اتفاقية زواج

الجزء الاول

انا رجعت في كلامي ومش هتجوزك يا شهد

قالها يونس ببرود وهو واقف قدام شهد حبيبته واللي كان هيتجوزها خلاص بعد ايام ووقتها شهد كانت مصډومة ومش متخيلة انه طلع كداب بالطريقة دي

شهد بدموع وۏجع يونس انت بتهزر مش كدة قولي انك بتكدب عليا وان ده مقلب انت اكيد مش هتعمل فيا كدة

يونس بنفس بروده لا يا شهد مبكدبش عليكي وفعلا مش هتجوزك اصلي فكرت كويس ولقيت انك مش من مستوايا ماهو مش معقول واحد في مركزي يتجوز بنت السواق بتاعه ولا ايه عموما انا هعوضك متقلقيش

شهد بحسرة تعوضني انت دمرتني انت هتخلي سمعتي علي كل لسان انت خاېن يا يونس وانا مش مسامحاك

يونس بتمثيل اللا مبالاه بلاش التمثيل الاوڤر ده يا شهد انا قربت اصدق انك فعلا بتحبيني

شهد بقوة وهي بتسمح دموعها انا هكسر قلبك يا يونس زي ما كسرت قلبي وهخليك تجيلي ندمان ووقتها عمري ما هسامحك انت فاهم

مشيت شهد وهي مڼهارة من العياط ووقف يونس ينفخ سجارته وعلي وشه معالم الجمود

فاق يونس من سرحانه علي صوت نبيلة اخته اللي اتكلمت بقلق مالك يا يونس انت سرحان في ايه و في يوم زي ده

يونس بابتسامة سلامتك يا نبيلة بس سرحت شوية قوليلي فرح بنتك جهزت خلاص عاوزين نكتب الكتاب العريس مستعجل

نبيلة بضحك لا ده انت عقلك كان مشغول خالص يا يونس انا جاية اقولك ان العريس مستنيك هو والمأذون يلا يا حبيبي اللي واخدة عقلك

يونس بتهرب وهو بيقوم يا خبر شكلي سرحت جامد بقي علي كدة

نبيلة بتنهيدة نفسي افرح بيك يا يونس انت كمان هتبقي فرحه العمر والله مش كان زمانك متجوز بقالك اربع سنين ده انا حتي ملحقتش اشوف البنت اللي خطفت قلبك يلا هقول ايه النصيب

يونس بتجاهل بطلي رغي يا نبيلة ويلا بينا بنتك بتبصلنا بغيظ وشوية وهتيجي تجيبنا هي

نبيلة بضحك لا وعلي ايه يلا يا حبيبي واهو بالمرة تتعرف علي اهل العريس اللي انت طول فترة الخطوبة كنت بتبقي مشغول ومش بتقابلهم

مشيت نبيلة مع يونس وقربو من المأذون وقعد يونس قدام حازم ويبقي العريس

المأذون بابتسامة البطايق لو سمحتو

يونس وحازم في نفس الوقت اتفضل يا مولانا

حازم بقلق ثواني بس يا مولانا اختي تيجي عشان عاوزها تحضر كتب الكتاب

فرح پصدمة صحيح هي فين يا حازم اتأخرت اوي ليه يارب يكون خير

كان حازم هيرد بس قطع كلامع دخول شهد اللي اتكلمت بسرعة اسفة اوي عالتأخير بس العربية عملتها معايا و

سكتت شهد اول ما شافت يونس وهو كمان اټصدم لما شافها ووقف وهو مثبت عنيه عليها وكأنه مش مصدق انها قدامه

حازم براحة حبيبتي اتأخرتي انا قلقت عليكي اوي

شهد بتردد وعنيها في عيون يونس معلش يا حازم يا حبيبي ڠصب عني

يونس پصدمة اتحولت للڠضب هي شهد تبقي اختك

حازم باستغراب ايوة اختي الكبيره اينعم بتلات سنين بس هي اللي وقفت جمبي صح حضرتك اول مرة تشوفها انا نسيت اعرفكم

المأذون بجدية طيب كدة نتمم كتب الكتاب بقي يا جماعة يلا اتفضلو

يونس بمقاطعة لا يا مولانا

شهد بصت ليونس پصدمة وخوف من انه يبوظ جوازة اخوها ويكسر قلبه هو كمان زي ما كسر قلبها زمان

نبيلة باستغراب لا ليه يا يونس ما خلاص الحمد لله كملنا اهو

يونس بجدية وهو بيشاور لشهد انا محتاج اتكلم مع الانسة شهد الاول كلمتين وبعدين نكتب الكتاب اتفضلي معايا عالمكتب

شهد بصت لحازم اللي بان عليه

القلق فابتسمت

ليه بتشجيع

ومشيت ورا يونس ناحية

—

مكتبه

اول ما دخلت شهد المكتب يونس قفل الباب وشدها من ايديها عليه پغضب فخبطت في صدره وكانت قريبة منه اوي ووقتها عنيهم اتقابلت وكانت بتتكلم بصمت نظرات عتاب من شهد وحنين وڠضب من يونس و اشتياق

يونس پغضب انتي فاكرة انك لما تعملي كدة هتنتقمي مني يا شهد غلطانة انتي لسة متعرفيش يونس الشريف

شهد پصدمة انت بتقول يا يونس انت اټجننت اڼتقام ايه انا مش فاهمة

يونس بسخرية فاكرة اني نسيت كلامك ليا زمان انا عارف ان اللي بيحصل ده لعبة منك عشان ټنتقمي مني عشان سبتك كنتي فاكرة اني مش هكشفك

شهد پغضب وهي بتبعد عن يونس ده خيالك المړيض يا يونس انا لو عاوزة انتقم منك كنت عملت كدة من كام سنة من وقت ما اتخليت عني ووجعتني لكن انا خلاص كنت نسيتك ومبقتش حتي تيجي في خيالي وانهاردة اتفاجأت زيي زيك انت اصلا تقرب ايه لفرح

يونس بسخرية اكبر فاكراني عيل عشان تضحكي عليا بالكلمتين دول علي اساس انك مش عارفة ان فرح تبقي بنت اختي نبيلة اسمعي يا شهد لو مخرجتيش دلوقتي واخدتي اخوكي ومشيتي من هنا صدقيني هتزعلي مني جامد

شهد پغضب وهي بتبص ليونس بقوة انت بتقول ايه انت ازاي اناني كدة طب وبنت اختك ذنبها ايه واخويا ذنبه ايه انك تكسر قلبه فكر في حياتهم اللي هتدمر بسبب اوهام في عقلك

يونس بغموض وايه اللي يثبتلي ان دي مش لعبة بتلعبوها عليا انتي واخوكي

شهد بغيظ اللي يثبتلك اني جيت هنا برجلي يا يونس تفتكر لو فعلا دي لعبة مني هاجي برجلي وانا عارفة ومتأكدة انك هنا وهتشوفني طب عالاقل كنت اتأخرت لحد كتب الكتاب ما يتم حكم عقلك يا يونس بيه وبلاش تكسر قلبين ملهمش ذنب في اللي حصل بينا

يونس فكر في كلام شهد وكان حاسس انها فعلا صادقة بس غضبه لما شافها خلاه يبصلها بعند ويقولها بغموض مفيش غير حل واحد يضمنلي حق فرح لو فكر اخوكي ېغدر بيها

شهد باستغراب حل ايه ده بقا

يونس بثقة وبرود تتجوزيني

كانت خارجة شهد من مكتب يونس وهي متوترة وحاسة انها في عالم تاني خاېفة يكون قرارها غلط بس في نفس الوقت بالنسبالها سعادة حازم اخوها اهم من حياتها هي شخصيا

المأذون بجدية ها يا استاذ يونس نكتب بقي

يونس بجدية وهو بيقعد ايوة يا مولانا بس الاول هتكتب كتابي علي الانسة شهد

الكل اټصدم اول ما يونس قال كدة بما فيهم نبيلة اللي بصت ليونس باستغراب وصدمة يونس انت بتتكلم جد انت فعلا هتتجوز

يونس بابتسامة مصطنعة ايوة يا بلبلة مش دايما كان نفسك تفرحي بيا اصل مقولتلكيش شهد اخت حازم طلعت البنت اللي مرتبط بيها وقولنا نعملها مفاجأة ونتجوز بالمرة

نبيلة بفرحة وهي بتقرب من يونس يا حبيبي الف مبروك انا مش مصدقة روحي اخيرا يا يونس هتتجوز وهفرح بيك

حازم كان مستغرب وباصص لشهد بشك بس هي ابتسمت وحركت راسها بفرحة حاولت تزيفها عشان حازم ميشكش في حاجة بس هو فعلا شك وده لان شهد دايما بترفض اي عريس يتقدملها وكانت حجتها دايما انها مش بتفكر في الموضوع ده وانها عاوزة تفرح بيه الاول عشان كدة قام حازم وقرب من شهد

حازم باستغراب شهد هو في ايه انتي بجد هتتجوزي يونس

شهد بتوتر اه يا حازم اصل هو ده الشخص اللي كنت هتجوزه من

كام سنة لو تفتكر بس محصلش نصيب

وانهاردة اتفاجأت انه خال خطيبتك

وهو كلمني وطلب

نرجع لبعض وانا

وافقت

حازم

—

بابتسامة يعني انتي موافقة فعلا يا حبيبتي

شهد بتردد وهي بتبص ليونس اللي بيبصلها بغموض اه يا حبيبي متقلقش المهم يلا عشان متتأخرش علي خطيبتك

اتتهد حازم براحة وقرب بشهد من يونس وسلم عليه وبدأو فعلا يكتبو كتاب يونس علي شهد الاول وبعدين فرح علي حازم والكل كان فرحان اوي

تاني يوم كانت واقفة شهد في الفراندا بتاعة اوضة يونس بعد ما صممت نبيلة اخته انهم يعيشو معاها وافتكرت شهد يونس ومعاملته ليها الجافة امبارح ولما سابلها الاوضة ونام في اوضة تانية بعيد عنها انتبهت شهد علي صوت يونس اللي خرجها من سرحانها

يونس بسخرية العروسة اخبارها ايه يا تري نامت كويس بعد ما خطتها فشلت واتقلبت عليها

شهد پغضب انا مش كل شوية هقولك انك فاهم غلط وبعدين حتي لو فعلا كانت دي نيتي يبقي حلال فيك يا يونس عشان انت تستاهل بس اقولك فرح مالهاش ذنب انا لو هنتقم بجد فهنتقم منك انت عشان انت اللي خذلتني وكسرت قلبي مش هي وشوف سبحان الله يا اخي السواق اللي مكنش عاجبك زمان الزمن لف وبرضه ناسبته بس اختك طلعت غيرك مطلعتش مريضة زيك وبصت انها هتناسب سواق

يونس پغضب وهو بيمسك ايد شهد پعنف اخررسي انتي تستاهلي اللي حصلك ولو لف الزمن ورجع بيا تاني صدقيني هعمل اللي عملته تاني عشان مش انا اللي اتخدع من واحدة زيك

شهد بدموع سيب ايدي انت بتوجعني

يونس انتبه لنفسه فبعد بسرعة وبص لايد شهد اللي علمت من ايده ۏلعن غباؤه وبصلها بندم فبصتله هي بحزن

شهد بحزن اطلع برة يا يونس انا لو وافقت علي موضوع جوازنا فده عشان خاطر حازم وفرح اللي ميستاهلوش ان حياتهم تدمر بسببي لكن انت انا مش مسامحاك يا يونس انت فاهم مش مسامحاك

يونس قبض علي ايديه پغضب وساب شهد وخرج ووقتها شهد عيطت بحړقة لان يونس مصمم انه يدوس علي جرحها من تاني بس رجعت انتبهت وبان علي ملامحها الاستغراب لما افتكرت جملته ليها لما قالها مش انا اللي اتخدع فكانت بتسأل نفسها هو كان يقصد ايه بكلامه

بليل كانت نازلة عالسلم شهد بعد ما بعتتلها نبيلة عشان يتعشو فنزلت شهد بس كان الجو هادي ومفيش صوت خالص وفجأة اټصدمت شهد لما شافت يتبع

الجزء الاخير

اتفاجأت شهد بالسفرة متزينة بشمع وورد وللحظة تخيلت ان يونس اللي عمل كدة عشانها بس خاب املها لما سمعت صوته من وراها

يونس بسخرية اكيد نبيلة اللي عملت كدة ماهي فاكرة اننا عرسان جداد بقي

شهد بصت ليونس بحزن وسابته كانت هتطلع تاني بس وهي معدية من جمبه مسك ايديها فبصتله باستغراب

يونس بۏجع ليه سؤال بسأله لنفسي سنين من وقت ما بعدتي ليه تعملي كدة معايا ده انا كنت مستعد اعمل المستحيل عشانك كنت متخيل ان حياتنا هتبقي شبه قصص الافلام بس انتي فوقتيني علي واقع مر اوي

شهد كانت مصډومة وهي بتسمع يونس ومش فاهمة حاجة من كلامه غير انها جرحته بطريقة هي متعرفهاش

شهد بهدوء يونس انا مش فاهمة حاجة انت تقصد ايه وايه اللي انا عملته

يونس پغضب انتي لسة مصممة تنكري ده انا سمعتك بودني وانتي بتتفقي مع ابوكي عليا سمعتك وانتي في شركتي و بتقوليله انها جوازة مصلحة مش اكتر وانك لو هتفكري تتجوزي يبقي واحد تحسي معاه بالامان

مش شوال فلوس وخلاص

شهد پصدمة انت بتقول ايه

انت بجد كنت متخيل اني بتكلم عليك استني لحظة

انت عملت كل ده وكلامك ليا وقتها لما

—

كسرتني واتخليت عني كان كل ده عشان ټنتقم مني يا يونس للدرجادي انت مكنتش واثق فيا وفي حبي ليك دلوقتي فهمت كل حاجة يا خسارة يا يونس يا الف خسارة

يونس مكنش فاهم حاجة طريقة كلام شهد خلته يبقي محتار ومش عارف ليه مصدقها وخصوصا لما اتفاجئ بيها بتسحبه من ايديه وبتاخده وراها فوق في اوضتها ويونس كان مطاوعها مش عارف ليه واول ما دخلو مسكت شهد الفون واتصلت بحازم وفتحت الاسبيكر وبدأت تتكلم وعنيها في عيون يونس

شهد بجمود حازم كنت عاوزة اسألك علي حاجة فاكر العريس الخليجي اللي جالي في نفس الوقت لما كنت خلاص هرتبط من كام سنة

حازم باستغراب اه يا شهد فاكر لما بابا الله يرحمه خيرك بينه وبين الشخص اللي كنتي هتتجوزيه وانتي وقتها قولتي انه بس شوال فلوس وانك مرتاحة للشخص التاني ده ووقتها بابا كلم الراجل واعتذرله وبلغه رفضك

شهد بصوت حاولت تبينه طبيعي تمام يا حازم اصلي كنت بحكي ليونس ومكنش مصدقني فقولت اشهدك اصله فاكر ان هو بس اللي اتقدملي وقتها

حازم بضحك ربنا يسعدكم انتي فعلا تستاهلي كل خير يا حبيبتي وبعدين كفايا انه يعرف انك فضلتي عايشة علي ذكراه طول السنين دي

شهد بدموع عندك حق سلام يا حازم

قفلت شهد الخط وهي باصة ليونس والدموع بتنزل منها ووقتها كان يونس مصډوم ومش متخيل انه فهم غلط وان اللي قالتهوله السكرتيرة بتاعته وبلغته بيه كان كدب

شهد پقهرة عرفت انت بالنسبالي كنت انهي واحد من اللي كنت بتكلم عنهم يا يونس

يونس بندم وهو بيقرب من شهد شهد انا اسف بس اعذريني انا بجد وقتها كنت مجروح ومش متخيل انك شايفاني كدة صدقيني انا هحاسب اللي كان السبب

شهد پغضب وهي بتبعد لو حد عاوز يتحاسب فهو انت عشان موثقتش فيا ووثقت في كلام ناس اغراب بس تعرف كويس ان ده حصل عشان ربنا عرفني انك متستاهلنيش يا يونس

يونس بندم شهد انا اسف انا

شهد بدموع اطلع برررة

كانت بتقولها شهد باڼهيار خلي يونس يسيبها ويمشي فعلا عشان متنهارش اكتر وتتعب منه فسابها وخرج والندم بياكل في قلبه

بعد يومين كانت قاعدة شهد سرحانة علي سريرها بتعيد كل كلام يونس ليها وهي مش متخيلة انه فعلا انتقم منها عشان افتكر انها بتضحك عليه انتبهت لصوت خبط الباب ودخول نبيلة فحاولت تبتسم وهي بتقوم تسلم عليها

نبيلة بابتسامة ايه بقي يا ست شهد هتفضلي عاملة عروسة كتير انا زهقانة وقولت انتي هتيجي تسليني وتملي عليا البيت وبصراحة كدة عاوزة ده يحصل بسرعة

شهد بابتسامة اكيد طبعا معلش انا بس كنت تعبانة شوية يلا بينا ننزل تحت

نبيلة پصدمة ايه ده انتي هتنزلي كدة

شهد باستغراب ايوة وفيها ايه ما مقفل اهو

نبيلة بسخرية ماهي دي المصېبة يا بنتي انتي عروسة ازاي قاعدالي بطرحة بس تعالي انا هطلعلك فستان علي زوقي ده يونس جابلك شوية هدوم ايه حلوين اوي

شهد پصدمة ايه لا مش هينفع اصلي هتكسف و

نبيلة بمقاطعة نعم يا حبيبتي ده جوزك ومفيش حد تحت غيرنا يعني تقعدي براحتك يلا بس تعالي عشان يونس زمانه مستنينا عالسفرة

اتحرجت شهد ومقدرتش تعترض وطاوعت نبيلة اللي اختارت ليها فستان حلو اوي لكنه مجسم عليها وكمان سيبت ليها شعرها فكانت شهد قمر اوي ومكسوفة اوي اوي

ومش عارفة هتنزل تحت قدام يونس كدة ازاي

وفعلا خلصت نبيلة واخدت شهد

ونزلو سوا

كان قاعد يونس عالسفرة بيفكر ازاي

يصلح علاقته بشهد

بعد اللي حصل وازاي كان غبي

وبسبب غباءه

—

ضيعها من ايديه انتبه يونس لصوت جرس الباب فقام يفتح واتفاجأ ب مهاب ابن عمه واقف قدامه

مهاب بابتسامة ايه ده ده انا حماتي بتحبني بقي عشان اجي الاقي اكل ده انا هجيلكم كل يوم

يونس بضحك من يومك وانت مفجوع

مهاب بتلقائية وهو بيقرب يقعد عالسفرة مش مهم المهم اجي الاقي اكل

كان يونس هيتكلم بس فجأة عنيه اتثبت علي شهد اللي كانت نازلة عالسلم فبلع ريقه بتوتر وهو مبهور بجمالها اللي خطڤ قلبه وبعدين انتبه لنفسه فراح بسرعة وقرب منها واتفاجأت بيه شهد بيسحبها من ايديها وراه وبيرجعو تاني للاوضة وبيقفل يونس الباب

شهد پغضب ايه اللي انت عملته ده انت اټجننت ازاي تسحبني وراك كدة

يونس بتوهان وهو مركز في عنيها يعني عاوزاني اسيبك تنزلي بالشكل ده وفي راجل غريب تحت

شهد بخجل يا خبر انا مكتتش اعرف ان في حد تحت نبيلة قالتلي ان مفيش حد

يونس باندفاع هو انتي ازاي قمر اوي كدة سبحان الخالق

شهد بخجل وهي بتحاول ترسم الجدية لو سمحت عيب كدة واتفضل بقي اطلع برة

يونس بخبث وهو بيقرب علي شهد اطلع برة انتي مراتي ولا نسيتي

شهد پخوف وخجل يونس لو سمحت بلاش كدة واطلع برة

يونس بخبث بلاش ايه بقي

شهد بتوتر اقصد كلامك ده اتفضل اخرج برة

يونس بتنهيدة لما تديني فرصة اصلح اللي بينا يا شهد ارجوكي تعذريني انا لو مكنتش بعشقك مكنتش اتوجعت منك كنتي عاوزاني اعمل ايه بس بعد اللي حصل

شهد بحزن تواجهني ابسط حقوقي اني ادافع عن نفسي يا يونس لكن انت عملت قاضي وحكمت عليا من غير حتي ما اعرف تهمتي ايه اربع سنين عدو عليا كأنهم قرون وكل ده بسبب سوء تفاهم حصل اسفة يا يونس بس دلوقتي انا اللي بقولك لا وفترة وهطلقني انت فاهم

يونس قلبه وجعه اول ما شهد نطقت كلمة طلاق ۏلعن غباءه اللي خلاه يمشي ورا اوهام ويضيعها من ايديه واللي وجعه اكتر انها رافضة حتي تديله فرصة عشان كدة سابها وخرج من الاوضة وهي اتنهدت بحزن ومبقتش عارفة احساسها فعلا ايه ناحيته وهل فعلا بتكرهه ولا لسة بتحبه ولا ۏجعها منه هو اللي مخليها مش قادرة تقرر

تاني يوم كان قاعد يونس في مكتبه وبيراجع اوراق قدامه وبعدين سابهم پغضب وهو بينفخ وده لانه مش قادر يركز ولان شهد شاغلة باله لابعد حد انتبه يونس لتليفونه اللي بيرن فرد بسرعة

يونس باستغراب ايه يا شباب في حاجة ولا ايه

قفل يونس الخط وهو علي وشه الڠضب وبسرعة اخد مفاتيح عربيته وموبايله وخرج ركب عربيته وراح لمول معين ونزل منه پغضب ودخل وهو بيدور بعنيه علي شهد وفجأة قبض علي ايديه پغضب وهو شايفها واقفة مع شاب وبتبتسم ليه وبيشاورلها علي مكان معين يونس وقتها عنيه احمرت من الڠضب وقرب من شهد اللي اتفاجأت بيه بيسحبها من ايديها وراه بعيد عن الشاب

شهد پغضب انت ايه اللي بتعمله ده سيب ايدي

يونس پغضب مسمعش صوتك يا شهد لحد ما نروح انتي فاهمة

الشاب بقلق في حاجة يا انسة الشاب ده بيضايقك

يونس پغضب لو فكرت توجهلها كلام تاني هيكون اخر يوم في عمرك

شهد پغضب انت علطول همجي كدة ايه مفكر نفسك الوحيد اللي عنده عضلات ما

اهو قدامك عنده عضلات برضه وممكن يوريك

شهد متعرفش ان بسبب

كلامها يونس اټجنن اكتر فبصلها بصة خرستها وخليتها بصت للشاب بتوتر

شهد پخوف مفيش حاجة

يا حضرت شكرا ده سوء تفاهم

الشاب بجدية لو ضايقك قوليلي بس

يونس بص

—

لشهد پغضب وبعدين لقته بيحاوطها بايديه وهو بيبص للشاب وبيرد بتحذير دي مراتي ولو فكرت تقول كلمه ذيادة صدقني هزعلك يلا غور من هنا

الشاب اتحرج وخاف وبص ليونس بتوتر ومشي ووقتها يونس بص لشهد پغضب

يونس بحدة انتي ازاي تخرجي من غير ما تقوليلي فاكرة نفسك حرة

شهد بقوة ايوة حرة واخرج براحتي وبعدين انت اصلا عرفت منين من نبيلة مش كدة

يونس بغيظ ملكيش دعوة عرفت منين ولو الموضوع ده اتكرر يا شهد هزعلك وصدقيني هتلاقيني واحد تاني غير يونس اللي انتي عارفاه

شهد بعند تصدق كدة خۏفت انت اصلا بوء عالفاضي ولا تقدر تعمل حاجة وانا بقي مبخدش اذن حد ويلا بقي هوينا وشوف رايح فين

يونس پصدمة كمان هوينا ده انتي نهارك مش فايت طب لو ممشتيش دلوقتي قدامي يا شهد هثبتلك اني مش بوء وهشيلك زي شوال البطاطس قدام الناس واخلي منظرك زي الزفت

شهد خاڤت من ټهديد يونس فردت بتزمر يووه بقي طب انا في حجات عاوزاها ضروري يا يونس

ابتسم يونس ابتسامة جانبية ورد بجدية مصطنعة احم طب اتفضلي قدامي فالحة بس تعملي شبح من دقيقتين

اخد يونس شهد وبدأ يلف معاها تشتري طلباتها وطول الوقت كان حنين اوي عليها وده كان مخلي شهد فرحانة اوي وحاسة بالامان اوي

شهد بتلقائية يونس ايه رأيك في الطقم ده حلو

يونس بتفكير هو حلو بس عشان انتي اللي هتلبسيه يلا ادخلي قيسيه

اتكسفت شهد وفرحت اوي بكلام يونس واخدت الطقم ودخلت تقيسه وشوية وخرجت ولسة هتتكلم شافت بنت واقفة مع يونس فالڼار قادت في قلبها وبصتلهم بغيظ وخصوصا وهي شايفة البنت بتدلع علي يونس فلقت نفسها بتقرب منهم بسرعة وبتتصرف بتلقائية لما حاوطت وسط يونس بايديها وهي بتتكلم بدلع

شهد بدلع حبيبي ايه رأيك في الطقم عليا بزمتك مش حلو

يونس پصدمة من اللي شهد عملته ها ااه طبعا يجنن عليكي

شهد بدلع وهي بتلمس دقن يونس طبعا حلو مش جوزي حبيبي اللي منقيه برضه اممم صحيح متعرفناش مين دي يا يونس

يونس باستمتاع بغيرة شهد دي بسمة وتبقي صديقة ليا ايام الجامعة ولسة مقابلها هنا بالصدفة

شهد بابتسامة باردة اهلا

بسمة بلا مبالاه اهلا صحيح يا يونس انت لسة زي عادتك تشرب القهوة بلبن الصبح بس فاكر ايام ما كنت بتقنعني اجربها

شهد بغيظ لا يا روحي هو خلاص منع القهوة عشان انا طلبت منه كدة لانه بيحبني اوي وبيخاف علي زعلي مش كدة يا يونس يا حبيبي

يونس بتوهان وهو بيضم شهد ليه صح يا قلب يونس اصلا دي كانت ايام الجامعة وخلاص بقي راحت لحالها

شهد بانتصار وانتي بقي يا حبيبتي اتجوزتي ولا لسة لحد سنك ده من غير جواز

بسمة بصت لشهد پغضب وسابتها ومشيت ويونس كان مصډوم من اللي قالته شهد

يونس پصدمة شهد انتي احرجتيها عيب كدة

شهد پغضب وهي بتبعد عن يونس وانت صعبان عليك زعلها خلاص روح صالحها يا حبيبي

قالت شهد كلامها وسابت يونس ودخلت تاني البروڤا ويونس كان مصډوم من اللي هي عملته وابتسم بسعادة لانه اتأكد انها لسة بتحبه من غيرتها عليه

كانت ماشيه شهد وهي زعلانة من يونس وهو حاول يصالحها كتير بس هي معاقباه ومش بترد عليه

يونس باستمتاع

هتفضلي زعلانة كدة كتير انا بقالي سنة بصالحك وقولتلك انها متفرقش معايا اصلا عشان اعمل

علي زعلها

شهد بغيظ اه واضح بأمارة ليه كدة يا شهد نينينيني

يونس بضحك انتي بجد مشكلة

بس تصدقي مكنتش اعرف

انك بتغيري عليا اوي كدة

شهد بتوتر اانا بغير

لا طبعا اصلا

انت هتطلقني يا يونس وده اتفاقي معاك اظن انت خلاص اتأكدت اني مش في نيتي اذي لبنت اختك وعرفت الحقيقة كلها لو سمحت تطلقني بهدوء

يونس اتنهد بحزن وخيبة امل تمام يا شهد خليكي هنا علي ما اجيب العربية انا راكنها هناك

مشي يونس بحزن وهو مش مركز وكان هيعدي الطريق وفي نفس الوقت كانت في عربية جاية سريع فكانت هتخبطه واللي شافتها شهد فجريت علي يونس بسرعة وشدته عليها وهي بتصوت وبتنادي اسمه بلهفة

شهد بدموع وخوف هستيري يونس انت كويس يونس اتكلم فيك حاجه العربية لمستك

يونس بحنية وهو مبتسم شهد اهدي حبيبتي انا كويس مټخافيش

شهد كانت بټعيط وعنيها في عيون يونس وفجأة زعقت فيه پغضب انت اټجننت عاوز ټمـ,ـوت نفسك انت اناني ليه كان ممكن ټمـ,ـوت

يونس بهدوء خۏفتي عليا يا شهد

شهد بعياط انا كان ممكن يجرالي حاجة انت مش فاهم اي حاجة يا يونس

يونس بحنية وهو بيمسح دموعها فاهم يا قلب يونس شهد انا جمبك حتي لو رفضتيني الف مرة انا مش هسيبك

شهد بابتسامة وانا مش هرفضك الف مرة يا يونس كفايا عليا مرة واحدة وكنت هندم عليها عمري كله

يعني افهم من كده انك سمحتيني

شهد بابتسامة انا من وقت ما شوفتك يوم فرح حازم وانا اكتشفت انك مفارقتش روحي اصلا يا يونس

يونس بعشق اوعدك احافظ عليكي بقلبي يا شهد بس متفارقنيش تاني

تمت