قلب لا يعرف 2

الحلقة الثالثة عشر

حفل زفاف

عادوا الى منزل نور بعدما قضوا سهرتهم وهما فى قمة السعادة والحب وصل امام بيتها
ادهم:حبيبتى تصبحى على خير ياعمرى
نور:ايه ده مش هتطلع معايا
ادهم:ايه خايفة ولا ايه
نور:ياسلام هخاف من ايه بس تعالى معايا
قبل كفها :معلش حبيبتى باذن الله بكره هكون عندك ماانا سمعت انى معزوم ولا ايه\
نور:لا هتتلغى لو مطلعتش
ادهم:واهون عليكى برضه معلش خليها وقت تانى
نور:ماشى ياادهم براحتك سلام
قبل ان تغادر امسك يدها واقترب منها :عشان خاطرى متكشريش كده
نور:خلاص مش زعلانة
اقترب منها فجاة وقبل خدها بشوق
ارتبكت نور بشدة:ايه ده انت عملت كده ازاى
ادهم:وفيها ايه مش مراتى
نور:ادهم احنا فى الشارع
ادهم:محدش له حاجة عندى ولا ايه
ابتسمت له وخرجت من السيارة:تصبح على خير
ادهم:وانتى من اهله حبيبتى
انتظر قليلا حتى دخلت البيت وارجع راسه للوراء يشعر بسعادة كبيرة افتقدها منذ زمن
اما هى دخلت بيتها وهى تشعر بفرحة كبيرة لاتعرف سببها
بدات تصعد السلم ولكن يد منعتها من الصعود نظرت فوجدت يوسف امامها كادت تصرخ لكنه كتم فمها بيده يمنع صوتها
يوسف:انتى تبعينى انا وتتجوزى ادهم ده ليه بتحبيه ها بس انا اللى بحبك مش هو
حاولت ان تفلت من يده لم تستطع
يوسف:متحاوليش مش هسيبك سمعتينى مش هسيبك انا اصلا بقيت مجنون بيكى يعنى هتبقى ليا غصب عنك يانور
افلتت منه بمشقة:انت فعلا مجنون مستحيل تكون دى تصرفات بنى ادم طبيعى ابدا
رفع يوسف يده وصفعها على وجهها حتى انها سقطت من اثر اللطمة
كاد ادهم ان يغادر لكنه وجد هاتف نور بجوار على الكرسى تردد كثيرا ان يصعد اليها لكنه امسكه وخرج من السيارة واتجه الى مدخل البيت فى نفس اللحظة التى كان يوسف يصفع نور وهى تصرخ
صرخ ادهم بشدة:نوررر
نور:الحقنى ياادهم
انطلق كوحش كاسر على يوسف يضربه بكل غضب الدنيا ضربات متتالية تحمل له كل الغضب ظلوا يضربون بعضهم ونور ملقاة على الارض خائفة ترتعش
لم يعد وجه يوسف على ماهو عليه من كثرة الضرب الذى تلقاه من ادهم الذى قد عاد الى تدريبته منذ فترة ليست بكبيرة
ادهم:والله العظيم لو شفت وشك تانى لاخلص عليك واوديك فى ستين داهية
يوسف:هتفضل تشوفنى ومش هسيبها برضه
صفعه ادهم بشدة:انت حيوان خلى عندك دم دى خلاص بقت مراتى ومش كلب زيك هياذيها واسكتله
يوسف :بس حبيتها قبلك
صفعه مرة اخرى:اخرس خالص متجبش سيرتها تانى دى مراتى وحبيبتى وانت ملكش وجود عندها اصلا وامشى بقى من هنا بدل ما اقتلك
نظر اليهم ثم خرج مسرعا اما ادهم فالتف الى نور سريعا وواقفها واحتضنها بشدة وهى مازالت تبكى بشدة
ادهم:حبيبتى خلاص عشان خاطرى ربنا ستر
نور:ادهم انا خايفة اوى متسبنيش

امسك وجهها بكفيه واقترب منها:مش عايزك تخافى وانا موجود مش هخلى اى حد مهما كان يلمس شعرة منك
نظرت اليه خائفة ترتجف :يلا حبيبتى نطلع فوق اكيد خالى قالب الدنيا علينا
صعدا سويا وهى متشبثة به خائفة وهو يضمها بذراعيه حتى وصلا
فتحت لهم مريم الباب التى صعقت من حالة نور
مريم:ايه فى ايه مالها نور
ادهم:مش وقته ندخل بس
حضر ابواها ومازن وجدوهم على هذه الحالة
فكرى:ايه فى ايه مالك يانور ايه اللى حصل ياادهم
ادهم:خير ياخالى تستريح بس
اجلسها على الكرسى :مريم كوباية مية الله يخليكى
امل بخوف:طمنى ياادهم مالها نور
جلس بجوارها وهو مازال ممسك بيدها:نور معدتش تخرج من البيت تانى ياخالى ممكن
فكرى:افهم فى ايه
ادهم:فى ان يوسف الكلب كان مستنيها تحت فى بير السلم والله اعلم لو مكنتش دخلت وراها كان عمل فيها ايه
فكرى:لالا الواد ده اتجنن انا مش هسكتله تانى
ادهم:متقلقش انا هتصرف معاه بس زى ماقلت مفيش خروج تانى لحد معاد الفرح
نور:طيب وشغلى
ادهم بعصبية شديدة:يتحرق الشغل مفيش خروج يانورالا معايا او مع خالى او مازن غير كده لا
امل:طبعا مفيش خروج كفاية كده اوى
نور:يعنى ايه هتحبس بسبب واحد زى ده
امل :اومال تخرجى وياذيكى تانى
ادهم:انا قلت مفيش خروج لوحدك تانى ولا حتى الشغل
نور:بس ده مش اتفاقنا ياادهم ولا نسيت شرطى
ادهم:لا طبعا منستش بس برضه قلت مش لوحدك يعنى انا كل يوم الصبح هعدى عليكى وانا رايح الشغل
اشار الى مازن :تعالى معايا يامازن
فكرى:على فين
ادهم:هاروح القسم ابلغ عنه واعمل عليه تعهد بعدم التعرض لاى حد فينا
فكرى:طيب استنى هجى معاكم
ادهم:مينفعش خلى حضرتك معاهم مش معقول هنسيب البيت من غير راجل احنا مش هنتاخر يلا يامازن

بالفعل ذهبوا الى قسم الشرطة وقدم بلاغ ضد يوسف بعدم التعرض
بدوا تجهيز عش الزوجية الذى كان فى منزل العائلة كانت بداخل نور خوف ان لا ينفذ ادهم اتفاقه معها فى علاقتهم بعد الزواج ولكنه كان دائما ما يشعر بها وبخوفها ولكنه اراد لها ان تتاكد بالفعل لا بالقول
فى مكان اخر لم ناتى اليه بعد هنا شركات مروان الشناوى الد اعداء ادهم الذى خطف منه حبيبته السابقة نانسى ولكن زواجهم لم يستمر اكثر من عامين بعدما علم انها لاتستطيع الانجاب طلقها لكنها استطاعت ان تاخذ منه اموال كثيرة استثمرتها بعد ذلك فى احدى مراكز التجميل التى تمتلكه الان
كان يجلس فى مكتبه غاضبا فهو رجل يملك الكثير من الاموال والعقارات وعندما قرر ان يبنى قرية سياحية علم ان هناك قرية اخرى سيتم افتتاحها وستكون قريبة منه ولكنه يريد ان يكون الوحيد وبلا اى منافس
يدخل عليه رشاد مدير اعماله وذراعه الايمن فى كل اعماله
رشاد:صباح الخير مروان باشا
مروان:خير منين وانت مش عارف تشوف شغلك يارشاد
رشاد:ليه بس انا عملت حاجة غلط ولا قصرت فى حاجة
مروان:ازاى لحد دلوقتى متعرفش مين صاحب الارض بتاعة شرم الشيخ عرفت بفى انك مش شايف شغلك
رشاد:لالامروان انا عرفت كل حاجة مين صاحب ومين شركاته كمان
مروان:طيب ماتنطق مستنى ايه اجر منك الكلام بالعافية
رشاد بخبث:صاحب الارض حبيبك من زمان ياباشا
مروان:تقصد ايه مين هو
رشاد:ادهم … ادهم فخر الدين مش معقول تكون نسيته
مروان:ايه انت بتقول ايه ادهم مين مستحيل
رشاد:لا ياباشا مش مستحيل بالعكس ادهم هو صاحب الارض بس مش لوحده معاه اثنين رجال اعمال واحد امارتى والتانى لبنانى
مروان:بقى كده يعنى ادهم باشا راجع ينتقم منى ويدمرلى شغلى
قولى تعرف عنه ايه كمان
رشاد:اعرف ان فرحه يوم الخميس الجاى على بنت خاله مهندسة بتشتغل معاه
مروان:هههههه يبقى لازم نباركله ولا ايه يارشاد
رشاد بخبث:طبعا مروان بيه ده واجب وانت ابو الواجب

اليوم موعد زفاف ادهم ونور الكل على اتم استعداد لحفل الزفاف ادهم يشعر بفرحة كبيرة فهاهو اليوم سيجتمع مع نور فى منزل واحد ستظل قريبة منه على الرغم من انهم سيعيشون مع بعضهم فى حكم المخطوبين الى ان تعرفه جيدا ووتستطيع ان تعيش معه كزوجته
اما نور على قدر خوفها على قدر سعادتهافهى ستكون اليوم مع ادهم فهى بالفعل تحبه ولكن خوفهامن مدة الخطوبة القصيرة لم تتاكد الى الان من حقيقة مشاعره
كانت تردتدى فستانها الابيض وحجابها الرائع الذى اضفا عليها جمالا واشراقا
اما ادهم فكان رائعا فى بذلته السوداء التى اضفت عليه وسامة وجاذبية جعلته محط انظار الجميع
كان ادهم يريد زفاف مختلفا عن العادى بعدما انتهت الزفة من عزفها دخل ادهم وحيدا من باب القاعة بدون نور وفجاة ينفتح سقف القاعة لتنزل نور وسط ورود كثيرة تحيط بالكرسى الذى تجلس عليه
تصفيق حاد يرج القاعة عندماتنزل نور ويكون ادهم فى استقبالها الذى عندما راها قبل يدها وجبينها وامسك بيدها
واتجهوا سويا الى الكوشة وبدات الموسيقى وبدا المهنئون يتوفدون عليهم للتهنئة
ودعاهم الدى جى للرقص على اغنية طلبها ادهم خصيصا لها

لهاآدي اللي في بالي بالملي
قمر ومن السما نزلي
دي بسم الله ما شاء الله
تشوفها تسمي وتصلي

عشان اوصفها مالهاش حل
كلام أغانيا كله اقل
دي شيء في حياتي جاني وهل
ومن حظي إنه متشالي

بنسبة مية في المية
حاجات اتغيرت فيا
دي حلم بعيد يا ناس دي أكيد
هدية ربنا ليا

عشان اوصفها مالهاش حل
كلام أغانيا كله اقل
دي شيء في حياتي جاني وهل
ومن حظي إنه متشالي

في واحدة لما تقابلها
تسيب الدنيا وتجيلها
بغني سنين لكل الناس
ومن الليلة هغنيلها

عشان اوصفها مالهاش حل
كلام أغانيا كله اقل
دي شيء في حياتي جاني وهل
ومن حظي إنه متشالي

عندما انتهت الرقصة قبل يدها وسط فرحة الجميع مراكثر من ساعة حتى جاءت جيلان الى الفرح دخلت وهى تردتى فستان قصير وعارى وينسدل شعرها خلفها اتجهت مباشرة الى ادهم ونور
جيلان:مبروك ياادهم بيه
ادهم:الله يبارك فيكى عقبالك
جيلان بغل وحقد:بقى انت تسيبنى عشان دى واشارت الى نور باستهزاء
نظر ادهم الى نور وعاد الى جيلان:دى حبيبتى ودنيتى كلها اما انتى من الاول وانتى عارفة ان اللى بينا عمره ماكان حب
يبقى ملهاش لازمة التمثيلية دى
جيلان:تمثلية ياادهم اوكيه ياادهم بس صدقنى انا مش هسكت وبكره هتشوف
ادهم:ههههه بكره الساعة الكام
تركتهم وكلها غضب يمكنه تدمير اى شئ امامها
اما عند ادهم ونورامسك بيدها :حبيبتى اوعى تزعلى من حاجة دى انسانة تافهة
نور:قولتلك بلاش ياادهم بلاش تاخد تارك بيها
ادهم:وانا وعدت والموضوع ده منتهى ممكن بقى ننسى ده كله ونفكر فى فرحنا وبس ممكن ولا ايه
ابتسمت نور:ممكن
كانا فى غاية السعادة لاننكر ان نور فكرت للحظات ان تتراجع عن شرطها الاول وهى ترى الحب والحنان من ادهم ولكنها فضلت ان تستمر حتى تتاكد من حبه
كان فكرى وخديجة سعيدان بزواج اولادهم الذى اعاد الاشقاء مرة اخرى لبعضهم
جاءهم صوت من خلفهم:مبروك يافكرى مبروك ياخديجة
التفتا فوجودوا امامهم شقيقهم خالد
خديجة:خالد …. جاى ليه ياخالد
خالد :جاى اهئنى اخواتى بفرح ولادهم ولا مش من حقى
فكرى:حقك اه صحيح ماانت تعرف الحق كويس
خالد بخجل:انا عارف ان ليك كل الحق فى اى حاجة تعملها بس ربنا عالم ندمى انى اكلت حقكم زمان عمل فيا ايه
فكرى:دلوقتى عرفت ربنا بعد مامشيت ورا شيطانك اللى غواك وخلاك تاكل حق اخواتك
خديجة:انت عايز ايه ياخالد
خالد عايزكم تسامحونى ونرجع اخوات زى زمان
اعطاهم اوراق:ده حقكم ورثكم فى ابويا اللى يرحمه بس بسعر النهاردة عشان يبقى كده خلصت ذمتى اودام ربنا واودمكم
فكرى باندهاش :معقول بعد السنين دى ياخالد ناوى على ايه
خالد:ناوى اروح اسلم على ابن اختى وبنت اخويا واباركلهم واشار الى ادهم ونور
هاا ممكن
فكرى وخديجة:طبعا ممكن
كان ادهم ونور يتحدثون ويضحكون وهو ممسك بيدها حتى جاء صوت من خلفه
مبروك ياادهم باشا
التف ادهم لمصدر الصوت وجده مروان نظر اليه قليلا ثم وقف امامه
ادهم:اهلا نعم جاى ليه
مروان:معقول دى مقابلة تقابلنى بيها بعد غياب سنين توتو مكنش العشم
ادهم:شوف يامروان وجودك هنا مش مرغوب فيه وياتتفضل بالذوق يااخلى الرجالة اللى هناك دول يخرجوك بالعافية واشارالى مجموعة رجال اقوياء يقفون على باب القاعة
مروان:ايه للدرجة خايف منى هههههه
ادهم:ههههه وانا برضه اخاف من حشرة زيك دول بس لو حد فكر يضايقنى يفسحوه تحب تجرب
مروان:بلاش تلعب معايا ياادهم عشان انت هتكون خسران
ادهم:هههههه خسران خلاص الدور عليك تخسر يامروان وبكره تشوف
مروان بغضب:انا بحذرك القرية اللى انت بتعملها دى انساها عشان متتعبش
ادهم:خوفتنى ياشيخ روح روح ياشاطر ابعد بعيد
نظر مروان الى نور التى تستمع الى حديثهم ولا تتكلم
مش معقول زوقك حلو اوى اوى بس بصراحة احلى من نانسى
ادهم:تتفضل دلوقتى بره ومن سكات بدل ماتخرج على نقالة
مروان بغضب:ماشى ياادهم ماشى بس متبقاش تزعل مين اللى هيجرى
ادهم:ابقى اعمل انت حسابك لانى ناوى اخلص تار قديم اوى وهخلصه يامروان

الحلقة الرابعة عشر

صدام من جديد

مر حفل الزفاف للنهاية بهدوء واستعدوا للذهاب لبيتهم الجديد الذى اعده ادهم باجمل ما يكون ودعوا اهلهم وانطلقوا الى بيتهم الجديد صعدوا الى شقتهم وهو يحملها بين يديه
ادهم:نورتى بيتك ياحبيبتى
نور:منور بيك انت
اغلق ادهم الباب خلفه وهو ينظر اليها اما هى بدات ترتعش بداخلها خوفا من نظراته اقترب منه وامسك بكتفيها :نور انا فرحان اوى اننا خلاص بيقينا مع بعض ولا ايه
نور:وانا كمان ياادهم
ادهم:وانتى كمان ايه
نوربخجل:مبسوطة انى معاك
اقترب منها اكثروامسك يدها يقبلها وجد يدها ترتعش ابتسم :ايه مالك خايفة ليه احنا بقينا اتفاق وانا مش مش هرجع فيه لحد ماانتى بنفسك تحبى تلغيه
نور:بصراحة كنت خايفة ترجع فى كلامك
ادهم:لالا انا قلت كلمة وانا ادها بس برضه ليا حقوق عليكى
نور:حقوق ايه
اقترب منها اكثرووقبل شفتيها بحب تاهت معه فى عالم اخر تركها وهو ينظر لها :زى كده ممكن بقى نغير هدومنا عشان انا ميت من الجوع بصراحة
ابتسمت له:حاضر هغير واجى
ادهم:متتاخريش عليا
نور:حاضر
ذهبت لغرفة اخرى وبدلت ملابسها ‍خرجت ذهبت للمطبخ اعدت لهما طعام شعرت بذراعيه تضمها من خصرها
خضتنى ياادهم
ادهم:ههههه لا اتعودى على كده بقى
نور:طيب يلا مش انت جعان
خرجوا سويا وضعوا الطعام وتناوله سويا وهو يخطف نظراته اليها بين حين واخر
انتهت نور من طعامها :انا كده الحمد لله
ادهم:وانا كمان تمام اوى كده تعالى بقى نتفرج على التلفزيون
جلسا سويا يضمها بذراعيه وهى تشعر بدفه وحنانه عليها حتى نامت على كتفه دون ان تشعر بنفسها
احس ادهم بثقل راسها:نور … نور انتى نمتى
وجدها نائمة فحملها واتجه الى غرفة نومها الذى اعدها لها خصيصا وضعها على السريرواحكم غطاءها وظل بجوارها للحظات ينظر اليها ثم تركها ورحل لغرفته لينام هو الاخر

صباح اليوم التالى قامت نور مفزوعة على صوت جرس الباب وجدت نفسها على السرير
سمعت صوت ادهم يتحدث مع خديجة:حبيبى صباح الهنا ياعريس
ادهم:صباح الخير ياست الكل ادخلى
خديجة:لالا ادخل فين خد الفطار وصحى نور وافطروا سوا يلا
واشارت الى خادمتها:دخلى الاكل يافاطمة
ادهم:طيب ادخلى اصحى نور ونفطر سوا
خديجة:بذمتك مش عايز تزحلقنى يلا يلا صحى نور وفطرها وغذيها كويس
ادهم:حاضر ياستى
تركته ورحلت وذهب هو الى غرفة نور وجدها تفتح الباب وتخرج من الغرفة وهى ترتدى بيجامة قصيرة نوعا وشعرها الاسود ينسدل خلفها وبمكياج بسيط
ادهم:لالا انا مش هقدر على كده يجرالى حاجة وتبقى انتى السبب
نور بدهشة:ليه هو انا عملت ايه
امسك بيدها:كل ده ومعملتيش حاجة تجننى يانور
ضحكت نور بشدة:حرام عليك خضتنى قلت حصل حاجة
ادهم:كل ده ومحصلش يلا يلا على الفطار بدل مااتهور عليكى وتزعلى منى
نور بدلال :مقدرش ازعل منك
ادهم:ياهووو نور كده حرام عليكى انا جعت يلا

مر حوالى اسبوع وهى يتمتعون بايامهم سويا كانوا يقضوا اكثره خارج البيت ولا يعودون الا متاخرا
وفى يوم عند عودتهم صعدت نور قبل ادهم وجدت داليا زوجة عمر تقف على باب شقتها
نور:ازيك يادولى اخبارك ايه
داليا:ايه دولى دى بلعب معاكى ولا ايه ماتحترمى نفسك
نور:احترم نفسى انا مغلطتش فيكى على العموم انا اسفة
داليا:اه طبعا لازم تتاسفى انا عارفة جيبنك منين
نور:لا بقى عيب عليكى انا معملتش فيكى حاجة عشان ده كله
خرج عمرعلى صوتهم شجارهم:ايه فى ايه
داليا:مفيش ياحبيبى بس يظهر بنت خالك اعصابها تعبانة وجايا تخرجوا عليا
نور:انا انا معملتش حاجة باين انتى اللى اعصابك تعبانة
اشتد الشجار بينهم وصعد الجميع على صوتهم
ادهم:ايه فى ايه
عمر:مش عارف حاجة ومش فاهم بيتخانقوا ليه
داليا سريعا:يرضيكم تشتمنى وتشخط فيا عشان بقولها اتاخرتى ليه
نور بغضب:ابدا والله دى كذابة
داليا:شوفتوا كلامها عرفتوا بقى مين اللى غلطان
نور:حرام عليكى انتى ايه
ادهم:نور كفاية كده ادخلى شقتك كفاية كده
نظرت له بغضب ودخلت شقتها ولم تتحدث بكلمة واحدة
نظر اليها حتى غابت عنه والتف الى داليا:على فكرة عيب تعملوا كده المفروض ان انتوا اخوات
داليا بحزن مصطنع:يعنى انا غلطت ياادهم عشان بطمن عليها
عمر:خلاص ياداليا ادخلى جوه وانت ياادهم روح شوف مراتك
ادهم:تصبحوا على خير

دخل الى شقته لم يجد نور فى الصالة وقف امام غرفتها
نور يانور
نور:افندم فى ايه
ادهم:افتحى الباب نتكلم
نور:لا معلش انا تعبانة وعايزة انام
ادهم:نتكلم وبعدين نامى
نور:لا انا اسفة مش عايزة اتكلم عشان تبقى تشخط فيا كويس اودمهاوتنصرها عليا
ادهم:انتى مجنونة هى ضرتك عشان انصرها عليكى افتحى بقى وتعالى نتعشى
نور:لا شكرا اتعشى لوحدك تصبح على خير
ادهم:براحتك يانور براحتك اوى بس اعملى حسابك من بكره هتنامى فى اوضتنا ماانا مش متجوز عشان تنامى فى اوضة لوحدك
نور:ده بعينك بينا اتفاق ولازم تنفذه
ادهم:بقى كده ماشى يانور يانا يانتى وبرضه هتنامى فى اوضتى وعلى سريرى
نور:ابقى قابلنى يا باشمهندس
ادهم:ماشى يانور انتى اللى بداتى
نامت نور بعد معاناة مع النوم وماان اغمضت عينها حتى شعرت بشئ غريب فى الغرفة فتحت عينها لم تجد شئ ولكنها احست بشئ يتحرك فى الغرفة
نور:ادهم انت هنا بلاش الحركات دى
لم تجد رد ولكنها وجدت حركة خلف الستار حتى صرخت بشدة وظلت تبكى
استيقظ ادهم على صوتها قام سريعا دق بابها بعنف
نور افتحى نور فى ايه
ظلت تبكى وتصرخ:مش عارفة شكله فار
ادهم:طيب افتحى
كانت خائفة ان تتحرك ولكنها اتجهت الى الباب وفتحته لادهم
ادهم:ايه فى ايه
نور:مش عارفة فار ولا قطة
ادهم:طيب اخرجى انتى واقفلى الباب
بعد قليل خرج ادهم يضحك عليها:ده فار ياقطة خفتى منه
نور:اه انا بخاف منهم
ادهم:بس دخل ازاى
نور:اكيد من الشباك انا فتحاه وانا نايمة
ادهم:نعم شباك ايه اللى مفتوح ازاى يعنى ايه مفيش مخ افرضى حد شافك وانتى نايمة بالمنظر ده يبقى ايه الحل
واشار الى قميص قصير ترتديه
نور:اعمل ايه الجو حر ومفيش ولا تكييف فى الاوضة
ادهم:يبقى تتفضلى تنامى فى اوضتنا يامدام نور مش تنامى فى اوضة وجوزك فى اوضة حتى لو مفيش بينا حاجة ميمنعش ننام فى اوضة واحدة
نور:لا ياادهم مش هنام معاك فى اوضة واحدة متفقناش على كده
ادهم:يوووه اتفاق ايه وبتاع ايه انتى زودتيها اوى خلاص بقى كل ده ولسه متاكدة انى بحبك وعايزك\
نور:لا مش متاكدة ممكن بقى تسيبنى انام عشان ورايا شغل الصبح
ادهم:ماشى يانور ماشى براحتك بس خدى بالك انتى كده بتعصى ربنا وحرمانى من حقى
نور:ده اتفاق
ادهم:لا طاعة لمخلوق فى معصية الخالق يانور ….. تصبحى على خير
ذهب كل منهم الى غرفته وظلت هى تفكر فى حديثه فهل هى تحرمه حقا من حقه الشرعى وهل هى بذلك تعصى الله ظلت تفكر حتى انهكها النوم على الكنبة فى غرفة الاستقبال لانها لم تستطع النوم من غرفتها من شدة الحر
استقيظ ادهم على صوت اذان الفجر قام من سريره توضا وصلى حاول ان ينام لكنه فضل الذهاب لغرفتها يطمئن عليها لم يجدها على سريرها فكر للحظة ان تكون خرجت من البيت ولكنه وجدها امامه
نائمة على الكنبة نادى عليها بصوت هادى:نور يانور قومى على السرير
ظلت نائمة وبدات تتحرك حتى انكشف غطاءها عنها ظل ينظر اليها للحظات حتى قام بحملها ووضعها فى سريره ونام بجوارها لاول مرة منذ زواجهم
استيقظت نور صباحا وجدت نفسها على سرير ادهم وهو يخرج من حمامه بجسده العارى وهو يجفف شعره بمنشفة
ادهم:صباح الخير
نور:صباح النورهو انا جيت هنا ازاى
تجاهلها ادهم وهو يرتدى ملابسه:ابدا حضرتك كنتى نايمة فى الصالة تحت التكييف ولا كان ليكى اوضة تانية تنامى فيها
نور:اعمل ايه الجو كان حر
ادهم:يبقى تيجى فى اوضتك وعلى سريرك يانور مش تنامى فى الصالة
واكمل بغضب:الوضع ده ميرضيش ربنا سمعتينى
نور:ادهم انت كنت موافق من الاول
ادهم:على ايه انى افضل فى اوضة وانتى فى اوضة احنا بقالنا اسبوعين متجوزين كل ده ماخدتيش عليا ولا مش بتحبينى ومش عاوزانى قوليلى عشان ابقى عارف
نور:ادهم فى ايه
ادهم: اسالى نفسك فى ايه فى غيرى فى حياتك وكنتى بتضحكى عليا ولا ايه عايز افهم
نور:ادهم ماكذبتش عليك لو كان فى حد كنت هقولك
ادهم:ده كلام ميدخلش دماغى اللى اعرفه لو كنتى بتحبينى مكنتيش تفضلى كده منعانى منك
نور:ادهم حرام عليك ليه بتقول كده
ادهم:عشان ده ملوش غير معنى واحد انك خايفة اقرب منك لينكشف سرك
صفعته على وجهه وهى تبكى:انا اشرف من اى واحدة انت كنت تعرفهم واى واحدة كنت كل يوم فى حضنها
امسك بيدها بغضب:انتى بتمدى ايدك عليا يانور ليه اللى كنت بعرفهم كانوا وضعين عارفهم لانك انتى انا اتخدعت فيكى ازاى معرفش تقدرى تقوليلى لحد دلوقتى مش موافقة انى المسك ليه عارفة ليه لان وراكى سر مخبياه وخايفة انى اكشفه وانا على العموم مش هحب انى اقرب منك وعلاقتنا من هنا ورايح هتفضل كده لحد…..
نور:نورلحد ايه
ادهم بجدية:لحد مانتطلق
نور:كويس جدا ممكن من دلوقتى تطلقنى وتخلصنى
ادهم:اه عشان اسيبك لحبيب القلب مش كده
نور:ملكش حاجة عندى مش هنتطلق يبقى كل واحد حر فى حياته

الحلقة الخامسة عشر

جرح الحبيب

تحولت حياتهم من سعادة وفرحة الى عند وكبرياء من الطرفين نور جرحها من ادهم كان كبيرا حينما يتهما فى شرفها ام ادهم كان يشعر انها خدعته ويشعر ان هناك شخص اخر فى حياتها خصوصا بعد الصور الذى ارسلها له يوسف تجمع نور بشخص يدعى احمد ومن خلف الصور كلمات من نور لاحمد تظهر حبها له ولذلك ترفض ان يقترب منها ظلت حياتهم على هذا المنوال طوال شهر كامل يخرج صباحا ولا يعود الى البيت الا فى وقت متاخر من الصباح وحينما يعود لا يراها يجدها نائمة فى سريرها وسط اوراقها احيانا كثيرة يشتاق اليها ان يظل بجوارها لكنه يتراجع فى اخر لحظة
كانوا يوما فى عملهم كالمعتاد وهو فى مكتبه ينظر الى الجميع من خلال الزجاج العازل كان يراقبها جيدا على امل ان تخطئ او يحدث منها اى شئ يوكد له انها على علاقة بشخص اخر كانت نور حزينة اصبحت كالوردة الذابلة الا عندما رات شخص افتقدته منذ زمن طويل انه احمد ابن خالتها وزميلها
احمد :وحشتينى يابنت الايه
نور:انت كمان وحشتنى اوى يا احمد محتاجلك اوى
احمد :ايه ده فى عروسة وشها دبلان كده
نوربتهكم:ههههه عروسة
احمد :ايه ده بقى هو جوزك مقصر معاكى ولا ايه قوليلى اروح اجيبه من قفاه
نور:اتلم احسنلك تجيب مين
احمد:الله اكبر ده احنا بنخاف عليه اهوو نفسى اعرف مين الجبار ده اللى قدر على قلبك ياقمر
نور:للاسف يااحمد يظهرانى غلطت فى اختيارى
احمد:ليه يانور مش حبيته ووقفتى عليه يبقى ليه وانا عرفك كويس بتدرسى كل حاجة بالملى
نور:المرة دى مفكرتش ولا حسبت حاجة
احمد:يبقى حبيبته صح صح اهوو اعترفى
نور:وغلطت انى مشيت وراء قلبى
احمد:امممم طيب ماتعرفينى عليه
نور:اكيد هيحصل بس طمنى انت عليك اخبارك ايه وازى هند وحشتنى اوى هتتجوزوا امتى
احمد:الحمد لله مطلعة عينى يانور
نور:ههههه ليه بس كده دى بتحبك يا ولا
احمد:اه بس دماغها النشفة عاملة زيك بالظبط
نور:هههه تربيتى
احمد:اسم الله على التربية الفاشلة
نور:همد ايدى عليك
احمد:ايه ده تمدى ايدك على مين اتهبلتى انتى ولا ايه ده انااا هثبتك
نور:ياشيخ روح وانت بوء على الفاضى

كان مزاحهم بالايدى كل هذا وادهم يراقبهم وقد تاكد انه الشخص الذى ترتبط به وراه فى صورهم
زاد مزاحهم وهو يشعر بنيران تنهش فى عقله وقلبه وجسده وهو يراقب تصرفتهم حتى وجد اكرم يدخل عليهم
اكرم:حبيبى حبيبى انت فين يامعلم
عانقه احمد:موجود ياباشا مع انك باشا على الفاضى
اكرم:عمرك لسانك اطول منك فينك يابنى مختفى ليه
احمد:لهو انا زيك فاضى مفيش ورايا طب انت فاشل انا اعمل زيك ليه
اكرم لنور:نفسى اعرف متحملة غتته ده ازاى
نور:اعمل ايه قدرى فى الدنيا متعرفش تاخده وتجيب طبق بلاستيك
امسك اكرم بوجه احمد يحركه يمينا ويسارا:ده يدوب طشت معفن ومخروم
احمد:مالك ياامور منك ليها اضربكم انا ولا ايه
امسك بخد نور:انتى عايزة تبعينى ماشى ماشى تربيتى مطمرتش فيكى
نور:اى اى عيب بقى هضربك
دخل ادهم الغرفة فجاة وجد احمد يمسك بخد نورصرخ فيها:نور
اكرم:اهلا اهلا ادهم باشا
اعرفك يااحمد باشمهندس ادهم صاحب الشركة وجوز نور
احمد البرنس بتاعنا وقباض الارواح وكل حاجة وابن خالة نور
احمد:اهلا ياباشمهندس كان نفسى اشوفك من زمان
ادهم:باستهزاء :اه اهلا
شعر احمد بالاحراج من تصرف ادهم
ادهم:نور تعالى عايزك
خرج من المكتب تبعته نور بعد ذلك وظل احمد مع اكرم
احمد:بماانك جاسوس الشلة ماتعرفنى نور عاملة ايه مع جوزها واتجوزوا ازى
اما فى مكتب ادهم اعطى لنور اوراق بها مجموعة اخطاء
ادهم:تقدرى تقوليلى ايه الاخطاء دى كلها دى هتبقى خسارة كبيرة عليا لو اشتغلنا بالسعر ده
امسكت نور بالاوراق ونظرت اليها قليلا:ايه الغلط اللى فى الورق
ادهم:الغلط فى اسعار الرمل والاسمنت يامدام الاسعار اختلفت عن الاسبوع اللى فات بزيادة يبقى لما نشتغل بالسعر ده يبقى خسارة ولا ايه
نور:خلاص انا هظبط الاوراق واجبهالك تانى
ادهم:اه وياريت بلاش المسخرة اللى شغالة فى مكتبك دى مع ابن خالتك اعملى احترام حتى لجوزك اودام الناس على الاقل
نور بعند:انا معملتش حاجة غلط ثم انت متعرفش احمد غالى عليا ازاى
قام ادهم غاضبا وامسك بذراعها:احترمى نفسك ايه غالى عليكى
نزعت يدها بالقوة:وانت مالك بيا مش عايز تتطلقنى خلاص ملكش حاجة عندى
ادهم:ده بعينك انا هسيبك كده اهو لا طايلة سما ولا ارض ومش بعيد اتجوز واحدة تهنينى ومتحرمنيش من حقى ولا تحب واحد غيرى وتضحك عليا وتفهمنى انى الحب الاول والاخير
نور:وانا مالى ماتتجوز ولا تعمل اللى انت عايزه انا اصلا معنتش عاوزك وهطلق منك غصب عنك لو مكنش بالذوق هيبقى بالقانون
ادهم:والله لو عملتى ايه ما هسيبك يانور ولو على جثتى
ضحكت نور بشدة:عارف ليه لانك بتحبنى وبتموت فيا كمان بس انا بقى اللى مش عاوزك ياادهم

خرجت وتركته غاضبا ثائرا وصلت الى مكتبها حزينة
احمد :ايه الجميل ماله
نور:لاابدا مفيش …. احمد انا مخنوقة وعايزة اخرج من هنا تيجى
احمد:اجى مجيش ليه قولتى لادهم
نور:احمد هتيجى معايا ولا انزل لوحدى
احمد:خلاص خلاص يلا بينا
راهم ادهم وهم يغادرون ظن ان بينهم شئ وانهم ذاهبون لمكان وحدهم بعيدا عن الناس ارتدى جاكت بدلته ونزل وراهم سريعا راها تركب سيارة احمد انطلق خلفهم وجدهم يقفون اما احد الكافيهات نزلوا نزل وراهم جلسوا على منضدة ظل يراقبهم ليرى او يسمع منهم اى تصرف ظلوا يتحدثون ونور يبدو عليها الحزن الشديد
احمد:نور كل اللى عملتيه ده غلط
نور:ليه يااحمد غلطت لما حبيته وصدقته
احمد:لا غلطتى لما فرضتى عليه شرط مفيش راجل يقبله
نور:ايوه بس هو وافق توصل انه يتهمنى انى اعرف حد تانى
احمد:ماهو انتى اللى اكدت شكوكه برفضك ده وانا عارفك وعارف دماغك زى الحجر ليه متتفهموش وتتكلموا بالراحة
نور:بعد ايه بعد مايقولى نتطلق والنهاردة يقولى هتجوز عليكى واسيبك لا طايلة سما ولا ارض لايااحمد انا مش ملك حد ومحدش مهما كان هيكسرنى انا هطلق واللى يحصل يحصل
احمد:انتى اتجنتنى طلاق ايه انتى يدوب بقالك شهر ونص جواز تتطلقى ازاى وابوكى اللى عنده القلب وممكن يجراله حاجة لو سمع حاجة زى كده
نور:يعنى اعمل ايه ارضى على نفسى لما يتجوز واحدة تانية لا يااحمد مهما كنت بحبه مش هرضى
احمد:اومال رضيتى ليه تحرميه من حقه
نور:اه مهو عشان انت راجل زيه بتدافع عنه
احمد:يابت انتى مجنونة مهما كان مش هرضى ان حد يزعلك ولا ياذيكى
ووضع يده على يدها:عايزك تتطمنى طول ما انا جنبك متخافيش
جاءه صوت بجانبه:اه صحيح لازم تتطمنى وهو جنبك

رفعوا راسهم وجدوا ادهم واقفا امامهم ثم اتكا على المنضدة:تعرفى انكم لاقين على بعض اوى بس مش كنتى تعرفينى على الباشا يمكن كنت ساعدتكم تتجوزوا
نظروا الى بعضهم بدهشة حتى نطق احمد:استاذ ادهم انت مش فاهم حاجة
ادهم:لاانا كنت مش فاهم دلوقتى فهمت ومش عايز اسمع صوتك بدل مااخلص عليك
ثم نظر الى نور:وانتى يامدام تقومى تمشى من هنا بدل ماامد ايدى عليكى اودام العالم دى كلها
قامت نور من مكانها:ومين قالك انى عايزة افضل معاك فى مكان واحد
خرجت وتركتهم حتى قال احمد:صدقنى انت مش فاهم حاجة نور تبقى
ادهم مقاطعا:تبقى خاينة عرفت تبقى ايه
احمد بغضب:لا مش خاينة نور مش خاينة
عاد ادهم الى البيت صعد الى شقته ولكن خديجة اوقفته
خديجة:ادهم فى ايه مالك ونور مالها
ادهم:مفيش ياامى مفيش
خديجة:مفيش ازاى مراتك راجعة تعيط وانت جاى وشك مقلوب كل ده ومفيش
صرخ ادهم بها:قلت مفيش حاجة سيبنى بقى
صعد وتركها فى حيرة من امرها وداليا تقف خلفها بشماتة:تلاقيه زعلته وحرقت دمه
نظرت اليها :ملكيش دعوة انتى ياداليا
صعد ادهم الى البيت وجد نور تلم ملابسها فى شنطتها وتستعد للرحيل دخل عليها فجاة وبعنف امسكها من شعرها
انتى بتضحكى عليا انا يانور ليه قولتلك لو فى حد غيرى قوليلى عملتى كده ليه ليه صورك معاه عندى ياهانم يامحترمة
نزعت شعرها من يده وهى تصرخ به:حرام عليك حرام عليك انت مش عايز تفهم ليه انا خلاص مش عاوزك مش هعيش معاك تانى مش انت شايف انى بحب غيرك خلاص طلقنى وريحنى وصور ايه اللى عندك انت متعرفش احمد ده يبقى مين
ادهم: ومش عاوز اعرف اكفاية خيانتك اطلقك اه هطلقك بس مش قبل ما اكسر عينك واذلك يانور
خلع ملابسه واقترب منها وهى تصرخ نزع ملابسها بقوة وهو يضربها وهى تصرخ به
ادهم:لا حرام عليك لا ياادهم ابوس ايدك لا
ادهم:مش هسيبك يانور مش هسيبك لحد ماتبقى مراتى غصب عنك
نور:لايادهم لا غصب عنى لاياادهم حرام عليك
استطاعت اخيرا بعد مقاومة شديدة ان تغرس اظافرها فى كتفه جعلته يتراجع عنها للحظات وقفت تلملم ملابسها وهى تصرخ به :ليه ياادهم ليه عملت فيك ايه هى دى الدنيا اللى وعدتنى بيها هى دى حياتى معاك
ادهم:حياة ايه اللى بتتكلمى عنها حياة مع واحدة خاينة
صرخت به:انا مش خاينة انااشرف منك وعمرى ماكنت خاينة
صفعها على وجهها :اثبتى لو انتى اشرف منى اثبتى
نور :مش محتاجة اثبتلك لانك معنتش تهمنى خلاص انا بكرهك بكرهك
تركها وغادر وهى تبكى بحرقة
دخل حمامه والقى بجسده تحت الماء وادمعت عينه وهو يتذكر ماكاد ان يفعله بها مرت اكثر من ساعة وهو فى غرفته لم يسمع صوتها لم يهتم بها الا عندما سمع دقات على باب شقتهم
ادهم:ماما تعالى
خديجة:فى ايه ادهم مالكم فى ايه نور فين
ادهم:معرفش اهى عندك
خديجة:عملت فيها ايه
ادهم:عملت معملتش حاجة لانها متلزمنيش خلاص
خديجة :يعنى ايه متلزمكش ليه عملت ايه لده كله
ادهم:بنت اخوكى المحترمة تعرف راجل غيرى ياامى
خديجة:اخرس انت بتقول ايه مش نور اللى يتقال عليها كده
ادهم:لانور نور اللى منعانى اقرب منها نور اللى ضحكت عليا وحسستنى انها بتحبنى ضحكت عليا فهمتنيى ولا لسه
خديجة:لالا كلام ميدخلش دماغى هى فين ….. نور يانور
ذهبت الى غرفتها دقت بابها كثير لم ترد فتحت الباب وجدته مفتوحا وجدتها نائمة اقتربت منها:كده يانور الواد ده عمل فيكى ايه نور يانور … يخص عليكى مش بترد على عمتو ليه
لم تجد منها رد التفت الى الجهة الاخرى وجدت دماء بجوار نور على السرير بشكل كبير
صرخت خديجة:نور نور ادهم الحقنى
جرى ادهم عليها بسرعة فى ايه
خديجة وهى تبكى وتصرخ به /نور ماتت ياادهم موتت نفسها لم يشعر بنفسه الا وهو يمسك بنور يحتضنها ويبكى
نور ردى عليا ليه يانور ليه حرام عليكى ليه ليه
خديجة:بسرعة ياادهم اطلب الاسعاف بسرعة
امسك هاتفه بسرعة يطلب الاسعاف وهو مازال يحتضنها ويبكى
نور ردى عليا حقك عليا سامحينى

الحلقة السادسة عشر

ظلمتك

وصل الاسعاف واقلت نور الى المشفى وادهم ممسك بيدها وهو يبكى بشدة وصلت سيارة الاسعاف الى المشفى تم نقلها الى غرفة العمليات وبعد مدة خرج اليهم الطبيب :ياجماعة دى محتاجة نقل دم بسرعة
ادهم:طيب فصليتها ايه
الطبيب:aموجب بسرعة
جرى ادهم بسرعة ليجد دم بنفس الفصيلة ولكنه لم يجد كاد ان يبكى وهو لا يعرف كيف يتصرف خاف ان تضيع منه لم يجد امامه الاا كرم اتصل عليه ليبحث عن اى احد بنفس الفصيلة
كان اكرم يجلس مع احمد فى احدى الكافيهات حين رن هاتفه
اكرم:ايه ده ده ادهم
احمد:خير رد بسرعة
رد اكرم على هاتفه:الووو ادهم باشا اخبارك
ادهم:اكرم انت فصيلة دمك ايه
اكرم:ايه ليه فى اى
ادهم:رد عليا بسرعة
اكرم:abفى حاجة طمنى
ادهم:نور فى المستشفى ومحتاجة نقل وفصيلتها aموجب ومش لاقى دم تعرف حد نفس الفصيلة
سكت اكرم كانه تذكر شيئا:ايوه ايوه لقيت قولى انت فى مستشفى ايه
اغلق اكرم الاتصال ونظر الى احمد الذى يجلس امامه متوترا خائفا
احمد:فى ايه يااكرم نور مالها
اكرم:قوم معايا بسرعة انت مش نفس الفصيلة قوم معايا نور فى خطر

كان ادهم يجرى فى كل مكان يبحث عن نفس الفصيلة ولكنه لم يجد الا كيس واحد لا يفى بالغرض اعطاه للطبيب الذى اكد له ان حالتها خطيرة وتحتاج نقل دم بسرعة وماهى الا لحظات وحضر اكرم واحمد
اكرم:ادهم نور مالها
ادهم وهو يبكى:نور تعبانة اوى ومش لاقى فصيلة دمها
اكرم:لالا لقيت احمد نفس الفصيلة
نظر اليه يريد الفتك به فمن وجهة نظره انه السبب لكل ما جرى
ذهب احمد مع الطبيب لتتم عملية نقل الدم لنور
بعد حوالى ساعة خرجوا من غرفة نور
الطبيب:الحمد لله نقلنا الدم وباذن الله هتفوق
فخر الدين:طيب ياابنى طمنا ده حصل ليه
الطبيب:يظهر ياحاج انها بتمر بحالة نفسية صعبة خلتها تقطع شرايين ايدها بالمشرط بس الحمد لله ربنا ستر وياريت بعد كده تاخدوا بالكم منها لان الواضح كمان انها مانعة الاكل من مدة وده اللى تعبها اكتر عن اذنكم
نظروا جميعا الى ادهم بعيون متهمة له بما حدث لنور
فخر الدين لاحمد:احنا مش عارفين نشكرك ازاى يابنى
احمد:على ايه ياعمى نور دى اختى
واتجه بنظره لادهم الذى نظر اليه عندما سمع كلمته الاخيرة
اكرم:ايوه يا سيدى ماانتوا دمكم واحد
ادهم:يعنى ايه دمهم واحد
احمد بتحدى:يعنى انا ونور….. اخوات فى الرضاعة يااستاذ ادهم اصل نور اكبر منى بشهر واحد بس
ادهم:اختك ازاى
احمد: زى الناس اختى فى الرضاعة مش غريبة ولا حاجة