سج,ينة الحب 2

الحلقة ١٨
وسابها وطلع الجنينه يفكر فى الا حصل من اسبوعين وهو بيقول ليه عملت كده ياجميلة انا بحبك بس غضب عنى انشغلت شوية بشغل لكن عمرى ماحبيت حد غيرك ليه كده
flash bake
قبل شهر من دلوقتى شريف بيكلم جميلة
شريف: حبيبتى وحشتنى
جميلة، انت اكتر
شريف: بتعملى ايه
جميلة: فى النادى مع ندى ملك عندها تمرين
شريف: طب ايه رايك اعدى عليكم ونتغداء سواء
جميلة: مش هينفع ياحبيبى علشان ندى عايزنى انزل اشترى شويه حاجات معاها
شريف: تمام خالى بالك من نفسك
جميلة: وانت كمان
وقفلت جميلة مع شريف الحمد لله أن ماصرش يجيى مكنتش هعرف اشترى الهدية براحتى فبعد كام يوم عيد ميلاده
ندى اللى كانت تجلس أمامها : خير شريف كان عايز ايه
جميلة: كان عايزه يجى يتغداء معانا
ندى: ياسيدى ياسيدى ايه الحب ده كله
جميلة: الحمد لله شريف رجع زى الاول واحسن
ندى: طب كويس انا هستاذن اروح الحمام واشوف الاولاد
جميلة: طب تمام واسال على ملك هتخلص التمرين امتى
ندى: ماشى وسابت جميلة ومشيت
شخص من وراء جميلة : مش معقول جميلة هانم
جميلة وهى تلتفت لصوت: احمد الشاذلى بنفسه ايه اللي جابك هنا
احمد وهو بيسحب الكرسى: رجليه
جميلة: وهى بتضحك : لا ياشيخ انت عضو هنا
احمد: لا بس حظ حلو علشان اشوفك انت هنا لوحدك
جميلة: لا مش لوحدى معايا ندى هنا وملك بنتى بس عندها تمرين سباحة انت هنا ليه بجد
احمد: فيكى من يكتم السر
جميلة مازلت اضحك: فى بير
فهذا الوقت وصل شريف لأنه كان بيكلم جميلة وهو فى طريق النادى وكان حابب يعملها مفاجأة وصل وشاف احمد قاعد مع جميلة وهى بتتضحك دليل على الاستمتاع بالحديث
شريف لنفسه: علشان كده الهانم مكنتش عايزنى اجى ليه جميلة علشان بعدت عنك شوية دى انت حب عمرى بس والله لفضحك ادام العائلة خصوصا امى علشان تعرف أن هانم اللي بدافع عنها هى ايه بالظبط مشى طبعا مشى من غير مايشوف ندى
عودة إلى جميلة قول به سر ايه
احمد: بحب واحدة مجنانى عضوه هنا بس ايه صاروخ
جميلة: اتلم بجد ولا لعب
احمد : جد جد
جميلة: طب ماتاخد خطوة جد بدل ماضيع
احمد: ماانا جاءت النهارده علشان كده اقعد معاها ورسى على بره
جميلة: عموما ربنا يكملك على خير
وهنا جاءت ندى
جميلة: اتاخرتى كده ليه
ندى : عادى ماانت لقته الا يسليكى
احمد بضحك : على أساس أن قرطاس لب اصلا
ندى: لب فى رجل اعمال يقول لب
احمد: طب اقول ايه
ندى: قول كاجو وفسدق كده يعنى
جميلة: طب سلمى عليه الاول وبعدين اتسليه عليه
سلمت ندى على احمد
ندى: انت ايه الا جابك هنا
احمد: لا ده موضوع طويل انا ماشى وراء مصلحة جميلة ابقى احكلها سلم
سلم احمد ومشى وسابهم
جميلة: اتاخرتى كده ليه
ندى: ابدا روحت شوفت ندى وسالت المدرب قالى لسه هتخلص كمان ربع ساعة وبعد كده روحت شوفت ابنى احكلى احمد كان عايز ايه
جميلة: ابدا بيحب وعايزة يتجوز
ندى بعدم تصديق: بجد احكيلى الموضوع من أوله
جميلة حكت الحوار كله لندى وخلصت ندى التمرين وخرجوا علشان يجيبوا هدية عيد ميلاد شريف
اما عند شريف خرج من النادى حزين وركب العربية ومشى لحد ماوقف فى مكان شبه مهجور على البحر وحط راسه على دركسيون فضل عيط على حبه لجميلة ازاى قدرت تخونه وتحب غيره وان لازم يفضحها ويحرمها من بنتها ويعذبها زى ما هو بيتعذب وفضل فترة كده لحد ماهدى وفى الاخر ومشى ورجع البيت كانت جميلة وصلت قبلته طبعا بحبه لكن سابها ودخل اوضة المكتب
شريف لنفسه : انت طلعت ممثلة شاطرة اوى بس انت بتعملى كده ليه عايز ايه عايزنى ولا عايزه
عقله،: عايزك ازاى وهى رفضت انك تروحلها النادى
قلبه: بس مش المفروض ان كنت سالتها
عقلة: كانت هتكدب عليك
قلبه،: كنت عملت الا عليه قبل ماحكم عليها
عقلة: انت شوفت بعينك
فضل الصراع ده شغال لحد مافاق على صوت خبط على الباب كانت جميلة بتبلغه العشاء جاهز خرج اكل من غير ولا كلمة وصدر الحكم على جميلة من غير مايسمعها على أنها خاينة
bake
رجع شريف للواقع وهو مقنع أن جميلة خاينة لازم اكشفها ادام الكل: من يومها وهو ومستني غلطة علشان اعرف اخد حقى
وعدى الليل وهو اقعد فى الجنينه مش عايز يدخل لحد ماالكل ينام ودخل وطلع الاوضة لقى جميلة صحياه
جميلة: حبيبى كل ده سهر
شريف ببرود: اصل كان عندى شغل
جميلة: شغل ايه انت قاعد من بدرى فى الجنينه
شريف بنرفزة: انت هتحسببنى انا حر وبعدين انت ايه الا مسهرك كل ده
جميلة: كنت بذاكر شوية انت عارف المناقشة قربت
شريف: طب خلاص بقى اطفى النور عايز انام
فعلا طفت النور علشان ينام جميلة: ياترى فيك ايه متغير كده
شريف لنفسه: اكيد سهرانه بتكلمه
وعدى الليل وجاءه الصبح كالعادة صحيت ملك وفطرتها وبعدين شريف بس الغريبة أن شريف رفض يفطر وخرج
عواطف: ماله شريف ياجميلة متغير من فترة كده
جميلة: مش عارفة والله ياطنط
عواطف: مش يمكن مشاكل فى الشغل
جميلة: لا انا سالت ندى وشغل كويس
عواطف: ربنا يهدى
جميلة: عموما انا عندى معاد مع الدكتورة كمان يومين وهقولها وسوف رأيها
أما عند شريف وصل الشركة بدرى ومتنرفز كالعادة ودخله عمر
عمر: مالك ياشريف
شريف: مالى من كويس
عمر: لا انت متغير من فترة وحزين على طول ومهموم
شريف: مفيش خالينا فى الشغل احسن
عمر: بعد ماكس أن شريف بيغير الحوار الشغل كويس وكله تمام
شريف: طب على فكرة أنا نسافر اخر الاسبوع شرم علشان المشروع الا هناك
عمر: قول كده حضرتك عايز تسافر انت والمدام وتعملوا شهر عسل جديد وانا اشيل الشغل صح
شريف: لا انا هسافر لوحدى المدام مش فاضيه هاتلى الاوراق اراجعها
خرج عمر من عند شريف من غير كلام لأنه احس انه مش عايز يتكلم وعدى باقى النهار من غير جديد على الابطال
ورجع شريف البيت فى معاده لقى جميلة قاعدة فى الجنينه
جميلة: حمد لله على سلامتك ثوانى وحضر العشاء
شريف : الله يسلمك ماتتعبيش نفسك ماليش نفس ماما فين
جميلة: طنط نائمت من بدرى
شريف: خير تعبانه
جميلة: لا عادى حاسة انها عايزة تنام بس انت ليه مش عايزة تتعشه
شريف: ماليش نفس انا ادخل المكتب اراجع شوية اوراق وسابها ودخل المكتب
وطلعت جميلة أوضاعا علشان تذاكر وبعدين فكرت قبل ماتذاكر انها تكتب ملاحظات عن شريف علشان لما تروح لدكتورة اقعدت تكتب وفجأة الباب انفتحت ودخل شريف
حس شريف بارتبارك جميلة ومحاولة اخفاء الأجندة اللي فى ايديها
شريف: مالك
جميلة برتباك : مفيش
شريف: طب ممكن تعمللى حاجة دافى
جميلة: انت تعبان
شريف: لا بس حاسس عايز اشرب حاجة دافيه
خرجت جميلة من الاوضة وبسرعة شريف دور لحد ما وصل الأجندة اللي كانت فى ايد جميلة وفتحها وقراى الا جوها بس اتصدام
كانت كاتبة عن رحلة شرم الشيخ وازاى غيرت حياتهاورجعت حب تانى لحياتها و حبيبها رجعها تانى وكتب أن انبهر بيها وبعد متغيرت للاحسن طبعا شريف بيقراء الكلام وفهم انها تقصد احمد اتجنن اكتر وبقى يقول بتخنينى ياجميلة ماشي
واول ماجميلة دخلت الاوضة شافت الأجندة فى ايد شريف اتصدمت
جميلة: بس انا هفهمك كل حاجة
شريف: ضربها بالقلم انت بتخنيننى
جميلة: والله ابدا انا
شريف مقاطعة بقلم تانى: ليه بتخنينى علشان اهملتك شوية ومع مين مع الحشرة ده ليه ياجميلة اناعمرى ماحبت حد غيرك ولا باصت على ست غيرك لم كنت ببقى فى حفلة اضطر ارقص مع واحدة مجاملة كنت بحس أن بخونك أجرى عليكى بليل وخدك فى حضنى حتى وانت نايمة
جميلة: دموعها غرقانة: انت فاهم غلط انا
شريف: انا فعلا كنت فاهم غلط بس هصلح غلطتى وطلاقك وبنتك تنسياها والا هفضحك ادام العائلة كلها
وفضل يضرب فيها بلاقلام وزقها وقفل الباب بالمفتاح
جميلة فضلت تعيط وهو نزل المكتب لنفسه ليه ياحب حياتى انا عمرى ماخنتك فضل يردد فى الكلام ده لحد الصبح مطلع وبعدها خرج نادى على الداده تجهز ملك المدرسة لا هانم تعبانه ودخل المكتب تانى لحد مانزلت عواطف من اوضتها
وسالت عن جميلة الدادة بلغتها انها تعبانة والبيه فى أوضة المكتب
دخلت عواطف المكتب على شريف لقيته اقعد فى الضلمة
عواطف: مالك يابنى اقعد كده ليه ومالها جميلة
شريف: لو سمحت ياامى مش عايز اسمع سيرتها
عواطف: ايه اللي حصل
شريف: تعالى نطلع فوق نتكلم بلاش فضايح
وطلع هو وعواطف على اوضتها
عواطف، خير مالها مراتك
شريف: جميلة بتخونى
عواطف: اخرس انت اتجننت
شريف: هى ده الحقيقة الهانم بتحب زميلها اللي هو شريكي وانا مغفل فى نص
عواطف: لا ده جنان مستحيل جميلة تعمل كده هى فين
شريف: حبستها فى اوضتها من امبارح
عواطف: تعالى معايا بسرعة اكيد تعبانة مخدتش جرعة
شريف بتعحب: جرعة ايه
عواطف: افتح بس وانا هجيب الدواء واجى وراك
راح شريف علشان يفتح لجميلة اتصدام من منظرها

بقلم نيفين عبد السلام