ليلى 2

لفصل الثامن عشر

وصل التاكسي عند دبي مول ودخل خالد مع ليلى وقالها:

خالد:بصي بقى يا ستي المول ده فيه حاجتين لازم كل اللي يجي دبي يشوفهم الاكورانيوم والنافوره الراقصه

ليلى:الاكورانيوم؟

خالد:ده ما يتشرحش ده يتشاف………..

وصلوا عند حوض سمك كبير بارتفاع الدور الارضي في المول ومليان شعب مرجانيه ونباتات مائيه وكمية اسماك كتيره جدا بكل الالوان واكتر حاجه مميزه اسماك القرش المتوسطه الحجم.

ليلى:مش معقوله الجمال ده

خالد:مش قلتلك

وهما بيتفرجوا طلعت ليلى الكاميرا الديجيتال بتعتها وابتدت تصور وفي الوقت ده نزل الغواصين اللي بيأكلوا السمك وكان المنظر رائع

وخالد طلب من ليلى تقف ادام حوض السمك عشان يصورها وفضل يصورها وهي تعمل اشكال وبعد كده طلب من بنت صغيره تصورهم سوا وكانوا بيضحكوا وشكلهم كأنهم في شهر العسل.

بعد ما ليلى خلصت تصوير دخلها خالد محل لبيع الكاندي بس ومساحته كبيره جدا وفضلت ليلى تجري تنقي في حلويات وخالد بيبتسم عشان كان شكلها طفولي جدا وبعد ما ملت الكيس خده خالد عشان يدفع وخرجوا من المحل وفضلوا يتمشوا في المول وليلى قالت:

ليلى:فين النافوره بقى ؟

خالد:يلا بينا فاضل ربع ساعه والعرض الاول يبدأ

ومشيوا لغاية الباب اللي بيخرج على نافورة دبي ومن هناك كان واضح كمان برج دبي اطول برج في العالم وساعات بيسموه برج خليفه

وخالد قالها:استعدي عشان تصوري النافوره فيديو اول ما تبدأ

ليلى مسكت الكاميرا ووجهتها ناحية النافوره وابتدت اول اغنيه كانت اغنيه لحسين الجسمي ( احترت اعبر ) وابتدت مية النافوره ترقص عالالحان كأنها ناس بترقص وكل الناس كانوا مبهورين بالمنظر وليلى كانت فرحانه اوي وخالد كان عمال يبص على ليلى وحاسس انها بريئه وبتتصرف على طبيعتها من غير تمثيل…………………

لما خلصوا النافوره خالد قالها:

خالد:يلا نروح نتعشى

ليلى:اوكيه

ودخلوا مطعم لبناني بيقدم مشاوي واصناف من المطبخ اللبناني وقعدوا في ترابيزه على جنب وطلبوا الاكل وبعد ما خلصوا قرروا يروحوا الفندق عشان يناموا وركبوا تاكسي واول ما التاكسي اتحرك حس خالد ان ليلى نامت وشويه وراسها جت على كتفه فحس ناحيتها بحنان وكان نفسه ياخدها في حضنه بس مسك نفسه ولما وصلوا عند الفندق صحاها ونزلوا دخلوا الفندق وطلعوا في الاسانسير:

خالد:تصبحي على خير

ليلى وعينيها مليانه نوم:وانت من اهله

ودخلت ليلى اوضتها واترمت عالسرير ونامت نوم عميق اما خالد فضل سهران يبص من التراس ويفكر في ليلى ويحاول يفسر شعوره ناحيتها………………..

الفصل التاسع عشر

صحيت ليلى الصبح على تليفون اوضتها بيرن:

ليلى:الو خالد: انتي لسه نايمه؟

ليلى:ايوه

خالد:قومي يا كسلانه عشان ده اليوم الوحيد اللي هنخرج فيه عشان بكره هنبتدي الشغل

ليلى:طيب اوكيه خلاص هصحى

خالد:ربع ساعه تكوني تحت في المطعم عشان نفطر

ليلى:طب خليها نص ساعه

خالد:مستنيكي , سلام

ليلى:سلام

قامت ليلى وخدت شاور ولبست فستان موف كات وطويل وفردت شعرها وحطت ميك اب رقيق ونزلت تقابل خالد في المطعم………

خالد كان بيقرا المنيو ولقي ليلى جايه من بعيد وحس انها وحشته اوي بس حاول ميبينش مشاعره عشان يتأكد الاول:

ليلى:صباح الخير

خالد:صباح الخير

ليلى:هتطلب ايه؟

خالد:هطلب مناقيش

ليلى:ايه؟؟؟؟؟؟؟؟

خالد:ده نوع من المخبوزات اللبناني زي عيش رفيع اوي وبيحطوا جواه حشوات زي الجبنه او الزعتر وممكن لحوم وبعدين يلفوه في روق

ليلى:يعني اطلبه على ضمانتك؟

خالد وهو بيضحك: على ضمانتي

وطلبوا الفطار وعجب ليلى المناقيش وكلت اتنين فخالد بصلها وضحك:

ليلى:بتضحك على ايه؟

خالد:عشان اول مره اشوف بنت بتاكل على راحتها ادام راجل

ليلى:عادي يعني اصلي كنت جعانه

خالد:بالهنا والشفا , تحبي تروحي فين دلوقتي؟

ليلى:انت اللي هتنقي انا بقيت بثق في ذوقك

خالد:طيب يلا بينا

وخرجوا بره الفندق وركبوا تاكسي وراحوا على ابن بطوطه مول:

خالد:بصي بقى يا ستي ده مول قديم شويه بس بيتميز بانه كل بلد ليها قاعه مخصوصه وفيها حاجه من البلد

ليلى:ازاي؟

خالد:يعني ده قاعة الهند بصي حاطين تمثال لفيل كبير وعليه تمثال لراجل هندي

ليلى:طب يلا صوني هناك

خالد:وعلى فكره ده المول اللي صور فيه اغنية فيلم ( عندليب الدقي )

ليلى:ايوه فعلا هو نفس المكان

وفضلت ليلى وخالد يتمشوا بين كل القاعات زي الصين ومصر وغيرهم , وبعد ما خلصوا المول قالها: خالد: انا حجزت امباح عشان نروح نطلع برج خليفه.

ليلى:انا شوفت الافتتاح بتاعه عالنت

خالد:بصي احنا المفروض نوصل هناك كمان نص ساعه فيلا بينا بسرعه

ركبوا تاكسي ونزلوا ادام البرج وقدمه التذاكر ودخلوا ركبوا الاسانسير مع باقي الناس وهما طالعين ليلى حست بالضغط على ودانها عشان ارتفاع البرج 828 متر , لما خرجوا من الاسانسير:

خالد:انتي تعبت؟

ليلى:وداني بتوجعني شويه

خالد:على فكره احنا مطلعناش للآخر ده احنا مسموح تقريبا ب140 متر بس

ليلى بصت من الازاز بتاع البرج لقيت الارتفاع عالي جدا وكمان كان فيه منظار عشان الناس تشوف دبي من فوق وفعلا ليلى بصت منه وعجبها المنظر:

ليلى:انا مكنتش فاكره دبي كده

خالد:فعلا هي جميله اوي

فضلوا يتمشوا ولقيوا اماكن بتبيع تذكارات زي مادليات على شكل البرج او علم الامارات او الجمل فوقفت ليلى اشترت شوية حاجات وطبع اتصورت كتير لوحدها ومع خالد وبعد ما خلصوا نزلوا وراحوا مول الامارات اتمشوا شويه وبعدين اتغدوا في مطعم هندي وليلى كانت مستغربه طعم الاكل عشان مليان توابل وبعد ما خلصوا رجعوا الفندق و قعدوا شويه في اللوبي بتاع الفندق عشان يحضروا للمعرض تاني يوم وبعد ما اتفقوا على التفاصيل ركبوا الاسانسير عشان يطلعوا يناموا وبعد ما وصلوا عند اوضهم:

ليلى: خالد

خالد:نعم

ليلى:متشكره اوي انهارده كان من احلى ايام حياتي

خالد:وانا كمان كنت فرحان وانا معاكي

ليلى:تصبح على خير

خالد: وانتي من اهله

ودخلت ليلى اوضتها وقفلت الباب وفضلت سانده عليه وهي بتبتسم عشان حست ان خالد ابتدى يطمنلها ويعجب بيها………..

خالد فضل يفكر في ليلى ويسأل نفسه : هو ممكن اكون بحبها؟ معقوله هقدر احب تاني؟؟؟؟؟؟؟؟؟

الفصل العشرون

صحيت ليلى منى النوم خدت شاور واستعدت عشان تنزل تحضر للمعرض مع خالد ولبست جيبه سوده قصيره وتحتها بلوزه حمرا ساتان وعليها جاكت اسود قصير و لبست شوز اسود بكعب عالي ورفعت شعرها لفوق وحطت ميك اب رقيق وبيرفيوم هادي ونزلت تحت عشان تقابل خالد واوي ما شافها قرب منها:

خالد:صباح الخير

ليلى:صباح الخير

خالد:ايه ده ايهاب وصل

بصت خالد لقيت ايهاب بيقرب عليهم وكان لابس بدله سودا وتحتها قميص ابيض وقالهم:

ايهاب:صباح الخير ,ايه الاخبار ؟

خالد:كله تمام, احنا جهزنا كل حاجه

ايهاب:عامله ايه يا ليلى؟

ليلى: الحمد لله

ايهاب:انتي جيتي دبي قبل كده؟

ليلى:لا ده اول مره

ايهاب:خلاص انا هفرجك اماكن جميله بس بعد معاد المعرض

خالد بص لليلى وهو مدايق جدا وراح استأذن ومشي وسابها مع ايهاب لوحدهم وفضل ايهاب يتكلم مع ليلى بس هي مكنتش معاه خالص كانت بتفكر ليه خالد بيتصرف كده؟؟؟؟؟؟؟

انشغلت ليلى وخالد وايهاب في المعرض وفضلو يشرحوا للزوار مميزات المنتجع ويعرضوا صور للدعايه وفي نهاية اليوم حجز عدد من الناس في المنتجع وكان ايهاب فرحان اوي :

ايهاب:مكنتش متخيل ان العدد ده يحجز اول يوم

خالد:الحمد لله, ده كله شغل ليلى

ايهاب:متشكر يا ليلى

ليلى:ده شغلي انا معملتش حاجه جديده

ايهاب:ايه رأيكوا نروح نسهر في مكان حلو اوي انا عارفه؟

ليلى:مش عارفه , ايه رأيك يا خالد؟

خالد:انا تعبان وعايز انام وانتي لو حابه تسهري روحي

ليلى اتغاظت منه عشان مرضيش يروح معاها واحرجها ادام ايهاب فقررت تغيظه :

ليلى:خلاص اوكيه انا هطلع اجهز وانزل يا ايهاب

ايهاب:نتقابل كمان ساعه هنا

ليلى:اوكيه, عن اذنكوا

وطلعت وسابتهم فايهاب قال لخالد:

ايهاب:انت مش عايز تيجي ليه ده مكان حلو اوي؟

خالد:بجد مش قادر

ايهاب:طيب انا هروح اغير هدومي عن اذنك

خالد:اتفضل

فضل خالد واقف مش عارف يعمل ايه وادايق ان ليلى هتخرج مع ايهاب لوحدهم والمفروض كانت تعتذر مش تروح معاه وبعد كده ندم انه رفض يروح وخصوصا انها سألته قبل ما توافق بس خلاص هيعمل ايه؟؟؟؟؟؟؟

طلع خالد اوضته وفضل يبص من العين السحريه لغاية ما ليلى خرجت من اوضتها وكانت لابسه فستان قصير بينك وكان شكلها زي القمر ونزلت ليلى وفضل خالد يتمشى في الاوضه وفي الآخر قرر ينزل يشرب فنجان قهوه تحت وفضل قاعد لغاية الساعه 12 وليلى لسه مرجعتش وكان هيتجنن من الغيره ومش عارف يطمن عليها ازاي فقرر يطلع اوضته……………

الفصل الحادي والعشرون

في الوقت ده كانت ليلى وايهاب في فندق حبتور قاعدين فيXL ديسكو وهو مكان جميل جدا عالبحر ويعتبر كافيه وهناك القعده كلها عباره عن سراير عالبحر وفي جزء عباره عن اوض مقفوله للي عايز يقعد بعيد عن الناس وهناك قابلو شله من اصحاب ايهاب اللي كان لابس جينز ازرق وعليه قميص ابيض نص كوم وكان شكله وسيم جدا و اصحابه شويه منهم عرب وشويه اجانب بنات وولاد وليلى اندمجت معاهم وهما طلبوا منها تقابلهم تاني قبل ما ترجع مصر وليلى كان اول مره تسهر للوقت ده بس كانت متصله بباباها وواخده منه الاذن وعلى الساعه 12 اتصل بيها وقالها تروح عشان شغلها تاني يوم وففعلا استأذنت من ايهاب عشان يرجعها الفندق وسلمت على اصحابه ومشيوا ووصلها ايهاب لغاية الاسانسير وهو راح يتكلم في الموبايل وطلعت ليلى وهي مبسوطه جدا وكانت الساعه واحده بعد نص الليل واوي ما وصلت عند باب اوضتها ولسه بتدخل المفتاح لقيت صوت وراها:

خالد:ما لسه بدري

ليلى وهي عايزه تضحك على شكله وهو متغاظ ومتعصب: مساء الخير يا خالد, انت لسه صاحي!!!!

خالد:تقصدي صباح الخير,كنتي فين؟

ليلى: كنت مع ايهاب

خالد:انتي ازاي تتأخري كل الوقت ده ؟

ليلى:ده احنا كنا مع اصحاب ايهاب في مكان جميل يا ريتك كنت معانا

خالد:روحتوا فين؟

ليلى:XL ديسكو

خالد:ويا ترى بى قعدتوا في اوضه من المقفولين؟

ليلى:لا قعدنا عالبحر

خالد:انا عايز اعرف ايه اللي اخرك ده كله؟

ليلى:محسناش بالوقت خالص, عن اذنك انا هدخل انام

خالد وقف يبص عليها و هي بتقفل الباب وكان نفسه يروح يض*ر*بها على برودها بس مسك اعصابه ودخل اوضته وهو بينفخ جامد

كانت ليلى باصه عليه من العين السحريه وكانت بتضحك جامد جدا وهي شايفاه غيران عليها , وراحت مسكت الموبايل واتصلت بمروه:

ليلى:الو

مروه:الو ازيك يا ليلى؟

ليلى:تمام الحمد لله

مروه :طمنيني عامله ايه؟

ليلى حكتلها اللي حصل وقعدوا يضحكوا واتفقوا يكملوا بنفس الاسلوب لغاية ما خالد يسلم ويعترفلها بحبه, وقفلت ليلى مع مروه وهي مبسوطه خالص……………..

تاني يوم في المعرض لقيت ليلى ايهاب ماشي وراها فكل مكان وهي مش عارفه تشوف شغلها وكانت مدايقه ان خالد بيتجنبها خالص وبتبص لقيته جاي ناحيتها فابتسمت :

خالد:ايه يا ليلى واقفه ليه كده روحي شوفي الجروب اللي هناك ده

ليلى:حاضر ( ومشيت وهي عايزه تعيط عشان خالد كلمها بأسلوب وحش)

وفضلوا متدايقين من بعض لآخر اليوم ولما المعرض خلص ايهاب جه عشان يشوفوا هيسهروا فين :

ايهاب:ها هتعملوا ايه بالليل؟

خالد:مش عارف

ايهاب:طب يلانروح The Walk

ليلى:اوكيه

واتفقوا يتقابلوا هما التلاته بعد ساعه تحت وطلعوا في الاسانسير و نزل خالد وليلى في الدور بتاعهم وكانت ليلى لسه مكشره:

خالد:هنخرج وانتي مكشره كده؟

ليلى:انا مش مكشره

خالد:انتي زعلانه مني؟

ليلى:هو انت عملت حاجه تزعل

خالد:انا عارف اني كلمتك بطريقه بايخه

ليلى:كويس انك خدت بالك

خالد:اصل ايهاب كان لازلق بطريقه سخيفه

ليلى:طب وانا ذنبي ايه؟

خالد:لازم تحطي حدود

ليلى:متنساش انه صاحب المنتجع وكمان ده محترم جدا

خالد:يعني انتي معجبه بيه؟

ليلى:مش ممكن يا خالد انت علطول بتكلمني بلهجه فيها شك

خالد:انا؟؟؟؟؟؟؟؟

ليلى:انت مش بتشوف نفسك وانت بتكلمني كأنك حاسس اني اي حد يتقربلي هوافق علطول

خالد:انا مقلتش كده

ليلى:بس نظراتك وكلامك بيقولوا كده

خالد:انا عارف انك محترمه اوي وبثق فيكي

ليلى:اوكيه يلا عشان الحق اغير هدومي

خالد:ليلى……

ليلى:نعم

خالد:متزعليش مني

ليلى:مشكلتي اني مبعرفش ازعل منك

وسابته ودخلت اوضتها وهو دخل اوضته وهو متوتر ومش عارف هو عايز ايه وايه حقيقة شعوره ناحية ليلى؟؟؟؟؟؟؟؟؟؟؟؟؟؟؟

الفصل الثانى والعشرون

لبست ليلى جينز ضيق لونه كحلي ولبست عليه بادي فضي بيلمع وفردت شعرها وصاندال فضي بكعب عالي وحطت ميك اب لونه على بينك في فضي وحطت بيرفيوم كرارولينا هيرارا 212 ونزلت لقيت شابين زي القمر مستنينها خالد كان لابس شورت ابيض وعليه تيشيرت اسود وشوز اسود وايهاب لابس شورت جينز وتيشيرت اخضر وكوتشي ابيض والاتنين باصنلها نظره كلها اعجاب:

ليلى:معلش اتأخرت شويه

خالد:لا عادي

ايهاب :ايه الجمال ده مش ممكن شكلك يجنن

ليلى وهي مكسوفه:ميرسي يا ايهاب

خالد وشه احمر من الغيظ:يلا عشان نتحرك

وخرجوا من الفندق وركبوا تاكسي وايهاب قعد ورا جنب ليلى وخالد ادام بس طول الطريق عينيه متشالتش من على ليلى في المرايه وليلى واخده بالها ومش عارفه تركز في كلام ايهاب واول ما وصلوا المكان ايهاب قالها:

ايهاب:بصي بقى المكان ده معمول للمشي بس يعني ممنوع العربيات وتصميمه زي شوارع فرنسا حتى المحلات اللي هنا كلها فخمه جدا وكمان موجود كافيهات عالبحر القعده فيها حلوه اوي

ليلى:طيب هنقعد فين؟

خالد:تعالوا في مكان حلو اوي

ومشيوا مع بعض ودخلوا كافيه مشغل اغاني هاديه وقعدوا على ترابيزه عالبحر علطول وكان المكان في ناس كتير وطلب خالد عصي اناناس وليلى طلبت عصير تفاح وايهاب طلب قهوه وشيشه وفضلوا يتكلموا عن المعرض وهيعملوا ايه اليومين اللي جايين:

ايهاب:ايه رأيكوا نعمل حفله في الفندق ونعزم كل اللي هيحجزوا في المنتجع؟

خالد:والله فكره كويسه , بس هتكون مكلفه؟

ايهاب:انا عارف بس اصلي عايز اعزم اصحاب شركات سياحه هنا عشان يتعرفوا على مميزات المنتجع

ليلى:وانا هعملك كام فكره توفرلك في الحفله

ايهاب:مش عارف اشكركوا ازاي على تعبكوا معايا في الدعايه

خالد:العفو يا ايهاب

ليلى:على فكره انا جالي ايميلات كتير من الدعايه اللي عملتها عالنت بيسألوا اذا كان في عروض واسعار خاصه للمصريين

ايهاب:والله فكره هايله يا ليلى

وابتدوا الشباب والبنات في الكافيه يرقصوا وفجأه قرب شاب امريكي من ليلى عشان يطلبها للرقص بس ليلى اعتذرتله وبصت ناحية خالد لقيته شكله اتغير و ايهاب قام يسلم على بنتين من اصحابه فخالد قالها:

خالد:عاجبك كده؟

ليلى:هو ايه اللي عاجبني؟

خالد:الشاب اللي طلبك للرقص؟

ليلى:طيب وايه ذنبي انا ده اجنبي ومعرفوش

خالد:بصراحه لبسك ملفت اوي

ليلى:على فكره لبسي ده بلبسه ادام بابا وماما عادي

خالد:بس انتي هنا لوحدك من غيرهم

ليلى بصت في عينيه وقالت:انت معايا

خالد وشه احمر وسكت معرفش يقولها ايه بس حس انه فرحان ان ليلى بتعتبره امان معاها………………..

فات اليومين اللي بعد كده في المعرض وكتر عدد الناس اللي بتحجز وكان يوم الخميس هو يوم الحفله وبالليل السفر للقاهره وطبعا ليلى مكنتش عارفه ان هيكون في حفله فقررت تنزل تشتري فستان سواريه فنزلت يوم الاربع بالليل من غير ما تقول لخالد وركبت تاكسي وراحت مول الامارات ودخلت كام محل للفساتين السواريه وعجبها كذا فستان بس البياعه قالتلها ان الفستان الفوشيا احلى واحد وكان فستان قصير ونازل على ضيق وليه فتحه من ورا وصدره مفتوح على شكل قلب وكل الصدر عليه خرز على شكل لؤلؤ ابيض صغير

واشترت شوز فوشيا شنطه صغيره فوشيا فيها خطوط بيضا وخرجت من المحل ركبت تاكسي ورجعت الفندق واول ما دخلت اوضتها رن تليفون الاوضه فجريت ترد:

خالد:الو

ليلى:الو يا خالد

خالد:كنتي فين؟

ليلى:كنت بشتري حاجه

خالد:خرجتي مع ايهاب مش كده؟

ليلى:لا يا خالد انا كنت لوحدي

خالد:انتي بتخبي عليه ليه؟

ليلى:انا مش بكذب يا خالد

خالد:انا آسف اصلي ملقيتوش في اوضته

ليلى: يمكن راح يقابل اصحابه

خالد:طيب انتي هتعملي ايه دلوقتي؟

ليلى:انا هنام

خالد:بدري كده؟

ليلى:ايوه يا خالد تصبح على خير

خالد وهو حاسس بالذنب : وانتي من اهله

وفضل خالد زعلان من نفسه وهو قاعد رن تليفون اوضته فرد بسرعه يمكن ليلى:

خالد بلهفه:الو

ساره:الو حذر فزر انا مين؟

خالد وهو مش طايق نفسه:اهلا يا ساره جيتي امتى؟

ساره:لسه ايهاب جايبنا من المطار دلوقتي

خالد:طيب حمد لله على السلامه, باباكي فين؟

ساره:بابا تحت بياخد قهوه مع ايهاب

خالد:طيب انا نازل تحت

ساره: هغير واحصلك

خالد:اوكيه سلام

ساره :باى

الفصل الثالث والعشرون

يوم الحفله نزلت ليلى عشان تعمل شعرها في الصالون الموجود في الفندق وبعد ما خلصت شعرها طلعت اوضتها عشان تلبس وهي في الاسانسير قابلت ساره:

ساره:مش انت الموظفه الجديده عند بابي في الشركه؟

ليلى:ايوه انا

ساره:انتي عامله شعرك كده ليه؟

ليلى:عشان الحفله

ساره:ايه ده انتي هتحضري؟

ليلى:اذا مكنش عندك مانع

ساره:لا ابدا بس كنت فاكره ان المديرين بس اللي بيحضروا الحفلات

ليلى:لا انا هحضر وكمان انا اللي منظمه الحفله

ساره: امممممممم

ليلى وهي خارجه من الاسانسير:اشوفك في الحفله

ساره ابتسمت ابتسامه صفرا وقالت لنفسها:هي مغروره كده ليه؟؟؟؟؟؟؟

لبست ليلى الفستان وحطت ميك اب هادي فوشيا في ابيض في فضي وروج فوشيا بيلمع ونزلت عشان تتابع الترتيبات الاخيره للحفله واول ما دخلت القاعه قابلها ايهاب وكان لابس بدله سودا مخططه بخطوط بيضا وتحتها قميص ابيض وكرافت كاروهات رمادي في ابيض في اسود وكان شكله وسيم جدا:

ايهاب:بحيكي على ذوقك الفستان رقيق وشيك

ليلى:بجد؟

ايهاب:بجد

ايهاب فضل باصص في عينيها وقالها:

ايهاب:ليلى………..

ليلى:نعم؟

ايهاب:انا عايز اكلمك في موضوع مهم بس لما الحفله تخلص

ليلى:موضوع ايه؟

ايهاب:متستعجليش بعد الحفله

وسابها مش فلهمه حاجه ومشي وهي راحت تشوف شغلها وبعد شويه حست ان في حد بيبص عليها حركت راسها لقيت خالد واقف في آخر القاعه بيبصلها وعلى وشه ابتسامه رقيقه وقربوا من بعض وهما مش حاسين……………

خالد:شكلك زي القمر

ليلى وهي مكسوفه:مش للدرجادي

خالد:انا نفس اخدك ونمشي من الحفله ونقعد في اي مكان لوحدنا

ليلى:والحفله والمدعوين؟؟؟؟؟

خالد:انا……………………….

سمعوا صوت من وراهم بيقول:

ساره :خالد انت فين بدور عليك

خالد:انا موجود

ومسكت ساره ايد خالد ومشيوا بعيد وكانت ليلى عايزه تخنقها عشان خالد كان خلاص هيتكلم وكمان عشان ساره كانت لابسه فستان لونه احمر في اسود طويل وليه فتحه طويله جدا من الجنب وكانت فارده شعرها الطويل اللي كان واصل لآخر ظهرها وحست ليلى ان ساره في حاجه بينها وبين خالد………………

وابتدت الحفله وكانت ليلى بتمر على الجرسونات بنفسها عشان تتأكد ان كل حاجه مضبوطه وبعد كده وزعت بنفسها كتالوجات بتشرح الخدمات اللي بيقدمها المنتجع على كل المدعوين بس كانت عينيها ورا خالد في كل مكان بس هو كان ماسك ايد ساره ومش حاسس بيها خالص……….

خالد:ايه يا ساره مسكاني كده ليه؟

ساره: يعني مش عارف؟

خالد:عارف ايه يا ساره؟ يا ساره انتي زي اختي مي بالضبط

ساره:بس انا مش اختك على فكره

خالد:يا ساره طلعي اللي في دماغك ده وركزي فدراستك

ساره:يعني ازاي ابطل احبك؟

خالد:اللي انت حاسه بيه مجرد اعجاب بكره هتلاقي الانسان اللي هيحبك وهتحبيه بجد

ساره:انت اتغيرت معايا من ساعة ليلى ده ما اشتغلت معاك

خالد:لأ يا ساره انتي اللي مش عايزه تفهمي , انا مش مناسب ليكي

ساره:انا اللي اقرر مين مناسب ومين لأ

المهندس محمود:ايه يا خالد سايب الحفله ومركز مع ساره بس

خالد:ابدا يا فندم انا هروح اشوف ايهاب ونيجي لحضرتك

ومشي خالد يدور على ايهاب وساره قالت لباباها والدموع فعينيها:

ساره:شايف يا بابي بيعاملني ازاي؟

محمود:يا بنتي اتقلي عليه شويه وهو اللي هيجري وراكي

ساره:مش عارفه اعمله ايه عشان يجبني؟

محمود بنظره كلها خبث:متعمليش انا اللي هعمل ما دام عايزاه يبقى لازم يجي…………..

ايهاب وهو واقف مع ليلى:

ايهاب:انتي تعبتي اوي انهارده

ليلى:لا ابدا المهم الحفله تنجح

ايهاب:اكيد هتنجح عشان انتي الللي منظماها

ليلى ابتسمت وغصب عنها عينيها بتدور على خالد ولقيته جاي من بعيد:

خالد:ايهاب يلا نروح للمهندس محمود

ايهاب:طيب روح وانا هحصلك

خالد:لأ , روح انت عشان عايز اراجع مع ليلى شوية تفاصيل

ايهاب:طيب , هنكمل كلامنا بعدين يا ليلى

ليلى:اوكيه

ومشي ايهاب وفضل خالد باصص لليلى وهي مدوره وشها بعيد عنه بس كانت حاسه بوجوده وريحة البيرفيوم بتاعه دخلت جواها:

خالد:مش باصالي ليه؟

ليلى:عادي

خالد:انتي ادايقتي من ساره؟

ليلى:انت حر في تصرفاتك

خالد:هي لسه صغيره ومراهقه

ليلى:وعشان كده سايبها طول الوقت تمسك ايديك وتبوسك

خالد:انتي بتغيري منها؟

ليلى:اغير من مين؟ لأ طبعا

خالد مسك وشها ودوره ناحيته:طيب عيني في عينك كده؟؟؟؟؟؟؟؟

ساره:روحي هاتيلي مايه لو سمحتي

خالد:ايه يا ساره اللي بتقوليه ده

ساره:مش هي اللي منظمه الحفله يبقى ده شغلها

ليلى بصتلهم هما الاتنين وخرجت من القاعه وطلعت اوضتها وقعدت تعيط جامد عشان ساره كسفتها ادام خالد……………

الفصل الرابع والعشرون

بعد ما ليلى طلعت اوضتها وقعدت تعيط سمعت الباب بيخبط فمردتش بس الخبط استمر فقامت تفتح وهي بتمسح دموعها ولقيت خالد واقف ادامها:

ليلى:عايز ايه؟

خالد:انتي بتعيطي؟

ليلى:لا ابدا ده عيني وجعاني

خالد:انا اتخانقت مع ساره وفهمتها غلطها

ليلى:مكنش فيه داعي تتخانق بسببي معاها

خالد:انتي شايفه ان مفيش سبب؟

ليلى:طبعا مفيش

خالد:ولا عشان انتي تهميني ؟

ليلى:معلش يا خالد من فضلك سيبني دلوقتي عشان احضر شنطتي

خالد:بس……………

ليلى:عايز تقول حاجه؟

خالد:لا , عن اذنك

ليلى قفلت باب الاوضه وعدت تعيط وهي بتلم شنطتها وغيرت الفستان ولبست جينز وعليه بلوزه خضرا و شوز كحلي فلات واستنت لغاية ما يتصل بيها خالد عشان يروحوا المطار سوا………………

اتصل بيها ايهاب على تليفون الاوضه:

ايهاب:ايه يا ليلى سيبتي الحفله ليه؟

ليلى:اصلي تعبت فجأه

ايهاب:سلامتك , طيب ممكن تنزلي عايز اتكلم معاكي قبل ما تسافري

ليلى:ضروري يا ايهاب؟

ايهاب:من فضلك انزلي

نزلت ليلى وكانت الحفله خلصت ولقيت ايهاب مستنيها في اللوبي بتاع الفندق واول ما شافها وقف واستناها لما قعدت وراح قعد قريب منها وقالها:

ايهاب:انا عارف اننا نعرف بعض من فتره قصيره بس احب اعرف رأيك فيا

ليلى:انت انسان ممتاز يا ايهاب وناجح فشغلك

ايهاب:يعني ممكن اطلب ايديك؟

ليلى:تطلب ايدي!!!!!!! بس انت متعرفش اي حاجه عني

ايهاب:اللي عرفته كفايه انتي فيكي كل المواصفات اللي بتمناها في شريكة حياتي

ليلى:بس انت فاجأتني يا ايهاب بطلبك ده

ايهاب:خدي وقتك في التفكير وهستنى ردك لما راجع مصر كمان اسبوع

ليلى:ان شاء الله

وجه خالد وهو معاه شنطته وقعد معاهم:

خالد:ها جاهزه يا ليلى عشان نروح المطار؟

ليلى:آه بس هطلع اجيب شنطتي

خالد:طيب هستناكي هنا

ليلى:عن اذنكوا

ايهاب وقف:اتفضلي

خالد:خلاص يا ايهاب انا هرجع اضبطلك الحاجات اللي اتفقنا عليها عشان بقيت حملة الدعايه

ايهاب:ان شاء الله , انت ايه رأيك في ليلى؟

خالد:من ناحية ايه بالضبط؟

ايهاب:اصلي فاتحتها في موضوع الجواز

خالد:جواز مين؟؟؟؟؟؟؟؟؟؟؟

ايهاب :انا وليلى, اصلي حاسس انها محترمه ورقيقه وتفكيرها كمان بيعجبني ده غير جمالها طبعا

خالد كان هيقوم يض*ر*به بس مسك نفسه وسأله : وهي قالتلك ايه؟

ايهاب:ما قالتش حاجه بس مستني ردها ما ارجع مصر كمان اسبوع

خالد:ربنا يوفقك

ايهاب : مقلتليش رأيك يعني؟

خالد:ليلى بنت ممتازه

ايهاب:ادعيلي انها توافق

خالد:ربنا يقدم اللي فيه الخير

وركبت ليلى التاكسي مع خالد اللي كان طول الطريق ساكت ومش على طبيعته خالص وليلى فضلت ساكته لغاية ما وصلوا المطار وخلصوا الاجراءات ودخلوا الطياره وهناك خالد قالها:

خالد:انا هنام عشان عندي صداع

ليلى:خد راحتك

وفضلت ليلى صاحيه طول الرحله وخالد مصحيش خالص و اول ما الطياره عملت هبوط ليلى قالت:

ليلى:خالد .. خالد.. يلا عشان وصلنا القاهره

خالد وهو نايم لف دراعه حواليها وكمل نوم , ليلى اتكسفت وحاولت تبعد دراعه بس كان تقيل اوي فقالت بصت اعلى شويه:

ليلى:خالد اصحى بقى وصلنا

خالد وهو نايم خالص:وصلنا فين ؟؟؟

ليلى:وصلنا مصر اصحى بقى

خالد فتح عينيه لقي ليلى زي ما كان شايفها في الحلم ونفس البيرفيوم بتاعها بس حس انها قريبه منه زياده عن اللزوم بيبص لقى دراعه عليها فاتعدل وقالها:انا آسف

ليلى:حصل خير , انت كنت بتحلم ولا ايه؟

خالد:هو انا قلت حاجه؟؟؟؟؟؟؟؟؟؟؟؟

ليلى وهي بتضحك :لا لا ومال خفت كده ليه؟

خالد:لا ابدا

وقاموا خرجوا من الطيارعه واخدوا الشنط وليلى لقيت باباها مستنيها واول ما شافته جريت عليه حضنته جامد وفضل خالد واقف يشوفها اد ايه رقيقه مع باباها وكأنها طفله صغيره ولفت ليلى ناحيته:

ليلى:بابا اقدملك المهندس خالد مديري فالشغل

باباها:اهلا يا ابني

خالد:ازي حضرتك يا اونكل

باباها:يا رب تكونوا اتبسطوا في دبي

ليلى:اوي اوي يا بابا

خالد:طيب استأذن انا بقى

ليلى:استنى هنوصلك ,مش كده يا بابا؟

باباها:طبعا يا ابني اتفضل

خالد:معلش يا اونكل انا هركب تاكسي

باباها:يلا يا ابني متكسفنيش

وركبوا كلهم العربيه وفضل خالد يتكلم مع بابا ليلى طول الطريق وليلى نامت وهي قاعده عالكنبه ومحستش بخالد وهو بينزل وباباها صاحاها عند البيت ونزلت وهي نايمه وطلعت سلمت على مامتها ودخلت عالسرير نامت وفضلت تحلم بخالد بس ساره كانت بتبصلها في الحلم………………….

الفصل الخامس والعشرون

في الشركه دخلت مروه مكتب ليلى:

مروه:حمدلله على السلامه

ليلى:الله يسلمك

مروه:ايه الاخبار؟

ليلى حكت لمروه كل اللي حصل وازاي ساره دايقتها:

مروه:يا خبر كل ده يطلع من ساره

ليلى:ده انا عيطت عياط مش قادره اوصفلك

مروه:ولا يهمك منها ده بنت دلوعه

ليلى:بس ده بتعامل خالد كأنها خطيبته مثلا

مروه:انت غيرانه ولا ايه؟

ليلى:لا طبعا

مروه:طب عيني في عينك كده

ليلى:بطلي هزار وقوليلي اعمل ايه في ايهاب ده كمان؟

مروه:هو فرصه بصراحه

ليلى:انتي بتهرجي

مروه وهي بتضحك :خلاص يا ستي , هتقوليله ايه؟

ليلى:مش عارفه , بس مش عايزه ارفضه بطريقه بايخه عشان هو محترم اوي

مروه:بصي ان شاء الله عبال ما ايهاب يرجع يكون خالد خد خطوه

ليلى:تفتكري؟؟؟؟؟؟؟؟؟؟

مروه:ربنا يسهل ويحس انك ممكن تضيعي منه , بقولك ايه ما تقوليله؟

ليلى:اقوله ايه؟

مروه:ان ايهاب عايز يتجوزك

ليلى:لا طبعا عشان يفتكرني عايزاه يغير ويتقدم

مروه:امال هتعملي ايه؟

ليلى: مش عارفه……………….

رن تليفون مكتب ليلى:

ليلى:الو

خالد:صباح الخير يا ليلى

ليلى وهي بتشاور لمروه :صباح الخير

خالد:ممكن تيجيلي المكتب؟

ليلى:ايوه دقيقه

خالد :سلام

ليلى :باي

وقفلت ليلى السماعه وقامت عشان تروح لخالد المكتب ومروه عماله تضحك………………….

خبطت ليلى عالباب ودخلت لقيت خالد باصص للشباك:

ليلى:صباح الخير

خالد:صباح الخير, ارتحتي من السفر ولا لسه؟

ليلى:آه الحمد لله

خالد:طيب كويس

ليلى حست انه عايز يقول حاجه بس مش عارف ففضلت ساكته……………

خالد:هو انتي رأيك ايه في طلب ايهاب؟

ليلى :طلب ايه؟

خالد:انه يتقدملك

ليلى:لسه بفكر

خالد:يعني ممكن توافقي؟

ليلى:مش عارفه

خالد:يعني انت معجبه بيه؟

ليلى وهي عايزه تضحك:والله هو شاب ممتاز

خالد وشه احمر:……………

ليلى:هو فيه حاجه؟

خالد:لا اصله حكالي انه فاتحك في الموضوع وكنت عايز اعرف ردك هيكون ايه

ليلى:متقلقش انا هرد عليه لما يرجع من دبي

خالد:انتي قلتي لباباكي ومامتك؟

ليلى:لا

خالد:ليه؟

ليلى:عشان لسه مخدتش قرار, هو انت عندك عريس ولا ايه؟

خالد:ايوه

ليلى:بجد مين؟؟؟؟؟؟؟؟؟؟؟؟؟

واستنت ليلى اجابته وهي قلبها هيقف وهو باصصلها وساكت……………………….

الفصل السادس والعشرون

كأن الزمن وقف في مكتب خالد وليلى مستنياه يتكلم وحست انه خلاص هيعترف بحبه ليها ويتقدملها وقبل ما يبتدي خالد يتكلم رن جرس تليفونه:

خالد:ثواني , هرد عالموبايل,الو؟

ساره:الو يا خالد الف مبروك

خالد:مبروك على ايه؟

ساره:انت بقيت مدير عام لكل فروع الشركه

خالد:بجد؟

ساره:آه والله ده حتى بابا هيطلبك عشان تحضر اجتماع لمجلس الاداره

خالد:انتي متأكده؟

ساره:عشان تعرف بس غلاوتك عندنا , باي مؤقتا

خالد قفل وبص لليلى وقالها: بصي ايه رأيك نتعشى سوا انهارده؟

ليلى:نتعشى؟

خالد:ارجوكي في كلام كتير عايز اقولهولك

ليلى:طيب هستأذن بابا وأرد عليك

خالد:لأ

ليلى:لأ ليه؟

خالد وهو بيضحك:اديني رقمه وانا هستأذنه

ليلى فرحت اوي اديتله الرقم وخرجت من مكتبه وراحت على مكتب مروه عشان تقولها…………………….

في مكتب خالد رن تليفون المكتب:

خالد:الو

المهندس محمود:ايوه يا خالد

خالد:ازي حضرتك يا ندم

المهندس محمود:اخبار الشغل ايه؟

خالد:كله تمام الحمد لله

المهندس محمود:تعالى الفرع الرئيسي دلوقتي

خالد:خير يا فندم

المهندس محمود:كل خير ان شاء الله

وقفل خالد وهو فرحان عشان اتأكد انه هيكون مدير عام للفروع وخرج من مكتبه وركب عربيته وراح للمهندس محمود………….

دخل خالد مكتب المهندس محمود:

خالد:ازي حضرتك يا فندم

المهندس محمود:ازيك يا خالد

خالد:خير يا فندم

المهندس محمود:طبعا انا عارف انت اد ايه مخلص فعملك

خالد:متشكر يا فندم

المهندس محمود:بص يا خالد انت عارف اني معنديش غير بنت واحده ساره وكل املاكي هتكون ليها بعد ما ام*وت

خالد:ربنا يديك الصحه يا فندم

المهندس محمود:سيبني اخلص كلامي, عارف المثل اللي بيقوا اخطب لبنتك ومتخطبش لابنك

خالد ابتدى يفهم وحس انه في موقف محرج جدا:

خالد:ايوه عارف المثل

المهندس محمود:انا عايزك تتجوز ساره وتكون مدير عام للشركه وبعد ما ام*وت تكون انت صاحب كل حاجه

خالد:بس يا فندم…………….

المهندس محمود:متردش دلوقتي فكر براحتك ومستني ردك

خالد:ان شاء الله

وخرج خالد وهو حاسس انه مش عارف يفكر وخصوصا انه متوقع الترقيه ده من السنه اللي فاتت بس حكاية جوازه من ساره مستحيله خصوصا انه اتأكد من حبه لليلى , وفضل خالد يلف بالعربيه وفي الآخر راح بيته ولقي مامته قاعده لوحدها:

مامته:ايه اللي رجعك بدري يا خالد؟

خالد:خلصت شغل

مامته:مالك يا حبيبي؟

خالد:اصلي جالي ترقيه في الشركه

مامته:طب الف مبروك يا ابني

خالد:بس عشان آخدها لازم اتجوز ساره بنت صاحب الشركه

مامته:انا مش فاهمه حاجه , ايه علاقة الترقيه ببنت صاحب الشركه؟

خالد:هو قالي اتجوز بنتي وتكون مدير

مامته سكتت شويه وباصتله :وانت هتعمل ايه؟

خالد:الترقيه ده مستنيها من مده

مامته:وبعدين؟؟؟؟؟؟؟؟

خالد:مش عارف يا ماما

مامته:طب فكر كويس قبل ما تاخد قرار وتندم عليه

خالد:تقصدي ايه؟

مامته: الجواز عمره ما يتبني على مصلحه او ترقيه الجواز حب وموده ورحمه

خالد:المشكله اني لو رفضت طلبه هضطر اسيب الشركه

مامته:وفيها ايه؟ انت بقى ليك اسم وممكن تشتغل في اي مكان

خالد:مش عارف افكر خالص

مامته:قومي خد شاور واتغدى وسيبها على الله

خالد قام ودخل الحمام وفتح الدش ووقف تحته وفضلت الميه تنزل عليه وهو بيفكر يا ترى يختار ليلى ولا ساره والشركه؟؟؟؟؟؟؟؟؟؟؟؟؟؟

ليلى فضلت قاعده في اوضتها مستنيه تليفون باباها يرن عشان خالد يتصل بيه زي ما قالها وفضلت مستنيه لغاية الساعه 9 بالليل ما اتصلش فقلقت عليه اوي بس طبعا مرضيتش تتصل بس عرفتش تنام طول الليل…………………….

الفصل السابع والعشرون

الصبح في الشركه وصلت ليلى وهي شكلها مرهق عشان مانامتش كويس ودخلت على مكتب مروه :

مروه:ايه ده مالك؟ عملتي ايه امبارح؟

ليلى:معملتش حاجه

مروه:ازاي؟

ليلى:متصلش

مروه:معقوله !!!!!! اكيد في حاجه عطلته

ليلى:ما ده اللي قالقني يا ترى ايه اللي عطله

مروه:ده حتى اتأخر انهارده

ليلى:لسه ما جاش؟

مروه:لسه

ليلى:اتصلي بيه

مروه:كلمته عالموبايل لقيته مقفول

ليلى:طب اتصلي فالبيت

مروه:هستنى كمان نص ساعه واطلبه فالبيت

وهما قاعدين يتكلموا دخلت ساره وهي لابسه جينز ضيق وبادي حمالات وشكلها فرحان اوي:

ساره:صباح الخير يا مروه

مروه:صباح الخير

ساره:اخبارك ايه؟

مروه:تمام, مش هتسلمي على ليلى؟

ساره:ايه ده مخدتش بالي , ازيك

ليلى:الحمد لله, عن اذنكوا

ساره:لا استني رايحه فين؟

ليلى:خير؟

ساره:مباركتوش لخالد؟

مروه:ليه ؟

ساره:هو المفروض تباركوله مرتين مره عشان اترقى بقى مدير لكل الفروع والتانيه………….( وهي بتبص لليلى)عشان خطبني

مروه:خطبك؟ امتى ده؟

ساره:ايه مش مصدقاني ولا ايه؟

مروه:مش قصدي بس حصل كل ده امتى؟

ساره بصت لليلى:مش هتقوليلي مبروك

ليلى مكنتش سامعه حاجه والدنيا لفت بيها وودانها كان فيها صفاره ومحستش بحاجه بعد كده…………………

فاقت ليلى لقيت نفسها مروه بتحاول تكلمها:

ليلى:انا فين؟

مروه:انتي فمكتبي, مالك ايه اللي حصل؟

ليلى:ابدا ,انا هروح

مروه:مش هسيبك تسوقي وانتي في الحاله ده

ليلى:معلش يا مروه سيبيني محتاجه اكون لوحدي

مروه:على فكره انا مش مصدقه ساره ده خالص

ليلى:من فضلك مش عايزه اتكلم فالموضوع ده

وخرجت ليلى من الشركه ركبت عربيتها وراحت البيت كان باباها ومامتها في الشغل وده كان احسن بالنسبه ليها فدخلت اوضتها وقعدت عالسرير ولقيت الكاميرا بتاعتها عالمكتب فراحت مسكتها وقلبت في الصور اللي اتصورتها في دبي مع خالد وحست انها كانت في حلم جميل وصحيت منه على كابوس وقعدت تعيط ……………………..

الفصل الثامن والعشرون

بعد ما فات سنه على اليوم اللي قابلت فيه ليلى ساره وقالتلها انها اتخطبت لخالد ليلى بعتت استقالتها عالايميل ولما ايهاب عرف عرض عليها تشتغل في شركة باباها ولما سألها عن طلبه للجواز منها قالتله انها مش بتفكر في الجواز دلوقتي وطلبت منه يبقوا اصدقاء وفعلا ايهاب وافق بس كان عنده امل انها هتحبه مع الايام وفضلت ليلى طول السنه ده تحاول تنسى حبها لخالد اللي قررت تبعده عن تفكيرها وتركز في شغلها بس كانت بتحلم بيه كتير اوي ساعات بيضحك وساعات زعلان وطبعا مقدرتش تبعده عن احلامها…………..

دخل ايهاب على ليلى في مكتبها:

ايهاب:صباح الخير يا لولو

ليلى:صباح الخير يا ايهاب

ايهاب:وحشتيني

ليلى:ياه مش هتبطل هزارك ده

ايهاب وهو بيبص فعنيها: انتي عارفه اني مش بهزر

ليلى:و بعدين معاك بقى

ايهاب:خلاص يا ستي حافظ والله احنا اصحاب وبس

ليلى:شاطر ويلا بقى عشان عندي شغل كتير

ايهاب:طب ما انا عايزك في شغل

ليلى:خير

ايهاب:بصي يا ستي عندنا معرض عقارات دولي هتشترك فيه شركات من كل الدول العربيه واحنا اشتركنا بمشروعنا اللي في شرم الشيخ

ليلى:هايل

ايهاب:المهم المعرض هيبدأ بعد يومين في دبي وانا وانتي اللي هنسافر عشان بابا مسافر فرنسا

ليلى وشها اتغير لما سمعت انها هتسافر دبي وافتكرت كل حاجه كأنها كانت هناك امبارح……………………….

ايهاب:ايه يا لولو سرحانه فإيه؟

ليلى:لا ابدا مفيش

ايهاب:طب يا جميل حضري نفسك الرحله بعد بكره الساعه 5 المغرب

ليلى:اوكيه

وخرج ايهاب وليلى افتكرت خالد وحست انه وحشها اوي وفكرت انه اكيد بقى معاه بيبي دلوقتي واكيد نسيها خالص ويمكن لو شافها ميعرفهاش……………………..

وصلت ليلى المطار وفضلت مستنيه ايهاب بس لقيته بيتصل بيها:

ليلى:الو يا ايهاب اتأخرت ليه؟

ايهاب:معلش يا لولو اصل بابا كلفني بشوية حاجات اعملها عشان المعرض ومش هقدر اسافر انهارده

ليلى:يعني هسافر لوحدي؟؟

ايهاب:ايه هوحشك؟؟؟؟؟

ليلى:يا سلام على خفة دمك , يعني بكره هكون في المعرض لوحدي ؟

ايهاب:بصي ان شاء الله قبل معاد المعرض هتلاقيني عندك في الفندق بصي هتلاقي حجز في نفس الفندق اللي كنا فيه السفريه اللي فاتت مع خالد فاكراه؟

ليلى:ايوه

ايهاب:خلي بالك من نفسك وحاولي تحلمي بيه

ليلى:طيب سلام يا ظريف

ايهاب:مفيش مره تغلطي وتقولي سلام يا حبيبي

ليلى:وبعدين باي اشوفك بكره ان شاء الله

ايهاب:ان شاء الله

دخلت ليلى المطار لوحدها وكانت لابسه جينز ازرق وعليه بلوزه طويله نص كوم وعليها رسمه بتلمع لونها اخمر وصاندال احمر بكعب عالي وشعرها مفرود وطويل وحاطه ميك اب هادي وبيرفيومGuss وخلصت الاجراءات وراحت تستنى عند بوابة الطياره لغاية ما تفتح وقعدت تقرا فقصه رومانسيه واندمجت فيها……………………….

من بعيد كان فيه شخص بيبص عليها وهو بيبتسم !!!!!!!!!!!!

الفصل التاسع والعشرون

ركبت ليللى الطياره وقعدت في كرسيها جنب الشباك واستغربت انه نفس المكان اللي قعدت فيه لما كانت مع خالد وبعد ما ربطت الحزام فتحت القصه عشان تكملها واندمجت كالعاده لما بتقرا قصه رومانسيه وبعد شويه حست بحد قعد جنبها وشمت ريحة بيرفيوم هي عارفاها كويس فنزلت الكتاب بالراحه وقلبها بيدق جامد وبصت جنبها لقيت مفاجأه مكنتش متوقعاها ابدا………………..

ليلى:انت بتعمل ايه هنا؟

خالد:مش تسلمي عليه الاول

ليلى وهي مش مستوعبه:ازيك

خالد:ازيك انت

ليلى:الحمد لله

خالد:يااااااااه بقالي كتير مشفتكيش

ليلى مسكت نفسها وقالتله بعدم اهتمام:آه فعلا

خالد:اخبار شغلك ايه؟

ليلى:تمام

خالد:بتشتغلي فين؟

ليلى:في شركة والد ايهاب فاكره؟

خالد:آه, انتوا اتخطبتوا ولا لسه؟

ليلى معرفتش تقول ايه فغصب عنها:ايوه طبعا

خالد وهو بيبص على ايدها:بس انت مش لابسه دبله؟؟

ليلى:اصلي مبحبش الدبل والخواتم

خالد وهو مش مقتنع:طيب مبروك

ليلى ملقيتش كلام تقوله:……………

خالد:انتي مسافره تتفسحي ولا شغل؟

ليلى:الاتنين

خالد:كويس

ليلى:وانت؟

خالد: الاتنين

ليلى:طيب انا هكمل القصه بقى

خالد:وانا هنام ( ورجع راسه لورا و غمض عينيه )

فضلت ليلى ماسكه القصه ومش شايفه الكتابه ولما اتأكدت انه نام بصتله كان لابس شورت كاروهات بني في بيج وتيشيرت بيج نص كوم وشوز بني هو كان خاسس اوي وعينيه كان تحتها خطوط عميقه كأنه بقاله سنه سهران وريحة البيرفيوم بتاعته زي ما كانت فاكراها وحست ان الدموع ملت عينيها من كتر ما كان واحشها اوي اوي ونزلت دموعها غصب عنها بس مسحتها بسرعه وحاولت تكمل القصه.

الفصل الثلاثون

فضل خالد نايم طول الرحله وصحي لما المضيفه قالت ان الطياه بتنزل مطار دبي وبص لليلى:

خالد:ياه ده انا نمت كتير اوي

ليلى بصتله بحنان:شكلك مرهق

خالد:ايوه فعلا, انتي هتنزلي فين؟

ليلى:في نفس الفندق اللي نزلت فيه السنه اللي فاتت

خالد وهو بيبص فعنيها:قصدك اللي نزلنا فيه

ليلى هربت من نظراته وقالت:ايوه بالضبط

خالد:طيب يلا عشان ننزل

ونزلوا من الطياره وخلصوا الاجراءات ووقفوا يستنوا الشنط وبعد ما خالد نزل شنطتها خد شنطته وقالها:

خالد:انا مضطر استأذن عشان عندي معاد مهم

ليلى وهي زعلانه اوي:اتفضل متعطلش نفسك

خالد وهو بيبتسم: يعني خلاص بقيتي تعرفي تتحركي في دبي من غيري؟

ليلى وهي عامله نفسها مش مهتمه:عادي ما انا عشت سنه لوحدي من غيرك

خالد بصلها بصه حزينه ومشي وسابها وليلى ندمت حست انها كانت قاسيه عليه بس قررت تنساه بجد وتكمل حياتها كأنها مقابلتوش ابداااا………………………….

وصلت ليلى الفندق ولقيت حجز باسمها وطلعت اوضتها خدت شاور وغيرت هدومها لبست فستان قصير ابيض عليه حزام عريض اسود وشوز اسود وشنطه سودا ورفعت شعرها لفوق وطلعت تبص من البلكونه شويه قبل ما تنزل تتعشى وخرجت لقيت الجو جميل والبلد شكلها حلو اوي من فوق وكلها ابراج عاليه وانوار كتير بس برغم كل ده حست انها حزينه وسألت نفسها يا ترى يا خالد عمرك ما حبتني ؟ يا ترى سعيد مع ساره؟ واسئله كتير بتدور جواها بس هي لازم تبطل تفكر فيه وتنساه زي ما هو نسيها……………..

نزلت ليلى مطعم الفندق وطلبت عشا شوربه و خضار سوتيه وستيك مشوي وعصير فريش وابتدت تاكل وبعد شويه لقيت الكرسي اللي ادامها بيتسحب وخالد بيقعد عليه وليلى اتخضت اوي:

ليلى:انت بتعمل ايه هنا؟

خالد:انا عندي شغل

ليلى:هنا؟؟؟؟؟؟؟

خالد:نفس معرض العقارات بتاعك

ليلى:طب مقولتليش ليه لما اتقابلنا؟

خالد:كنت عايز اعملهالك مفاجأه.

ليلى:انت لوحدك في دبي؟

خالد:ايوه لوحدي

ليلى:امال فين ساره؟

خالد باستغراب: ساره مين؟

ليلى:ساره مراتك

خالد وهو بيضحك :مراتي انا!!!!!!!!!!!

ليلى بعصبيه:امال مراتي انا

خالد بطل ضحك وبص فعنيها : انا متجوزتش ساره

ليلى:امال اتجوزت مين؟

خالد:انا متجوزتش خالص

ليلى:تقصد ايه؟

خالد:اللي سمعتيه

ليلى:امال ليه……؟ اصل ساره قالت ………….

خالد بصوت حزين:وانتي صدقتي ساره لما قالتلك من غير ما تسأليني؟ وقدمتي استقالتك وروحتي شركه تانيه ؟

ليلى:انا مش مصدقه اللي بسمعه

خالد:لا صدقي يا ليلى

ليلى:طيب ليه مقولتش حاجه

خالد: اقول ايه؟ واقولك فين ؟ وانتي طلبتي من ايهاب ميقولش انك معاهم في الشركه

ليلى:طيب وانت ليه متجوزتش ساره؟

خالد: عشان انا مش ببيع نفسي

ليلى:امال عملت ايه؟

خالد:قدمت استقالتي قبلك بيوم وفتحت شركه مع واحد صاحبي والحمد لله نجحت وخصوصا اني ليه علاقات كتير

ليلى بتبصله كأنها بتحلم:وليه مسألتش عني طول الفتره اللي فاتت؟

خالد:اقولك ايه اني لسه ببدأ من الصفر ويا هنجح يا مش هنجح؟

ليلى:بس كان لازم……………

خالد:كان لازم ايه؟ اقولك عشان اضيع عليكي فرصة جوازك من ايهاب؟

ليلى:جوازي من ايهاب؟؟؟؟؟؟؟؟

خالد:مش انتوا مخطوبين برده

ليلى افتكرت كذبتها :ايوه مخطوبين بس………….

خالد:بس ايه يا ليلى؟ انا بتمنالك كل خير

ليلى:انت رايح فين؟

خالد:انا هخرج اتمشى شويه عن اذنك

ليلى بصت ناحيته وهو ماشي وكانت عايزه تجري وراه وتقوله انها كذبت وانها كانت مستنياه حتى وهي عارفه انه نسيها بس مقدرتش عشان معرفتش تقول ايه.

الفصل الحادي والثلاثون

طلعت ليلى اوضتها وقعدت تعيط عشان مش عارفه تعمل ايه وازاي تفهم خالد انها مش مخطوبه وهتعمل ايه مع ايهاب لما يعرف………..

صحيت ليلى الصبح على صوت تليفون اوضتها ولقيت نفسها نامت بهدومها:

ليلى:الو

ايهاب:وحشتيني

ليلى:ايهاب ؟ وصلت امتى؟

ايهاب:لسه طالع اوضتي حالا وقلت اكلمك

ليلى:كويس انك جيت انا محتاجالك اوي

ايهاب:خير يا ليلى مالك؟

ليلى:قابلني في المطعم تحت

ايهاب:طيب اوكيه اديني ربع ساعه واكون تحت

ليلى:اوكيه

ولبست ليلى جيب واسعه لونها لبني وفيها ورود بيضا وفوشيا و لبست عليها بادي فوشيا ونزلت لقيت ايهاب مستنيها تحت:

ايهاب:ايه ده انتي كنتي بتعيطي؟

ليلى:لا ابدا

ايهاب:مالك يا ليلى؟

ليلى حكت لايهاب كل حاجه وانها قالت لخالد انهم مخطوبين ومش عارفه تعمل ايه؟؟؟؟؟؟؟؟

ايهاب:بقى عشان كده كنتي رافضه اني اتقدملك

ليلى:ضدقني يا ايهاب انت انسان ممتاز بس غصب عني

ايهاب بصلها بحب:انا مصدقك يا لولو

ليلى:طيب هنعمل ايه دلوقتي؟

ايهاب:سيبي الموضوع ده عليا

ليلى:لازم تقولي هتعمل ايه؟

ايهاب:متقلقيش انت بس

وهما بيفطروا جه خالد قعد معاهم عالترابيزه:

خالد:صباح الخير يا ليلى, حمدلله على السلامه يا ايهاب

ليلى:صباح الخير

ايهاب:ازيك يا خالد ؟ اخبارك ايه؟

خالد:تمام الحمد لله

ايهاب:هتعملوا ايه عقبال معاد المعرض بالليل؟

خالد:انا هقابل جماعه اصحابي خليكوا انتوا براحتكم

ايهاب:مش ممكن احنا هنقضي اليوم سوا

خالد:لا بجد مفيش داعي

ايهاب:لو مجتش معانا هزعل

ايهاب وهو بيغمز بعينيه لليلى عشان يغيظها: ولا ايه يا لولو

ليلى وهي وشها احمر من الغيظ:اللي تشوفوا يا ايهاب

واتفقوا يروحوا يتمشوا في فيستيفال مول وبعدين ايهاب هيوديهم كافيه عالبحر…………………………..

ولما قرب معاد المعرض رجعوا الفندق عشان يغيروا هدومهم وليلى اول ما دخلت اوضتها حست انها كانت متوتره طول الوقت ومحتاجه ترتاح من الضغط ودخلت خدت شاور وخرجت لبست فستان اسود طويل وعليه صاندال اسود ورفعت شعرها لفوق وحطت ميك اب على فضي ونزلت عشان تتابع المعرض واول ما نزلت لقيت خالد واقف بيتكلم مع اصحاب شركات اجانب فبصت عليه و راحت وقفت مع ايهاب و نسيت ليلى خالد طول وقت المعرض عشان كانت مشغوله مع الناس اللي عايزه تحجز في مشروع شرم الشيخ بتاع ايهاب وفاتت اربع ساعات والمعرض خلص وايهاب وقف مع خالد وجت ليلى تقف معاهم واتفقوا يروحوا يسهروا في فندق جميرا بيتش وراحوا كلهم لقيوا حجز باسم ايهاب في ترابيزه جميله بتبص عالبحر وعليها شموع جميله وورد طبيعي وكان في موسيقى هاديه بتتعزف وبعد ما قعدوا بشويه جه تليفون لايهاب فقام يتكلم وجه قالهم:

ايهاب:معلش يا جماعه انا هستأذنكم نص ساعه بالضبط واحد صاحبي مستنيني مش هتأخر

ليلى:بس………….

ايهاب:متقلقيش نص ساعه بالضبط

خالد:اوكيه يا ايهاب

ليلى:خلاص اوكيه

ومشي ايهاب وسابهم مع بعض وليلى فضلت ساكته مش عارفه تقول ايه:

خالد:ساكته ليه؟

ليلى:ابدا بسمع الموسيقى

خالد قام ومد ايديه:تسمحيلي بالرقصه ده؟

ليلى من غير ما تفكر حطت ايديها في ايديه وقامت معاه وكانت اغنيه رومانسه قديمه وغمضت ليلى عينيها وحطت راسها على كتف خالد وه حضنها جامد كأنه خايف تروح منه تاني وهي نسيت كل حاجه نسيت ايهاب وساره وشكها طول الفتره اللي فاتت ان خالد نسيها وفضلوا يرقصوا من غير ما يتكلموا ولا كلمه………..

الفصل الأخير

بعد ما خلصت الرقصه قعدت ليلى وخالد عالترابيزه وفضلوا باصين لبعض وراح خالد اتكلم:

خالد:انا بحبك

ليلى: بتحبني ؟؟؟؟

خالد:ايوه يا ليلى

ليلى:بس انا عايزه اقولك ان …………

خالد:انا عرفت كل حاجه

ليلى:عرفت ايه؟

خالد:عرفت انك متخطبطيش لايهاب زي ما فهمتيني

ليلى:ايهاب اللي قالك؟

خالد:ايوه

ليلى:اصلي كنت فاكراك اتجوزت ساره

خالد:مش عايز اتكلم عن الانسانه ده تاني كفايه انها السبب في بعدنا عن بعض طول الفتره اللي فاتت

ليلى:خالد

خالد:انا بحبك يا ليلى من اول يوم شوفتك فيه بس كنت بقاوم حبي ليكي عشان كان في تجربه فحياتي خلتني اخاف من الحب

و فضلت خايف لغاية ما لقيت ايهاب معجب بيكي فحسيت انك ممكن تروحي مني فقررت اعترفلك بس حصل اني استقلت من

الشركه وو مرضتش اتقدم لباباكي الا غير ما اكون مستعد ومش ناقصني حاجه وبعدت عنك بس كنت بتابع اخبارك من بعيد

ليلى:وانا كمان يا خالد بحبك و مهما وصفتلك مش هتتخيل كنت عامله ايه طول الفتره اللي بعدنا فيها عن بعض ومعرفتش انساك ابدا

خالد:انا عايز اكلم باباكي دلوقتي

ليلى:دلوقتي؟

خالد:مش هستنى و لا ثانيه

ليلى:طب خد الرقم

خالد بصلها نظره مليانه حب: الرقم معايا

ليلى وعينيها مليانه دموع:معقوله لسه معاك

خالد:كنت كل ما اتعب في شغلي او تواجهني مشكله كنت ابص للرقم واقول لنفسي كمل عشان تكلم باباها وتطلب ايدها منه

ليلى:انا حاسه اني بحلم

خالد: مش حلم يا ليلى مش حلم

واتصل خالد ببابا ليلي:

خالد:الو, مساء الخير يا انكل

باباها:مساء الخير ,مين معايا؟

خالد:مع حضرتك خالد , كنت مدير ليلى في الشركه القديمه

باباها:اهلا يا ابني

خالد:انا بطلب من حضرتك ايد ليلى

باباها:بس ليلى مسافره يا ابني

خالد:ايوه يا عمي ما انا عارف وهي معايا في دبي

باباها:طيب يا ابني ممكن نأجل كلامنا لغاية ما ترجعوا مصر

خالد:طيب ممكن يا انكل نشتري الشبكه من هنا؟

باباها:طيب اديني ليلى اكلمها

ليلى:الو يا بابا

باباها:ايه ليلى, صوتك فرحان

ليلى:اوي يا بابا

باباها:ربنا يسعدك

ليلى:ربنا يخليك ليه

باباها: هستناكي في المطار

ليلى:ان شاء الله

باباها: اديني خالد

خالد:ايوه يا انكل

باباها:خلي بالك من ليلى واشتري شبكه على ذوقك

خالد:ان شاء الله

و راحوا محل داماس للمجوهرات واشترى خالد طقم دهب ابيض وفيه فصوص الماس واشتروا الدبل ولبسوها في المحل وكانت ليلى فرحانه وخالد كان ماسك ايدها وهو مش مصدق ان حلمه بقى حقيقه……………………..

في فندق الفورسيزون في مصر كان خالد واقف مستني نزول عروسته وهو لابس بدله سودا وتحتها قميص ابيض وفيست فضي في ورد صغير وكان واقف جنبه مامته ومي اخته وايهاب وبعد شويه ابتدت الزفه ونزلت ليلى من فوق مع باباها وكانت لابسه فستان بكمام طويله واسعه ومفتوح من عند الصدر فتحه كبيره ومفتوح من كل الظهر ونازل على واسع خالص وليه حزام موف عريض ومفيهوش تطريز بس ابيض ومنفوش اوي والطرحه طويله من ورا اوي ومن ادام مغطيه وش ليلى وماسكه بوكيه ورد موف و شوز موف وحاطه ميك اب على موف في ابيض في فضي واول ما نزلت سلم خالد على باباها وخد ليلى منه شالها الطرحه وباسها في راسها وابتدى الفرح ودخلوا القاعه و رقصوا اول رقصه سلو مع بعض وكانت الاضاءه موف وحواليهم بنات صغيرين بيرقصوا باليه لابسين فساتين موف قصيره وخالد بص لليلى:

خالد:بحبك اوي

ليلى وهي مكسوفه:بحبك اوي

وعاشوا في تبات ونبات وخلفوا صبيان وبنات

تمت ⁦❤️⁩⁦❤️⁩⁦❤️⁩