لا ادري كيف احببته
_لازم تتغير عشانها ويا ريت تغيرها معاااك وبتمنالكم حياه سعيده
_لا هتغير عشانك
فاطمه وقفت مره واحده مع دقات قلب سريعه جدااا ربما كانت مسموعه
_انت بتقول اي
آدم مسك ايد فاطمه وقال:انا مش بحب آنيا يا فاطمه ولا عمري حبتها آنيا بالنسبالى صديقه مش اكتر
_وانا مالى
_لا مالك عشان بسببك البت كانت هتمو”ت
فاطمه ضمت حواجبها وقالت: بسببي
آدم بتوهان: انا مش عارف ازاى عملت كده البت جاتلى لحد البيت ورنت الجرس ورفضت افتحلها الباب عشانك
_انا مالى بردو
آدم بهدوء:
انتى لازم تفهمينى في حاجه مش عارفه هي اي بس حاسس بشعور غريب اتجاهك
_انا هروح اجهز الفطار عن اذنك
فاطمه دخلت المطبخ وآدم مكنش عارف اي اللى بيحصله وليه قالها كده
فاطمه حطت أيدها على قلبها ومكنتش مصدقه معقول آدم بيحبها ولا لعبه منه
فاطمه بصت في أيدها وافتكرت ازاى اتبرعت لانيا
فلاش باااك
_لو سمحت يا عمى
_اتفضلى !!
_ممكن اعرف اقرب مستشفى هنا فين
_اقرب مستشفى يا بنتى هي ****
_ شكرا اوى
فاطمه وقفت عربيه وركبت وقالت للسواق على اسم المستشفي
بعد مرور ربع ساعه
فاطمه نزلت فعلاا ودفعت للراجل الاجره ودخلت
_لو سمحتى ممكن اعرف غرفه الانسه آنيا رقم كاام
_آنيا اي ؟
فاطمه بتوهان:آنيا آنيا
_انتى تقصدي آنيا بنت خالد بيه
_هي عملت حادثه
_ايوه هي آنيا بنت خالد بيه !!
_طب ممكن اعرف غرفتها رقم كام
الممرضه بصت في الكشف وقالت:رقم ١٣٥٧
_تمام شكرا اوى
فاطمه ركبت الاسانسير ووصلت فعلاا ولكن استخبت عالطول وقالت:آدم هناا اعمل اي دلوقتى؟
فاطمه بصت قدامها لقت لبس ممرضين دخلت الاوضه وغيرت هدومها ولبست لبس ممرضه وحطت الكمامه على وشها وطلعت
_لو سمحتى فين الاوضه اللى بيتبرعوا فيها الد”م
الممرضه باستغراب:ازاى مش عارفه غرفه التبرعات
فاطمه بارتباك:انا جديده هناا ومعرفش
الممرضه:تدريب يعنى
فاطمه هزت راسها وقالت:اه تدريب لسه
الممرضه:بصي أمشي قدام وعلى ايدك اليمين هتلاقيها
_اممم شكرا اوى عن اذنك
فاطمه مشت متجها إلى غرفه التبرعات
آدم كان ماشي عكس اتجاه فاطمه وفاطمه كانت بصه في الأرض وفجاه دخلوا في بعض
_اعااااا
آدم مسكها عالطول وقال:انا اسف اوى
فاطمه بعدت عن آدم
عالطول وقالت بصوت خافي جدا:ولا يهمك
آدم باستغراب:الصوت ده مش غريب عليااا
فاطمه كانت ماشيه مستعجله اوى
_فاطمه
فاطمه وقفت مكانها ودقات قلبها كانت سريعه جدااا
آدم كانت رايح عندها ولكن حد ندا
_آدم بيه
فاطمه خدت نفس عميق ودخلت الاوضه عالطول
_مين حضرتك
فاطمه شالت الكمامه وقالت: انا فصيلتى نفس فصيله آنيا بنت خالد بيه ومستعده اتبرع
_طب لابسه لبس ممرضات ليه
فاطمه بارتباك:
