع شهد يمكن افهم
حاول فتح ما عليها لكنه لم يعرف ارتدى ملابسه وذهب لأحد متخصص بذلك
_ اممم معرفش ااقدر ارجع اللي فات ولا لا
زين : ان ثبتت برائتي عليها ليك مليون جنيه
_بصدمة: كام .. بص انا حتشقلب لغاية ما جبلك اللي انت عايزه بس اعطيني لبكرة
زين : ماشي اما ترجع اللي عليها كلمني
ذهب في اليوم التالي الى الجامعة وكان طوال المحاضرة ينظر لهناء وهي تنظر له من وقت لآخر
وما ان انتهت المحاضرة حتى اقترب منها
زين بحزن: حتفضلي كدة كتير يا هناء
هناء : احنا اتفقنا يا زين
زين : اتفقنا نوصل لحل .. لكن ده مش حل ده عذاب هناء انا عايز اتقدملك
هناء : زين عشان خاطري بس خليني اعدي الفترة دي
تركته وخرجت ليلمح المعيد عدي يكلمها اقترب منهم يحاول ان يسمع
عدي : فيعني لو رقم والدك عشان اكلمه
كانت سترفض لكنها لمحت زين فاعطته اياه
عدي بسعادة: متشكر اوي
اقترب منها زين بعيون صقر وهمس بغيظ : انتي اعطتي رقم والدك ليه
هناء : عادي عايز يتقدم معيد ومحترم
زين بعصبية: هناء ما تخلنيش ارتكب جنا.ية
هناء بتحدي : حأبقى اعزمك ما تقلقش
زين : وحياة ربنا ما حتكوني لغيري.. لو حخط.فك وحتشوفي كلام مين اللي حيمشي ..
رن هاتفه اجاب وهو ينظر داخل عينيها ليبتسم بامل : انا جاي
زين : سلام يا قمر عفكرة انا سجلت رقم والدك حكلمه واتقدم بتحبي الجاتوه بطعم ايه
هناء: انت بتحلم
زين : اللي ما تعرفيهوش انه ما فيش حلم حلمته ما تحققش
تركها وذهب لا تنكر سعادتها بتمسكه بها لكنها خائفة جدا
وصل زين عند مختار الذي اعطاه الكاميرا
زين : ها وصلت ايه
مختار : انا نزلت كل اللي عليها من ساعة ما تركبت معرفش انت عايز ايه منها
زين : بص قبل اسبوعين عايز اللي حصل في الوقت ده
فتح له مختار الملفات وبدأ زين يشاهد ليتفاجأ ب…
#يتبع البارت ١٩
اسراء هاني شويخ

… قولي ورايا زوجتك نفسي على كتاب الله وسنة رسوله
وقبل ان تنطق كانت الشرطة اقتحمت بيته
شادي: انته مين في ايه
_انت شادي الوزان
شادي بتوتر : ايوة في ايه
_انت مطلوب القبض عليك
شادي : ليه في ايه
_حتعرف هناك
شادي برجاء: طيب دقيقة بس اكتب عليها
_ ماشي بس بسرعة
وقبل ان يكمل الإجراءات دخل عمر وقال بشدة : حتتجوزي تاجر مخد.رات يا نفين
شادي بغيظ: كدا.ب ما تصدقهوش كملي يا نفين
لكنها كانت صامته تنظر لعمر الذي يتوسل لها بعينيه الا تفعل به هذا
شادي: انتي ساكتة ليه ده كد.اب كملي يا نفين كملي
لكنها قامت ووقفت خلف يد عمر
_ خودوا
شادي بصر.اخ : استنى اتجوزها الاول نفين استنيني يا نفين انا بحبك حارجع يا نفين حقت.لك يا عمر نفين ليا انا ..
خرج الجميع ووقف عمر أمامها ينظر لها بلوم
عمر بألم اخفاه ” مش لازم توافقي عليه عشان تقوليلي انك رفضاني بس على الاقل اختاري حد نضيف ما يوجعكيش … يلا حوصلك
أدار ظهره يريد الذهاب أمسكت يده وهزت رأسها بلا ودموعها تهبط بشدة
نظر لها وهمس بألم: اللي يهمني سعادتك حتى لو مع غيري
احتضنته من خصره وهي تبكي بشدة
عمر: اهدي خلاص يا اوصلك
قام بايصالها المنزل وخرج يدور بسيارته لا يدري اين يذهب
نورا بغيظ : انتي شرفتي .. ياريتهم قبضوا عليكي معاه وارتحت منك
مصطفى: خلاص يا نورا ما تقسيش عليها
نورا: ياريت اختيارها عدل.. زي وشها انا لقيتله عروسة أجمل منك بألف مرة تستاهلوا مش انتي
نفين بغيظ : هو مين اللي ابنك انا ولا هو
نورا : عمر ابني الاول البكر اغلى من بناتي التلاتة ده حتة من قلبي واو.لع باللي يقرب منه ويكسر قلبه حتى لو كانت بنتي من دمي
دخل عمر بابتسامه وهمس بحب: فعلا الام اللي بتربي مش اللي بتخلف وانتي امي والله .. ها عجبتك العروسة
نورا : قمر مش زي ناس مش عارفة كان عاجبك فيها ايه
نفين بدموع : عروسة ليك يا عمر
اخفض رأسه ولم ينظر لها
نورا : اه يا ختي .. اهاا حيفضل عايش على ذكراكي ده يتجوز احسن وحدة في الدنيا ..
مصطفى: حنروح امتى
نورا : الخميس كلنا حنروح
نفين بصدمة : الكلام ده بجد
دخلت هناء ورحمة المنزل وصرخوا بفرحة : عمورة حبيب قلبي الف مبروك
رحمة: وانا حابقى اخت العريس وانا حابقى اخت العريس
تركتهم نفين ودخلت غرفتها تبكي بشدة فهي من فعلت بنفسها هذا .. لكنها ايضا تتمنى له السعادة
&&&&
دخلت رحمة المنزل لتتفاجأ بعلي يجلس مع والدتها
رحمة: السلام عليكم
وذهبت نحو غرفتها
نورا بحدة: ما تيجي تسلمي على خطيبك
اقتربت خوفا من والدتها وسلمت عليه بعبوس
علي : مفاجأة مش كدة
رحمة بسخرية: اه حلوة اوي
انتبهت لكتاب به صور اطقم غرف وانتريهات
نورا: اختاري انا عجبني ده محتارة بين ده وده
رحمة: لمين
نورا: لامي .. ليكي
رحمة : لا ما احنا مش حنتجوز حنتطلق
كتم غيظه لتهمس نورا : احسن يا ابني انت الكسبان دي بو.مة حد يتجوز بو.مة
علي بابتسامه: حماتي حبيبة قلبي
رحمة : ايه عجبتك .كلمة بو.مة
علي : تؤ اصلها بصفي
رحمة: اصلها قريبة ياسمين عز منصفة الراجل… همست بسخرية جوزك فرعونك
نورا : البسي اخرجي معاه عشان تنقوا باقي الجهاز
رحمة ” انا مش حات..
نورا بحدة: مش حعيديها
دخلت تغير ملابسها وعلي ينظر لاثرها بحزن
نورا : معلش يا ابني لسة موجوعة اللي قولتهولي يوجع برضو
علي: عارف والله عارف بس حرام ادفع التمن باني اخسرها انا بحبها اوي .. مش عشان غلطة عملتها من قبل ما احبها وناسيها اساسا اخسرها .. اموت قبلها
كانت رحمة تستمع له وقلبها يرقص من سعادته لكنها تريد تأديبه
نورا : اخرج معها وتعاتبوا وتصافوا
علي : حاعمل اي حاجة المهم تسامحني
نورا : انا احترمتك لما قولتلي وحسيت فعلا انك ندمان بس بلاش تقول لعمك مش عايزة يقلب عليك
علي : حاضر ربنا يخليكي ليا يارب
رحمة: انا خلصت
امسك يدها وهبط برفقتها وما ان وصلوا مدخل البيت همست رحمة بحدة : عايز ايه .. جهاز ايه اللي ننقي انت عارف اننا حننفصل
علي بغيظ : في المشمش.. انتي بتحلمي انت مراتي لاخر يوم في عمري
رحمة : ايوة فاضل جزء في الرهان السرير .. موافقة المهم نتطلق
علي بألم : كفاية يا رحمة
رحمة : وصاحبك حتدخلوا بعدك ولا ايه
كور يده ولكم الحائط بعصبية وهمس : بلاش تزودي وتهبلي في الكلام
رحمة: طلقني يا علي
علي برجاء : اعمل ايه عشان تسامحيني
رحمة: ولا حاجة.. ابعد عني وطلقني
علي : في طريقة تانية عشان ترتاحي مني
رحمة ببرود : موافقة ايا كانت
علي : تمام..
لتتفاجأ به يقف امام الخط السريع
&&&&

شهد : ما انت عارف ما حصلش حاجة تتصور
وائل بغيظ : بقى بكل حلاوتك دي ما خليتهوش يعمل حاجة
شهد بغيظ: ده واحد قفل
وائل: الا صحيح انتي شلتي الكاميرا
شهد : لا افتكرتك انت اللي شلتها
وائل: ايه الغباء. ده شلتها ازاي وانا مشيت قبل ما يصحى
دخل زين لهم وهمس : تقصد دي
وائل بتوتر ” ايه دي
زين : الكاميرا اللي المفروض تصورني وانا نايم مع شهد بس بصي سبحان الله رغم اني ماخد حبوب هلوسة وفياجرا الا اني ما قربتلكيش .. نفسي مش رايحالك اصلي ما حبش اخد بواقي حد
شهد بعصبية: انت تتكلم عدل احسن لك
اقترب منها ونظر لها باشمئزاز وهمس : كرهتيها مش كدة قدرت تعمل اللي انتي ما قدرتيش تعملي يا شهد النوري … وقعتني في حبها لا وعشقها كمان طيب انتي وفهمت بتعملي كدة ليه اللي مش قادر افهمه انت انت عملت كدة ليه ده انا بعتبرك اخويا
وائل: انت بتتكلم عن ايه انا مش فاهم حاجة
زين : الكاميرا جابتك وانت بتقلعني هدومي وانت اللي قولت لهناء اني مشيت مع شهد ليه ..
لكمه وصرخ : لييييه
وائل بكره وهو يمسح د.مه ويبتسم بحقد : عشان بكرهك وعمري ما كرهت حد زيك
نظر لها زين بصدمة ليكمل وائل : ايوة مستغرب ليه على طول ما فيش في العيلة غير ابني عمي زين زين زين مين زي يعني مين … اتشهرت ونجحت وحواليك ملايين البنات البنت الوحيدة اللي حبيتها اللي قولتلك انا عنها اني بحبها
زين بذهول: انت كنت بتحب هناء .. هو اللي زيك يعرف يحب
وائل بعصبية: ليه ليه معرفش احب مش بني آدم ولا الحب برضو من نصيب زين الشريف
زين باستهزاء : واللي يحب حد يقضيها مع مليون حد غيرها انا لما حبيت هناء ما تكلمتش كلام مع غيرها لا معجبات ولا غيرها حتى مشاهد تمثيل رفضت عشانها بتحب ايه وانت في حضن شهد وغيرها
وائل: لو كان وافقت عليا كنت حكتفي بيها
زين : ديل الكل.ب … بس حتجوزها وخلي نار كرهك تحر.قك انت
نظر إلى شهد بقر.ف وهمس : انت افضل رمرم
وائل بسخرية : هع انا روحت تقدمتلها اخوها عمر جاب تاريخي.. حنشوف تاريخك حيبقى عامل ازاي ده فيلم واحد من افلامك يخلي يحدفك من البلكونة
كلامه اخاف زين واوجعه كثيرا لكنه تظاهر بالقوة وهمس : كل واحد حياخد على نيته وحتجوزها وحتشوف
وائل : مش قبل ما ادوقها انا ..
لكمه زين بقوة وغل ووائل يضحك ويهمس بكلام وقحة جدا ينوي ان يفعله بها
زين بكره : جرب تقرب لها وانا اقسم بالله حانسى انك ابني عم واقت.لك اوعدك

ذهب زين الى الجامعة ومجرد ان لمحها نسي هموم الدنيا ابتسم لها بألم شديد لاحظت الحزن الذي في عينيه
هناء بقلق : زين انت كويس
زين بتنهيدة : اما شوفتك بقيت كويس .. هناء بحبك اوي اوي
كانت الكلمة نابعة من صميم قلبه لذلك وصلت لقلبها شعرت بقشعريرة في معدتها ورجفة في جسدها
استدارت تريد الذهاب زين برجاء : خمس دقايق بس تيجي معايا عايزك تشوفي حاجة
هناء : زين ما ينفعش انا ..
زين : عشان خاطري ٥ دقايق
مشت بجانبه وهو وضع يديه في جيبه حتى لا يضمها لكن قربها يهلكه
صعدت بجواره في سيارته نظر لها قليلا يشبع عينيه وقلبه ثم أعطاها تابلت بعد ان شغله
هناء : ايه ده
زين : دليل برائتي
بعد تشاهد ما حدث عندما دخل زين الكارفان وهو يشعر بحالة غير طبيعية
ويضع يده على رأسه
زين : في ايه مالي