بقلم ديجا 2
الفصل التاسع و العاشر ………
وصل وليد منزل والد نهى ورحبوا بيه والدتها :ثواني هنادى لنهى والولاد نهى جت عالصوت :حضرتك لسه فاكر تسأل علينا
وليد :ممكن تقعدي نتكلم من غير ما تعلى صوتك
والدها:يلا يا أم نهى سبيهم لوحدهم
وليد :لا يا عمي خليكم عشان تشهدوا عالكلام.. أميرة اختي زعلتك في شي من يوم ما عرفتك
نهى بتفكير:لأ ابدا بس بتفكر تأخذك مننا
وليد :ممكن تقوليلي ليه عملتلها بلوك من عندي وعندك وحكى لأهلها اللى حصل منها
نهى بارتباك:انا مكنش قصدي والله انا بس مكنتش عايزة اقطع الاجازه وفكرتها حاجه عاديه تستنى
والدتها :ليه كده يا بنتى ده اللي ربيتك عليه أنا وابوكى وأميرة طيبه اكيد مش هتقصد تضايقك
وليد:حصل خير يا ماما اللى عملته ده كان قرصه ودان ليكى وتحسى باللى عملتيه
نهى:خلاص والله مش هتتكرر تاني
وليد :اكيد مش هتتكرر عشان أنا مش هسمح إنك تكرريها اميره بالنسبالي زى ايسل بنتنا بالظبط
والدها :عندك حق يا بنى ولو ملكش خير فى أختك يتخاف منك وأنا آسف على اللي نهى عملته
وليد:لا عمى متتاسفش حصل خير استأذنك يلموا حاجتهم عشان نروح
والد نهى :يلا يا بنتى مع جوزك
&&&&&&&&&&&&&&& 💕💕💕
أحمد دخل اوضته واتفجأ من هيئه دينا شبه الملايكه وهي نايمة قرب منها وحاول يصحيها لكنها مش بترد:دينا حبيبتي قومى فى حد حلو كده
دينا :………
أحمد :دينا دينا قومى ردى عليا
دينا:…….
أحمد جرى يخبط على غرفة أميرة وجت فتحت بعد ما لبست اسدالها
أميرة :خير يا بشمهندس دينا كويسه
أحمد :لأ مش كويسه شكلها مغمى عليها تعالي بسرعه
قبل ما أحمد يكمل كلامه أميرة جريت على دينا حاولت تفوقها لكن مش بتفوق قلبها اتقب.ض أوى وقالت لأحمد :اطلب دكتور بسرعه على ما اغير هدومها
أحمد :ولا ناخدها المستشفى احسن
أميرة وقد أدركت انها فارقت الحياه :لأ مستشفى لأ أرجوك هات دكتورهنا احسن
أحمد طلع زى المجنون الدور اللي فوقيهم يخبط على دكتور جارهم فالوقت ده صحيت ليلى ومروة وجم على أوضه دينا
ليلى :خير يا بنتى ايه اللي حصل
أميرة بدموع بتجاهد ما تنزلش:ابدا يا طنط دينا تقريب مغمى عليها وأحمد بينادى الدكتور اللي فوق.. اهو جيه
الدكتور بدأ بفحص دينا ما فيش نبض.. البقاء لله يا جماعه
أميرة سابت دموعها تنزل :أنا لله وأنا اليه راجعون اللهم أجرنا في مصيبتنا
وليلى ومروة شهقم وبدأوا يبكوا
أحمد :بس كلكم دينا عايشه أكشف تاني يا دكتور من فضلك
الدكتور عصام :اهدا يا بشمهندس ووحد الله دة عمرها ولو حابب تشوف غيرى اتفضل
أحمد :ايوة أنا هاخدها المستشفى يلا يا أميرة
أميرة :اهدا يا أحمد دينا خلاص راحت لمكان احسن هنبهدلها فالمستشفى عالفاضي
أحمد رمى نفسه في حض.ن ليلى اللي واقفه منهارة هى كمان مش مصدقه :اهدي يا بنى أميرة كلامها صح دى كانت بتودعنا قبل ما تنام وصتني على أميرة والولاد وعليك الله يرحمك يا بنتى ويصبرك يا بنى
مروه فى حضن أميرة والاتنين منهارين من العياط فج.أة مروة اغمى عليها أحمد شالها لاوضه تانيه وعصام فوقها وقالهم هو هيخلص إجراءات الصحه وهما يخلصوا إجراءات الد.فن والعزا عشان يدفنوا على طول
أميرة كلمت وليد اللي جه على طول واتصرف فى باقى الإجراءات لأن أحمد منهار طلع الصبح واميرة اتكلمت مع الولاد وانهاروا على مامتهم وفضلت تصبر فيهم تقولهم أنها مستنياهم فالجنه لحد ما الولاد هيديوا وخلصت الدفنه وأحمد لسه قاعد فى المقابر بيكلم دينا :ده اللي مش هتسبينى لحد اخر العمر أنا زعلان منك وبيبكى الناس كلها مشيت أميرة قربت عليه وقالتله:أنا عارفه ان الفراق صعب بس هى فى مكان أحسن اترحمت من الألم اللي كانت عايشه فيه ليل نهار ادعلها ومش بقولك ما تبكيش عليها لا أبكي عليها عشان هى تستاهل بس خليك قوى عشان ولادكم قوم يلا نروح البيت عشان الولاد والناس اللى هتعزى وهنرجع لها تانى أحمد سمع كلامها وقام معاها زى ما يكون طفل صغير وراحوا عالبيت يستقبلوا الناس اللي هتعزى والولاد ما فارقوش حضن أميرة خصوصا فريده اللى طلبت من أميرة تقولها يا ماما واميرة فرحت بده اخوات دينا واقفين ياخدوا العزا لكن كوثر مش باينه الكل افتكر أنها فى بيتها منهارة على بنتها لكن المفأجاه الباب خبط ودخل ظابط :فين أميرة رشاد
أميرة :أنا يا حضرة الظابط خير
الظابط :مطلوب القب.ض على حضرتك
أميرة: بتهمه إيه
الظابط :جر.يمه
أميرة : مين…
الظابط :…….
ياترى أميرة متهمه ب مين ده اللي هنعرفه
الفصل العاشر …………
عند كوثر فالبيت قاعده معاه سالى
سالى:خلاص يا ماما البوليس خدها وهيحقق معاها وتاخد جزائها الطماعه دى وقالت فى نفسها بقى أنا تاخدى مني الدهب وتخلى واحد حيوان زى اشرف يرجع يتحكم فيا ويجبرنى اروح شقته ويا عالم بقى سجلي تاني ولا ايه
كوثر:سالى يا سالى
سالى:ها بتقولى حاجه يا ماما معلش اصلى افتكرت مصطفي الله يرحمه ومثلت العياط
كوثر بعياط:الله يرحمه هو دينا قطعوا بيا والله ليه بس يارب ادفن واحد ورا التاني بدل ما هما اللى يدفونونى اهههه
سالى:خلاص بقى يا ماما وفى نفسها(وليه نكد صحيح بس اما وريتك يا أميرة) يلا يا حبيبتي الناس بره عايزه تعزيكى
كوثر :مش هاخد عزا قبل ما حق بنتى يجى قوليلهم ما فيش عزا
دخلت منال وقالت لمنال نفس الكلام منال:عيب يا ماما الناس فى بيتنا نطردهم يعنى
كوثر :انا اللي هخرج اقول نفس الكلام فالوقت ده محمد جه وبغضب :ماما انتي إزاى تتهمى أميرة ب دينا ازاى هان عليكى تبهدلى بنتك بعد ما اندفنت وينتهوكوا حرمه مـ,ـوتها كلنا عارفين ان دينا عندها كانسر وفى حاله متأخرة ومن المتوقع أن ربنا ياخد امنته فى اى وقت
كوثر :انت مالك زعلان عليها أوى كده وكأن اللي اتت دى مش أختك غور من وشى ولا أنت ابنى وعايزه أعرفك بدل ما تقف جمبى واقف مع العقربه اللي ت اخوك وأختك
محمد :أميرة ما تش حد مصطفي كان سايق وشارب والكل عارف كده كويس ودينا ربنا رحمها من مرضها انا هروح اتنازل عن المحضر اللي حضرتك عملتيه وخده البنت الغلبانه دى ورعبتى عيال بنتك الله يرحمها.. ومشى محمد من قدامها
سالى :لا الموضوع مش طبيعى اكيد ساقيه حاجه لمحمد أو استغفرالله العظيم مصحباه سامحنى يارب
كانت واقفه منال اللى سمعت كده جريت وراه جوزها زى المجنونه وده اللي عايزاه سالى
&&&&&&&&&&&&&💞💞💞💞💞
فالقسم حضرتك متهمه ب دينا ابراهيم محمد
أميرة بانهيا.ر:والله ما تها دينا دى أختى
الظابط:والدتها قدمت بلاغ بتتهمك فيه ب بنتها
أميرة :ماحصلش ماحصلش والله هو فى حد ي اخته دى اكتر من أختى.. فالوقت ده جه محمد ومعاه المحامي وبيطلب التنازل عن البلاغ وان والدته عملت كده من صدمتها فى مـ,ـوت بنتها ومن شهور ابنها
أميرة قعدت على جنب افتكرت معامله كوثر ليها بعد موـ,ـت مصطفي اميرة:خلينى اعيش فى شقتى واللى حضرتك عايزاه هعمله انتي عارفه شقته أهلى وليد اتجوز فيها ومش أعيش لوحدي
كوثر :خلاص تدفعي إيجار هنا كأنك عايشه برة وتشوفي طلباتي
أميرة :حاضر بس خلى موضوع الإيجار بينى وبينك بلاش وليد يعرف بيه
كوثر :كويس ولا وليد ولا اى حد ولو جه يطلب يأخدك هتمسك بيكى وطول ما انتى بتسمعى كلامى استحاله اخليه ياخدك وافتكرت معامله سلايفها ليها وهما بيطلبوا منها تساعدهم فى شغل البيت كمان ده غير الأكل وخوفهم على ولادهم منها بكت بحرقه على حالها واخرتها عايزين يسجنوها… لكنها فاقت على ايد بتمسح دموعها وحضن دافى
يا ترى مين اللي حضنها ومسح دموعها ده اللي هنعرفه الفصل الجاي.. دمتم بخير
يتبع
الفصل الحادي عشر و الثاني عشر ………
مجدي بيتكلم فالفون بصوت غير مسموع:حاضر يا قلبي الفلوس اللي عايزاها هتكون عندك الصبح
نهال:بتكلم مين يا مجدي
مجدى بارتباك:ابدا يا حبيبتي ده فى المحل بيسألوا على سعر حاجه
نهال:اممم بتقولهم سعر حاجه وأنت بتتوشوش كده
مجدي :يووو بقى هو تحقيق ولا ايه
نهال:ولا تحقيق ولا غيرو يلا عشان نتعشا.. مكلمتش محمد أخوك وعرفت عمل إيه مع أميرة
مجدي :اه وكنسل عليا شكله لسه ما خلص
نهال:مش عارفه هى طنط جتلها الفكرة دي منين ما كلنا عارفين ان دينا رجل جوه ورجل بره من زمان ولا العقربه سالى دى
مجدي شرق وهو بياكل :ايه مالها سالى
نهال:إيه مالك هو حد بيجرى وراك.. العقربه رمت كلمتين لمنال خلتها نزلت جرى ورا محمد تلاقيها هى اللى مقويه طنط على أميره
مجدي :ليه يعني ده حتى شكلها طيبه
نهال:طيبه والنبى إحنا اللي طيبين دى جت خرجت أميرة من شقتها وواكله عقل طنط وخلتها تجيب شغاله تعمل شغل البيت عشان متحطش ايدها فى حاجه كأنها اول واحده تحمل
مجدي :وانتي زعلانه ليه اهى ريحتك انتي ومنال من الخدمه تحت بدل ما ماكنتى كل يوم بتشتكى آمال لو كنت زى أميره شغل وخدمه فوق وتحت كنتوا عملتوا ايه ستات بتدلع صحيح
نهال:اتلم يا مجدي كويس انها غارت كل وأنت ساكت بقى بلا اميره بلا سالى
&&&&&&&&&&&&&&&&&💞💞💞
فالقسم عند أميره قاعده بتفتكر اللى حصل معاها السنين اللي فاتت دي وبتبكى على حالها لقت ايد مسحت دموعها وحد بيحضنها كانت فريده
فريده :ماما أميره أنتى بتعيطى ليه ماتخفيش بابا قالي مش هنمشى من هنا إلا لما تيجى معانا أنا مش هنام غير فحضنك
شدت أميرة على حضنها وقالت لها:أن شاء الله يا روحى هنمشى سوا
وليد جه عليهم :أميرة حبيبتي اهدي كل حاجه خلصت خلاص.. أميرة اترمت فى حضنه وانهارت من العياط وفضل يطبطب عليها ويهديها
أحمد :خلاص كل حاجه خلصت انا آسف يا أميره على اللي حصلك بسببنا
وليد :انت ملكش ذنب يا أحمد أنا هعرف شغلى مع اللي وصل أميرة لهنا اظن كفاية كده يا اميره يلا تعالى عالبيت معايا
اميرة:لا مقدرش يا وليد اسيب الولاد دول وصيه دينا
وليد :اظن كفايه اللي حصلك عجبك دخلتلك القسم ولو مكنتش إبنها جه واتنازل كنتى اتحبستى على ما نثبت إنك بريئه كفايه مرمطه فى نفسك مع الناس دي بقي يلا يا أميرة
أحمد واقف مش قادر يتكلم لأن وليد عنده حق واتلاقت عينه مع أميرة وكان بيترجاها متسبيوش
اميرة :أنا اسفه يا وليد أول مرة ما اسمعش كلامك بس مش هقدر اسيب الولاد
فريده :أنا بحبك أوى يا مامي وفرحانه إنك مش هتمشى وتسبينا زى مامى دينا
أميرة بتأثر من كلام فريده : وأنا كمان بحبك أوى يا ديدا وعمري ما هسيبكوا ابدا
بصلها أحمد بامتنان وكأنه بيشكرها إنها مش هتسيبهم.. يلا يا جماعه عالبيت انتى تعبتى أوى يا أميرة
محمد كان مستنى أميرة تخرج عشان يتأسف لها :أنا آسف يا أميرة بالنيابه عن ماما عن اللي حصل
وليد :آسف على إيه يا أستاذ هى الست الوالده داست على رجلها دى كانت عايزة تسجنها أنا مش هسكت على اللي حصل وهرفع قضية رد اعتبار ضد الست الوالده
أحمد :عندك حق يا وليد وأنا معاك مش مرات أحمد الجارحى اللي تتمرمط فى الأقسام ولا مراته اللى ينتهك حرمتها هى ايه اللى ماتت دي مش لحمكم إزاى تقبلوا أنها تتبهدل كده
محمد :حقكم عليا يا جماعه انا أول ما عرفت جيت اتنازلت اكيد مش هقبل ان اختى تتبهدل
اميرة:حصل خير يا محمد.. حصل خير يا جماعه بس ياريت تبلغ الحاجه انى عايزة حاجتى اللى عندكم كامله
محمد :حاضر يا أميرة
منال جت فالوقت ده :خرجتها اه ماهى حبيبه القلب ولا هى ساقياك حاجه
أميرة بعصبيه :الزمى حدودك يا منال خلاص أميرة الطيبه بتاعت زمان خلاص أنا مش هسكت على اهانتى بعد كده ماشي.. يلا بينا
==============❤❤❤
اشرف بيرن على سالى مش بترد عليه بعتلها رساله (براحتك يا جميل بس متزعلش من اللي هيحصل سلام يا قمر)
سالى كانت فالحمام وخرجت لقت الرساله
واتصلت على أشرف رد عليها :الو جبتى ورا يعنى لازم اهددك يعنى
سالى :لا حبيبي أنت فهمت غلط انا كنت باخد شاور انا مقدرش ازعلك ده أنا روحى فأيدك مش كده برده
أشرف :جدعه يا سولى ها الفلوس جاهزة
سالى:اه طبعاً بكره هقابلك فى….. واديهملك
أشرف :اتفاقنا يا عسل سلام
سالى بشر بقيت زنان أوى وعملى صداع وجه وقت المسكن عشان ارتاح
ياترى سالى ناويه على ايه؟
وايه الحاجه اللي عايزاها أميرة من عند كوثر
د
الفصل الثاني عشر …….
فالعربيه أحمد وأميرة فريدة أصرت تفضل فى حضن أميرة قدام وفضلت تتكلم معاها لحد ما نامت
أحمد :هى نامت بعد ما صدعتك
اميرة بأبتسامه:ولا صدعتنى ولا حاجه دى حبيبتي
أحمد :أنا مش لاقي كلام اشكرك بيه إنك متخلتيش عننا حد غيرك بعد الاذى ده كنتى قولتى حقى برقبتى بلا وصيه بلا بطيخ
أميرة :تشكرنى عليه ايه يا بشمهندس دول ولادى اللى مخلفتهمش وانا ما شوفتش من دينا اى حاجة وحشة عشان اتخلى عن وعدى ليها أنا ماليش اخت ودينا كانت ليا ونعم الأخت اقل حاجة اعملهالها إنى أنفذ وعدى ليها ومتخلاش عنكم مهما كانت الأسباب
أحمد :أنتى جميله أوى يا أميرة محدش فالزمن ده بالاخلاص ده
أميرة :لأ اكيد فيه أحنا بس اللى بنقابل ناس غلط أو ميستحقوش
وصلوا البيت وقابلتهم ليلى
ليلى: طمنيني عليكي يا حبيبتي انتي كويسه حقك علينا
أميرة بحب :الحمدلله يا طنط انا بخير ما تقلقيش المهم مروة عامله ايه دلوقتي
ليلى:بخير يا بنتي تعالى ارتاحي على ما اجهز ليكم لقمه
اميرة:ما تتعبيش نفسك انا ماليش نفس
ليلى :ازاى يا بنتى انتي من الصبح ما اكلتيش حاجه
أحمد :ما تسمعيش كلامها يا ماما هى هتغير هدومها وتيجى نتعشا كلنا ولا ايه يا أميرة
أميرة :حاضر عن اذنكم هغير واجى اساعد حضرتك
دخلت أميرة وسابتهم
ليلى:بنت حلال أوى وحلوة ورقيقه
أحمد:اه فعلاً جميله ورقيقه انتبه لنفسه وأنا مالى يا ماما أنا بحب مراتي اللى لسه لحمها ما بردش فى تربتها
ليلى:على ماما عالعموم براحتك يا بنى وخد بالك منها أنا هاخد اختك ونرجع شقتنا بكره وأنت رتب امورك مع ولادك ومراتك الجديده
أحمد:هتمشى ليه بس يا ماما خليكم معانا
ليلى:أنا مش برتاح إلا فى بيتى وعشان كمان تاخد عالوضع الجديد يا بنى
حطوا عالعشا وقامت مروة انضمت ليهم وأميرة زعلت أنهم هيمشوا واتوترت من فكرة انها هتبقى لوحدها مع أحمد بس قالت لنفسها وفيها ايه يعنى
&&&&&&❤️❤️
فى منزل كوثر محمد بلغها ان أميرة عايزه حاجتها
كوثر بعصبيه :لأ لأ مش هتاخد حاجه منى
محمد:كفاية مشاكل بقى يا ماما ده حقها وهى دلوقتي مبقتش أرمله إبنك وأحمد واخوها مش هيسكتوا عن حقها
منال:اه فعلآ اتغيرت مبقتش أميرة الهبله اللى تشخطى فيها بكلمتين وتسكت دى طلعت فيا حته طلعه
كوثر:كله منك مين قالك تروح تخرجها من القسم كان زمانها محبوسة وارتحنا منها
محمد:يا ماما أديها العربيتن هما اصلآ بأسمها ومحامي بعشر قروش يجيب حقها
كوثر:قلبي اه اه ووقعت اغمى عليها
سالى خرجت بالليل متأخر عشان محدش يسألها هى راحه فين
سالى:الو ايوة نفذ أول ما أوصل وحقك محفوظ
مجهول:ماشي يا مدام بقيت حقى يوصلنى أول لما خلص
سالى:ماشي المهم تخلصنى
وصلت سالى مكان مهجور وكان أشرف فى انتظارها
أشرف:اتأخرتى عليا كنت لسه همشي وازعلك يا جميل
سالى:الفلوس اهى هات التسجيلات الأول اتأكد منها
أشرف:عيب عليكي اتفضلي وفجأه جه حد من وراه وضربه بالرصاص وسالى جريت بسرعه بعد ما خدت الفلاشة والموبايل
&&&&&&💜💜
محمد بلغ أميرة إنه هيجيب لها العربيات عند البيت
اميرة:وحاجتى اللى فشقتى يا محمد بعد أذنك أنا هاجي اخدها بنفسي وراحت هى وأحمد ووليد خدت عفشها اللى جبته تحت نظرات كوثر اللي هتمـ,ـوت من الحسرة وسلايفها منال ونهال
كوثر:ارتاحتى كده مـ,ـوتى عيالي الاتنين وخدتى كل حاجه
أميرة :أنا متش حد زى ما حضرتك بتتهمينى أبن حضرتك كان شارب وعمل حادثة ودينا الله يرحمها ده عمرها والحاجه اللى أخذتها دى شقى سنين العربيات دى من فلوسي ولا حضرتك ناسيه لما قولتليلى الست الاصيله اللى تساند جوزها واديته شقايا وعربيه جابت التانيه ولحد دلوقتي أنا اللى بدفع الأقساط وعفشى ده حقى وشقى اخويا وشقايا
نهال:طب والبشمهندس كان حقك برده
أميرة:الزمى حدودك معايا انتوا اكتر ناس عارفين أنى عمرى ما ابص لحاجه فى أيد غيرى واظن الكل عارف ظروف جوازى من البشمهندس أنا بتكلم مع مين انتوا الكلام معاكم خسارة ووقت ضايع أنا اتعاملت معاكم بطيبه فسرتوها غلط وأنا عديت وسكت وقولت أعيش بس كنت غلطانه فى حق نفسي أوى
منال لنهال:إلا سالى مبختش سم النهارده هى مالها
نهال:مش عارفه دى ولا اللي عمله عامله ومسهمه كده
أميرة خدت كل حاجتها وطلعت على جمعيه خيريه اتبرعت بيهم وطلبت من أخوها يبيع عربيه ويسدد باقي الأقساط ويغير التانيه قررت تقفل صفحه مصطفي وأهله خالص وتعيش لنفسها وللولاد اللى ربنا عوضها بيهم مر شهر على الأحداث دى ومـ,ـوت دينا وأحمد كل يوم بيتشد لاميرة لكنه حاسس بالذنب أنه بيخون دينا أميرة شايفه كل طلباته على أكمل وجه بس مش بتقابله كتير بتتجنبه على قد ما تقدر عشان هى كمان بدأ تتعلق بيه
وفى ليله ممطرة جدآ أحمد اتأخر على غير العادة وأميرة قلقانه جدآعليه بس محرجه ترن عليه فجأه تليفونها رن برقمه قلبها دق بسرعه وردت :ايوة أنا 😱😱أنا جايه حالآ
الفصل الثالث عشرج1 والفصل الثالث عشرج2 ………
فى مكان ما أشرف بيصرخ :اهه خلاص خرجتها
عطا:ايوة خرجت خلاص منا قولتلك البس واقى الرصاص
أشرف:يا ريتنى سمعت كلامك يا أخى مش قادر من الوجع
عطا:خد دى تحت لسانك وثوانى مش هتحس بحاجه وخد شم الفلوس دى هتنسى الوجع
أشرف:هات هات اممممم ريحتهم ايه تفوق بس برافو عليك يا عطا
عطا:اخوك رقبته سداده بس المبلغ قليل أوى ٥٠الف بس
أشرف:مكنتش هتدفع أكتر من كده بس أنا عارف مين هيدفع أكتر أنا بقى هخسرها كل اللى خليتها تكسبه بقى تتفق على ى ماشى يا سالى
عطا:آحمد ربنا إنها جتلى انا وما رحتش لحد غيرى كان زمانك الله يرحمك
أشرف:عشان غبيه جايه تتفق عليا مع انتيمى ههههه
عطا:بس أخوك ايه حسستها أنى كلب للجنيه وابيع نفسى مش صحبى بس هههههه لا وإيه سجلتلها
أشرف :لأ جدع وهى هتتفاجأ أن الفلاشة فاضيه والموبايل بايظ
======= ❤️❤️
عند كوثر قاعده مع سالى ومنال
كوثر:مالك يا سالى بقالك يجي شهر مش على بعضك كده فيكي ايه يا بنتى
منال:تلاقيها عشان خلاص ولادتها قربت يا ماما
سالى:اه يا ماما فعلاً كل ما الولاده بتقرب أنا بتوتر بس
مجدى داخل مع نهال :ازيكم يا جماعه عاملين ايه وعينه راحت على سالى وحشانى يا ماما
كوثر:تسلم يا حبيبي كنتوا فين كده
نهال:ابدا يا طنط أصل ميجو كان مزعلنى فحب يصالحنى غدانى بره وجابلى الاسورة دى إيه رأيكم حلوه
كوثر :اممم حلوه يعيش ويجبلك بس لموا أيديكم شويه خروجات وهدايا وآكل جاهز شيلوا قرش لبكره
نهال:خير ربنا كتير يا طنط لدرجه ان ميجو حبيبي عامل خير الشهر اللي فات ب ٥٠الف جنيه مش كده يا حبيبي
مجدى بتوتر:كده يا حبيبتي انا طالع اغير هدومى قبل ما أنزل المعرض عن إذنكم
منال:مالك شدا حيلك على الراجل كده ليه مسكه عليه حاجه
نهال:لا ابدا بس بقالوا شويه مش مظبوط ووشوشه فالتليفون وفلوس خارجه وتأخير بره قلت أشد عليه شويه
منال:لأ تعجبينى
كوثر :عمالين تتوشوشو كده على إيه مش مرتحالكم
نهال ومنال:ابدا يا حبيبتي مفيش حاجة
منال:هطلع اجهز الأكل على ما محمد يجي عن إذنكم
نهال:خودينى معاكي هطمن على الولاد.. باى
كوثر :بالسلامة منك ليها وانتي هتفضلى كده كتير
سالى:لأ أنا كويسه آه الحقينى يا ماما بمـ,ـوت
======= ❤️❤️
أميرة لبست وخدت مفتاح عربيتها واستعدت عشان تروح لأحمد عند المقابر لكن جالها تليفون تاني من يوسف صاحب أحمد :مدام أميرة ماتنزليش
الفصل الثالث عشر الجزء الثاني ج2
هجيبه عالبيت وهكلم دكتور يجي يشوفه
اميرة:فى دكتور هنا فالعمارة
يوسف:خلاص تمام إحنا قربنا عالبيت أهو
أميرة دخلت صحت فارس :حبيبي قوم معلش قلقت نومك
فارس:خير يا ماما فى حاجه
أميرة :ابدا يا حبيبي ماتقلقش بس عمو يوسف اتصل وقال إن بابا تعبان شويه وجاى بيه على هنا ولازم يكون معايا راجل ولا ايه يا بطل
فارس:وأنا فوقت أهو عايزانى أعمل إيه
أميرة :اطلع نادى على دكتور عصام اللي في الدور اللي فوق
فارس :حاضر يا ماما
الباب خبط وكان يوسف ساند أحمدأميرة فتحت الباب وشاورت على الاوضه ليوسف عشان يدخل أحمد وساعده يغير هدومه اللى كانت مبلوله من المطر وكان عمال يعطس ويترعش
يوسف :سامحنى يا صحبى أنا اللي اتكيت عليك
فلاش باك
يوسف:بتحبها يا صحبي
أحمد :لا ياعم أنت بتقول أيه أنا محبتش غير دينا ولسه بحبها
يوسف:طب وفيها إيه حب دينا وحبها آمال احنا بنتجوز اربعه ليه عشان نقدر نحب اكتر من واحده فى نفس الوقت وبعدين انت بتقول ان دينا هى اللى جوزتهالك يعنى وارد تحبها
أحمد :لا يا يوسف أنا بحب دينا ولا يمكن أخون الحب ده حتى لو هى مش موجوده.. وأميرة قالت إنها بتاخد بالها مننا عشان وصيه دينا يعنى لهى بتحبنى ولا أنا بحبها
يوسف بضحك:أنت عايزها تيجى تقولك إنها بتحبك بعد ما قولتلها إنك متجوزها بس عشان دينا اللي طلبت منك ده ومفيش واحده هتعمل كل اللى بتحكيه ده إلا لو كانت بتحب
أحمد:لا حب وغيرو أنا رايح لدينا
يوسف :يا عم الحى ابقي من الميت روح لاميرة
أحمد بانفعال:خلاص بقى يا عم انا ماشي
بعد مرور وقت تليفون يوسف رن وكان أحمد
أحمد:يوسف الحقنى مش قادر اتنفس
يوسف:أنت فين يا أحمد
أحمد:أنا عند دينا
يوسف:فالجو ده أنا جاى حالآ
وصل عنده بسرعه هدومه مبلوله وكلها تراب من قعدته على الأرض
أحمد بدموع وهلوسه:أنا بحبك يا دينا ومقدرش أخونك وأحب غيرك سامحينى أنى اتشديت لها بس محبتهاش زى ما يوسف بيقول
يوسف:يلا يا أحمد مش كده قوم معايا
أحمد :لا مش همشي أنا هفضل هنا مع دينا
يوسف:يلا يا أحمد عشان نروح هكلم أميرة هى الوحيده اللي هتقدر عليك.. مدام أميرة أنا يوسف أحمد تعبان ومحتاجلك إحنا عند مقبرة دينا
أحمد :لأ أميرة لأ الوقت اتأخر خلاص هروح وهاجى تاني
عودة من الفلاش باك😔😔
عصام :دور برد شديد لازم ياخد العلاج ده فالمواعيد ويتعمله كمدات عشان الحرارة تنزل
يوسف :اسفين يادكتور على ازعاجك فالوقت ده
عصام :دة واجبى ولا ازعاج ولا حاجه وبعدين الجيران لبعضها
خرج عصام ويوسف وصله عالباب مع فارس
يوسف:أنا هنزل اجيب العلاج وأنت أدى الورقه دى لماما
اميرةجت:خير يا أستاذ يوسف الدكتور قال ايه
يوسف:متقلقيش هو كويس هو دور برد بس تقيل شويه
أميرة :خير ان شاء الله هو ايه اللي حصل
يوسف :ابدا هو عدى على دينا زى كل يوم ونسى نفسه ايه اللي بقوله ده هيبقى كويس ان شاء الله
أميرة بان على وشها الضيق من اللي سمعته:أن شاء الله
عملتله شربه خضار بعد ما نيمت فارس وفضلت جمبه طول الليل تعمله كمدات لحد النهارده ما طلع وقلق أحمد لقاها فى 😱😱يا ترى أيه اللى حصل ده اللي هنعرفه الفصل الجاى ❤️
الفصل الرابع عشر .. و الخامس عشر …
بالمستشفى سالى بتولد ومعاها كوثر ومحمد ومجدى ومنال ونهال كوثر رايحه جايه قلقانه
نهال:شوفى الوليه كأنه أول حفيد آمال لو مكنتش كل واحده فينا جايبه ٣ عيال
منال:اصل ده إبن ننوس عينها إنتى ماشوفتيش بتعامل أمه إزاى كأنها حامل فى ولى العهد
نهال:بنت إيه واكله دماغها مش سهله مش زى أميرة كانت زى العجينه فى ايدينا كلنا الله يرحم أيامها بقى
منال:اه والله الله يرحم أيامها كانت مدلعانا 😟😟
الدكتور خرج:المدام ولدت صحتها كويسه بس البيبى محتاج يفضل تحت الملاحظة فى الحضانه ٤٨ساعه
كوثر بلهفة :ليه ماله حفيدى هو بخير
الدكتور :اطمنى يا حاجه شاكين فى حاجه ومحتاجين نطمن عليه بس
محمد :أهدى يا ماما هيبقى كويس
كوثر :لو جراله حاجه مش هستحمل كفاية ابوة
محمد :أنا هتكلم مع الدكتور واطمنك ادخلوا اطمنوا على سالى على ما اجى
سالى فى الافاقه شافت أشرف انصدمت :أكيد بحلم هو مش هنا وبدأت تاخد نفس تطمن نفسها
أكيد مات أنا بحلم وبس
=======❤️❤️
أحمد صحى لقى أميرة جنبه عالسرير وهو حاضن وسطها🙈🙈🙈وراسه على صدرها حاول يفتكر إيه اللى حصل وايه اللى جابها هنا مش فاكر
بس قربه منها كده وتره حس بيها صحيت عمل نايم عشان ما يكسفهاش أميرة صحيت وعدلته عالسرير وغطته وحطت ايدها على رأسه تشوف الحرارة نزلت ولا لسه لقيته كويس شالت الفوطه والطبق اللى كان فيه الميه لزوم الكمادات وهو فهم أنها كانت قعده جمبه بتعمله كمدات قال لنفسه:كانت بتعملك كمادات انت بقى ايه خلاك تلزق فيها كده كأنها أمك وقام بشويش يشوفها بتعمل إيه
لقاها واقفه بتصلى وبتقرأ قرآن صوتها يسحر فضل واقف يسمعها لكن خانته عطسه خرجت منه 😱😱انتبهت لوجوده أنهت صلاتها وهو رجع اوضته (يادى الكسفه اللى انت فيها يا حازم) 😄😄
خبطت ودخلت معاها مج ينسون :اتفضل اشرب ده على ما اجهزلك الفطار مع الولاد
أحمد :تعبتك معايا يا أميرة طول الليل صاحيه جمبى شكرا أوى
أميرة:ولا تعب ولاحاجة دى واجبى يا بشمهندس
أحمد:أحمد أسمى أحمد تمام
أميرة :احم تمام يا بش
أحمد :أحمد يا أميرة
أميرة بكسوف:يا أحمد هروح اصحى الولاد عشان المدرسه.. وجريت من قدامهأميرة صحت الولاد للمدرسه وحضرت لهم الفطار ودخلت لأحمد فطار ونزلت الولاد للباص
وحضرت مشروب سخن واديته العلاج
أحمد :ادخلى بقى نامى انتي صاحيه طول الليل
اميرة:خلاص صحيت مش هعرف أنام تانى أنت ارتاح عشان الدكتور قال أهم حاجه الراحه
أحمد :مين جاب الدكتور
اميرة:فارس طلع بلغه على ما طلعت أنت واستاذ يوسف
أحمد :فكرتينى بيوسف الحيو*ن كلمك وأنتى إزاى كنتى هتنزلى متأخر كده
أميرة :كنت هكلم وليد ينزل معايا والله
أحمد :ليه
اميرة :ليه إيه
أحمد :ليه كنتي هتنزلى
اميرة بتلقائيه:عشان أنت جوزى 😱😱
أحمد سرح فعنيها وقرب منها فجأه
=========❤❤❤❤
أشرف وعطا كانوا اتسللوا ودخلوا المستشفى من غير ماحد ياخد باله منهم
أشرف :شوفتها اترعببت ازاي ولسه أنا هخليها تعترف على نفسها
عطا:ناوى على أيه يا كبير
أشرف :شايف الاتنين اللي واقفين هناك دول
عطا:اه مالهم
أشرف :جوز واحده فيهم اللى دفع الفلوس عشان الهانم معشماه تتجوزه بعد ما تولد والتانيه هتمـ,ـوت وتمسك حاجه تزلها بيها غيرة سلايف بقى وانا هلعب على كده
عطا:وأنت عرفت ده كله منين يا كبير
أشرف :البت فردوس اللى بتساعدها فالبيت عينى جوه
عطا:طب ما ترسينى على الحوار ماشي إزاى
أشرف :كل شئ فى وقته حلو اتقل تاخد حاجه نضيفه.. ههههههههه
ياترى ايه اللي هيحصل ده اللي هنعرفه الفصل الجاى❤️❤️❤️
الفصل الخامس عشر ……
عند وليد فالبيت
نهى:هتفضل زعلان منى كتير هو أنا يعنى مش من حقي اغير عليك ولا إيه
وليد:تغيرى عليا من اختى انتي هبله هو ينفع تغيرى عليا من ايسل بنتنا
نهى:ايوة أنا بغير من ايسل ايه رأيك بقى لما بلاقيك بتهتم بيها أكتر منى بغير ولما بتختار تنام فى حضنها بغير وهى بنتى مش عايزنى اغير من أختك.. وبكت 😭😭😭
وليد حضنها وطبطب عليها:يا مجنونه بتغيرى من بنتك
نهى ببكاء:ايوة أنا بغير من بنتى طبعى كده حاولت اغيرة مش عارفه وإنت بتعاقبنى على حاجه مش قادره اغيرها قولى اعمل ايه عشان أرضيك
وليد:أهدى خلاص أنا مش زعلان والله أنا مضغوط شويه فالشغل وخايف على أميرة خايف أكون بظلمها تانى هى مختارتش مصطفى واستحملته عشانى ودلوقتى اتفرض عليها أحمد ومسؤليه ولاده وخايف برده تكون جايه على نفسها عشانى وعشان وعدها لدينا
نهى:اتكلم معاها ولو هى مش مرتاحه تطلق وتيجى تعيش معانا
وليد:هى استحملت ٣سنين ذل عشان ماتجيش تعيش هنا وتحسى إنك مضايقه مافتكرش دلوقتي بعد ماأرتاحت شويه أنها هتوافق
نهى:خلاص انا هتكلم معاها ايه رآيك نزورها واتكلم والله أنا مش هبقي مضايقه لو عاشت معانا ده حتى ايسل وأسر بيحبوها أوى
وليد:مش عارف يا حبيبتي مش عايز اشيل ذنبها تانى
نهى:عندى فكرة تانيه لو هى مش عايزه تعيش هنا معانا ايه رأيك ناخد الشقه اللى تحت ليها وتبقى براحتها وفى نفس الوقت معانا
وليد :فكرة بردو يا حبيبتي انا هكلمها عشان اطمن عليها وابلغها أننا هنزورها بكرة ايه رآيك
نهى :تمام كلمها يلا
==========❤❤❤
اميرة فجأه عطست وأحمد ضحك عليها وعلى صوت عطستها
أحمد :ايه عطست البيبى دى 😂😂😂
اميره وشها احمر من الكسوف
:بتتريق عليا بعد ما عدتنى الله يسامحك أنا رايحه أجهز الغدا قبل الولاد ما يوصلوا
أحمد مسك ايديها :استنى بس حقك عليا مش قصدي
أميرة اتوترت:خلاص ما فيش حاجه أنا هروح المطبخ عن أذنك
جريت من قدامه بسرعه
أحمد لنفسه: (عقله) ايه اللي بتعمله ده وعدك لدينا (قلبه) ماهى مراتك عادى يعنى (عقله) مش يمكن هى مش بتحبك هى بتعمل كده عشان وعدها لدينا (قلبه) لأ واضح أنها بتحبك مضيعهاش من إيدك قطع تفكيره صوت الفون وكانت والدته
ليلى:عامل ايه يا حبيبي واخبار الولاد ومراتك ايه
أحمد :كلنا بخير الحمد لله.. هتش هتش
ليلى :ايه ده مالك يا حبيبي
أحمد :أبدا يا ماما عندى برد بس ما تقلقيشليلى :ماقلقش
يتبع
الفصل الخامس عشر ج2 الجزء الثاني
فالمستشفى سالى منهارة على إبنها :يعنى ابنى فالحضانه ومش هخرج بيه
الدكتور :أهدى يا مدام عشان صحتك احنا سايبنه يومين تحت الملاحظة اطمنى
سالى:طب ممكن أشوفه
الدكتور :اتفضلي مع الممرضه تعقمك وادخلى شوفيه
جت كوثر وطلبت هى كمان تشوفه وبعدها خدهم مجدي للبيت
كوثر لفردوس :حضرتى الأكل يا بت زى ما قولتلك
فردوس :ايوة يا حجه كله تمام
كوثر :طب يلا هاتى الأكل عشان سالى تتغدا كويس
فردوس :حاضر هوا يا حجه
فردوس جاتلها رساله على الفون :ايه الاخبار يا دوسه
فردوس :تمام السنيورة شرفت بس الواد لسه
أشرف :عارف المهم متنسيش تجيى اللى اتفاقنا عليه
فردوس :تمام
======= ❤️❤️❤️
ليلى ومروة جم عند أحمد وهى طالعه فالاسانسير اتقابلوا مع دكتور عصام :إزاى حضرتك يا طنط
ليلى:بخير يا دكتور انت اخبارك ايه
عصام :بخير الحمد لله اخبار استاذ احمد أيه النهارده
ليلى :مش عارفه يا بنى انا لسه جايه اشوفه اصل تعبه وحش أوى
عصام :ما تقلقيش أنا وصيت المدام بالأكل والعلاج اللازم عشان كان واضح عليه انه تعبان أوى وهطلع مع حضرتك دلوقتى اطمن عليه
ليلى:تسلم يا بنى من كل شر
خبطوا واستقبلتهم أميرة
مروة:وحشتيني يا ميرو
اميرة:وانتى يا مرمر اتفضلوا.. عامله ايه يا طنط
ليلى :بخير يا حبيبتي بس قوليلي يا ماما الطف ولا ايه
اميرة :حاضر يا ماما وهو فى حد معاكم
ليلى:يالهوى علينا ده الدكتور عصام جاى يطمن على أحمد اتفضل يابنى ما اتخذناش
عصام :ولا يهمك يا طنط
أحمد :اتفضل يا دكتور
عصام :ايه الأخبار حاسس بأيه دلوقتي يا بشمهندس
أحمد :جسمى مكسر ومصدع
عصام :ده طبيعي أنت واخد دور شديد أوى اخبار السخونيه ايه
أحمد :اللي تقول أميرة أنا محستش بنفسي غير الصبح
أميرة :السخونيه استمرت طول الليل ونزلت بالتدريج بس جاتله رعشه جامده وطولت شويه.. احممم مرحتش غير لما قربت يعنى وو..
عصام ضحك:اه تمام عشان كان حاسس أنه بردان والاحساس ده راح لما حس بدفا جسم جمبه أهم حاجة يلتزم بالعلاج وطبعا الغذا الف سلامه عليك يا بشمهندس عن اذنكم وهو خارج اتقابلت عينه مع عيون مروة
ليلى:يعنى اميرة باتت هنا إمبارح
أحمد :أيوة يا ماما كتر خيرها و شكلها اتعدت منى
ليلى:بنت حلال صحيح
أحمد :تفتكرى يا ماما هى عايشه معانا مجبورة عشان وصيه دينا يعنى
ليلى :لأ يا حبيبي البت شكلها واقعه بس انت مش مديها فرصه أنت بتيجى من برة تاكل وتحبس نفسك فالاوضه جربت تقعد تتكلم معاها جربت تاخدها تخرج او عالاقل تخرج معاها هى والولاد عيش يا بنى دينا عمرها ما هتزعل وهى شيفاك مبسوط أنت وولادك انا عارفه إنك فجأة لقيت واحده من يوم وليله مراتك اقولك اعتبر نفسك لسه خاطب وبتتعرف عليها عيش يا بنى هقوم أنا أشوف الولاد وحشوني
أحمد بتنهيده:اللى فيه الخير يقدمه ربنا
=========❤️❤️❤️
عند نهال قاعده بتتغدا جالها رسالة عالوتس :لو عايزه تعرفي الفلوس اللي اندفعت راحت فين… ابعتلي….
ياترى نهال هتتصرف إزاى وأشرف عايز تبعتله ايه ده اللى هنعرفه الفصل الجاى ❤️دمتم بخير
الفصل السادس عشر ……….
ليلى :تسلم ايديك يا حبيبتي الأكل تحفه
أميرة :تسلمي يا ماما ده من ذوق حضرتك
مروة:لا بجد يا ميرو الأكل تحفه لازم تعلميني وتدينى سر المهنه
اميرة:ولا سر ولا حاجه عينى ليكى قوليلى عايزة تبدأى بأيه
مروة:انتي خريجه إيه
أميرة :بكالوريوس تجارة
مروة:كنت فكراكى سياحة وفنادق
اميرة :عشان الطبخ يعنى
مروة:ايوة
اميرة :لا دي هوايه
ليلى :بتحبى الطبخ والمطبخ بس اللى يشوف أكلتك ما يقولش كده ابدا ولا انتى مكسوفة مننا ده بيتك يا بنتى واحنا ضيوف
اميرة:لا أبداً والله هى اكلتى كده وبعدين بيت إبنك يعنى بيتك واحنا اللى ضيوف حضرتك على راسنا من فوق
ليلى :تعيشي يا بنتى يسلم اللي ربى بنت أصول صحيح وحضنتها.. تليفون أميرة رن
مروة:مين اللي بيرن
أميرة :اللي ربى 😂😂ده وليد اخويا
وليد:عامله ايه يا اميرتي
اميرة :الحمد لله بخير انت اخبارك ايه والولاد عاملين ايه
وليد:الحمد لله كلنا بخير انا بطمن عليكى ونهى بتسلم عليكي
أميرة :الله يسلمها سلملى عليها
نهى;هات أنا هسلم عليها بنفسي ازيك يا اميره عامله ايه
اميرة :الحمد لله بخير انتي اخبارك ايه
نهى :الحمد لله أنا آسفه على قله زوقي معاكي سامحيني
اميرة :مافيش حاجه أنا مش زعلانه ولا حاجه
نهى :حيث كده بقى انا وحشني اكلك ينفع نتغدا سوا بكره
اميرة :اكيد طبعا
نهى :خلاص وليد هيكلم أحمد ويبلغه تمام
أميرة :هو هنا فالبيت ثواني اديله الفون
وليد:اجازة ولا ايه
اميرة :لا تعبان شويه عنده برد
وليد :طب خلاص نيجى وقت تاني
أميرة ;لية اهو بالمرة تطمن عليه واشوف الولاد واحشنى
أميرة خبطت ودخلت عند أحمد واديته التليفون كلم وليد ورحب بيهم
أميرة : انا اسفه انى مرجعتش ليك فالأول بسوالله هما عزموا نفسهم ومقدرتش احرجهم
أحمد :أميرة ده بيتك ومش محتاجه تستأذني عشان اخوكى يجيلك او اى حد تمام
❤️❤️عدى اليوم وليلى خدت مروة ومشيوا بعد ما اطمنت على أحمد وطلبت منه ياخد اجازة يومين عشان يرتاح وجه تانى يوم اميرة صاحيه من بدرى نزلت الولاد المدرسه وبدأت تجهز الغدا وتظبط الشقه أحمد صحى من النوم ودخلها المطبخ :تحبى اساعدك في حاجه
اميرة :متشكرة أنا خلصت ثواني احضرلك الفطار
أحمد :أنا هحضر على ما تخلصي اللي في ايدك.. سكرك إيه فالنسكافيه
اميرة:من غير سكر
أحمد :ليه كده كل حاجه بتشربيها من غير سكر
أميرة :السكر مش حاجة كويسة وأنا اتعودت على كده خلاص
أحمد :والتعود ده اختياري ولا اجباري
أميرة :مش ديمآ.. المهم اخبارك ايه على العلاج
أحمد :الحمد لله احسن بكتير.. إنتى دخلتى الاوضه بالليل
أميرة :ايوة دخلت أطمن عليك ليكون فى سخونه لقدر الله
أحمد ابتسملها:انا متشكر جدا لاهتمامك
أميرة بفكاهه أرادت تغير مجرى الحديث :سيد عيب أحنا أهل أنت جوعتنى على فكرة مكنش سندويتش ونسكافيه
أحمد فهم إنها بتغير مجرى الحديث مرديش يكسفها :اتفضلي يا ستى احلى نسكافيه ممكن تشربيه فى حياتك
أميرة :اممممم هندوق ونشوف
وفضلوا يتكلموا كتير عن الولاد وأحمد كان نفسه يسأل عن حياتها ويعرف عنها أكتر بس اعتبر ده تطفل منه بس كان حابب الكلام معاها أوى
عدى الوقت بسرعه واميرة كانت جهزت كل شئ ووضبت البيت لاستقبال وليد ونهى والولاد وصلوا من المدرسه
فريده :هو انكل وليد هيجى إمتى انى متشوقه لرؤية أيسل
اميرة :ههههههه حالآ سيدتى إنهم فالطريق إلينا لا تقلقي
فارس :هى عدتك يا ميرو يا حرام تعالى يا بابا إلحق ميرو
أحمد جه يجرى (ما صدق بقى) ;ايه فى ايه يااميرة انتي كويسه
اميرة من لهفته قلبها دق بسرعه :ابدا بنهزر ما فيش حاجه
فريد:ماتقلقش يا بوب ميرو فى أعيننا نحميها من أى مكروه
ضحكوا جميعاً.. جرس الباب رن يعلن عن وصول وليد ونهى واميرة راحت تستقبلهم
وليد خدها فى حضنه وشالها من عالارض لأنه أطول منها وهى بالنسبة له عصفورة :اميرتى الحلوة أخبارها أيه
أميرة :الحمد لله بخير.. واتجهت نحو نهى وسلمت عليها :نورتى يا حبيبتي اتفضلي
ونزلت لمستوى أيسل أسر وخدتهم فى حضنها :حبا عمتوا وحشتونى أوى
أيسل :أنا زحلانه منك عشان مش جيتى عندنا(أنا زعلانه منك عشان مش بتيجي عندنا)
اميرة:أنا عارفه عشان كده عملتلك الأكل اللي بتحبيه عشان اصالح قلبى
أيسل :بشهق بجد…أنا بحبك اوي
فريده بغيرة :أنا بحبها أكتر دى مامتى
اميرة حضنت الاتنين :انتوا الاتنين حبايبي وهتبقوا صحاب واخوات صح يا ديدا
الاتنين :صح يا ميرو
فريده :تعالى اوضتى نلعب سوا
أحمد واقف متابع ذلك الأميرة كم هى حنونه وعطوفه وتبث الحب لمن يقابلها دون مقابل.. انها الحياة يا ساده لا تعطى كل شي 😟😟
أحمد رحب جداً بوليد لا يختلف كثير عن اميره نهى طلبتتحضير السفرة عشان تتكلم معاها :أميرة لو مش مرتاحه هنا تعالى ارجعى بيتك وانا والله مش هكون مضايقه
اميرة:شكرا يا نهى على احساسك ده بس أنا فعلاً مرتاحه هنا ومقدرش اسيب ولادى دول عوضى من ربنا وأنا مش محتاجه أكتر من كده
نهى :صدقيني البيت بيتك ودى مش عزومه كفايه اللي عانتيه زمان بسببي
أميرة :ماتشليش ذنبي كل اللي حصل مكتوب أنه يحصلى وانتي مالكيش ذنب يا حبيبتي
نهى:انتي طيبه أوى وجميله من جوه وبره من النهارده إحنا اخوات وحضنتها
وليد :الله الله هو ده الأكل اللي بيتحضر يا هوانم
وليد عاد نفس الكلام لاميرة وأميرة قالتله أنها مبسوطه بعلاقتها مع الولاد
وليد:طب وأحمد
أميرة : إحنا كويسين جدا
وليد:إنتى طول الوقت لابسه الحجاب كده فالبيت واضح انكم بتتعاملوا على أنكم اغراب
أميرة:أحمد بيحب مراته ومخلص لذكرى حبها وكان جوازنا من الأول عشان الولاد وبس
وليد:ودى عيشه بقى داده بعقد جواز إنتى صغيره يا أميرة من حقك تحبى وتتحبى وتعيشي
أميرة :صغيره اه بس عاقر وربنا أنعم عليا بدل الطفل تلاته ادوس النعمه دى عشان أيه أنا الحمد لله راضية ومبسوطه بحالي كده ويلا بقى الأكل هيبرد يا أستاذ
أحمد سمع كلامها قلبه وجعه اد ايه هى عانت فى حياتها وبتعانى لسه
عدى اليوم بسلام والاولاد حبوا بعد جدا والزيارة الجايه عند وليد
عدى اسبوع على أبطالنا من غير أحداث جديدة غير أشرف بيلاعب سالى بمساعدة فردوس اللى هتتجنن ومش عارفه إذا كان عايش ولاميت الاولاد خدوا أجازة نصف السنه واتفقوا يروحوا عند ليلى يقضوا اسبوع معاها بس أحمد جاله شغل وهيسافر حضر شنتطه بمساعده أميرة وودع ولاده ومامته واخوته وكان نفسه يحضن اميرة كمان باس راسها وقالها لو احتاجت حاجه تكلمه ومشى
يوسف: يا عم دور كويس هتلاقيه ده ملف مش إبرة
أحمد :أخرس خالص انا مش طايقك أصلا مستعجلنى عالفاضي
أميرة سابت الولاد عند ليلى وقالت إنها هتقفل الشقه كويس وتيجى خلصت الشقه ودخلت تاخد دش وخارجه من الحمام بالبرنس الوردي وفايدها فوطة بتنشف شعرها اتسمرت مكانها من اللي شافته😱😱
يا ترى اميرة شافت ايه خلاها اتسمرت مكانها
ده اللي هنعرفه الفصل الجاي ❤️
يتبع
الفصل السابع عشر
التليفون بيرن برقم المستشفى
سالى :ايوة أنا جايه حالآ
فردوس :خير يا مدام مال وشك اتغير كده ليه
سالى :مش عارفه يا فردوس المستشفى بيبلغونى أن التحاليل بتاعت أدم طلعت ولازم أروح
فردوس :خير ان شاءالله ٣شهور لدلوقتى يا حبه عيني تحاليل وعلاج ومش عارفين يحددوا عنده إيه
سالى :أنا خايفه أوى ليروح منى.. خدى غيريله على ماالبس وانزل اروح
الباب خبط وكانت كوثر
كوثر :حبيب تيتا اخبارك ايه تعالى يا ريحه الغالي
فردوس :ده كنت لسه هغيرله عشان رايح المستشفى
كوثر :هى سالى فين
فردوس :بتغير عشان تنزل بيه
كوثر :طيب هغير أنا كمان وهكلم مجدي يجى يوصلنا
عند نهال:هى أمك كل يوم والتاني تاخدك وتروح بالسنيورة المستشفى ما تاخد تاكس ولا محمد يوصلهم
مجدي :يا فتاح يا عليم عالصبح أعمل إيه اقولها لأ وبعدين ده أبن اخويا ومراته مش حد غريب أوعى بقى خلينى اخلص لبس وأنزل
نهال:ماشى يا ابن كوثر أنا وراك والزمن طويل أنا لازم ادفع فلوس للراجل اللي هيجبلى قرارك انت واللى بتخونى معاها
فلاش باك( ابعتيلى ٥٠الف واقولك الفلوس اللي خرجت من المحل دخلت فين) (جوزك ناوي يتجوز ادفعى واعرفى مين) (جوزك عايش فالعسل وقريب أوى هيتجوز.. براحتك يا جميل) (أنا مش هتحايل عليكى خليكي على راحتك ومتزعليش إنك كان بأيدك تمنعى الجوازة دى ومدفعتيش.. أنا مش هبعت تانى انتى اللى هدورى عليا باى)
عودة من الفلاش باك
نهال :شكلى فعلآ أنا اللي هدور عليك وبعتت رساله للرقم (أنت لسه عايز الفلوس وتساعدنى)
أشرف شاف الرسالة ومردش عليها زى مكانت بتعمل بعت رساله لمنال (لو عايزة معلومات عن مجدي وجوازته الجديده ابعتيلى مبلغ ٥٠الف جنية واديكى معلومات بالصوت و بالصوره) وبعتلها صورة لمجدي وهى حاضن واحده بعد ما غير ملامح المكان والست اللى فحضنه======❤️❤️❤️
اميرة خرجت من الحمام ولقت صرف غساله الأطباق اتسد وغرق وقفت مكانها مصدومة من كميه الميه
دخلت غيرت ولبست بيجامة هوت شورت ورفعت شعرها كعكه بشكل عشوائي وبدأت تلم الميه😂😂فالوقت ده جه أحمد يدور عالملف اللي نسيه
أحمد :خلاص يا عم يوسف وصلت البيت هدور عليه وانزلك على طول.. وهو داخل لاوضته لقه الميه مغرقه المطبخ
بقولك ايه يا يوسف سافر أنت وأنا هحصلك شكل الولاد نسيوا ميه مفتوحه والمطبخ غرقان الحمدلله انه واطى عن باقي الشقه كان زمانها هى كمان غرقانه
يوسف:يا عم هات الملف وأنزل واتصل بيهم يجوا يعملوها
أحمد بعصبيه:غور يا يوسف سافر وانا هحصلك تمام
يوسف:تمام يا كبير أنا قولت حاجة سلام (منك لله لو طولت شويه كان ممكن ينزل يضربنى)
أحمد دخل المطبخ واتفاجأ باميره بتحاول تصلح الصرف
أحمد تنح 😳😳;هو إيه اللي حصل
أميرة بارتباك:انت مسافرتش ليه هو بس كنت حاطه شويه اطباق وكده والصرف بهدل الدنيا
أحمد :ده أنا اللي هبهدل الدنيا وقرب عليها (حط ايده على خدها وفك شعرها 🙈🙈) هو انا قولتلك قبل كده إنك حلوة اوي
اميرة اتوترت من قربه ووشها بقى بلون الفراوله 🍓وتاهت فى عينيه ومش قادره ترد 😱😱أحمد شالها وخرج بيها بره المطبخ وهى شهقت من الخضه :أحمد أنت بتعمل إيه
أحمد بتوهان :أنا أسمى حلو اوى كده انتي بتعملى فيا ايه أنا قبل ما انزل كنت همـ,ـوت واحضنك ودلوقتى انتي بين ايديا حوريه من الجنه حاسس انى بحلم زى مايكون نسيت الملف عشان أرجع والاقى الحوريه دى فى انتظارى
أميرة مكسوفه ومش قادره تتكلم وضربات قلبها بقت سريعه بتحاول تقوم بس أحمد قاعد وواخدهافى حضنه وعمال يتغزل فيها واخيرآ نطقت :أحمد أنا لازم اقوم ألم الميه وانزل للولاد و….
مكملتش كلامها كان أحمد خاطف شفايفها فى قبله طويله عجزت بعدها عن المقاومه وغرقوا مع بعض فى بحر العشق🙈🙈(ملناش دعوة يا مهى)
بس فجاءه أحمد فاق لنفسه وقالها :إزاى انتي لسه بنت
أميرة بصدمه أكبر :بنت إزاى 😱😱
❤️❤️❤️فالمستشفى الدكتور لسالى :ضمور الأعصاب ده وراثى وبالاخص من ناحية الأب لانى شايف حضرتك ما شاء الله كويسه
كوثر :ابنى الله يرحمه مكانش عنده اى أمراض
مجدي :يمكن كان عنده وإحنا ما نعرفش يا ماما
الدكتور :لأ حضرتك المرض ده بيظهر فى من الصغر على العموم هنعيد التحاليل تانى برة يمكن في غلط فالتشخيص
كوثر :ايوة أكيد في غلط ابنى مكانش عنده شكوى من اى حاجة ولا ظهرت أعراض
سالى بأرتباك :ايوة يعنى أيه العمل يا دكتور لو المرض موجود
الدكتور :بناخد عينه من النخاع الشوكى من اقرب حد ونعمل زرع وان شاء الله خير عن إذنكم
كوثر :اديله أنت العينه وانا هجوزهالك وتربى أبن أخوك فى حضنك
مجدي بفرحه :بجد يا ماما انتى موافقه اتجوز سالى
كوثر :ايوة بس استنى نعمل العمليه ونطمن على الواد
مجدي باس ايدها:ربنا يخليكي ليا يارب
كانت فردوس واقفه متابعه الحوار وبلغت أشرف
====== ❤️❤️❤️
اميره قاعده مصدومه من اللى حصل وأحمد جهز لها الحمام وقرب عليها شالها قعدها فى ميه دافيه
أحمد :انتى زعلانه منى بسبب اللي حصل بنا دلوقتي
اميرة :…….
أحمد :حقك عليا أنا هروح ألم الميه من المطبخ وانتى خليكي شويه هترتاحى.. خرج أحمد
أميره دموعها نزلت :(عقلهافوقى لنفسك انتى مجرد نزوة وهيندم انو قربلك هو بيحب دينا وبس) (قلبها لا ده بيحبك وانتى كمان كنتى مبسوطه من قربه ده) (عقلها لأ ده عشان أول مرة تحسي الاحساس ده وميغماش عليكي زى كل مرة) وافتكرت فلاش باك
مصطفى :أنا زهقت منك أنا كل مرة أقرب منك يغمى عليكى كده ايه متجوز عروسه لعبه انت برده مش بتحسى
أميرة :أنا قولتلك اروح للدكتورة اسألها وأنت اللي رافض أعمل إيه
مصطفى :هتعملى إيه ولا حاجه مش كفايه انك مش بتخلفى كمان مش عارفه تقومى بحقوقى كزوج أنا نازل عيشه تقرف
عودة من الفلاش باك
اميرة دموعها لسه نازله دخل أحمد لقاها لسه مكانها وبتعيط ساعدها تاخد شاور وخرجت قعدها على السرير واتكلم :اجهزى عشان أوصلك واسافر
أميرة :هاخد تاكس ما تشغلش بالك بيا
أحمد :ندمانه إنى تممت جوازنا.. بس ازاى انتي لسه بنت
اميرة بدموع:مش عارفه إزاى واترمت فى حضنه وفضلت تعيط لحد ماهديت
أحمد :أهدى يا حبيبتي قوليلي مالك
اميرة:أنت لازم تسافر دلوقتى لشغلك ولما تيجي بالسلامة هنتكلم
أحمد وصلها وسافر هو على شغله لكن باله مشغول عليها وحاسس أنه فى لغز ولازم يحله
بقلمى /ديجا ❤❤❤الكل راح عالمستشفى عشان ياخدوا العينه اللي هتتطابق مع آدم حتى كوثر عملتها والكل منتظر النتيجه
منال ونهال قرروا يدفعوا الفلوس لاشرف عشان يعرفوا مجدي هيتجوز مين
خرج الدكتور بالنتيجه؟؟
ياترى ايه هى النتيجه وأشرف هيعمل ايه ده اللى هنعرفه الفصل الجاي دمتم بخير
يتبع
الفصل الثامن عشر ………
فالمستشفى الدكتور خرج وقال :نتيجة واحده بس هى اللى مطابقة للسيد /مجدي 😱😱
مجدي بفرحه :بجد يا دكتور أنا أقدر اتبرع لابن اخويا حبيبي
الدكتور :ايوة تقدر حضرتك هتعمل التحاليل دي وعلى آخر الأسبوع هنعمل العمليه بس لازم الولد يفضل هنا تحت الملاحظة
سالى :ليه يا دكتور ما نجيبه قبل العملية بيوم
كوثر :أهدى يا بت مش كده سيبى الدكتور يشوف شغله هو أكيد عارف مصلحته اكتر مننا
مجدي :ايوة يا سوسو ما تقلقيش وحضرى نفسك بقى عشان تانى يوم العمليه هنكتب الكتاب ونعلى الجواب
سالى بدلع:انت شايف كده يا سى مجدي
مجدي :ايوة يا عيون سى مجدي
كوثر :مش يلا بقى ولا إيه
محمد:هو فى إيه يا ماما شامم ريحه مش عجباني
كوثر :ابدا يا حبيبي كل الحكاية ان مجدي هيكتب على سالى عشان الواد يفضل فى حضننا
محمد :ومراته عارفه على كده
كوثر :اوعى تجيب سيرة دلوقتي بعد العملية نتكلم إحنا مش هندارى ولا حاجه واوعي مراتك تعرف هتفضح الدنيا
بقلمى /ديجا ❤️❤️❤️أميرة عند ليلى فالبيت قاعده سرحانه على غير عادتها
ليلى:مالك يا بنتي حد مزعلك ولا مش مرتاحه هنا
أميرة ;ابدا والله يا ماما حضرتك شايلانى من عالارض شيل
ليلى:امال ايه يا حبيبتي من يوم جيتى وانتي يا نايمه يا سرحانه ودى مش عوايدك طمنينى عليكي أحمد مزعلك
دخلت مروة والأولاد :الله الله عاملين اجتماع مغلق من ورانا ولا إيه
ليلى:ادعي عليكى بأيه وانتي فيكي كل العبر اللى جابكم عايزين إيه
فريده :جايين نشوف بتعملوا ايه من غيرنا
فارس:ماما كانت وعدانا هتخرجنا صح ولا إيه
فريد:يا بنى ماما شكلها زهقت عشان بقالنا كذا يوم بنخرج فكك بقى النهارده
مروة:انا ماليش دعوة يا ميرو قولتى هتغدينا بره النهارده ☹️☹️☹️
ليلى :عوض عليا يارب ده انتى ولا العيال الصغيرة
أميرة :خلاص يلا روحوا اجهزوا وانا كمان وهننزل
كلهم مع بعض :تعيش ميرو تا عيش 😂😂
ليلى :إنتى بتهربى منى يا أميرة مش عايزه تقوليلي ايه مغيرك كده
أميرة :ابدا والله يا ماما انا بس مش عايزة ازعل الولاد مش قصدي حاجه والله
ليلى:عارفه يا بنتى وأنا يا ستى هنزل معاكوا النهارده واهو بالمرة تحكيلى أيه اللي مزعلك ومتقلقيش سرك في بير
أميرة :ربنا يخليكي لينا يا ماما يلا نجهز عشان هتلاقيهم فوق دماغنا دلوقتي
لبسوا واتجهوا لمطعم وفيه كيدز اريا وبلاى ستيشن
ليلى :الولاد واتغدوا وراحوا يلعبوا مع الهايفه عمتهم انتي بقى احكيلي ده لو بتعتبرينى فى مقام مامتك الله يرحمها
أميرة :أنا بعتبرك مامتى والله ربنا يعلم كل الحكاية إنى خايفه أحمد يندم وياخد الولاد بعيد عنى وأنا لما صدقت يكون ليا عيله حلوه كده
ليلى:ليه يا بنتى بتقولي كده لتكونى لسه زعلانه من الكلمتين الخايبن اللى قالهم قدامى أحمد بيحبك ده ابني وانا عارفاه اكتر من نفسه اللمعه اللى فى عينه وهو بيبصلك ولا لما بيتكلم عنك تقول أكتر من كده هو شايف ان ده انجذاب ليكي لكن الحقيقة أنه بيحبك بيحبك ده ايه ده بيعشقك اديله وادى لنفسك فرصه تقربوا وتمموا جوازكم وشوفى كلامى صح ولا غلط
اميرة بكسوف ووشها أحمر :ما هو حصل يا ماما وده السبب اللي مخوفنى وتكون لحظه ضعف ويلوم عليا إنى ما منعتوش
ليلى:ومالك مكسوفة كده ده جوزك حلالك يا خايبه وده حصل وأنتى فالشقه صح
أميره :أيوه بس والله مكنتش عارفه انه هيرجع
ليلى بضحك:يخيبك بت ده جوزك يا هبله مش احسن ما تيجي واحدة غيرك تلهفه منك
أميرة :ما هو كده كده هو مشغول بغيرى بس أنا مش زعلانه انا مديونه ليها بسعادتى واستقرارى وده كفايه أوى الحمد لله
ليلى: انتي مش مديونه لحد يا حبيبتي كفاية حبك للولاد ولابو الولاد ده رد كفاية ولا إيه
أميرة :ربنا يقدرني واسعدهم زى ما اسعدونى
ليلى:يارب يا حبيبتي ايوة كده خلى الضحكه تنور وشك ولما يتصل كلميه عشان هيتجنن عليكى ها
أميرة :حاضر يا ماما
جاي عليهم شاب من بعيد
مراد صاحب أحمد :ازى حضرتك يا طنط عامله ايه
ليلى :ازيك أنت يا مراد مش باين ليه
مراد:لسه راجع من بره بقالي ٦شهور بأسس شركتى الجديدة ومن كام يوم عرفت بوفاه دينا البقاء لله
ليلى:ونعم بالله يا بنى
مراد لاميرة:إزيك يا مدام أميرة مظبوط
أميرة :بخير الحمد لله
ليلى :انتوا تعرفوا بعض
مراد:كنت بشوفها على طول فالنادي مع دينا والولاد
تليفونه رن وكان أحمد
مراد:ابن الحلال على ذكره يبان عن اذنكم هرد على أحمد
منال بتتكلم فالفون :ايوة يعنى هتاخد الفلوس إزاى واضمن منين أنك مش بتشتغلنى
أشرف :وهستفاد إيه لما اشتغلك ده انا كمان هديكى خبر حصرى هديه فوق الصور
منال:خبر بخصوص ايه
أشرف :كل شئ فى وقته حلو استنى منى رسالة هقولك هاخد الفلوس إزاى سلام يا حلوه
جاى عليه شاب بيعرج وفايده عكاز
أسعد :أنا عملت المطلوب منى هشوف ابنى امتى
أشرف :تعالى معايا هتشوفه حالا
❤️❤️❤️❤️
نهال لمجدي: العمليه أمتى
مجدي :يوم التلات إن شاء الله
نهال:كنت عايزه فلوس هشترى شويه دهب مستعمل من واحده معرفه
مجدي :وعايزة كام بقى
نهال :٣٠الف جنيه بس وهى كرمانى اخر كرم فى سعر الجرام
مجدي :المبلغ كبير شويه انا اصلى مزنوق اليومين دول
نهال لنفسها :(طبعا بتجهز عشان السنيورة بس ودينى وما أعبد لهد الدنيا على دماغك ودماغها) أصلها فرصه حلوه ده فى فرق يجى ١٠ تلاف جنية
مجدي لنفسه :(لازم اديكى الفلوس عشان ما دوريش ورايا اليومين دول) ماشي يا حبيبتي هجبهملك بالليل وانا راجع من المعرض عن اذنك
❤️❤️❤️
أحمد اتصل على الولاد كالعاده كل يوم ولما بيسأل على أميرة بتكون نايمه او مشغوله
الولاد كلموه وسأل على اميرة كانت فى اوضتها
فريده :مامى كلمى بابى عايزك
أميره خدت الفون وفريده راحت لليلى زى ما طلبت منها تودي الفون وتجيلى بسرعه
اميرة:ألو
أحمد :وحشتيني اوي اوي
أميرة :…….
أحمد :انتى نمتي يا اميره
اميرة :لأ ابدا معاك
أحمد :اممممم معايا طب أنا قولت ايه
أميرة بكسوف:احمممم أنت كمان
أحمد :بجد وحشتك
أميرة :ايوة
أحمد :ايوة أيه
اميرة:خلاص بقى يا أحمد
أحمد :خلاص أيه مكسوفة ده هموـ,ـت عليكي
أميرة :يعنى مش ندمان
أحمد :ده بعض أيدى من الندم والله
أميرة :……
أحمد :ما سألتيش ندمان على أيه
اميرة بدموع وصوت مخنوق :عشان قربتلى
أحمد بضحكه عاليه:بتعيطى ليه يا حوريه قلبي أنا ندمان عشان سيبت حضنك وجيت الشغل
أميرة :بجد يا احمد
أحمد :بجد يا روح أحمد إنتى غيرتى حياتى من يوم ما عرفتك هونتى عليا حزنى وكسرت قلبي لما قربتلك حسيت وكأنى مراهق وكل حاجة كأنها أول مره دينا كان عندها حق لما قالتلى انى هحبك
أميرة :الله يرحمها ويغفر لها
أحمد : يارب.. قالتلك برده إنك هتحبيه لما تعرفيه
أميرة :ايوة قالتلى
أحمد :افتحي الكاميرا
أميرة :لا طبعاً
أحمد :يا بت أنا جوزك
أميرة :لا يا عم تصبح على خير
أحمد :وحشتيني اوي بجدأميرة :تصبح على خير يا حبيبي.. سلام وقفلتأحمد بغيظ خرج بره لقى يوسف فى وشه راح ضربه بالبوكس 😂😂
يوسف بيتألم :أنا عملت ايه
أحمد :عشان لو بتعرف تشوف شغلك مكنتش جيت هنا
يوسف:قولتلى بقى خلا يا عم هانت كلها بكره
أحمد :مراد قالك هو فين
يوسف داخل علينا
مراد وصل ووقف مع يوسف الأول وبعدين دخل لأحمد عشان عايزه فى حاجه مهمه
يوسف :يلا الله يرحمك يا مراد كنت طيب والله
يا ترى مراد عايز ايه من أحمد
ومين أسعد ده
ده اللى هنعرفه الفصل الجاي
يتبع
ارملتي العذراء
الفصل التاسع عشر ……..
أحمد لأميره بعت فستان سواريه أوف وايت كله جوبير بوردات ذهبى وكم منفوش وطرحه شيفون من نفس اللون
أميرة :أحمد أنت بعت الدريس ده ليه
أحمد :عشان معزومين على فرح واحد صحبى أنتوا هتسبقوا وأنا هاجى على هناك وبعتلك ناس تساعدك تمام
أميرة :مافيش داعى أنا هجهز لوحدي
أحمد :اسمعى الكلام يا حوريتي ونقول حاضر وبس تمام
أميرة :حاضر وبس يا أحمد
أحمد :يا أحمد آمال فين يا حبيبي يا قلبي يا روحي يا حياتي
أميرة ضحكت على كلامه:امممم حاضر يا حياتي يلا بقى عشان الحق أجهز واجهز الولاد
أحمد :اهربي اهربى بس لما تبقى بين ايديا هخلص منك كل ده سلام مؤقت يا قلبي 😘😘
شويه ووصل بنتين من بيوتى سنتر عشان يساعدوا أميرة
غاده :بسم الله ماشاء الله عليكى بأقل شئ بقيتى زى القمر
أميرة :ده من ذوقك والله ياحبيبتي
داليا:مش مجامله يا مدام اميرة والله انتي زى القمر
ليلى ومروة دخلوا :بسم الله ماشاء الله عليكى يا بنتى تسلم إيدكم يا بنات
مروة:يلا بقى عشان تجهزونى أنا كمان
الكل ضحك عليها
ليلى :إيش تعمل المشطا
مروة بغيظ😡😡:كده برضو يا ماما
أميرة :ماما الولاد جهزوا
ليلى:اه يا حبيبتي جهزوا بنفسهم
وفريده فاضل شعرها مروة قالت البنات هيعملوا البسى بقى عشان شويه ويوسف هيعدي علينا على ما أحمد يخلص ويجلنا
اميرة : ماشي يا حبيبتي
ليلى راحت تكمل لبس واميرة لبست ووقفت قدام المرايه طالعه زى القمر ونزلوا ليوسف عشان يوصلهم
❤️❤️❤️أشرف طلب من منال ونهال يحطوا الفلوس فى صندوق-بريد البيت وهو هياخدهم بطريقته
وحدد ليهم يوم الخميس هيدى لكل واحده اللي يخصها
سالى جهزت لكتب الكتاب يوم الخميس وكوثر قالت يكتبوا بره وبعدين يجوا عالبيت يعلنوا الخبر عشان نهال متبوظش الجوازة
سالى جالها رساله عالفون :مبروووك يا عروسة
سالى :مين
أشرف :مش مهم واحد بيحبلك الخير متقلقيش
سالى :هتقول مين وعايز ايه ولا أعملك حظر فوراً
أشرف :ما قولتك مش عايز غير سلامتك يا سوسو
سالى لنفسها:معقول اكون مكنتش بتخيل وأشرف لسه عايش ولو عايش أكيد راجع ينتقم منى😟😟
أشرف بيضحك بصوت عالي اكيد مرعوبه دلوقتي
أسعد : بس الواد حته منى هتجنن ويبقى فحضنى يا اشرف
أشرف :خلاص يا أسعد كلها يومين وهيكون فحضنك برضاها او غصب عنها أنا غلط فالأول وادينى هصلحها
أسعد :ليه يا اشرف مرجعتليش من الأول مكنشده كله حصل
أشرف :هى قالتلى أنك طلقتها وسافرت بلدك ومش راجع تاني
كل غرضي إنى احللها مشكلتها وأطلع بمصلحه
❤️❤️❤️
يوسف وصل أميرة لمكان الفرح نزلت أميرة ويوسف طلب منها تدخل من الباب وهما هيسلموا على حد ويدخلوا وراها
أميرة دخلت لقت المكان ضلمه وفجأة الأرض بدأت تنور بحروف AMYRTYابتسمت ودخلت شويه لجوه الضوء اتسلط على أحمد فى أخر الممر وظهر من جمبها وليد اخوها حضنها وباس راسها وخدها من ايدها وصلها لأحمد
أميرة :هو ايه اللي بيحصل ده
أحمد حضنها وباس جبينها وقالها :هششش.. واشتغلت أغنيه الجرينى
جمبك علىّ طول خليني متغبش فى يوم عن عينى ده أنا لما بقول يا حبيبي قلبي بيرتاح جمبك على طول خلينى على حلم بعيد صحينى إلى آخر الرقصه الكل سقف لهم والنور نور لقت نهى مع ومامتها وباباها وأصحاب أحمد والكل بيبارك وفرحان ليهم من قلبه
مراد جاى يبارك لهم وشه مشلفط :مبروك يا صاحبي وأنا آسف
أميرة بشهقه :مين اللي عمل فيه كده
مراد:ابدآ يا مرات اخويا رحت اخطب واحده من جوزها
فلاش باك
مراد :أحمد انا طالب القرب منك فى حد تبعك
أحمد :وماله يا حبيبي مين
مراد:هيييح مزة الموزز جميله الجميلات أميرة الأميرات أميره ارمله اخو دينا حاجه كده لوز العن…. اه
أحمد نزل فيه ضرب بالبوكسات :بتعاكس مراتى بأبن… عيني عينك كده وحتى لو مش مراتي إياك تتكلم كده على حد يخصنى أنت فاهم
مراد بصدمه 😱😱:مراتك والله ما أعرف يابن الجزم… يا يوسف والله لوريك
يوسف:مش عامل فيها العاشق الولهان أشرب بقى ههههه وطلع يجرى من قدامهم
عودة من الفلاش باك
أميرة :حرام يا أحمد مكنش يعرف
أحمد :يستاهل عشان يحرم
المايك جه لأميره وطلبوا منها تغنى لأحمد وكانت مكسوفه أوى
أميرة :ممكن تخلينى فى حضنك محتاجه ان أسمع صوت قلبك.. نبضه بيحينى.. اصلا انا لما بكون متشافه بتوتر أصل أنا خوافه.. فى حضنك احمينى.. والساعه اللى بعيشها فى قربك ٦٠ دقيقه حياه
أحمد حضنها وباس خدها اتكسفت أكتر :متغنيش لحد غيرى إتفقنا
أميره بكسوف :اتفقنا
قضوا وقت جميل جداً مع الأهل والأصدقاء
أحمد :يلا بقى عشان انتى وحشتيني اوي أنا حجزت لينا جناح فى أوتيل قريب من هنا هادي أوى
أميرة :ليه والولاد
أحمد :أنا اتفقت مع ماما هتخليهم معاها متقلقيش يا حبيبتي يلا بقى
أميرة :اصلي مش معايا هدوم وكده
أحمد بيضحك بصوت عالي :أنا روحت وجهزت لينا شنطه
فالاوتيل أميرة فتحت الشنطه كلها لانجيري جرئ أوى مش عارفه تلبس ايه لبست إسدال الصلاة وخرجت أحمد :أنا كمان اأحمد :أنا كمان اتوضيت يلا عشان نصلى مع بعض
صلوا وقعدوا على سجادة الصلاة حط ايدوا على رأسها وقرأ دعاء الزواج وشالها قعدها عالسرير
أميرة بتوتر :أنت ايه اللي جايبه ده يا استاذ الجو برد جدا
أحمد ضحك :ما أنا هدفيكى يا حياتي
أميرة :عيب كده احترم نفسك
أحمد :بذمتك النهارده ينفع احترام فكى كده يا حبيبتي
فكلها طرحه الاسدال وكانت لمه شعرها بمشبك شاله وأطلق لشعرها العنان وفضلوا يتكلموا لحد لما التوتر راح شويه خلعت الاسدال وكانت لبسه قميص ستان لافندر واصل للركبة وكان يجنن عليها
أحمد :يخرب بيت جمالك يا شيخه ايه ده تعالى هنا أميرة جريت منه وفى ثانيه كان شايله وحطها عالسرير اتعامل معاها برفق كأنها قطعه زجاج خايف تتخدش وراحوا فى عالم العشاقالصبح نزلت مروة تشترى حاجات من السوبر ماركت اتقابلت مع دكتور عصام
عصام :ازيك يا آنسه مروة صحتك عامله ايه دلوقتي
مروة بخجل:الحمد لله بخير
عصام :البشمهندس أحمد اخباره أيه ممكن رقمه عشان عايز أطمن عليه
مروة :أكيد اتفضل ٠١……
عصام :شكرا ليكي انا بوضب العياده بتاعتى قريب من هنا
مروة:الف مبروك.. طب عن اذنك عشان اتاخرت عالبيت
عصام :اتفضلي
❤️❤️
أحمد صحى قبل أميرة وهى فحضنه زى طفله صغيره فضل يتأمل فيها بحب عملتى فيا ايه بس
شويه وبدأت تصحى لقت أحمد بيبصلها
أميرة :صباح الخير يا حبيبي
أحمد :صباح الهنا عليكي يا روح قلبي
أميرة :ممكن اقوم
أحمد :لأ مش ممكن هتفضلى كده النهارده عجبك ولا لأ
اميرة:عجبنى طبعاً
شويه وجت رسالة لاميرة عالفون واتضايقت منها يا ترى الرساله من مين وفيها ايه
ده اللي هنعرفه الفصل الجاي
يتبع
الفصل العشرون و الاخير تمت ……..
العمليه تمت بنجاح وعدى يومين على الجميع آدم روح البيت بالسلامة بعد العملية.. وسالى استعدت لكتب الكتاب
نهال بتحضر نفسها عشان تكشف جوازه مجدي كذلك منال مستنيه الصور عشان تعرف مين العروسة
فردوس اقترحت عليهم إنهم يكتبوا الكتاب فى كافيه فى ركن للمناسبات والفكره عجبت سالى واقنعت مجدي وكوثر احسن من مكتب المأذون
مجدي قال لنهال أنه عنده استلام شغل ويمكن يبات 🤭🤭
منال جتلها رسالة تعالى كافيه…. الساعه ٥ونص عشان تاخدي الصور والهديه
نهال جتلها رسالة تعالى كافيه… الساعه ٦ عشان تلحقي جوزك قبل كتب الكتاب
❤️❤️❤️
أحمد وأميرة فالاوتيل
أميرة :أحنا مش هنروح البيت بقى ولا إيه
أحمد :زهقتى منى ولا إيه
أميرة :لأ ابدا بس عايزة اروح مشوار بالليل ده ممكن
أحمد :هتستفادى أيه يا حبيبتي وبعدين هو لو عنده معلومات كان قالها وخلاص مش لازم حوار الكافية ده
أميرة :بس ده عارف حاجه خاصه بيا أنا نفسى مكنتش أعرفها
فلاش باك
صوت رسالة على فون أميرة
أحمد :اقفلى الفون ده لحد لما نمشي من هنا
أميرة :حاضر هشوف المسدج دى من مين واقفله.. (حضرتك اكتشفتى أكيد أنك عذراء لو عايزه تعرفى السبب وتردى حقك تعالى كافيه.. الساعه ٦)أميرة دمعت من اللى قرأته وأحمد خد الفون منها وشاف الرساله :ممكن ما تضايقيش عشان خاطري
عودة من الفلاش باك
أميرة :انت هتكون معايا عشان خاطري ده أول طلب أطلبه منك
أحمد حضنها:حاضر يا حبيبتي أوامرك
أميرة : ربنا يخليك ليا يا حبيبي
أحمد :يالهوى على حبيبي منك عايزة تتاكلى أكل تعالى بقى وشالها ودخلوا اوضه النوم (ملناش دعوة يا مهى🙈🙈)فالكافيه أشرف رتب كل حاجه وبعت لكل واحد فيهم رساله برقم الطرابيزة اللي هينتظر عليها
والكل جه فالميعاد المحدد سالى ومجدي وكوثر ومحمد وواحد صاحب مجدي وفردوس معاها آدم والمآذون وصل وطلب بطاقة كل من العريس والعروسه والشهود وبدأ فى الإجراءات لكتب الكتاب دخل أسعد 😱😱
أسعد :الجواز ده باطل يا مولانا الست دى لسه على زمتى وقدم قسيمه جواز
سالى بصدمه:أسعد.. بس انت طلقتنى وسافرت
أسعد :رديتك ورجعت لقيتك سايبه الشقه وروحتى نسبتى ابنى لراجل تاني
سالى :أخرس خالص ده مش إبنك ده إبن مصطفى
فالوقت ده كان أشرف دخل منال ونهال وأميرة وأحمد كل واحد من مكان وقال ليهم يسمعوا للآخر من غير كلام
دخل أشرف :أيوة إبن أسعدوده تحليل DNA بين الولد وأسعد ومصطفى وعرضه على شاشه عرض كبيرة عشان الكل يشوفها
أسعد هو اللى اتبرع ليه عشان نتيجة التحليل بتاعته هى اللى مطابقة فلاش باك
أشرف :ده أبو الطفل يا دكتور بس عايزك تقول ان مجدي هو اللي مطابق
الدكتور :لأطبعا أنت بتقول ايه لا يمكن أعمل كده
أسعد :طب وبعد دول 💸💸
الدكتور :بس سيرتى متجيش فالموضوع
أشرف :أطمن إحنا مش هنأذى حد كل الحكايه إننا عايزينهم يتكفلوا بالعملية مش أكتر
الدكتور :لو كده ماشى
عودة من الفلاش باك
كوثر :أنت بتكذب عشان تاخدوا حفيدى منى
أشرف :لا حاجه مش كذاب الحقيقة أن مصطفى مبيخلفش
كوثر :أخرس أنت كداب
أشرف :اسمعى بس يا حاجه للآخر أبنك كان عنده عجز ميقدرش يتجوز ومراته كانت عذراء.. كل ده تحت صدمه الكل خصوصا أميرة
فلاش باك
أشرف :جايبلك مزة إنما ايه
مصطفى :لأ يا عم ماليش فالسكه دى هى السيجاره وبس
عطا:حد مالوش فالجنس اللطيف ولا أنت لامؤاخذه ههههههه
مصطفى :أنت بتقول أيه يا جدع أنت أنا هوريك فى المزة
أشرف :حيلك حيلك المزة جوه براحه عليها
مصطفى بخيبه أمل:يا اشرف شكلى طلعت لامؤاخذه زى ما قال عطا
أشرف :يا جدع متقولش كده تلاقي بس عشان انت خدت الموضوع جد شويه
مصطفى حاول أكتر من مره مع كذا واحده وبرضه فشل فالاخر راح للدكتور وقاله أن عنده فعلا عجز وأنه ميقدرش يتجوز فالوقت الحالى ولازم يلتزم بالعلاج ويبطل المخدرات والسجاير
مصطفى :أمى ضاغطه عليا فى موضوع الجواز ومش عارف اقولها إيه
أشرف :محلوله يا صاحبي أنت تتجوز واحدة تكون بنت حلال وأصول متربيه أوى يعني وهتحطلها منوم على خفيف كده فالعصير قبل كل علاقه على ما تخلص علاج ولا من شاف ولا من درى ها أيه رأيك
مصطفى :تمام التمام يا صاحبي
وبعد مرور عده شهور
مصطفى :العلاج مش جايب نتيجة أعمل إيه يا أشرف
أشرف :خليك على وضعك يا برنس وهشوفلك دكتور تاني
مصطفى :أهلى عايزنى أروح للدكتور عشان الخلفه أعمل إيه
أشرف :هاخدك لواحد ممرض هيعمل دكتور ويكتبلك على تحاليل ويطلع العيب منها بس كده خلصت
عودة من الفلاش باك
أميرة سامعه ومنهاره وأحمد بيهديها وفجأة اغمى عليها مستحملتش تسمع أكتر شالها وجرى بيها على أقرب مستشفي
أشرف كمل :قربى يا مدام نهال قربي يا مدام منال وفيت بوعدى اهو يا مدام منال الهديه بقى ان الورث هيبقي لولادك ولاولاد نهال بس يعنى مفيش وريث تالت
كوثر :كلكم كذابين كلكم كذابين ووقعت من طولها هى كمان محمد ومجدي جريوا عليها وخذوها لأقرب مستشفي وهناك تتقابلوا مع أحمد
فالمستشفى الدكتور خرج وأحمد جرى عليه :طمنى يا دكتور اميرة عامله ايه
الدكتور :أطمن يا أستاذ المدام بخير الحمد لله هى عندها صدمه عصبية واضح أنها سمعت خبر سئ لازم ما تتعرضش الفترة الجاية لأى ضغط نفسي عشان الحمل
أحمد :حمل هى أميرة حامل
الدكتور :ايوة فى اسبوعين
أحمد :اقدر أدخلها
الدكتور :هى واخده مهدئ دلوقتي ونايمه شوية وتفوق عن اذنك
محمد ومجدي كانوا واقفين سامعين راحوا عشان يباركوله
محمد :ألف مبروك يا احمد يتربى بعزكم
مجدي :ألف مبروك أنت وأميرة تستاهلوا كل خير
أحمد :الله يبارك فيكم جميعا الحمد لله على كل حال
فالوقت ده جت منال ونهال عشان يطمنوا على كوثر
محمد :اللى جابك يا منال جايه تطمنى إنها ماتت عشان تورثى
منال :سامحني يا محمد الطمع كان عامى عيني وكنت خايفه على مستقبل عيالى
محمد :مستقبل عيالك ولا طمعك إنك تكوشى على كل حاجه كنتي عايزة تعرفي مجدي هي مين عشان تخربي بيته وتقوليلى مستقبل عيالي
منال :لأ والله ما كنت هعمل كده أنا بس يمكن كنت هضايق نهال ولا حاجه بس مكنش في نيتى خراب بيوت
محمد :اطمن على أمى بس وبعدين نتكلم
نهال:بقى كنت عايز تتجوز عليا يا مجدي ناقصنى إيه عنها قولى
مجدي :أنا اللي ناقصني اهتمام وانى بنى آدم مش مجرد ماكنه فلوس تحققلك أحلامك أحس إني زوج ليه زوجه بتحبه انتي كل حياتك إزاى تبقي احسن من منال واميرة وفلانه جابت وفلانه اشترت وعايزة دهب وعايزة وعايزة…. لكن انا عايز أيه محتاج ايه طظ يولع مجدي صح
نهال:لأ مش صح أنا عملت كده عشان تتباهى بيا والفت نظر اللي حواليا زى ما كان مصطفى بيعمل مع اميره مع إنها بالنسبة للكل أرض بور مش ممكن تخلف كنت بشوف فعنيك الانبهار بكل حاجه بتعملها ولو صغيره أنت وصلتنى لكده
مجدي :أنا اللي وصلتك لكده فعلاً لما طاوعت أفعالك اللي مكنتش بتعجب حد واميره كنت منبهر بيها عشان زوجه بجد مع ان مصطفى الله يرحمه كان بيعاملها أسوء معاملة
أحمد واقف متابع كل كلامهم قلبه واجعه على أميرة وقال لنفسه:ربنا كبير أوى حب يعوضك بالبيت والولاد وحياه مستقرة
الدكتور اللي كشف على كوثر خرج وقال إن كوثر جاتلها جلطه أثرت على رجليها
❤️❤️❤️❤️
الكل واقف مصدوم من الخبر
محمد :طيب يا دكتور إحنا مستعدين لأى علاج مهما كلف
الدكتور :الطب اتطور كتير وان شاء الله تستجيب للعلاج أهم حاجة العامل النفسى للمريض
مجدي :هنخلى بالنا منها كويس وان شاء الله خير
أشرف جه ومعاه فردوس
مجدي مسك فيه :أنت أيه اللى جابك هنا يا حيوان بعد اللي عملته
محمد :سيبه يا مجدي الراجل رجع الحقوق لأصحابها بس طريقته اللي كانت صعبة
نهال :لا هو زعلان على الجوازه اللى باظت
محمد :ولا انتي ولا هي تتكلموا بعد اللي عملتوه
أشرف :الفلوس دي مش حقى أنا قررت أتوب وأرجع شغلى وهتجوز فردوس اعمل بيت وعيله اتفضلوا.. اتفضل يا أستاذ مجدي دول ٣٥ ألف من ٥٠ ألف اللي خدتهم منك سالى عشان ما فضحش كذبتها والآخر أجرت صحبى عشان ينى والحمد لله انه حظرني عن اذنكم أتمنى أنكم تسامحونى
أحمد دخل لأميره بعد ما فاقت
أحمد :كده تخضينى عليكي ده أنا عريس والخضه مش حلوه للى زى
أميرة ابتسمت :حقك عليا بس مقدرتش استحمل اسمع كل الظلم ده ليه الدنيا وحشه كده ودموعها نزلت
أحمد :من النهارده مش عايز دموع أعصابك تستحمل خبر تاني ولا كفاية كده
أميرة :لأ تستحمل اقول
أحمد حط إيده على بطنها :هنا فيه نونو بقاله حوالى اسبوعين
أميرة بفرحه وصدمه :نونو أيه وازاى يعنى أنا أنا حاااااامل
أحمد :إزاى أيه أنا مش مالى عينك وغمز بعينه😉😉 الليله أياها والمطبخ الغرقان فاكره
أميرة ضحكت :خلاص افتكرت تمـ,ـوت فى قله الادب مع ان اللي يشوفك أول مره ميقولش كده ابدآ
أحمد :يقول إيه يعنى
أميرة :مهندس محترم ووقور كده
أحمد ضحك بصوت عالي :مال الهندسة والوقار باللى بنتكلم فيه وقرب عليها يبوس*ا الفون رن
أميرة : رد ليكون الولاد او حاجه مهمه
أحمد :لأ مش هرد اهو فصل ولسه بيقرب تانى الفون رن يووووه الو وعليكم السلام ورحمة الله.. تمام الحمدلله
اتفضل….. والله هاخد رآيها وارد عليك حاضر… أكيد مش هلاقي أحسن منك ليها بس الرآى الأول والأخير ليها…. وعليكم السلام
أميرة :فى اية يا حبيبي
أحمد :ده دكتور عصام جارنا عايز يتقدم لمروة الحقيقة الراجل محترم هو وأهله
أميرة :أن شاء الله لو فيه خير ليها ربنا يقربه
أحمد :أن شاء الله كنا بنقول ايه بقى
الباب خبط وكانت الممرضه
الممرضه :آسفه على الازعاج بس حبيت اطمن على المحاليل خلصت ولا لأ
أحمد حكى اللي حصل لأميره وحبت تطمن على كوثر قبل ما تمشي
كوثر :ربنا خدلك حقك مني أنا افتريت عليكي يا بنتى كتير بسبب ابنى الله يرحمه بقى سامحيني يا اميره
أميرة بدموع:أنا عمري ما زعلت من حضرتك واللي حصل ده كله مكتوب وكان لازم اعيشه والحمد لله ربنا عوضني خير
كوثر :الحمد لله يا بنتي ربنا يراضيكى ويخلف عليكى
أميرة :تسلمي يا ماما وان شاء الله هاجى تاني أطمن عليكي
كوثر :بجد هتيجى تاني تزوريني
أميرة :ايوة طبعا عن اذن حضرتك
منال ونهال طلبوا هما كمان انها تسامحهم وباركولها على الحمل وطلبت منهم ميبلغوش كوثر دلوقتي
أحمد :ليه مقولتيش للحاجه كوثر انك حامل
أميرة :يمكن تضايق وافكرها باللى عمله إبنها المرة الجاية ان شاء الله هبلغها
فى طريقهم للبيت أميرة طلبت تزور قبر دينا
أميرة :أنا بشكرك أوى يا دينا على الحياه الحلوة اللي هديتنى بيها أنا جايه اقولك انى حامل واوعدك لو جت بنت هسميها دينا أنا بحبك اوي وحشتيني أنا من غيرك وحيدة بعد ما بقى ليا اخت
أن شاء الله نتقابل على خير
وبعد مرور ٩ شهوور. النهارده فرح عصام ومروة وكوثر بدأت تتحسن بس لسه بتمشي بكرسي متحرك محمد ومجدي كل واحد قرر يدى فرصه لحياته مع مراته واتغيروا للأحسن وليلى مش مخليه أميرة تتعب فى حاجه كأنها بنتها
فريده بتكلم بطن اميرة:أوعى تفكرى تاخذى ماما منى ده لينا أحنا الاتنين ماشي يا دودو
أميرة بضحك :حبيبتي يا ديدا عمر ما حد ياخدنى منك ابدا هتكونوا آحلى وأحن اختين صح
فريده :صح يا مامي
أحمد :الله عليكوا سايبنى مستني تحت وقاعدين تحضنوا فى بعض هنا بس ايه الحلاوه دي كانت أميرة لابسه فستان بيبي بلو من التل مع حجاب أوف وايت وفريده لابسة نفس الدريس بنفس اللون
أميرة :أكيد حلوين طبعاً دى اقل حاجه عندنا
أحمد :تبا لتواضعكم يلا بينا لو عايزين تلحقوا الزفه
أميرة :يلا دى مروة هتنى
الكل حضر الفرح وكان مبسوط وكان يوم حلو أوى
يوسف ومراد كمان خطبوا وقريب هيتجوزا
الساعه ٣الفجر أميرة بتعب الحقنى يا أحمد بولد مش قادره
أحمد :نامى يا حبيبتي بقالك اسبوع بتولدى يطلع النهار تنامي
أميرة بوجع صرخت :الحقنى بجد مش قادره
قام جرى لبسها اسدالها وهو بهدوم النوم شالها ونزل يجرى بيها عالمستشفى
أميرة بعياط:منك لله أنت السبب أنا عايزه ماما كلمها وعضت إيده
أحمد :اااه يا بنت الايه يا عضاضه وبعدين ايه أنت السبب دى مش كله بمزاجك هااا
أميرة :منك لله بسرعه بمـ,ـوت
وصلت المستشفى وخدوها جوه العمليات وهو رايح جاي قدام الباب وشويه سمع صرخه البنت والممرضه لبستها وجابتها ليه
أحمد :أميرة فين هى كويسه
الممرضه :الأم بخير متقلقش شويه وهتخرج مش عايز تشوف بنتك
أحمد شالها وكبر فى ودنها فتحت عنيها وبصتله :إنتى شبه ماما أوى وعينك رمادي زيها.. بس ماما احلى طبعا.. بكت.. ضمها لحضنه لأ خلاص انتي كمان حلوة ليلى جت لما كلمها
ليلى :حمدالله على سلامتهم هى أميرة فين
أحمد :هيخرجوها حالا
خرجت أميرة واطمنوا عليها وعملوا أحلى سبوع
وكل اسبوع بتتجمع بالاولاد عند كوثر مع منال ونهال
أحمد وخدها في حضنه وواقفين قدام قبر دينا :شكرا يا دينا على الهديه الحلوة دى أحلى حاجة حصلتلى فالدنيا أميرة علمت الولاد الصلاة والصوم النهارده فى الفجر كان فارس الإمام بيهم مش قادر اوصفلك فرحتى بيهم
أميرة :أنا اللى المفروض اشكرك مش هو شفتى دينا الصغيره حلوه إزاى ماما كوثر وماما ليلى بيتخانقوا عليها مامتك بتحبك أوى يا دينا بس هى مكنت عارفة تعبرلك يمكن كانت فاكره الصبيان عزوة وكده لكن هى افتقدتك أوى سامحيها على تقصيرها معاكى
أحمد :احنا هنمشى وهنيجى تاني مع الولاد أن شاء الله
تمت الحمد لله بقلم ديجا..
