اقدار الحب ريحانة الجنة

(((الحلقة الاولي)))

الحب واقدار الحب والم الحب . الحب زي ماهو اجمل احساس ممكن نحس بيه ونعيشوا . كمان ممكن يكون اكبر ألم ووجع وجرح ممكن نحس بيه خصوصا لما نكون بنحب اوي ومن قلبنا . وده اللي حصل لابطال قصتنا وهما تسنيم وأكمل وخصوصا تسنيم . تسنيم هي بنت جميلة جمال مش عادي بشرتها البيضاء الجميلة وشعرها الاسود الناعم وطويل وعنيها الزرقاء الصافية اللي لون البحر والسما . تسنيم هي بنت شوكت التهامي وامها نسرين وليها اخت وحيدة اسمها مايا . شوكت ابو تسنيم هو رجل اعمال وصاحب شركة مقاولات ضخمة وكبيرة وكمان قري سياحية . ولما تسنيم كانت عنها 6 سنين كانت امها حامل في مايا اختها وبسبب تحكمات شوكت وخوفه عليها من اللبس المكشوف والخروج والسهر . نسرين مكنش قادرة تستحمل ولا شوكت كمان واتطلقوا وسافرت لبنان واشتغلت هناك وولدت مايا وربتها وعاشت معاها هناك وتسنيم عايشة مع باباها . واكمل هو ابن عم تسنيم سليم . واكمل وهو عنده10 سنين امه وابه ماتوا في حادثة وهو كان معاهم بس هو نجي ومامتش . ومن يومها شوكت اخد أكمل يعيش معاه هو وتسنيم وكانوا الاتنين فارحنين جدا انهم حيعيشوا مع بعض . واكمل كان اكبر من تسنيم بثلاث سنين . يعني وقتها كان عندها 7 سنين . ومن يومها . وشوكت بيقولهم انتوا اخوات وانت يا أكمل لازم تخلي بالك من اختك وتحافظ عليها ومتخليش حد يضايقها ونقل اكمل مع تسنيم في نفس المدرسة . ومن وقتها وهما الاتنين مبيبعدوش عن بعض وطول الوقت مع بعض . هما ليهم اصحاب كتير
بس مبيرتحوش غير وهما مع بعض ومحدش بيفهمهم غير بعض . واكمل شاب جميل ووسيم جدااا ببشرة قمحي وعيون سوداء وشعر اسود وجسم رياضي . وطبعا مفيش بنت الا وبتتجنز عليه . وعدت السنين وهما الاتين بيكبروا . وتسنيم دخلت كلية الهندسة مخصوص علشان اكمل فيها وتكون قريبة منه . تسنيم بتحب أكمل حب مش عادي مفيش واحدة ممكن تحب واحد زي ماهي بتحبه وبتتعذب بحبه كل يوم لانه هو وابوها شايفين انهم اخوات مش اكتر وشوكت عمل كدة علشان كان خايف انهم يتعلقوا ببعض وهما عايشين في بيت واحد وخاف تحصل حاجة من وراه وكمان هو كان عايز اكمل ابن اخوه وبيدير شركاته وهو تسنيم بعد ما اتخرجوا الاتنين . وبس مش اكتر . ونبتدي بقي اول مشهد …
(في فيلا شوكت وفي المطبخ )
تسنيم :صاحية وداخلة مستعجلة . صباح الخير يا دادا صباح . كدة تسيبني نايمة . كل ده الساعة 9 واتاخرت انا واكمل علي الشركة .
صباح :اعمل ايه بس يا حبيبتي ما انتي سهرانا طول الليل بتشتغلي ونايمة وش الفجر . وياريت بتشتغلي ليكي الا للجبلة اللي ملبيحسش.
تسنيم : بتحضر القهوة لاكمل . دادا وبعدين . مش وقتك . وبعدين افرضي اكمل صحي دلوقتي ملقاش القهوة ينفع كدة .
صباح :والله انا ماعرفة انتي حتفوقي لنفسك امتي . انتي اللي في سنك اتجوزه وخلفوا ده انتي بقيتي 27 سنة والعمر بيجري وانتي قاعدة جانبه تدلعيه وتشوفي طلباته وهو البعيد مابحسش وسايبك كدة تتلوعي وهو كل يوم والتاتي مع واحدة وانتي متعلقة في الحبال الدايبة .
تسنيم :اتنهدت . خلاص يا داد لو سمحتي . انتي كل يوم تقوليلي الكلام ده . انتي عارفة انا لايمكن اكون لحد غير اكمل . حتي لو هو مش حاسس بيه مش مهم . المهم انه قصاد عيني واطمن عليه واشوفه مبسوط مش مهم اي حاجة تانية .
صباح :بنفاذ صبر . صبرني يارب . انا حاخد حباية الضغط .
تسنيم :ههههههه . طيب اسكتي بقي احسن اكمل نازل وروحي افتحي الباب ولا مش سامعة الجرس.
اكمل :صباح الخير يا سمسمة.
تسنيم :صباح الخيىر يا استاذ كيموا . ناموسيتك كحلي .
أكمل :وهو بيعض علي شيفيفه . هي كحلي بعقل دي كانت بنت اللذين فظيعة طول الليل سهر ورقص لما هدت حيلي .
تسنيم كانت بترسم ابتسامة علي شافيفها وهو من جواها بتتوجع وقلبها نار من كلام اكمل .
تسنيم : احممم . واضح انك كنت مبسوط . اتفضل بقي اشرب القهوة بتاعتك بسرعة علشان تطلع تاخد حمام وتلبس علشان تنزل تفطر . احنا انأخرنا النهاردة وبابا حسود يومنا احنا الاتنين .
اكمل :حاضر يا جميل . حشرب اهوا . بس ايه ده فين الاتشيز كيك انت نسيتي ولا ايه .
تسنيم :ههههههه وانا اقدر. اتفضل اهي . نفسي اعرف ايه الذاج ده قهوة وتشيز كيك مع بعض .
اكمل :ههههههه اعمل ايه اتعودت بقي ما انتي فاكرة أول يوم جيت هنا بعد حادثة بابا وماما وانتي كنتي صاحية علشان تروحي المدرسة ولما لقتيني بعيط روحتي جبتيلي التتشيز كيك . وطبطبتي عليا علشان ابطل عياط . ومن يومها مقدرش اعدي يوم من غير ما اكلها ااصبح . يعني انتي السبب في المذاج ده يا سمسمتي .
تسنيم : ههههه ماشي الزقها فيا بقي.
صباح : اتفضلي الورد يا تستنيم
أكمل : مش ممكن . بردوا الورد والشيكولاته بتاعة كل يوم . نفسي اعرف مين العاشق المجهول ده . ده انتي من وانتي في أولي ثانوي وكل يوم لازم يجيلك الورد والشيكولاتة دي كل يوم الصبح . ده شكله مجنون وعايز يتعالج
صباح :بخنقة . وليه متقولش بيفهم وبيحس . بدل ماهو في ناس جبلات لا بتفهم ولا بتحس . اوففففف
اكمل :عندك حق والله يا دادا . في ناس مبتحسش . بس يا سمسمة ده شكله بيحبك اوي وكمان واضح انه حد قريب منك بدليل انه عارف الورد اللي بتحبيه وكمان نوع الشيكولاتة اللي بتحبيها . فكري كدة يمكن حد من ايام الجامعة . او حد من النادي .
تسنيم :مش عايزة افكر . علشان ميفرقش معايا . انت عارف انا مبفكرش لا في حب ولا جواز .
أكمل :امممم . احسن بردوا علشان تفضلي قاعدة معايا كدة ومونساني .
تسنيم :ههههه طيب اتفضل اطلع البس بسرعة .
اكمل :طيب بقولك . هي البدلة الكحلي بتاعتي جات من الدراي كلين .
تسنيم :ايوة وكمان فوق في الدولاب متقلقش .
اكمل :حبيبتي . طيب بقول ايه البس انهي قميص الابيض ولا الكفايه ولا اللبني .
تسنيم :نفسي يوم تلبس من غير ما تتعبني معاك ماتختار انت.
أكمل :مقدرش خلاص اتعودت انتي اللي تخطاريلي كل حاجة بثق في زوقك .
تسنيم :امممم . طيب بص انت تلبس البنطلون الكفايه والقميص الكفايه والجاكت الكحلي . بس طبعا من غير كارفات. اوك
أكمل :باس ايديها . حبيبة قلبي هو ده شوفتي بقي انا ليه لازم اسالك . علشان زوقك العسل ده .
تسنيم :بتجز علي سنانها . يارب نخلص حنتاخر علي بابا . انت ناسي في اجتماع كمان 3 ساعات .
أكمل :خبط علي دماغوا . اوبس المشروع لسة مخلصتوش وكمان لازم ننقاشه النهاردة في الاجتماع. ده عمي حيعلقني .
تسنيم :ههههه متخافش وراك رجالة المشروع خلص ونزلتهولك علي سي دي . وكمان دونتلك الملاحظات اللي ممكن تتناقش فيها .
أكمل :حضنها . حبيتية اخوكي يا سمسم . مش عارف من غيرك كنت حعمل ايه . انا بجد مش عارف لما تتجوزي وانا اتجوز حعمل ايه اه لو مكنتيش اختي كنت اتجوزتك علي طول .
تسنيم :متخافش انا قاعدة علي قلبك مش حتجوز . روح بقي البس بسرعة .
أكمل :هوا يا قطتيطي. مش حتاخر . طلع اكمل يلبس. وتسنيم سرحانه في حضن أكمل . اه يا اكمل لو كان الحضن ده من أكمل حبيي مش أكمل اخويا . ودمعت .
صباح :ما هو ده اللي بتقوله . ومش عاجبين . انتي تتوجعي وهو ولا هو هنا مصمم . اختي اختي . كاتوا خوت. المهم يلا علشان تفطري .
تسنيم :مليش نفس انا لازم اطلع البس بسرعة علشان منتأخرش . المهم . اول ما اكمل ينزل خاليه يفطر اوعي مايفطرش .
صباح :لا حول ولا قوة الا بالله . يعني تسهري طول الليل تشتغلي بداله وهو بيتسرمح مع البنات وتصحي علي مالا وشكك تحضريلوه القهوة والفطار وكمان اللبس اللي حيلبسه وحتي محطيش لقمة في بوقك . يرضي مين ده بس ياربي .
أكمل :بصوت عالي . سمسمة ممكن تيجي تختاري الشوز اللي حلبسها .
صباح :يارب الصبر من عندك حتي الجزمة مش قادر يستغني عنك فيها . كل ده ومش حاسس طيب حيحس امتي بس .
تسنيم : خلاص بقي . انا طالعة اختارلوا الشوز والبس بسرعة . متنسيش تفطريه فاهمة انا حضرتله كل حاجة اهوا .
وطلعت تسنيم واختارت لأكمل الشوز ولبس وكانت طول الوقت بتبصله ومعجبة بواسمته وشياكته اللي هي السبب فيها . ولبست هي كمان وراحوا الشركة . بس كل واحد في عربيته .

((((اقدار الحب ))))بقلم ريحانة الجنة

(((الحلقة الثانية ))))

(في شركة شوكت التهامي . وفي غرفة الاجتماعات . )

شوكت قاعد علي رأس الاجتماع وباقي المديرين . واكمل كالعادة قاعد جنب تسنيم .
شوكت :جهزت المشروع يا بشمهندس أكمل.
أكمل :ايوة يا فندم جاهز .
تسنيم :بتوشوش أكمل. حفظت الملاحظات.
أكمل :ايوة يا حبيي تسلميلي .
شوكت :طيب شغل السي دي واشرحلنا المشروع يا أكمل

أكمل قام وشغل السي دي وابتدي يشرح المشروع ويتناقش معاهم ويرد علي الاسئلة بتاعتهم وكل ما حد يسئله سؤال. يبتسم ويغمز لتسنيم .
اما تسنيم كانت طول الوقت مبتسمة ومعجبة بأكمل وطريقته في الكلام وبكل تفصيلة فيه وبعد الاجتماع . خرجوا كلهم . وتسنيم لسة قاعدة بتتكلم مع شوكت .
شوكت: امممم. ممكن اعرف اتاخرتوا ليه النهاردة انتوا الاتنين . مش علشان انتوا ولادي يبقي تيجوا بمزاكوا لا انتي عارفة انا مبيعجبنيش الكلام ده.
تسنيم :احممم . معلش يا بابا انت عارف اكمل طول الليل بيجهز المشروع ومنمش غير الفجر وانا بقي كنت قاعدةمعاه علشان لو عاوز حاجة معلش .
شوكت : اممم هورجع امتي امبارح انا لحد ما نمت . مكنش جه .
تسنيم :هو بقي جه بعد ما حضرتك نمت علي طول .
شوكت : تمام بس متتقررش تاني سامعة المرة الجاية فيها خصمليكم انتوا الاتنين .. اتفضلي روحي اندهيلي اخوكي علشان عايز اسمعه كلمتين هو كمان .
تسنيم :خلاص بقي يا بابا علشان خاطري . متضايقوش .
شوكت :ههههههه ماشي يا ستي خايفة عليه . عموما ربنا يخليكوا لبعض ويديني العمر لحد ماشوفكم كل واحد متجوز ومرتاح . انا نفسي اكمل يتجوز بقي . وانتي كمان انا تعبت منك كل ما يجيلك عريس بترفضي وكدة مش حينفع. قوليلي يا بنتي في حد في حياتك . لو في قوليلي بس هو مين وانا اجوزهولك والله بس قولي .
تسنيم : اممم . مفيش يا بابا صدقني . عموما اول ما ألاقي الراجل المناسب حاجي اقولك علي طول .
شوكت : انتهد من زهقه من تسنيم ودماغها الناشفة . طيب روحي اندهيلي اخوكي .
تسنيم :حاضر يا بابا . بس اوعي تنسي متزعلهوش . احسن والله ازعل منك .

في مكتب أكمل. تسنيم فتحت ودخلت ولقت مهندسة زميلتهم اسمها رغدة قاعدة علي المكتب قصاد أكمل وهو محاوطها بيإيده وتقريبا في وضع محرج .
تسنيم :في لحظة كانت عنيها دمعت وصوتها مش طالع .
أكمل : قام وبعد عن رغدة . سمسمة تعالي . في حاجة
تسنيم : وهي بتحاول تتماسك ودموعها متنزلش . احممم بابا عايزك في مكتبه . وخرجت بسرعة علي مكتبها . وهي ماشية شروق صاحبتها واللي تسنيم عابنتها معاهم في الشركة شافتها وهي مندفعة ناحية مكتبها وبتعيط . راحت وراها .

في مكتب أكمل .
رغدة :ايه يا أكمل مالك .
أكمل : وهو شكله متضايق . ابدا مفيش .
رغدة : تعرف اللي ميعرفش انكم اخوات يفتكرها بتحبك وزعلت لما شافتنا مع بعض
أكمل :طيب ما هي فعلا بتحبني . مش اخوها وبتغير عليا عادي . بقولك ايه روحي شوفي شغلك ونبقي نكمل كلامنا بعدين .
رغدة :حشوفك بالليل في الديسكو.
أكمل :مش عارف ربنا يسهل . يلا انا لازم اروح اشوف عمي عايز ايه .

في مكتب شوكت

شوكت : يا بني ريح قلبي وقولي اختك بتحب حد في حد في حايتها . انا عايز اطمن عليها
أكمل :والله يا عمي ما أعرف حاجة هي كل ما أسالها تقولي مبفكرش في الجواز .
شوكت :بس انا قلقان عليها ليه مش عايزة تتجوز انا قلبي مش مطمن .
أكمل :لا متقلقش انا حاحاول اتكلم معاها تاني ولو عرفت اي حاجة حقولك .
شوكت :ياربي نفسي اطمن عليها هي وأختها تعبت .
أكمل : متخفش ان شاء الله تطمن عليهم
شوكت : أكمل انا مش حوصيك عليهم لو جرالي حاجة تحطهم في عينك انا عارف انك مش محتاج اوصيك علي تسنيم لانها اختك ومتربي معاها وعارف انت بتحبها ازاي. لكن مايا كمان خلي بالك منها . دي مجنونة غير تسنيم خالص .
أكمل : متخفش يا عمي الاتنين في عنيا . عن اذنك بقي لما اروح اشوف تسنيم شكلها تعبان ومنامتش كويس امبارح .
شوكت :روح يا ابني . ومتنساش لو عرفت حاجة تقولي فاهم .
أكمل :حاضر . عن اذنك .

في مكنب تسنيم
شروق : علشان كدة انا تعبت معاكي . من كتر ما بقولك انسيه انسيه بقي وعيش حياتك . هو عايشها بالطول والعرض ومش فارق معاه . وجبلة علي رأي دادا صباح .
تسنيم :بتعيط بحرقة . انا بس نفسي اعرف هو ليه عمره ماشفني ليه تملي مش واخد باله مني . ليه بيشوف اي واحدة حتي لو كانت وحشة الا انا . ليه ليه انا تعبانة نفسي يحس بيا نفسي .
شروق :ولا عمره حيحس ده بني ادم تنح ولا بيفهم . انتي اللي لازم تنسي بقي كفايه ..
تسنيم :متقوليش عليه كدة . اكمل ده احسن واحد في الدنيا . هو مش ذنبه اني بحبه الذنب ذنبي انا . بس انا مش قادرة اشيله من قلبي مش قادرة . وعيطت زيادة في حضن شروق.

في الوقت ده الباب اتفتح ودخل أكمل . وشاف تسنيم بتعيط في حضن شروق . خاف عليها ودخل بلهفة .

أكمل :سمسمة مالك يا حبيبتي . بتعيطي ليه مين زعلك .
شروق : وهي مخنوقة من أكمل . معلش اصل في ناس تنحة وفهمها بطئ . هي بس تعبانة . طول الليل صاحية ومانمتش .
أكمل : حبيبتي تحبي اروحك .
تسنيم :بتحاول تبطل عياط. لا انا لسة ورايا شغل .
شروق :عن اذنكم انا حروح مكتبي . وخرجت واكمل قفل الباب وراح لتسنيم .
أكمل :مسك وشها بإيده وبحنية . مالك يا سمسمة ايه اللي مزعلك . قوليلي انا اخوكي حبيبك .
تسنيم :بيصله ونفسها تقولوا لا انت حبيبي وبس مش اخويا بس مش قادرة . وبتعيط وتبص في عنيه وساكته
أكمل :لا كفاية انا مقدرش اشوف دموعك اكتر من كدة . قوليلي مالك بقي علشان خاطري .
تسنيم :مفيش بس تعبانة وعايزة. انام. مانمتش كويس امبارح . ماانت عارف .
أكمل :بس كدة ولا في حاجة تاني .
تسنيم : لا مفيش .
اكمل :حضنها . طيب ايه رايك . انا حخدك ونروح نتغدا برا سوا ونروح مع بعض .
تسنيم : مفيش داعي تعطل نفسك . انا حروح لوحدي .
أكمل : رفع راسها بإيده . تؤتؤ انا اللي حروحك وحوصلك بعربيتي كمان انتي مش حتسوقي . يالا هاتي شنطتك .
تسنيم :كانت من جواها نفسها الحنية دي تكون من أكمل علشان هي حبيبته مش اخته زي ماهو بيتعامل معاها .
واخدها أكمل وركبوا العربية علشان يروخوا يتغدوا .
أكمل :قطتيتي بقي تحب تسمع حاجة ولا مصدعة .
تسنيم :لا عادي شغل اي حاجة .
أكمل :طيب اشغلك حاجة معينة ولا علي مذاجي
تسنيم :ابتسمت . لا طبعا علي مذاجك . انا عارفة زوقك في الاغاني جميل .
أكمل :ههههههه حاضر يا جميل حسمعك علي مذاجي .

وشغل أكمل أغنيه لعمرو دياب عجبت تسنيم جدا . واتمنت انه لو كان يقصدها هي مش مشغلها صدفة وكانت (اصلها بتفرق )( قدري اختارني أكون ليها وانا سلمت وقلبي أختار . شوفت الجنة في عنيها . ازاي اسيبها وأعيش في النار . اصلها بتفرق في حياتك واحدة من اول ماتعيش وياها تلقاها معاك ملهاش بديل . اصلها بتفرق وانا عاشق واحدة وبحب ودايب في هواها وعيونها في ليل الغربة دليل . حبها في قلبي ودي اجمل واحدة ملقتش جمالها في ولا واحدة والله مالهاش بديل . اصلها بتفرق في الشوق والوحدة . في حياتي وهي هنا معايا . الدنيا بحالها مبتسعنيش . اصلها بتفرق وانا روحي في واحدة . وبفكر ليل ونهار فيها والشوق بيزيد مابينتهيش . حبها في قلبي ودي اجمل واحدة ملقتش جمالها في ولا واحدة والله مالهاش بديل . )
أكمل :هاه عجبتك .
تسنيم :وهي مبسوطة علشان من جواها كانت عايزاها لنفسها . اه جميلة تجنن . هو اصلا كل أغانيه حلوة وانا بحبه اوووويييي
أكمل :هو مين ده . اتلمي انا بغير . والله احلف ما تسمعيه تاني .
تسنيم :هههههه ليه بقي ده مغني . عادي اومال لما اتجوز بقي . حتعمل ايه .
أكمل :اتنهد . والله ما عارف انا ازاي حديكي لواحد يخدك مني وهو اللي يخرجك ويدلعك ويهزر معاكي . انا مش عارف انا ممكن اطلقك منه تاني يوم اصلا .
تسنيم : ليه حرام عليك . تطلقني وانا عروسة .
اكمل : وقف العربية . وبجدية . تسنيم انتي في حد في حيتاتك بتحبي يعنب قوليلي وانا اساعدك .
تسنيم :من جواها . اه بحب بحبك انت وياريت تفهم وتحس بيا بقي .
أكمل :تسنيم ردي عليا انا عايز اطمن عليكي في حد .
تسنيم : اه في .
أكمل :وشه اتغير وبان عليه الضيق . وليه مقلتليش . وهو مين وعرفتيه فين وازاي . قولي بسرعة .
تسنيم: استغربت من رد فعل أكمل . ايه يا بني انت صدقت انا بهزر مفيش حاجة .
أكمل :ملامحه لانت وهديت. بجد يعني بتهزري .
تسنيم :هههههههه اه والله بهزر مفيش . هو انا لو فيه حاجة مش انت حتكون اول واحد يعرف . بس انت بتسال بإلحال غريب غير كل مرة .
أكمل :ايه اه لا بس اصل . عمي كان قلقان عليكي وطلب مني اسالك علشان عارف انك مبتخبيش عليا حاجة .
تسنيم :اممممم . بتستجوبني يعني . ماشي عموما ادعيلي ربنا يبعتلي واحد كويس يحبني واحبه
أكمل : متهيألي مش حتلاقي انتي اصلك كتير علي اي حد ومفيش واحد يستاهلك .
تسنيم :ابتسمت وكانت فرحانة ونفسها أكمل يكلمها كدة علي طول من غير ما يقول اختي .

وكمل اكمل سواقة ورحوا المطعم واتغدوا . وهما قاعدين . أكمل طلب ليه و السرفس بيسأله والمدام حتاخد ايه .
أكمل :بص لتسنيم نظرة طويلة عمره ما بصهلها قبل كدة . احممم . تحبي تاخدي ايه .
تسنيم : اللي كانت مبتسمة جدا من كلمة السيرفس . واتمنت انها تكون مراته فعلا . اممم اي حاجة حاخد زيك .
أكمل :ابتسم . ماشي خلاص هتلها زي . ومشي السيرفس
أكمل :شوفتي افتكرك مراتي . أكيد لو كانت اتجوزت مكنتش حتجوز واحدة حلوة زيك كدة .
تسنيم :ههههههه ليه يعني الحلوين كتير انت بس تشاور ده انت البنات حوليك اكتر من الهم علي القلب .
أكمل : تؤ انا كان نفسي في واحدة شبهك . ونفس لون عنيكي . عنيكي دي تجننن تحفة زرقنها فظيع . ببص فيهم اكني باصص لبحر ازرق وواسع . انت جميلة اوي يا تسنيم اوي .
تسنيم :كانت بتسمع أكمل وهي مش مصدقة هو أكمل فعلا ممكن يكون حس بيها ولا بيتهيألها .. اللي بسمعك كدة يفتكرك بتعاكسني .
أكمل : مسح شعره وبإحراج . ايه لا طبعا هو في حد يعاكس اخته انا بس بوريكي انت قد ايه حلوة بس .
وكان اكمل بيحاول يهرب من نظرات تسنيم .
واتغدوا وروحوا البيت . وبعد ما وصلوا اكمل تليفونه رن . رغدة .

أكمل : ايوة يا رغدة .
رغدة : ايه انت مرجعتش الشركة ليه كل ده انا لما انت اتاخرت مشيت .
أكمل : معلش كنت بتغدي برا مع تسنيم .
رغدة :اممم طيب حتيجي بالليل .
أكمل : وهو بيبص لتسنيم . لا مش جاي
رغدة :ليه بس بجد حزعل انت بتوحشني ومش بعرف اتكلم معاك في الشركة . وراك ايه مهم .
أكمل :وهو لسة باصص لتسنيم ومبتسم . ورايا اهم حاجة في الدنيا . ومش حينفع اسيبها واخرج . يلا سلام دلوقتي .
تسنيم :وهي مبسوطة ان اكمل مش حيخرج مع رغدة . امممم وايه بقي الحاجة المهمة دي اللي وراك . تكنش بتزوغ منها ووراك معاد تاني مع واحدة جديدة .
أكمل : قرب منها وحضنها اه ورايا معاد مع واحدة احلي واجمل منها بكتير .
تسنيم : زعلت مين دي محكتليش عنها .
أكمل : مش محتاج احكيلك . تعالي بصي في المرايا وانتي تشوفيها ….. بصي اهي بذمتك في جمال كدة
تسنيم :ههههههه لا ده انت النهاردة رايق علي الاخر .
أكمل :طبعا مش كنت معاكي . قوليلي تحبي تطعي تنامي ولا تغيري هدومك ونتفرج علي فيلم سوا .
تسنيم :لا طبعا حغير واجي هوا . بس قولي فيلم ايه واوعي يكون رعب انت عارف انا بخاف .
أكمل :طيب ماتخافي . علشان تفضلي ماسكة فيا طول الفيلم كالعادة .
تسنيم :كانت حاسة أكمل متغير معاها بس كانت مبسوطة. لا انا مش عايزة رعب .
أكمل :ههههههه خلاص نخليه رومانسي ايه رايك . ولا اقولك أكشن احسن .
تسنيم :لا لا لا رومانسي احسن .
أكمل :هههههههه ماشي انتي تؤمري يا قطتيتي . يلا غيري بسرعة علي ما انا كمان اغير هدومي .

جريت تسنيم علي فوق علشان تغير وتنزل لأكمل بسرعة . وأكمل دخل أوضته وكان سرحان وبيفكر بس في ايه . محدش عارف .
وغيروه الاتنين . ونزلوا وقعدوا يتفرجوا علي فيلم والتاني وعملوا فشار وقعدوا يهزروا ويضحكوا . وفي اخر فيلم أكمل بص لقي تسنيم نامت وهي بتتفرج في حضنه . بصلها وابتسم . اه يا تسنيم . ياريت كان ينفع ياريت . بس صعب صعب اوي . واتنهد بحرقة .

في الوقت ده جه شوكت من برا .
شوكت :مساء الخير
اكمل: بصوت واطي وهو بيشاور علي تسنيم . شششش . مساء النور .
شوكت :هز راسه . وبصوت واطي . هي ايه اللي نايمها كدة مانمتش ليه في اوضتها .
أكمل :كنا بنتفرج علي الفيلم ونامت . دلوقتي حطلعها اوضتها بس واحدة واحدة علشان متتفزعش .
شوكت :طيب . انا طالع انام
تصبح علي خير وخليها تطلع تنام بقي علشان ترتاح اكتر .
أكمل :حاضر .
أكمل : بيحاول يصحيها . تسنيم تسنيم . حبيبتي تعالي نامي اوضتك . دي رايحة خالص ولا حتقوم . اناحشيلها واطلعها .
أكمل شال تسنيم واول ماشالها ولقي شعرها الاسود الطويل نزل علي وشها . أكمل كان بيجاهد نفسه في حاجة جواه مش عايزها تطلع . ووداها أوضتها ونيمها في سيريرها وغطاها . وخرج راح أوضته . وكان رايح جاي وبيفكر وبعدين شغل الاغنية دي . (حاجة مش طبيعية لحماقي)( اللي انا فيه ده مش حاجة عادية . عنيها فيها حاجة مش طبيعية . دقيقة كدة وحيغمي عليا . ده اللي دخت عليه ولقيته . اتاري كدة كدة كان متشالي . الاقي روحي نصي التاني كلي . ده اده بقي ده في وهم حاصلي . متفصلة علي اللي اتمنيته . ولا حلم انا فيه . ايه ده ايه ده اللي اتوهمت انا بيه . قدامي وبلمسه وبلاقيه . ولا بهدي الا ما بس باشوف الضحكة دي. اللي انا فيه حقيقي الله اعلم . زي ما اكون من الاخر بحلم . ده اللي يشوفها يقف متلصم . وانا اللي كدة شكلي حروح فيها . في حاجة تيجي في ثواني تغلبني . حاجة غريبة عمالة بتجبني . عمري ماحبيت اللي تعبني . الا المرة دي . ايه ده ايه ده اللي اوتهمت انا بيه قدامي وبلمسه وبلاقيه . ولا بهدي الا ما بس بشوف الضحكة دي . عنيها فيها حاجة مش طبيعية . )
اكمل :لا لا انت اتجننت . ماانت ساكت من سنين . ليه ضعفت دلوقتي ليه . لا انسي انسي مستحيل . عمك قالهالك . بدل المرة الف . اختك اختك . اختك . افهم بقي افهم ..

وفضل أكمل علي الحال ده للصبح

((((اقدار الحب )))بقلم ريحانة الجنة

(((الحلقة الثالثة)))

في الشركة في مكتب تسنيم
شروق :امممم مش عارفة يعني انتي حاسة انه ابتداي يحس مش مصدقة ده علي قد ماهو مع كل البنات بيفهمها وهي طايرة الا معاكي متنح .
تسنيم: انا كمان خايفة اصدق بس هو بقالوا فترة كدة بتاع شهرين من يوم ما شوفته مع رغدة في المكتب وهو مختلف حتي كلمة أختي دي مبقاش بيقولها كتير حتي لمسته وحضنه ليه بحسه مختلف غير الاول اه اه يا شروق اه لو كان صح انا ابقي اسعد واحدة في الدنيا .
شروق :تسنيم علشان خاطري بلاش توهمي نفسك بحاجة مش موجودة . وحاولي تتأقلمي مع الوضع
تسنيم :ياريت كان ينفع . كان حصل من سنين فاتوا . بس دلوقتي صعب صعب اوي
شروق:اممم تمام خليكي كدة لحد لما تلاقيه داخل عليكي بالست رغدة ولا غيرها وبيقولك بركيلي ده خطيبتي وتتقهري بقي وانتي شايفاه بيتجوز
تسنيم :عيطت . حرام عليكي انتي صاحبة عمري ومبشكيش لغيرك ليه كدة كل شوية تجرحيني وتوجعي قلبي .
شروق :حضنتها والله ابدا . ماهو علشان احنا صحاب عمر بحالوا من ايام المدرسة . يبقي حقك عليا اني انصحك . وبعدين يا تسنيم حتي لو اكمل حس بيكي . تفتكري باباكي حيوافق.
تسنيم :مش مهم المهم هو اللي يحس بيا هو اللي يحبني مش مهم اي حاجة يارب حتي لو بابا رفض نتجوز انا وهو ونسافر بعيد . بس هو هو ياشروق .
شروق :انتهدت . حقولك ايه ربنا يريح قلبك يلا انا ماشية عندي شغل كتير .

اول ما شروق فتحت الباب لقت أكمل واقف .
شروق:تنحت . أكمل واقف كدة ليه .
أكمل :ايه لا اه اه . كنت جاي لسمسمة .
تسنيم :تعالي يا أكمل . في حاجة .
اكمل : دخل وقفل الباب وقرب من تسنيم . مالك يا حبيبتي هو انا كل نا اخدل عليكي والبت اللي اسمها شروق دي معاكي الاقيكي بتعيطي . انا ابتديت اتشائم منها . والله بفكر امشيها .
تسنيم :ابتسمت وممسحت دموعها. خلاص مفيش حاجة انا مش بعيط.
أكمل :قرب منها ومسح دموعها وبحنية مختلفة عن كل مرة . بص في عنيها . تسنيم انتي دموعك دي غالية مفيش حد يستهلها . مفيش ولا حتي ….
تسنيم :بصت في عنيه . ولا حتي مين يا أكمل .
أكمل :ايه. احممم. لا مش حد معين اقصد اي حد الا دموعك انتي بالذات مبتحملش اشوفها .
تسنيم :حضنته . انت عارف انا مبحسش اني مرتاحة وفي أمان غير وانا معاك . ربنا يخليك ليه

أكمل :كان حاسس انه خايف يضمها لانها مش حتكون زي كل مرة المرة دي حيحس انه بيخون عمه وثقته لانه خلاص فقد السيطرة علي نفسه . بس مقدرش وضمها أكتر
أكمل :يا رتني اقدر اخبيكي جوايا علشان محدش يجرحك ولا يضايقك . انتي حبيبتي. حبيبتي يا تسنيم.
تسنيم :رفعت راسها من حضنه . وبصتله بفرحة . صحيح يا أكمل . انا حبيبتك .
أكمل :فاق . احمممم اه طبعا مش اختي حبيبتي ومليش غيرك .
تسنيم :بصت في الارض بخيبة أمل .
اه صح عندك حق أختك .
اكمل :تليفونه رن . رغدة ……. ايوة يا رغدة .
رغدة :حبيبي انت ليه مش في مكتبك جيت ملقتكش .
أكمل :وهو انا لازم اديكي تقرير بخط سيري . فيه ايه يا رغدة .
رغدة :ابدا يا حبيبي انت بس كنت واحشني . وكنت جايه اشوفك .
أكمل : رغدة اقفلي دلوقتي انا مش فايق . سلام
تسنيم :كان باين عليها الفرحة ومبتسمة .
أكمل :واخد باله . ابتسم . وراح سند ظهره علي المكتب قصادها . وحد ايده في جيبه. امممم حاسس بفرحة شريرة كدة .
تسنيم :هههههه ليه يعني .
اكمل :يعني اول ما لقتيني قفشت علي رغدة فرحتي كدة . انا مش عارف انتي ليه مش بتحبيها .
تسنيم :بوزت . ابدا اصلها دمها تقيل علي قلبي . ورخمة ده غير بقي اني مستخسراك فيها .
اكمل :ههههههه ليه بقي
تسنيم :يعني انت تستاهل واحدة احسن منها وتكون بتحبك وبتحبك اوي .
أكمل : اممم طيب ماهي بتحبني وغيرها كتير . تفتكري بقي اعمل ايه اختار مين .
تسنيم :معرفش بقي انت ونصيبك وبعدين مش يمكن متتجوزش اصلا.
اكمل :ههههههههه اه يا شريرة انتي عايزاني اعنس حنبك .
تسنيم :هو مش انت قلتلي اني لو اتجوزت حتطلقني منه تاني يوم .
اكمل :ابتسم . اه قولت كدة .
تسنيم :خلاص انا بقي لو اتجوزت حسود عشيتها .
اكمل :قرب منها . معقول بتحبيني اوي كدة .
تسنيم :بصتله . احممم . اه طبعا وهو انت كل ده مش عارف .
أكمل :اتنهد . لا للاسف عارف .
تسنيم :انت بتقول ايه يعني ايه لاسف .
أكمل : هههه لا مفيش . بس يا ستي اطمني انا مش حتجوز غير اللي انتي تختارها بفسك اتفقني .
تسنيم :ابتسمت . بجد
أكمل :هههههه اه بجد
تسنيم :كدة بقي اضمن انك مش حتتجوز .
اكمل :حضنها . ههههه يا بنت اللذين انتي يا شريرة …. ماشي انا حمشي بقي
تسنيم :حتتأخر بالليل .
اكمل :ابتسم بخبث . اه ورايا معاد مع موزة جديدة . وغمزلها بعنيه وخرج وقفل الباب .
تسنيم :اتغاظت . يا ربي مفيش فايدة علي راي دادا وشروق . تنح و جبلة . اوفففف

في مكتب شوكت . بيكلم نسرين طليقته ومامة تسنيم

شوكت :معقول مشغولة كل الفترة دي حتي مش قادرة ترد عليا انا بقالي 4 ايام مش عارف اكلمها .
نسرين :معلش يا شوكت . انت عارف هي في كلية اعلام والمذاكرة واخدة كل وقتها .
شوكت. :بس دي وحشتني اوي . ما تيجوا تقضوا معانا يومين نفسي اقعد معاها شوية دي وحشاني اوي
نسرين :معلش انت عارف مايا مبتحبش تيجي مصر هنا كل اصحبها وبترتاح هنا اكتر ابقي انت تعالي اقعد معانا يومين .
شوكت :ان شاء الله . المهم انتي بس خالي بالك منها دي امانة في رقبتك . فاهمة .
نسرين :انت حتوصيني علي بنتي يا شوكت وهو انا عمري واصيتك علي تسنيم .
شوكت :تسنيم في عنيه انا وأكمل ومحافظين عليها لكن مايا لا مش قدام عيني ولا اعرف عنها حاجة
نسرين :خلاص يا شوكت . المهم انت بس لما تكون جاي لازم تقولي علشان اكون مفضية نفسي انا ومايا علشان نقعد معاك .
شوكت :ان شاء الله . مع السلامة .

(في لبنان في شقة نسرين طليقة شوكت )

نسرين: رايحة جاية وقلقانه . وبعدين اعمل ايه بس كل ده معرفش عنها حاجة .
الباب اتفتح ودخلت مايا . بنوتة جميلة واخدة ملامح مامتها البشرة البيضاء والشعر الاشقر والعيون العسلي .
مايا :هاي مامي .
نسرين :تعرفي انك . مستفزة .وبايخة
مايا :ليه بس يا ريري هو انا زعلتك في حاجة .
نسرين: يا سلام يعني مش عرفة . انت ازاي بقالك 4 ايام بايتة بره ومعرفش عنك حاجة ده غير كمان تليفونك المقغول ده .
مايا :ليه يا مامي مش انا كلمتك وقلتلك اني حقضي يومين مع اصحابي .
نسرين :ايوة يا هانم . بس مقلتليش هما مين ولا رايحين فين . وكمان تليفونك مقفول من يومها حتي مش عارفة اطمن عليكي .
مايا :معلش المكان اللي كنا فيه . مفهوش سيجنل .
نسرين :وده كان فين بقي .
مايا :مامي انا تعبانة وعايزة انام . ومشيت علي اوضتها .
نسرين :راحت وراها . تعالي هنا . وبعدين معاكي طيب انا ماشي متعودة علي كدة . لكن باباكي كل شوية يكلمني قلقان عليكي . وكنت خابفة يجي وميلأكيش. كنت عملت ايه وقتها .
مايا :بابي ده بصراحة قديم اوي. وكل كلامه عيب وميصحش . حاجة تزهق
نسرين :حنعمل ايه انتي ناسية ان هو اللي بيصرف علينا . لو قلب مش حنشوف منه جنيه .
مايا :اوفففف عايزة ايه يا مامي دلوقتي .
نسرين :ولا حاجة عايزة بنوتي الحلوة تكلم بابي وتتأسف انها كانت مشغولة بالمذاكرة وتقولوا كلمتين حلوين علشان مبجيش ويكتم علي نفسنا .
مايا :حاضر حكلموا . امري لله .

((((اقدار الحب))))بقلم ريحانة الجنة

(((الحلقة الرابعة)))

(في الفيلا بالليل )

تسنيم خارجة من اوضتها ولابسة فستان اسود طويل وضيق وشيك جدا وجايبة شعرها الاسود الجميل علي جنب وحاطة روج احمر مع جمالها وعينيها الزرقاء . كانت ملكة جمال وزي القمر .
أكمل : راجع من برا وطالع علي السلم . واول ما شاف تسنيم . صفر صفارة طويلة كلها اعجاب . ايه الجمال ده مش ممكن .
تسنيم : ابتسمت . بجد حلوة.
أكمل : بعد ما قرب منها . اه طبعا حلوة وزي القمر كمان ومفيش في جمالك اتنين.
تسنيم :هههههههه كدة حتغر واصدق .
أكمل : طبعا لازم تصدقي . علشان دي الحقيقة .. هاه قوليلي بقي خارجة علي فين كدة بالحلاوة دي .
تسنيم :ابدا رايحة عيد ميلاد نهال صحبتي عملاه النهاردة في النادي وعزمانا كلنا .
أكمل :اممم مقولتليش يعني .
تسنيم : ابدا انت بقالك كام يوم بتيجي متأخر . وكمان في الشركة مش بلحق اكلمك .
أكمل : وانتي بقي متخيلة اني ممكن اخليكي تنزلي لوحدك بحلاوتك دي مستحيل .
تسنيم : يعني ايه بعد ما لبست وعملت كل ده مش حروح . انا كمان زهقانة .
أكمل : لا يا حبيبتي حتروحي بس مش لوحدك . انا حاجي معاكي . احسن تتعاكسي . ويا ريتها كمان تيجي علي المعاكسة .
تسنيم :ابتسمت يعني حتيجي معايا . بجد .
اكمل :اه استنيني ادخل اخد حمام بسرعة والبس ونروح سوا . اوك .
تسنيم : بفرحة . حاضر حستناك تحت .
أكمل :مسك ايديها . تعالي هنا راحة فين . مش حتيجي تختاريلي اللبس اللي حلبسه .
تسنيم :هههههه حاضر جاية اهو . اتفضل .
ودخل أكمل الحمام ياخد شور وتسنيم حضرتلوا اللبس بتاعة والساعة والشوز وكل حاجة واول ما لفت لقت أكمل خارج من الحمام ..اتكسفت لما لقته كدة خارج بالفوطة . اااانا حضرتلك كل حاجة هستناك تحت .
أكمل :مسك ايديها . ايه انتي مكسوفة هي اول مرة تشوفيني كدة . ماانتي شوفتيني كدة كتر وانا في البحر والبسين عادي مالك .
تسنيم :ايه لا عادي مش اول مرة بس . انا حروح اظبت الميكب بتاعي لحد ما تلبس .
اكمل :بس خالي بالك كفاية متحلويش اكتر من كدة . كدة كتير حرام عليكي البشر اللي حتججن بسببك .
تسنيم :ابتسمت وخرجت .
اكمل : اااه ااااه يا رب صبرني . انا خلاص مش قادر . حلها من عندك بقي انا خلاص جبت اخري .

ولبس أكمل ونزل لتسنيم .
أكمل : يلا يا قطتيتي انا خلصت .
تسنيم :حطت ايديها في وسطها . نعم انت حتخرج كدة لا انت كدة هتتعاكس مني وكل البنات في العيد ميلاد حيتجننوا عليك .
اكمل :هههههههه انتي السبب علي فكرة مش انتي اللي اختارتي كل حاجة حتي الساعة
تسنيم : اه بس انت اصلا اللي حلو مش اللبس هو اللي محليك .
أكمل :يالا حنتاخر اخلصي وبطلي. الغل ده .
وخرجوا الاتنين علشان يركبوا العربيات . تسنيم رايحة لعربيتها .
أكمل : مسكها من ذراعها . انتي بتعملي ايه .
تسنيم :حركب عربيتي .
أكمل :وانا ايه مش مالي عينك ما انا جاي معاكي تعالي اركبي معايا .
تسنيم : لا والله ابدا بس انا عارفة انك بتزهق من الحاجات دي وبممكن تمشي في اي وقت ساعتها اناهعمل ايه ارجع في تاكسي في وقت متاخر لوحدي .
أكمل : قرب منها ومسك ذراعها الاتنين وبص في عنيهاوبحنية. انتي متخيلة اني ممكن امشي واسيبك اول اخليكي تغيبي عن عيني لحظة وانتي بالفستان التحفة ده تؤتؤ انا حقعد معاكي لحد ماتزهقي وكمان حنكمل سهرة برا لوحدنا . ايه رأيك بقي .
تسنيم : ابتسمت . بجد وانا موافقة يلا بقي انا بس حقولها كل سنة وانتي طيبة وامشي معاك علي طول
أكمل:هههههههه طيب تعالي اركبي يا مصيبة انتي .

ركبوا مع بعض وأكمل طلع بالعرببة . وجاي يشغل السي دي . تسنيم مسكت ايده
تسنيم: استني انا اللي حختار المرة دي واسمعك علي مزاجي .

أكمل: ابتسم . اوك يا قطتيتي شغلي اللي يعجبك . بس يارب تكون حاجة حلوة.
تسنيم : هي حلوة ويارب تفهم .
أكمل : عقد حاجبه . افهم ايه
تسنيم : بنفاذ صبر . ولا حاجة اسمع يا كيمو وانت ساكت .

شغلت تسنيم( اغنية لحماقي اسمها بتداري )( داري ليالي يا حبيبي في هواك وعنيك فاضحاك . لا ده انت تغيظ .لاو بتتقل عليا وده بردوا كلام مبلاش افلام هو انا تلميذ . متلخبط متوتر يا عيني وبتعمل ناسيني . وبعدت بمزاجي لما نشوف . طب ماشي يا ناسي يا جامد حتعاند حعاند . خليك كدة قضيها عند وخوف. بتداري يا حبيبي وتداري علي مين فين عقلك فين . كدة وقتك راح . قدامك حبيبي حاجة من الاتنين . يا تقاسي سنين يا تعيش مرتاح . متلخبط متوتر يا عيني وبتعمل ناسيني . وبعت بمزاجي لما نشوف . طب ماشي يا ناسي يا جامد. حتعاند حعاند خليك كدة قضيها عند وخوف . ) وطول الاغنية تسنيم بتضحك وبتبص لأكمل . اما أكمل كان بيكلم نفسه.
أكمل :اه يا بنت اللذين سيببني في خالي ده ملصم نفسي بالعافية . انا لو عليا دلوقتي اعمل اللي كاتمه في قلبي بقالي سنين .. وبعد الاغنية نا خلصت
تسنيم :ايه سرحت في ايه .
أكمل : لاابدا مفيش . بس اصل الاغنية حلوة اوي زي كل حاجة فيكي ما هي حلوة .
تسنيم :بتكلم نفسها . اه يارب بقي يحس ويفهم انا خلاص مش قادرة خايفة تيجي واحدة وتاخدوا مني . وقتها انا ممكن اموت .
اكمل :ايه مين فينا اللي سرحان دلوقتي .
تسنيم :مفيش ركز بقي خلينا نروح بسىرعة علشان اديها الهدية ونمشي علي طول .
أكمل : بإستعباط . ليه حنروح فين .
تسنيم : نعم ايه انت نسيت ولا ايه . مش انت قولتلي اننا حنسهر سوا . بعد العيد ميلاد
أكمل : مستمر في الاستعباط . اممم انا مش فاكر .
تسنيم : بحركة طفوليه . كدة ماشي انا غلطانة ان انا جيت معاك كنت ركبت عربيتي ورحت لوحدي . بس هاه.
أكمل : ههههههه عسل والله وانتي نرفز كدة .
تسنيم :بتضحك ماشي تلاقيك افتكرت معاد مع واحدة كسر من اللي تعرفهم .
أكمل : اخرسي انا مبعرفش بنات كسر كلهم موززز .
تسنيم : كدة طيب نزلني بقي والله ماراحة معاك حروح لوحدي في تاكسي بس وقف العربية بقي .
.
أكمل :وقف العربية . اهو وريني بقي الشطارة والشجاعة ازاي حتقدري تنزلي رجلك برا العربية .
تسنيم : أكمل متستفزنيش . والله انزل .
أكمل : انا مستني لما اشوف .
تسنيم : بيتفتح باب العربية .
أكمل :شدها من ذراعها جامد ولفها ليه وكانت قريبة منه وتقريبا نفسهم بقي واحد . والاتنين. سرحوا في عنين بعض وكان كل واحد بيتكلم بعنيه . تسنيم قربت منه اكتر بس أكمل فاق بسرعة وبعد .
أكمل : احممم ممكن بقي تبطلي شغل العيال ده انا بهزر معاكي مش ناسي ولا حاجة . وحنخرج بعدها . وشغل أكمل العربية وطلع بيها بسرعة .
تسنيم : كانت لسة مسهمة بتحاول تفهم نظرة أكمل ليها وكمان حاست انه كان هو كمان عايز اللي هي فكرت فيه وهي قريبة منه . بس مبقتش عارفة تصدق ولا لا .

ووصلوا العيد ميلاد . وتسنيم كانت واقفة مع اصحابها وبتضحك . واكمل كان بيتكلم في التليفون بعيد وهو راجع سمع اتنين من الولاد بيتكلموا علي تسنيم .
الولد الاول . يحي: مش ممكن يا بني البنت اللي لابسة فستان اسود دي تخبل ايه الحلاوة دي هو فيه كدة . دي ولا البنات الروس يا أخي .
الولد التاني. هيثم : انت بتقول فيها دي جامدة . الغريبة انها لابتصاحب ولا حتي عايزة ترتبط . مش عارف ساكته علي نفسها ليه البت دي .

أكمل : الدم غلي في دماغه ومسكهم هما الاتنين . انتوا بتستهبلوا ايه اللي بتقولوه ده .
يحي : نزل ايدك وانت مالك خاليك في حالك .
أكمل : وهو بيقرب منه وعنيه كلها شرار . ماهو ده حالي يا خفيف .
هيثم : خلاص خلاص يا أكمل معلش غلطة متزعلش .
يحي : انت تعرف الامور ده
أكمل : لا بقي ده انت عايز تتربي . وضربه بالبوكس .
هيثم :اهدي يا أكمل بس انا حفهمه . يا يحي أكمل اخوا تسنيم الي كنا بنتكلم عليها .
يحي : اوبس معلش اسف. مكنتش اعرف .
أكمل : العيب مش عليك العيب علي اللي عارفها وسايبك تتكلم عليها وهوا كمان بيساعدك . بس ورحمة ابويا لو سمعت حد فيكوا بيجيب سيرتها لاخيكون أخر يوم في عمره . وزهقهم أكمل ومشي راح لتسنيم .

تسنيم : قلقت من شكل أكمل . مالك يا كيمو ايه اللي مضايق .
أكمل : مفيش يا حبيبتي انا كويس روحي شوفي صحباتك انا مستنيكي . هنا .
تسنيم :لا صحباتي ايه وبتاع ايه . انت عندي اهم مالك في ايه .

في الوقت ده ابتدت اغنيه لعمرو دياب سلو وقرب عليهم ولد يعرف أكمل وتسنيم . مساء الخير ازيك يا أكمل وانتي يا تسنيم ايه الحلاوة دي اجمل واحدة في الحفلة النهاردة .
أكمل : كان بيبصله بغيظ وبيجز علي سنانه . ومش طايق نفسه .
تسنيم : متشكرة .
الولد احمد :ممكن تيجي ترقصي معايا ويكون ليا شرف الرقص مع احلي بنت في الحفلة . وكان بيمدلها ايده .
أكمل :مسك ايده وضغط عليها . وهو بيجز علي سنانه . لا تسنيم مبترقصش مع حد ولو رقصت يبقي معايا انا وبس . واضح ولا اقول تاني .
أحمد : اتغاظ من اكمل . وسحب ايده منه . خلاص وصلت عن اذنك . ومشي

تسنيم :بتكتم ضحكتها .
أكمل : انتي بتضحكي ليكي حق ما انتي دمك مش محروق زي من الصبح وانا سامع كل اللي في الحفلة بيتكلموا عليكي قلتلك بلاش الفستان ده يخربيت حلاوتك .
تسنيم :هههههههه اعمل ايه بس الفستان طويل وبكم كمان البس ايه تاني .
أكمل :والله اه وكما مفتوح من الجنب ونازل من عند كتافك وضيق . بس مفيش حاجة تاني .
تسنيم : ههههههه ده انت حققت في كل التفاصيل بقي .
أكمل :اتنهد . وهو بيعض علي شافيفه . وهو انا تعابني غير التفاصيل . يلا المهم . كنتي عايزة ترقصي معاه ولا حاجة .
تسنيم : بصراحة اه كنت عايزة ارقص وخلاص بس معاه بالذات المهم ارقص وبعدين هو الوحيد اللي طلبني للرقص . كلهم خايفين منك .
أكمل :كدة طب تعالي يا ختي وانا حرقصك . وشدها في حضنه ورقص معاها علي (أغنيه معاك قلبي لعمرو دياب )( قولي يا حبيبي ليه وانت عني بعيد انا شوقي ليك بيزيد وان جيت انا برتاح. قولي يا حبيبي ايه اللي غايرني وازاي بتشغلني عن عمر قبلك راح . معاك قلبي وبلاش تغيب عني بتوحشني. معاك قلبي والله ولا بانساك . معاك قلبي مليش غيرك حبيب قلبي يا احلي ملاك . احلي ايامي واجمل سنين تتعاش جنبك يا اما بلاش . من غيرك اتمناه . هو ده كلامي حبك مفيش بعديه فتحت عيني عليه. وعرفت راحتي معاه . معاك قلبي وبلاش تغيب عني بتوحشني معاك قلبي والله ولا بانساك مليش حبيب قلبي يا احلي ملاك .)
وأكمل اول ماسمع الاغنية نسي نفسه وكان حاضن تسنيم اوي وعينه في عنيها وهي كمان نسيت الدنيا كلها وهي في حضنه وباصة في عنيه ومكنوش حاسين ان كل اللي موجودين باصين عليهم ومستغربين من اللي هما فيه . واول ماخلصت الاغنية كلهم سقفلهم جامد . واكمل وتسنيم فاقوا من اللي كانوا فيه علي تسقيفهم .
نهال صاحبة العيد ميلاد : مش ممكن ايه الرومانسية دي اللي يشوفكم ميقولش ابدا انكم اخوات يقول اتنين ميتين في بعض عشق يخرب عقلكم احلي اتنين رقصه النهاردة .

أكمل : مسح وشه بإيده وكان بيأنب نفسه علي انه نسي نفسه وساب مشاعره بالشكل ده .
تسنيم : ايه يا بايخة ملكيش دعوة بردوا مش حخليكي ترقصي معاه .
نهال : صحيح الكلام ده يا كيمو مش حترقص معايا ده حتي النهاردة عيد ميلادي . واعتبرها هديتي ارقص مع اكمل اللي كل بنات النادي حيتجننوا علي رقصة معاه .
أكمل :عايز يغطي علي الموقف اللي حصل . ازي بقي حرقص معاكي تعالي .
تسنيم :اتغاظت . كدة بتكسر كلامي
أكمل: هههههه معلش يا سمسمة علشان بس النهاردة عيد ميلادها ومش عايزين نزعلها . واخد اكمل نهال ورقص معاها .

تسنيم :كانت حتموت من الغيظ .
أحمد: رجع تاني لتسنيم . مش حتغيري رايك وترقصي معايا .
تسنيم : لا يا احمد انت عارف مبرقصش مع حد غير أكمل .

أكمل :كان بيرقص مع نهال وعينه علي تسنيم . ومتغاظ وهو شايف احمد واقف معاها وكمان شايف نظراته ليها اللي بتفترس كل جزء فيها. مستحملش.. عن اذنك يا نهال انا لازم امشي علشان عندي شغل الصبح وعموما كل سنة وانتي طيبة . وسابها اكمل .
نهال: بعد ما مشي . اه يت بن اللذين انت عليك حلاة تدوخ يا بختها تسنيم عايشة معاك في بيت واحد بنت المحظوظة . اوففف
أكمل: راح لتسنيم ومسك ايديها وشدها . يالابينا كفاية كدة .
تسنيم :حاضر . عن اذنك يا احمد. و مشيت مع أكمل .
أحمد : تسنيم لسة مخلصناش كلامنا . حنكمل وابقي فكري في اللي قولتلك عليه .
تسنيم :هزت راسها . ان شاء الله .

((((أقدار الحب )))) بقلم ريحانة الجنة

(((الحلقة الخامسة )))
(في عربية أكمل )

أكمل ممكن اعرف أحمد كان عايزك في ايه وايه الكلام اللي لسة مكملش بينكم وكمان موضوع ايه ده اللي عايزك تفكري فيه.
تسنيم : ولا حاجة . عادي
أكمل : فرمل العربية فجأة . وبنرفزة انا سالت سؤال ومسمعتش الاجابة .
تسنيم : في ايه يا أكمل حد يفرمل كدة .
أكمل : انا سالت سؤال . احمد كان عايزك ليه.
تسنيم : وهي كانت فرحانة بغيرة أكمل . ابدا عايز يقابل بابا علشان يخطبني .
أكمل : نعم يا ختي مين ده اللي يخطبك . ده بعده هو واهله .
تسنيم : ههههه ليه بقي ده حتي احمد شاب وسيم وابن ناس وظروفه المادية كويسة يعني لؤطة .
أكمل : بيجز علي سنانه . بت انتي اتلمي هو مين ده اللي وسيم ولؤطة . انسي احمد لا .
تسنيم : امممم طيب اقنعني .
أكمل : اقنعك بأيه هو مش انتي قلتي انك مش عايزة تتجوزي . ايه اللي جد بقي .
تسنيم : يعني بفكر أغير رايي.
أكمل : اه واحمد بقي هو اللي حيخليكي تغيري رايك .
تسنيم : ههههههه. لا مش احمد واحد تاني .
أكمل : نعم وهو فيه واحد تاني . ليلتك سودة انطقي مين ده هو كمان .
تسنيم : ههههههههههههه لا تعرف شكلك حلو وانت نرفز كدة
أكمل : ابتسم. بتروديهالي ماشي والله صدقت انك موافقة .
تسنيم : هههههه اعمل ايه معقول تجيلي فرصة اغيظك وميغظكش ده حتي يبقي عيب .
أكمل : هههههههه ماشي يا قطتيتي . قوليلي بقي تحبي تروحي فين .
تسنيم : اممم وديني الديسكو اللي بتروحوا .
أكمل : ههه نعم يا حلوةبتقولي حاجة
تسنيم : ايه وفيها ايه مش انت بتروح مع رغدة هناك وكمان البنات اللي بتعرفهم .
اكمل :اديكي قولتي رغدة والبنات اللي اعرفهم لكن انتي لا انتي مينفعش تروحي هناك .
تسنيم : اممم خايف عليا .
اكمل :هو انا ليا كام اخت هي واحدة لازم اخاف عليها .
تسنيم : اوففففف .
اكمل :بتفخي ليه مش عجبك بردوا مش حتروحي هناك شوفي مكان تاني .
تسنيم : انا مش بنفخ علشان عايزة أروح علشان حاجة تانيه .
أكمل : حاجة ايه .
تسنيم : ولا حاجة متخدش في بالك … أكمل هو انا ممكن اسالك سؤال .
أكمل :طبعا اسألي .
تسنيم : انت عمرك ماحبيت .
أكمل : سكت وكان بيبص قدامه وهو سايق .
تسنيم : ياه للدرجة دي السؤال صعب.
أكمل : لا مش صعب بس . مش عايز اتكلم في اىموضوع ده
تسنيم : كنت فاكرة اننا قريبين من بعض ومبنخبيش حاجة علي بعض
أكمل : عايزة تعرفي ايه
تسنيم : انت عمرك حبيت .
أكمل :لا حبيت وحبيت اوي كمان
تسنيم : بحزن . وهي مين وليه مقلتليش .
أكمل : مش حينفع اقولك دلوقتي . يمكن يجي يوم وأقدر أقولك . بس دلوقتي صعب .
تسنيم : طيب هي قريبة مننا انا اعرفها.
أكمل : لا هي مسافرة مش عايشة هنا .
تسنيم : وهي بتحاول تداري دموعها . اه تمام مفيش مشكلة . ممكن نروح علي البيت .
أكمل : مش حنتعشي الاول .
تسنيم : لا مليش نفس انا عايزة انام تعبانة .
أكمل :كان بيبصلها وصعبان عليه دموعها اللي مش قادر يوقفها . بس لازم نتعشي انا جعان وعايز اكل ولا اهون عليكي تنيميني جعان .
تسنيم : بتكلم نفسها . صعبان عليك انيمك جعان وانا ليه مصعبتش عليك وانت بقالك سنين بنيمني مجروحة وموجوعة والنهاردة اكتر يوم وجعتني فيه بعد ما كنت طايرة بالتغير اللي شوفته منك . جيبت دلوقتي ونزلتني علي رقبتي وفوقتني .
أكمل : ايه يا سمسمة مش بتردي عليا ليه .
تسنيم : لا ابدا مفيش . خلاص روح اي مكان ناكل ونروح بسرعة .

وراحوا اتعشوا وطبعا تسنيم مكنتش قادرة تاكل ولا قادرة تمنع دموعها اللي اتحججت انها بتنزل بسسب الميكب .وأكمل زيها مكنش قادر ياكل وهو شايفها كدة وخلصوا العشاء اللي مأكلوش منه حاجة ومشيوا ورجعه البيت . واول ما دخلوا البيت لقوا شوكت خارج من المكتب بتاعه .
شوكت :ايه يا ولاد اللي اخركم كدة .
أكمل :معلش يا عمي اصل بعد العيد ميلاد روحنا اتعشينا برا .
شوكت : طيب مش تطمنوني وكمان تليفونتكم مقفولة .
اكمل : طلع تلفونه لقاه مقفول . اوبس سوري يا عمي معلش مأختش بالي .
شوكت : معلش المهم ان انت كنت معاها انا عمري مقلق عليها وهي معاك … مالك يا تسنيم شكلك متضايق .
تسنيم :ولا حاجة يا بابا انا بس عايزة انام . تصبحواعلي خير . وطلعت
اكمل :انا كمان حطلع انام حضرتك عايز حاجة .
شوكت : لا يا بني تصبح علي خير .
وطلع اكمل بسرعة علشان يلحق تسنيم . ولحقها قبل ما تدخل أوضتها. تسنيم استني.
تسنيم : وقفت وملفتش ليه . نعم
أكمل : لفها ليه . مالك زعلانة ليه .
تسنيم : بصت في عينيه ومن جواها بتقوله منك انت سبب وجعي . بس سكتت .
أكمل : لقي دمعة نزلت منها . مسحها ومسك وشها . قلتلك محدش يستاهل دموعك فاهمة محدش . اوعي تعيطي تاني . وقرب وباسها من خدها . تصبحي علي خير .
تسنيم :دخلت الاوضة وقفلت الباب .
أكمل خبط الحيطة بإيده يغيظ وهو كمان مقدرش يمسك دموعه ونزل واخد عربيتة علشان يروح لمروان صاحبه . واول ما ركب العربية . سمع الاغنية دي .
انا سرها ( انا سرها انا ابقي نقطة ضعفها . انا الحاجة اللي مخبياها عن الناس كلها. وانا اللي من كتر خوفها علي حكايتنا بتخاف تحكيها لحد . انا اول حب في حياتها انا المشاعر انا الحقيقة . اللي مش بتقولها لحد .انا سرها انا ابقي نقطة ضعفها ).
ووصل اكمل عند مروان ولما فتح مروان لقي أكمل واقف وساند راسه علي الباب وشكله حزين .
مروان : أكمل مالك في ايه . تعالي ادخل .
أكمل : دخل وقعد وشكله تعبان .
مروان: مالك يا بني فيه ايه . قول قلقتني
أكمل : حيكون مالي ما انت عارف .
مروان : تسنيم مش كدة .
أكمل : هز راسه ايوة هي وهي في غيرها .
مروان : والله حرام عليك كل الحب اللي بتحبوه لبعض ده وبعاد كدة ده انتوا يا بني يتعمل عليكوا حكاية حبكم وهم ليه البعد ده صارحها بقي حرام عليك .
أكمل : مينفعش . مينفعش يا مروان . صعب عمي مش حيستوعب الموضوع بسهولة .
مروان : والله واحد غيره يفرح ان ابن اخوه الوحيد بيحب بنته وعايز يتجوزها .
أكمل : يمكن لو كنا ظروفنا غير كدة كان ممكن . لكن احنا اتربينا سوا وعيشنا سوا علي اننا اخوات وبنام في بيت واحد واقوات كان عمي بيسافر
كان بيسافر ويسبنا لوكدنا علي انه سايب اخ وخته . لما اجي دلوقتي واقوله اني بحبها حيفكر في ايه اكيد حيفتكر اني كنت خاين وعلي علاقة معاها وهو مش دريان . لما يفتكرني وانا واخدها في حضني علي انها اختي ويعرف فجأة ان انا بحبها حيفكر في ايه .
أكمل كان بيتكلم وهو بيصرخ ودموعه نازلة
مروان : كفاية يا أكمل متعملش في نفسك كدة . انت متحمل فوق طاقتك .
أكمل : ولسة بيبكي . وكنت متحمل وساكت وبداري بس خلاص مش قادر تعبت من دور الاخ ده نفسي اخدها في حضني علي انها حبيبتي مش اختي . نفسي اقولها اني بحبها وافرحها نفسي اتجوزها واعيش معاها عمري كله بس عمي مش حيوافق . هو أكيد خايف اني اطمع في الشركة والفلوس واخد البت كمان فوق البيعة .
مروان: طيب جرب . مش حتخسر حاجة .
أكمل : لا حخسر كتير . انا دلوقتي بشوفها واقعد معاها واخدها في حضني لما تكون تعبانة لكن لما اصارح عمي ويرفض او يمشيني من البيت ومن حياتها تقدر تقولي بقي ساعتها حعمل ايه . ده انا ممكن اموت لو عدي عليا يوم ومشوفتهاش . انا تعبان يا مروان . تعبان ومحدش حاسس بيا . كلهم فاكرين اني مقضيها بنات وسهر وعايش وانا كل يوم بعرف واحدة اقول يمكن تقدر تنسيني تسنيم واحبها وابعد . لكن كل يوم بحبها اكتر واتمناها اكتر . والمصيبة النهاردة انا كنت حتفضح في حفلة العيد ميلاد
مروان : ليه ايه اللي حصل .
أكمل : كنت برقص معاها واول محضنتها نسيت نفسي ومكنش حضن اخ كان حضن حبيب يا مروان انا كنت حبوسها والله كنت خلاص نسيت نفسي والناس لولا الاغنية خلصت وهما سقفوا وكان شكلي زفت .
تخيل بقي لو ده كان حصل وقدام الناس كان حيبقي ايه الوضع . قولي انا مش عارف ارجع جامد. زي الاول ولا قادر اسيب نفسي تعبت تعبت والله خلاص مش متحمل .
مروان : والله مش عارف اقولك ايه موضوعكو معقد . بس انا شايف الحل في ايد تسنيم . انت تصارحها وهي تقنع ابوها .
أكمل : عمي مش حيقتنع ولا حيفهم . ولو صارحت تسنيم . انا عارف هي بتحبني ازاي . دي ممكن تقف قدامه علشاني ولو مشاني عارف انها مش حتسبني وحتمشي معايا وساعتها يبقي حبقي انا السبب في انها تخسر ابوها بسببي . لا لا مش حينفع ..
انا حروح عايز انام . تصبح علي خير .
ورجع أكمل البيت وقعد علي الكنبة تحت ونام عليها وبيفكر في حاله وحال تسنيم وبعدين راح في النوم .

((((أقدار الحب)))) بقلم ريحانة الجنة

(((الحلقة السادسة)))

تاني يوم الصبح
تسنيم نزلت زي كل يوم علشان تحضر القهوة والاتشيز كيك والفطار لأكمل ولما نزلت لقت أكمل نايم علي الكنبة وزي ما هو بهدومه . راحت قعدت جنبه وكانت علي قد ماهي زعلانة لانها افتكرت انه بيحب واحدة تانية لكن مبتقدرش تمنع نفسها انها تحنله ولا تحقق في ملامحه . وحاولت تصحيه
تسنيم : أكمل … أكمل … واضح انه تعبان ونايم متأخر . خلاص انا حروح احضرله القهوة وارجع اصحيه . ولما جت تقوم . أكمل مسك ايديها .
أكمل : انا صاحي . صباح الخير يا سمسمة .
تسنيم : صباح النور . ايه اللي نايمك هنا كدة وبهدومك ليه منمتش في أوضتك .
أكمل : ابدا لما رجعت وقعدت هنا . تقريبا راحت عليا نومة . المهم انتي عاملة ايه .
تسنيم : كويسة . بس مصدعة شوية دلوقتي حعمل قهوة واشربها معاك يالا اطلع خد حمام وغير هدومك وانا حروح اعملك القهوة .
أكمل :تؤ انا جاي معاكي ولما اشرب القهوة ابقي اطلع اخد حمام والبس . تعالي .

وراحوا الاتنين المطبخ و أكمل كان بيبص لتسنيم بحنية وصعبانة عليه . حتي بعد ماعرفت انه بيحب واحدة تانية لسة بتخاف عليه وزعلها منه ممنعهاش انها تفضل تهتم بيه وبكل طلباته حتي القهوة صاحية بدري مخصوص علشان تعملهالوا زي كل يوم .
تسنيم : مالك سرحان في ايه .
أكمل : ابتسم ولا حاجة .
تسنيم : طيب اتفضل القهوة .
أكمل : تسلم ايدك يا سمسمة . فين قهوتك .
تسنيم : حعملها اهو روح انت اشرب قهوتك .
أكمل : مسك ايديها . تؤ تعالي اشربي معايا دي .
تسنيم : لا اشرب انت وانا حعمل ليا علي طول .
أكمل : قولت لا تعالي اشربي معايا انا وانتي حنشربها مع بعض . وبعدين هي اول مرة ماانتي مقسماني في كل حاجة .
تسنيم : ابتسمت . ماشي بس متبقاش تزعل لما اشربها كلها .
أكمل : اشربي ولا يهمك . تعالي .
وقعدوا الاتنين يشربوا القهوة سوا واكمل كان بيتعمد انه يخليها تشرب الاول وهو يشرب وراها وأكلها معاه الاتشيز كيك كمان . وبعدين .طلعوا علشان يلبسوا ويروحوا الشركة . تسنيم خلصت وراحت خبطت علي أكمل . بس لقته اخد حمام ولابس البيجامة .
تسنيم : انت ملبستش ليه مش نازل معايا .
أكمل : معلش يا سمسمة روحي انتي انا تعبان وعايز انام منمتش طول الليل .
تسنيم : بزعل وقلق في نفس الوقت . خلاص اللي يريحك . طيب تحب اقعد معاك لوتعبان يمكن تحتاج حاجة .
أكمل : كان بياخد نفسه بصعوبة . وهو نفسة يقولها اه انا تعبان وانتي دوايا ياريت كان ينفع تقدي معايا انا فعلا محتاجك محتاجك اوي
. تسنيم : مالك يا كيمو مش بترد ليه .
أكمل : ابتسم . لا يا حبيتي مفيش بس روحي انتي مينفعش انا وانتي منكنش موجودين . عمي حيكون لوحدوا . روحي ومتقلقيش عليا .
تسنيم : حاضر . سلام .

ومشيت تسنيم وأكمل كان مخنوق نفسه يجري وراها ويخادها في حضنه ويقولها والله انتي حبيبتي مش واحدة تانية بس مش قادر وفضل واقف باصص عليها من بلكونة أوضته لحد ماركبت عربيتها ومشيت .

أكمل اخد تليفونه وكلم عمه شوكت .

أكمل : صباح الخير يا عمي .
شوكت : صباح النور يا سيدي ايه انت فين مجتش ليه انت وتسنيم لحد دلوقتي .
أكمل : تسنيم شوية وتلاقيها وصلت الشركة بس انا معلش يا عمي اعذرني انا مش حقدر اجي النهاردة وكمان انا بستأذنك انا مسافر قرية السخنة هما بقالهم فترة عايزيني انا او تسنيم واحنا كنا مشغولين بالمشروع الجديد .
شوكت : طيب في حاجة حصلت .
أكمل : لا ابدا بس شوية مشاكل كدة وانا حخلصها ان شاء الله .
شوكت : تسنيم عارفة انك مسافر .
أكمل : لا متعرفش . حضرتك عارف لو كنت قولتلها كانت مسكت فيا وصممت تيجي معايا وياريت يا عمي متقولهاش دلوقتي خاليها بالليل انت عارف دي ممكن ترجع وتكتم علي نفسي .
شوكت : هههههههه انت حتقولي ما انا عارف . بس قولي انت مش عايزها تروح معاك ليه تكونش واخد حد معاك هناك ومش عايزها تتقطع عليك .
أكمل : هههههه لا والله ظلمني يا عمي انا رايح لوحدي بس بصراحة عايز افكر في موضوع مهم ومحتاج اكون لوحدي . وانت عارف تسنيم لوجت معايا . نزلني البحر نزلني البسين تعالي نتمشي تعالي نعمل شوبنج وحتقرفي معاها .
شوكت : هههههه طيب والله لقولها واستلاقي وعدك بقي يا حلو وشوف حتعمل فيك ايه .
أكمل : ههههه اهون عليك بردوا يا عمي . دي مجنونة وممكن تيجي وتبيتني في البحر بسببك .
شوكت : خلاص مش حقولها . يلا روح انت وانبسط براحتك . سلام .

أكمل: قفل مع عمه وهو مهموم . كان نفس تيجي والله يا عمي . دي هي روحي انا مش عارف ازاي حقدر ابعد عنها بس لازم احاول لازم اجرب ابعد يمكن اقدر واتعود علشان هي لازم تنسي وتعيش مش ممكن حتفضل كدة متعلقة بواحد جبان مش قادر يعملها حاجة وسايبها تتوجع وهو بيتفرج عليها . اه اه يا تسنيم انا
مستاهلكيش والله ما استاهلك .

(في لبنان في شقة نسرين)

مايا : ايه يا ريري بتتفرجي علي ايه في التاب كدة ومبتسمة. وريني كدة . ايه ده مش ده انستجرام بتاع أكمل ابن عمي.
نسرين : وهي عنيها كلها إعجاب ومبتسمة. اه هو شوفي قمر موز خالص .
مايا : غمزتها بعنيها . ايه يا ريري انا حشك فيكي . انتي معجبة بأكمل ولا ايه .
نسرين : ضربتها علي دماغها. بنت نوتي . مين دي اللي معجبة بيه … بس انا ممكن اقولك سر بيني وبينك .
مايا : في بير وورا الجبل كمان بس قولي يا ريري .
نسرين : انت عارفة أكمل ده كله شبه مين ملامحة جسمه صوته شخصيته . كل حاجة فيه . زي مين .
مايا : مين يا ريري .
نسرين : زي باباه سليم الله يرحمه .
مايا : اه عمي سليم . وانتي لسة فاكرة شكله . ده مات من زمان اوي .
نسرين : عمري ما نسيته دايما في قلبي وفي بالي .
مايا : اوبا لا بقي افهم انتي كنتي بتحبي عمي علي بابي . مش ممكن .
نسرين : لاطبعا . انا كنت بحبه من قبل ما أقابل باباكي . كنت بشوفه في النادي وكنا نتكلم ومكنش فيه بنت النادي مبتحبوش وحتموت وتكون معاه .
مايا : هاه وبعدين . لما كنتوا بتحبوا بعض ليه متجوزهوش .
نسرين : لا انا اللي كنت بحبه لكن هو كان بحب ليلي مراتوا . وكان بيموت فيها ومبشوفش غيرها.
عارفة انا اتجوزت باباكي ليه .
مايا : ليه يا ريري .
نسرين : علشان أكون قريبة من سليم علشان اشوفه واتكلم معاه .
مايا : معقول يا مامي . وانا اقول انا طالعة لمين .ههههههههه .
نسرين : هههههههه . اعمل ايه كنت بحبه اوي وهو ولا هو هنا كان مجنون ليلي . تعرفي كان نفسي هي بس اللي تموت في الحادثة وهو يعيش يمكن كنا اتجوزنا.
مايا : امممم واكمل بقي بيفكرك بيه . مش كدة .
نسرين : هزت راسها . ايوة بيفكرني بيه . لما بيجي ساعات مع باباكي وتسنيم وانا بسلم عليه وبخده في حضني بحس انه سليم ومببقاش عايزة ابعد عنه .
مايا : امممم طب خالي بالك لبابا يا خد باله . ولاحتي تسنيم .
نسرين : بقولك ايه انتي ليه متفكريش تتجوزي أكمل . ده الف بنت تتمناه .
مايا: هههه لا طبعا انتي عارفة اني بحب اياد ومتفقين نتجوز .
نسرين : إياد بقي انا أقولك أكمل تقوليلي إياد . عجبك فيه ايه ده انا مش فاهمة .
مايا : بحبه وكمان بنفهم بعض .
نسرين : بس انا حاسة ان اكمل احسن حاولي تنسي إياد وتفكري في أكمل .
مايا : مامي مينفعش اللي بيني وبين اياد مينفعش يتنسي .
نسرين : ليه بقي هو حصل بينكم حاجة .
مايا : ايه اامم لا طبعا مفيش بس اصلي بحبه وانتي عارفة .
نسرين : وانتي بقي فاكرة ان شوكت ممكن يوافق عليه ده شحات وتلاقيه طمعان فيكي .
مايا : مامي مسمحلكيش إياد مش كدة وكمان لو علي بابي انا كلمته في التليفون وقلتله وهو قالي حيفكر .
نسرين : انتي اتجننتي انتي ازاي تعملي كدة من غير ما تقوليلي .
مايا : والله دي حياتي وانا حرة فيها ولعلمك لو بابي موفقش انا حنقل حاجاتي واروح اعيش معاه حتي من غير جواز .
نسرين : انتي بتقولي ايه ده شوكت كان يقت,لك ويقت.لني معاكي . مستحيل ده يحصل .
مايا : ليه بقي كل أصحابي هنا عايشين مع بعض . عادي
نسرين : احنا حاجة وهما حاجة . ابوكي مختلف مش حيوافق علي الكلام ده .
مايا : والله هو ده اللي عندي عن اذنك بقي انا نازلة علشان حتاخر علي إياد . نسرين : مش ممكن البنت دي حتجنني .

في البيت بالليل .
تسنيم قاعدة قلقانة علي أكمل لانها لماورجعت ملقتهوش وكمان تليفونه مقفول . وشوية وشوكت رجع .
شوكت : تسنيم مالك ايه اللي مسهرك كدة .
تسنيم : وهي قلقانة . أكمل يا بابا مرجعش لحد دلوقت وكمان ده الصبح كان شكله تعبان وبعدين تليفونه مقفول . مش عارفة اطمن عليه .
شوكت : لا متقلقيش اطمني . أكمل في السخنة .
تسنيم : استغربت . السخنه ليه وسافر امتي من غير ما يقولي .
شوكت : هو كلمني الصبح وقالي انه مسافر وعايز يفكر في موضوع مهم .
تسنيم : طيب ليه مقاليش ما كنت معاه الصبح .
شوكت : ههههه حقولك بقي وافتن عليه . هو قالي انك ممكن تشبطي فيه و حتقرفيه وتصدعيه بطلباتك وكمام بيني وبينك هو شكله واخد حد هناك وعايز يبقي براحته . سيبيه يا ستي يعيشلوا يومين . يالاتصبحي علي خير .
تسنيم : مقدرتش تمسك دموعها . وجربت علي أوضتها وقعدت تعيط . بقي كدة يا أكمل انا بقرفك وبصدعك وكمان واخد مين معاك هناك . ماشي انا من هنا ورايح مش حقرفك ولا اصدعك تاني وكمان حتي مش حتصل بيك ولا اكلمك علشان تاخد راحتك . وقعدت تعيط كتيييييير لحد ماصدعت من العياط ونامت .

في السخنة أكمل قاعد علي صخرة قصاد البحر . وبيسمع الاغنية دي (تنسي واحدة لعمرو دياب )( ليه يا قلبي كل يوم بتحب واحدة ولسة مش لاقي اللي عايزه في اي واحدة .كل اول يوم تقول انك لاقتها . وفي نهاية اليوم بحس انك نسيتها . كل ده علشان بتهرب من الحقيقة كل ده علشان يا قلبي تنسي واحدة . اي واحدة بتقابلها بتبقي حاسة انت مش جايلها ده انت جاي تنسي . انت عارف حتي تعشق حد غيرها ده انت وانت ويا غيرها بتفتكرها . كل ده علشان بتهرب من الحقيقة كل ده علشان يا قلبي تنسي واحدة. قولت حنسي قولت عمري في يوم ماهرجع . حتعمل ايه دلوقتي يوم ماتحب ترجع . ليه وهمت الناس يا قلبي انك ناسيها والحقيقة انت عايش لسة ليها . كل ده علشان بتهرب من الحقيقة. كل ده علشان يا قلبي تنسي واحدة )

وفضل أكمل قاعد وبيسمع وبتوجع ومش عارف حيعمل ايه وايه القرار الصح يبعد ويسيب حب عمره لحد تاني علشان ميخسرش عمه ولا يخسره ويخسر الدنيا بحالها ويكسب حبيبته وروحه تسنيم وفضل محتار وبيفكر وقعد هناك اسبوعين علي الحال ده يخلص شغل ويفضل قاعد علي البحر وبسمع اغاني توجعه اكتر وتحسسه بجبنه وتقصيره في حق نفسه وحق حبيبته كمان .
أما تسنيم لا كانت بتاكل ولا بتعرف تنام بتروح الشغل وترجع حزينه وبتفكر يا تري أكمل بيعمل ايه ومع مين وفاكراه مبسوط وسعيد مع واحدة تانيه وحتي مبيفكرش فيها وكانت بتقام نفسها انها حتي متحولش تتصل بيه ولا تكلمه . بعد الكلام اللي باباها قلهوها علي لسان أكمل وانه حاسس انها عبأ عليه وقارفاه وخنقاه. ودموعها مكنتش بتقف . لحد ماجه يوم وأكمل كان خلاص تعب ومش قادر علي بعد حبيبته وقرر انه ينزل القاهرة وكان الكلام ده بالليل .

((((أقدار الحب)))) بقلم ريحانة الجنة

(((الحلقة السابعة)))

أكمل فعلا أخد عربيته ونزل القاهرة ووراح علي البيت . في الوقت ده تسنيم كانت قاعدة في الجنينة مخنوقة وبتعيط وأكمل واحشها وحاست انها عايزة تنزل البسين وفعلا قامت وغيرت هدومها ولبست المايوه ونزلت المياه وعامت كتير من ضيقتها وزعلاها ولما تعبت راحت عند حرف البيسين وسندت ايديها وراسها وكانت بتعيط . في الوقت ده . سمعت صوت أكمل وراها .
أكمل : وحشتيني يا سمسمتي .
تسنيم : لفت بسرعة ومش مصدقة ان أكمل جه في الوقت اللي كانت بتفكر فيه. فيه . كيمو وحشتني . وطلعت بسرعة من المياه . وجريت علي أكمل واتعلقت في رقبته وحضنته . كدة تسيبني وتسافر من غير ما تقولي .
أكمل : كان مغمض عنييه وبيحاول يهدا وخايف يحضنها علشان خلاص مبقاش بيقدر يسيطر علي نفسه وخايف يغلط . وخصوصا وهي بالشكل ده ولابسة المايوه . بس خلاص مبقاش فارق معاه حاجة وضمها ليه جامد . اسف اسف . يا سمسمة والله غصب عني .
تسنيم : خرجت من حضنه وزقته . انت بايخ ووحش وانا اصلا مش حكلمك تاني بس هاه .
أكمل : ابتسم . ليه بس يا قطتيتي انا عملت ايه .
تسنيم : يا سلام مش عارف . مش انت قولت لبابا اني بزهقك وبصدعك . قلت ولا مقولتش .

أكمل : حط ايده في جيبه وابتسم . بصراحة قولت .
تسنيم : كدة طب حتي اكدب عليا . ماشي انا خلاص مش حصدعك تاتي ولا حكلمك اصلا.
أكمل : قرب منها . واهون عليكي .
تسنيم : كانت خلاص حتجنن وهي نش فاهمة منين أكمل بيحب غيرها ومنين متغير كدة ودايما حاسة انه في حاجة جواه ليها وخصوصا لما حضنها حست انه مختلف . وكانت سرحانه.
اكمل : رفع وشها بإيده وبص في عنيها . هاه اهون ولا لا .
تسنيم : هزت راسه بلا . لا متهونش وانت عارف . وقربت منه وكانت خلاص . عايزة تتأكد من اللي بالها وأكمل كان حيضعف هو كمان بس فاق بسرعة وبعد
أكمل : بعد ما بعد أكمل ولف بسرعة وهو بيمسح شعره بيإيده . احممم بقولك ايه ايه رأيك اصالحك .
تسنيم : ازاي بقي .
أكمل : حطلع اغير هدومي واجي اعوم معاكي شوية بقالنا كتير معومناش سوا ايه رأيك .
تسنيم : اممم لا مش عايزة .
أكمل : ليه بس والله ما كنت أقصد اني ازعلك انا بس قولت كدة علشان كنت خايف تيجي ورايا وانا كنت محتاج اكون لوحدي .
تسنيم : هاها لوحدك . كداب بابا قالي انك كان معاك حد ومقضيها هناك .
أكمل : ههههههه هو قالك كدة . والله ماحصل كنت لوحدي .
تسنيم : مش مصدقاك .
اكمل : طيب بصي عنيا وانت تصدقي .
تسنيم : ابتسمت وزقته . روح غير بسرعة مستنياك .
اكمل : هههههه ماشي يا قطتيتي هوا . وراح أكمل يغير هدوموا.

وكان في حاجة جواه بتقولو لا بلاش حتغلط. ابعد انت خلاص مبقتش بتقدر تتحكم في نفسك . بس اكمل كان خلاص مش متحمل بعدها وعايزها بأي شكل . وغير هدومه فعلا ولبس المايوه ونزل ولقي تسنيم واقفة بظهرها ليه ووشها للبسين جري عليا بسرعة وشالها ونط بيها في المياه .
تسنيم : هههههههه والله انت رخم كدة ولما اموت من الخضة دلوقتي .
أكمل : هههههه لا متخفيش . مش حتموتي .
تسنيم : طيب بطل بواخة بقي واياك تعملها تاني .
أكمل : هاها لا يا حلوة انتي شكلك نسيتي كنت بعمل فيكي ايه ده انا مش حسيبك النهاردة وحفضل اشيلك وارميكي في الميه تعالي هنا.
تسنيم : لا خلاص والله حزعل منك .
أكمل: لامش حتزعلي انتي اصلا مبتعرفيش تزعلي مني .تعالي ……..

وفضل اكمل وتسنيم يعوموا وأكمل يشلها ويحدفها في المياه وفي مرة تسنيم نزلت تحت خالص وشربت مياه كتير ومكنتش عارفة تاخد نفسها من كتر المياه اللي شربتها . أكمل اتخض عليها وشالها بسرعة وخرجها من المياه وحاول يضغط عليها علشان يطلع المياه اللي شربتها . بس لسه مش عارفة تاخد نفسها . أكمل بحركة تلاقائية قرب منها وحاول يسحب المياه منها بنفسه وكررها لحد ما فعلا تسنيم طلعت المياه اللي شربتها واخدت نفسها .
أكمل : الحمد لله وقعتي قلبي كنت حموت من قلقي عليكي .
تسنيم : اتعلقت في رقبته وقربت منه . كنت خايف عليا .
أكمل : حاول يبعد خلاص مش مستحمل اللي هي بتعمله . واول ماجه يبعد تسنيم فجأته بإنها باسته . أكمل مقدرش يتحمل وحضنها وباسها هو كمان . وتسنيم مكنتش مصدقة بس أكمل أنب نفسه وحس انه خاين لعمه وليها وان ده مينفعش يحصل . بعدها وقام بسرعة وطلع علي اوضته .
تسنيم : اول ما أكمل قام ومشي ندهت عليه . آكمل . آكمل . استني .

بس هو مشي بسرعة ودخل أوضته وقفل بالمفتاح . وكان عمال يخبط راسه بإيده . وهو قرفان من نفسه . غبي غبي ليه عملت كدةليه . حتهرب منها ازاي دلوقتي وانت خلاص مشاعرك فضحتك وهي اكيد حاست بيك حتقولها ايه حتبص في عنيها ازاي . يارب اعمل ايه بس . ودخل أكمل واخد حمام ولبس هدومه ولسة بيفكر حيعمل ايه .
تسنيم : هي كمان اخدت حمام ولبست وراحت لأكمل وخبطت عليه . أكمل . أكمل انت نمت . شكله نام معقول يكون لحق ينام .
أكمل : كان صاحي وسامعها ومش قادر يرد عليها . وقاعد محتار . وبعد شوية دخل بلكونة أوضته كان مخنوق وعايز يشم هوا ولما دخل سمع صوت مزيكا في بلكونة تسنيم ولما قرب شافها نايمة علي الصور وبتسمع الاغنية دي (بتخبي ليه لعمرو دياب )( بتخبي ليه حبيبي عليا .ده انا كلي ليك بصلي في عنيا .و قول اللي نفسك تقولوا واستنيتك تقوله . ده انا بحلم طول حياتي باللحظة ديا. مستني ايه ماتريح قلبي . باين عليك مكسوف ومخبي . . قول اللي نفسك تقوله واستنيتك تقوله ده انا بحلم طول حياتي باللحظة ديا . روح لوم عنيك هي اللي نادتلي . فتنت عليك .قلت وحكتلي . ريحني وقولها بصراحة مش لاقي اي راحة . كلمة واه لو ياعمري تقولها ليا بتخبي ليه حبيبي عليا )

أكمل : بعد ماسمعها. اه يا تسنيم يا ريت ييا ريت أقدر اقولها ياريت . والله نفسي
بس لا خلاص انا مش حستني اكتر انا لازم ابعد والمرة دي حبعد بعيد . هي لازم تنسي لازم .
وعدت الليلة دي من اصعب الليالي علي اكمل وتسنيم .

(وفي الصباح )
تسنيم صحيت وراحت حضرت القهوة لاكمل بس هو اتاخر طلعت تخبط عليه مش بيرد فتحت الاوضة لقته مش موجود . استغربت ودورت عليه في البيت كله ملقتهوش . راحت تكلمه تليفونه مقفول .
وراحت بسرعة تلبس علشان تروح الشركة وتشوفه .

في الشركة في مكتب شوكت
شوكت : دبي . ليه يا أكمل . احنا لسة معانا وقت مستعجل ليه .
أكمل : معلش يا عمي انا كنت مستني نخلص المشروع الاخير وبعدين اسافر علشان اختار المقر بتاع الفرع اللي هناك وخلاص المشروع خلص وانا حجزت طيارة النهاردة بالليل وحسافر اخد المقر وابتدي ارتب كل حاجة .
شوكت : اللي يعجبك . مفيش مشكلة وانت معاك حق التصرف شوف عايز ايه وانا معاك تروح وترجع بالسلامة .
قولي سلمت علي تسنيم .
أكمل : كان مش عارف يرد . احممم لا بصراحة مش قادر حضرتك عارف احنا قد ايه متعلقين ببعض وصعب اني اودعها . وبعدين هي اصلا كانت زعلانة مني لماسافرت السخنة من غير ما اقولها ولسة يا دوب مصالحها امبارح. مكنش ينفع اقولها اني مسافر النهاردة . حضرتك ابقي قولها وكمان ياريت متقولهاش اني مسافر بالليل . قولها اني سافرت خلاص .
حتقعد تعيط وانا بتصعب عليا .
شوكت : اه يعني تهرب انت وانا اللي ادبس في الزن والعياط طيب وحتروح فين لحد بالليل .
اكمل : عند مروان . حروحله لحد معاد الطيارة .
شوكت : براحتك يا بني تروح وترجع بالسلامة .
أكمل : سلمي علي سمسمة وقولها حتوحشني .
مشي أكمل ودموعه في عنيه ومش مصدق انه حيبعد عن روحه ونور عينه ويسافر بعيد عنها وخصوصا بالطريقة دي اللي عارف انها حتجرحها وتخليها تحس انها قللت من نفسها لما باسته هي وهو بعد وسافر حتي من غير مايسلم عليها .

في مكتب شوكت .
تسنيم : سافر دبي . من غير مايقولي .
شوكت : معلش هو قالي انه مش عايزك تعيطي وتزعلي انه مسافر . سيبي اخوكي في حاله باينه كدة بيظبط موضوع جواز وشكلها كمان من هناك . اه اكيد لما سافر السخنة كان بيفكر واديه اهو اول مارجع حجز وسافر علي طول . يبقي ايه .
تسنيم : كانت خلاص حتصرخ وتطلع كل اللي جواها وتقول لباباها كل حاجة بس سكتت وخرجت واخدت عربيتها ومشيت وكانت من كتر عياطتها شهقتها تروح روحها منها وهي مش مصدقة اللي بيحصل وقعدت في العربية وكانت مشغلة الاغنيه دي ( تعبت منك لأليسا )( تعبت منك. عشان مليش غيرك ولا بستغني عنك . وعشان بحبك مليش مكان في زعله اروحلوا الا حضنك . وعشان مليييش غيرك حبيب. لو قلت امشي . توحشني قبل ماتمشي خطوة بعيدة عني . تضحك في وشي امسح دموعي وبنسي ليه قللت مني .وبقول مفيش في الحب عيب . بقليلي برادا واستني منك كلمة حلوة تقولها ليا . اسمعها بهدي وانسي اني عشت معاك اقل من العادية . واصبر عليك من حبي فيك . حتحس امتي اني مفيش في ايديا حاجة غير اني احبك . وان كنت ساكته فعشان متحرمنيش فيوم من العيشة جنبك . مقدرش اعيش غير بين ايديك .ليه كل همك في الدنيا تثبت بس اني مش مهمة . والراي رأيك واني انا جنبك مليش ولا اي كلمة . وبعيش معاك صورة وخلاص . انا عشت عمري ارضيك انا علي حساب كرامتي كان كل همي ان انت تغلط واسمعك بتقول حبيبتي . وعشان رضاك خسرت ناس . بقليلي باردا واستني منك كلمة حلوة تقولها ليا . اه اه اه. بقليلي باردا )

وسافر اكمل وقعد حاوالي شهيرين بيحضر مقر الشركة هناك .وكان كل مايتصل بتسنيم يا اما تليفونها مقفول او مبتردش عليه . كان حيتجنن ويسمع صوتها ويطمن عليها بس كان عازرها وعارف ان حقها تزعل منه .
وتسنيم كانت مجروحة منه اوييي وصعبان عليا نفسها وحست انها رخصت نفسها مع اكمل اكتر من الازم وكانت حالتها صعبة مش بس النفسية لا كمان الصحية لا بتاكل ولا بتنام ولا بتخرج حتي الشركة تروح بس للشغل المهم وطول الوقت بتعيط لحد ما فيوم شوكت رجع من بره وشكله متضايق .
تسنيم : مالك يا بابا في ايه ايه اللي مضايقك .
شوكت : والله يا بنتي انا ماعارف الاقيها منين ولا منين أقلق علي مايا ولا أكمل .
تسنيم : سمعت اسم أكمل قلبها دق وقلقت . مالها مايا وماله أكمل يا بابا .
شوكت : مايا بقالها كام يوم مبتكلمنيش ولا حتي بترد عليا وكل مااسال مامتك تقولي مشغولة في المذاكرة انا حاسس انها زعلانة مني علشان رفضت الولد ده اللي كان عايز يتقدملها اللي اسمه اياد ما انتي عارفة .
تسنيم : اه يا بابا عارفة بس هي كانت بتحبه كنت سيبها تتجوزه .
شوكت : يا بنتي ده واد صايع ولا شغلة ولا حاجة وانا متاكد انه كان طمعان فيها .
تسنيم : حتموت من القلق علي أكمل . ووووأكمل ماله يا بابا .
شوكت : انتي متعرفيش ولا ايه هو مكلمكيش بقالوا قد ايه .
تسنيم : خافت . بقالوا كام يوم . قول يا بابا ماله اكمل .
شوكت : ولا حاجة . متتخضيش اوي كدة . كل الحكاية انه كان عنده شويه برد وسخن وكان صوته تعبان اوي النهاردة .
تسنيم : كدة يا بابا ومتقوليش طيب هو يعمل ايه بقي وهو لوحده كدة .
شوكت : والله ما عارف بس يمكن يكون في حد واخد باله منه .
تسنيم علي قد ما بتغير عليه بس حبها وخوفها عليه كان اكبر .
تسنيم : بابا انا ححجز بكرة علي طيارة بعد بكرة الجمعة الصبح واروح اطمن علي أكمل يومين الاجازة ممكن .
شوكت : ممكن روحي. واهو تساعديه شوية شكله تعب الشهرين اللي فاته دول وكمان انا عايزك تبقي عارفة كل صغيرة وكبيرة دي فلوسك بردوا . وابقي سلملي عليه .
وحجزت تسنيم فعلا وسافرت علشان تشوف اكمل اللي كان واحشها اووووويييييي

(((أقدار الحب))) بقلم ريحانة الجنة

(((الحلقة الثامنة)))

ووصلت تسنيم شقتهم في دبي وفتحت براحة . كانت عايزة تشوف اكمل معاه حد ولا لا . ودخلت بشويش وراحت لقته نايم لوحده ومعهوش حد فرحت وكانت مبسوطة علشان كانت خايفة انه يكون معاه حد . وخرجت براحة راحت المطبخ وحضرتلوا القهوة وكانت جايبالوا الاتشيز كيك معاها وحضرتهم وسابتهم ووقفت بعيد واستخبت وخبت شنتيطتها . وصحي أكمل وكان شكله تعبان وبيكح . وخرج راح المطبخ واول ما بص علي الترابيزة لقي القهوة والاتشبز كيك فرح وابتسم ابتسامة واسعة .
أكمل : تسنيم . هي محدش بيعمل كدة غيرها . وقعد يبص حاوليه يمين وشمال لحد مالقاها جاية من جوة جري عليها وشالها ولف بيها . وحشتيني وحشتيني وحشتيني .
تسنيم : كانت مبسوطة من لهفت أكمل عليها . انت كمان وحشتني اوي . طمني عامل ايه بابا قالي انك تعبان جيت علي طول .
أكمل : شوية برد . بس خلاص اول ما شوفتك خلاص التعب راح .
تسنيم : هو انت كان فيه حد معاك الفترة اللي فتت دي هنا . مش معقول كنت لوحدك .
أكمل : ربع ايده وابتسم . لا يا ستي كنت لوحدي معيش حد
تسنيم : متأكد .
اكمل : اه متأكد . تعالي بقي لما اشرب القهوة ده انا بقالي شهرين حموت علي القهوة بتاعتك .
تسنيم : ههههههه بالهنا والشفا اشرب يا سي كيمو. وكمان النهاردة انا اللي ححضرلك الغدا .
أكمل : تؤتؤ مش ممكن انا حشرب القهوة وننزل نفطر برا . ونعمل بقي شوبنج علي مزاجك وكمان نتغدا برا وابقي حضري العشا بقي لما نرجع . اتفقنا .
تسنيم : يعني انا جاية اشوفك واريحك وانت تعبان اقوم انزلك والففك كمان وانت تعبان لا طبعا .
أكمل : ملكيش دعوة انا حكون مرتاح وانا معاكي يالا روحي خدي حمام وظبتي نفسك .
تسنيم : اممم أكمل . ايه اللي حصل في الليلة اللي سافرت فيها وليه سبتني من غير ما تفهمني حاجة ولا حتي تسلم عليا. للدرجة دي انا رخيصة عندك .
أكمل : اوعي اوعي تقولي كدة انتي اغلي حاجة في دنيتي كلها . بس معلش بلاش نتكلم في اللي حصل وياريت تنسبه خالص لو تقدري خلينا أكمل وتسنيم اللي كنا عليهم اللي مبيخافوش من حاجة ممكن .
تسنيم : بصت في الارض ممكن . عن اذنك حروح اغير هدومي واجيلك.
اكمل : كان بيتقطع وهو بيقولها كدة بس كان خايف يصارحها باي حاجة . وفعلا لبسوا الاتنين ونزلوا وفطروا الاتنين برا وكمان عملوا شوبنج وكمان اتغدوا وقضوا يوم جميل .

وتسنيم علي قد ما كان نفسها تفهم حقيقة شعور اكمل ناحيتها واذا كان بيحبها ولا لا وايه اللي حصل في الليلة اللي سافر فيها يعني عمل كدة علشان بيحبها ولا كانت غلطة منه مش اكتر . بس وهي معاه كانت ناسية كل حاجة ومش بتفكر غير في فرحتها وهي معاه وقريبة منه وبس ورجعوا البيت وغيروا هدومهم وتسنيم كانت بتحضر العشا واكمل قاعد رايح جاي بيفكر اقولها ولا لا اصارحها ولا اسكت طيب لو قولتلها حتعمل ايه . طيب عمي هيوافق . لا انا خلاص مش قادر انا بتعذب وبعذبها معايا انا خلاص انا حقولها واللي يحصل يحصل.
أكمل : بصوت عالي . تسنيم . سمسمة تعالي عايزك بسرعة .
تسنيم :في ايه يا كيمو لسة مخلصتش .
اكمل : مسك ايدها وقاعدها . اقعدي علشان في موضوع مهم لازم اكلمك فيه
تسنيم : اممم مالك موضوع ايه ومالك مش علي بعضك كدة ليه .
أكمل : اصلي مش عارف ابتدي ازاي بصي انا حسمعك اغنية لو فهمتيها حتسهلي عليا الكلام . مش انتي يوم عيد ميلاد نهال سألتيني اذا كنت بحب ولا لا . انا حجوبك . اسمعي كدة.

وشغل اكمل( غنية لحماقي جات يا مجتش)( اه بحب واحدة سكتها صعبة وتقيلة تاعبة قبلي ناس كتير قالو عنها اذكي ولا ليها ماسكة . وبجد واثقة اني سهل اطير . فحسابتها لو انا ثبتها مسكنة حوصالها واهي جات يا مجاتش بقي . والله ما في غير كدة حستني ليه كل اده . طب حخسر ايه ماهي جات يا مجتش بقي . ده استهتار مني انا . وافضل محتار كام سنة . دوس خد قرار . دي يا جت يا مجتش بقي . مين يملي عيني وانا حالة طارئة وعيونها سارقة روحي نفسي اعيش . في عيون كتيرة سودا خضرا زرقا . مع غيري فارقة . عندي ماتسويش . فحسبتها لو انا ثبتها مسكنة . حاوصلها ماهي جات يا مجتش بقي ) وأكمل كان بيسمعها وهو ماسك ايديها وبيهزلها راسه
تسنيم : عنيها لمعت وفرحت . أكمل انت تقصد اللي فهمته .
أكمل : هز راسه . ايوة بحب واحدة سكتها صعبة اوي . والوحدة دي انتي انتي يا تسنيم .
تسنيم : حضنته اووويييي . ياااه ياااه يا أكمل . انت متعرفش انا كنت مستنية اليوم ده بقالي قد ايه . مش مصدقة اخيرا حسيت بيا .
أكمل : كان حضنها اوي ومغمض عنيه . انا حاسي بيكي من زمان انتي حب عمري من وانا صغير. انتي اول واخر حب في حياتي يا تسنيم .
مش انتي كان نفسك تعرفي مين العاشق المجهول اللي كان بيبعتلك الورد والشيكولاتة كل يوم من وانتي في اولي ثانوي .
تسنيم : رفعت راسها من حضنه . مش ممكن انت .
أكمل : هز راسه . اه انا انا اللي كنت بموت كل يوم وانتي قصاد عيني ومش طايلك . كنت بتعذب وانا شايفك بتتألمي بسببي . كنتي فاكراني مش حاسس بيكي وجبلة وتنح زي دادا صباح وشروق ما كانوا بيقولوا عليا . لكن انا كنت حاسس وفاهم وبتألم زيك ويمكن اكتر .
تسنيم : ياااااه معقول طيب ليه مقولتليش . ده انا كنت حتجنن كل يوم وانا شايفاك مع واحدة شكل . ليه عذبتي وعذبت نفسك ليه يا أكمل .

أكمل : كنت خايف . خايف من رد فعل عمي لما يعرف ان اللي كان فاكره اخوكي بيحبك وبيتمناكي . كنت خايف يفتكرني خاين وناكر للجميل . عمي هو اللي رباني وعلمني . وطول السنين دي بيقولي دي اختك . لو كان عايز غير كدة كان قال . او علي الاقل ماخلناش اخوات من اول يوم دخلت فيه البيت .
تسنيم : أكمل انت بتعيط .
أكمل : لو دموعي ما نزلتش عليكي وعلي غذابك بسببي حتنزل علي مين
تسنيم : حضنته . حبيبي انا معاك ومش حسيبك ولو بابا موفقش علي جوازنا نتجوز ونرجع هنا ونشتغل بعيد عنه وهو مع الوقت حيفهم . المهم مش حسيبك .
أكمل : مسك وشها بإيده . بجد يا تسنيم يعني مستعدة تتخلي عن كل حاجة علشاني .
تسنيم : اه حسيب كل حاجة علشانك . انت عندي بالدنيا .
أكمل : كان خلاص وصل لنقطة النهاية ومقدرش يمسك نفسه أكتر من كدة .
قرب من تسنيم وباسها وساب نفسه من غير حدود وتسنيم كمان مكنتش منعاه لانها كانت مستنيه اليوم ده كتير . وكانت متعلقة في رقبته . أكمل شالها ودخل بيها الاوضة . وقضي أكمل مع تسنيم ليلة ميقضيهاش حبيب مع حبيبته لا دي ليلة ميقضيهاش غير زوج وزوجة . وللاسف دي كانت غلطتهم لانهم مهتموش لا اعتبرت واولهم ان ده حرام قبل اي شئ بس حبهم ولهفة السنين مخلتهمش يفكروا في. اي حاجة وسابوا نفسهم لعواطفهم هي اللي تتحكم فيهم . وخلتهم يغلطوا بالشكل ده
وبعد حاوالي ساعتين . تسنيم . نايمة في حضن أكمل وبتعيط .
أكمل : حبيبتي كفاية انا اسف انا السبب في اللي حصل . كان لازم اتحكم في نفسي . بس متقلقيش من حاجة ده انا أكمل كيمو حبيبك . انا معاكي ومش حسيبك .
تسنيم : بتعيط . عارفة بس ده مكنش لازم يحصل الا بعد جوازنا . انا مكسوفة من نفسي اوي .
أكمل : شششش بس كفاية بطلي عياط بقي خلاص يا روحي انا معاكي . احنا اول ما نرجع مصر حكلم عمي ونتجوز علي طول . ولو موافقش حخدك ونتجوز بعيد المهم اني مش حسيبك . فاهمة .
تسنيم : بتعيط . فاهمة . أكمل انا بحبك بحبك اوييي اوعي اوعي يا أكمل تتخلي عني بعد اللي حصل انا ممكن اموت . مش بس علشان انك عملت كدة لا علشان انا خلاص مقدرش ابعد عنك انت لازم تكون ليا انا وبس مش لحد تاني فاهم
أكمل : ابتسم . فاهم يا قطتيتي . تعالي . بقي . ده انت وحشاني وكنت مستني اليوم ده من سنين ………..

((((أقدار الحب )))) بقلم ريحانة الجنة

((( الحلقة التاسعة )))

وبعد الليلة اللي قضاها أكمل وتسنيم تاني يوم الصبح صحيوا الاتنين عليةصوت رن تليفون أكمل …..
أكمل : بس بس شششش مالك يا روحي مخضوضة ليه ده التليفون اهدي براحة .
تسنيم : كانت مخضوضة وقلبها بيدق . هزت راسها حاضر . شوف مين طيب .
أكمل : ده عمي . اهدي بس لحد ما أرد
تسنيم: خافت لما سمعت ان باباها هو اللي بيتصل وعيطت وكانت قاعدة تغطي نفسها بالغطا .
أكمل : كان متضايق من نفسه وهو شايفها مرعوبة كدة وهو السبب . حاول يتماسك . ورد علي عمه .
أكمل : الو . صباح الخير. يا عمي .
شوكت : صباح الخير. يا ابني ايه انت فين كل ده نوم .
أكمل : معلش يا عمي كنت نايم .
شوكت : أومال فين تسنيم . بكلمها مش بترد علي تليفونها .
أكمل : معلش يا عمي هي ممكن تكون نايمة . دلوقتي حروح اشوفها . في حاجة اقولهالها . لما تصحي .
شوكت : اه عايزها ترجع بكرة مصر لاني مسافر بكرة الصبح لبنان في اول طيارة . ومش حينفع نسيب كلنا الشركة كدة .
أكمل : خير يا عمي في حاجة مسافر ليه فجأة كدة
شوكت : ابدا مايا عندها مشكلة كدة ورايح اشوفها . المهم انت عامل ايه النهاردة .
أكمل : كان بيبص لتسنيم وماسك ايديها وبيبتسم . كويس الحمد لله من اول ما يمسمة جات وانا بقيت كويس .
شوكت : الحمد لله . المهم متنساش اللي قولتهولك . وابقي خاليها تكلمني لما تصحي .
أكمل : حاضر متخفش مش حنسي انا كمان ححجز وانزل معاها متقلقش
شوكت : انت خلصت شغلك.
أكمل : لا لسة بس مش حسبها ترجع لوحدها كفاية جات لوحدها وبعدين مش عايزها تقعد في مصر لوحدها لحد ماحضرتك ترجع حقعد معاها ولما ترجع ابقي انا ارجع دبيى ماشي .
شوكت : وماله يا ابني ربنا يخليكوا لبعض . طول ما انت معاها انا ببقي مطمن دي أختك وملكش غيرها .
أكمل : اتنهد بضيق وهو بيمسح وشه يإيده . صح يا عمي . متقلقش عليها وهي معايا . سلام
تسنيم : كانت سامعة كل حاجة . بابا مسافر فين .
أكمل : لبنان عند مايا . وعايزنا نرجع بكرة علشان الشركة لوحدها .
تسنيم : أكمل انا خايفة اوي ومش عارفة ازاي حبص في عين بابا بعد اللي حصل .
أكمل : حبيبتي متخافيش … تعالي في حضني …. اهدي بقي كدة
عمي اصلا ميعرفش حاجة ومش حينفع نقوله اصلا علي اللي حصل . انا لما يرجع حفاتحه في موضوع جوازنا . من غير ما اقوله كدة وحتي لو انجوزنا بعيد عنه بردوا مش حيعرف انا مش عايزه يحس اني بجبره علي الموافقة بسبب كدة فاهمة يا سمسمة . احنا حنتجوز علشان بحبك ومينفعش ابعد عنك أكتر من كدة .
تسنيم : عارف علي قد ما انا خايفة من بعد اللي حصل بس بحس اني مطمنة وفي أمان وانا في حضنك . انا بحبك يا أكمل حب مفتكرش في واحدة حبته لواحد ابداااا انت اول واخر راجل في حياتي .
أكمل : وانتي يا روحي والله اول واخر ست في حياتي.
تسنيم : امممم كداب اومال البنات اللي كنت بتعرفهم دول ايه .
أكمل : ههههههههه . لا والله عمري ما عملت كدة مع واحدة غيرك .
تسنيم :مبتسمة . بتكلم جد .
أكمل : اه والله بتكلم جد انا يمكن كنت بعرف بنات كتير علشان انساكي . كنت بقول يمكن اقابل واحدة تخليني احبها وانساكي بس مكنش بيحصل كنت بحبك اكتر .و اتنهد .عارفة انا حاولت مكدبش عليكي اعمل كدة اكتر من مرة بس كل مرة بمجرد ما اقرب من اي واحدة كنت بشوفك قدامي . مكنتش بقدر اكمل . انا بحبك . بحبك انتي وبس ومش عايز غيرك .
تسنيم : حبيبي يا كيمو . متعرفش انا فرحانا ازاي بالخبر ده . اني اول واحدة في حياتك .
أكمل : هههههه حبيبتي. طيب ممكن بقي تيجي في حضني .
تسنيم : اكمل انا مش عايزة اللي حصل امبارح يحصل تاني لحد ما نتجوز.
أكمل : امممم موعدكيش انا اصلا مصدقت اختفك بعيد عن اي حد .
تسنيم : اكمل . انا بتكلم جد
أكمل : وانا والله بتكلم جد. بصي انا من امبارح وانا اعتبرتك مراتي خلاص . فا إنسي ان اقدر ابعد عنك . فاهمة .
تسنيم : اممم ده تهديد بقي .
أكمل : اه حاجة زي كدة . ودلوقتي جه وقت التنفيذ . تعالي يا روحي …….

وتاني يوم نزل أكمل وتسنيم علي مصر . وأول ما وصلوا . راحوا الشركة وخلصوا شغلهم . وهما ماشين. في عربية اكمل .

تسنيم : ايه يا كيمو. انت رايح فين ده طريق البيت .
أكمل : عارف يا روحي. احنا طالعين السخنة .
تسنيم : هههههه والله انت مجنون . سخنة ايه بقي احنا راجعين من دبي علشان الشغل . نقوم نسافر السخنة .
أكمل : هما يومين وانا ظبط كل حاجة في الشركة . ولو احتاجوا حاجة حيكلموني . انسي بقي اي حاجة . وخليكي معايا قلبي انا حطيرك اليومين دول … سيبيلي نفسك وملكيش دعوة . اوك
وغمزها
تسنيم : ابتسمت. حاضر ما انا مقدرش اقول حاجة . اعمل اللي يعجبك .

وسافر اكمل وتسنيم السخنة وراحوا علي البحر ولعبوا كتير وهزروا وكان اكمل بيسمعها اغنية وهما علي البحر وبيلعبوا . كانت . رسمها لعمر دياب ( رسمها داير ميدور. لو تهل يزيد النور . ليها طالة يعلم الله عاملة ايه فيا . ويلي يا ويلي عنيي. عيني يا ليلي . ناوية تجنني . لا ده انت حكاية احلمي واتمني . علي ماهلك يا اللي ناوية تخلي عقلي يروح مني . لو تعرفي مالي واللي جرالي ترحمي وتحني . رسمها . داير ميدور . لو تهل يزيد النور . ليها طالة يعلم الله عاملة ايه فيا .طب بيني وبينك عيني في عينك . مين في حلاوتك مين . انا شوفت جمالك . قلبي نادالك يتلي خاطفتي العين. رسمها داير ميدور )

وطبعا أكمل وتسنيم كانوا بيباتوا في شاليه واحد مع بعض . وقضوا اليومين هناك وكانوا بالنسبة ليهم احلي ايام عدت عليهم كانوا في منتهي السعادة . و رجعوا القاهرة ولسة شوكت مرجعش وفي يوم أكمل . بعد ماخرج من الشركة مع تسنيم . في العربية .

أكمل : قطتيتي بقي ناوية تجيب فستان الفرح منين .
تسنيم : امممم مش عارفة لسة محتارة .
أكمل : يعني ناوية تجيبي من الاتيلية اللي انتي متعودة عليه ولا حتبعتي تجبي من برا مش فاهم .
تسنيم : انت عارف الديزين . دي عالمية اصلا يعني مش ححتاج اجيبوا من برة بس المحتارة. فيه الفستان نفسه .
أكمل : اممم طيب خلاص احنا حنطلع علي هناك دلوقتي ونشوف علشان لو
في حاجة حتتصمم من الاول تلحق تخلصها بسرعة .
تسنيم : بخبث . اممم ده انت مستعجل اوي بقي .
أكمل :هههههه عاندك شك في كدة . ده حموت ويجي اليوم اللي تبقي في مراتي قدام الناس كلها . انا عايز نخلص موضوع الفستان ده في اقرب وقت وكمان نختار بدلتي وكل حاجة انا عايز لما عمي يرجع واكلمه أكون مخلص كل حاجة علشان نتجوز بسرعة .
تسنيم : اه يا أكمل يارب بابا يوافق من غير مشاكل .
أكمل : ان شاء الله . حيوافق . متشيليش هم انتي بس وخليكي ففي فستانك .

ورحوا الاتيليه وابتدت تسنيم تقيس الفساتين وتوريها لأكمل .

تسنيم : ايه ماله ده كمان ده رابع واحد وتقلب وشك .
أكمل : والله مش عارفة . بصي يا حلوة ظهرك كله عريان انسي . شوفي غيره .
تسنيم : اوفففف .
أكمل : عيب متنفوخيليش . بدل ما اخدك جوة في أوضة اللبس واربيكي .
تسنيم : هههههه مجنون وتعملها . خلاص حشوف غيره.
أكمل : ايوة كدة شطورة .
وبعد شوية تسنيم . قاست واحد تاني .
تسنيم : هاه قول بقي حاجة . ده تحفة .
أكمل : هو حد قالك انك حتجوزي . عيل اهبل ولا حاجة . اجري يا ماما شوفي غيره . هو ما كنش عريان من الظهر يبقي من قدام انتي مش شايفة مفتوح ازاي من عند الصدر انسي روحي يالا.
تسنيم : اوففففففف
أكمل : والله اجيلك . امشي يالا.
وبعد شوية .
تسنيم : هاه انا تعبت حرام عليك .
أكمل : صفر صفارة اعجاب . ايوة هو ده تحفة عسل يا قلبي . تمام انا موافق عليه ده .
تسنيم : ابتسمت واخدت نفاسها . الحمد لله تعتني .
أكمل : يالا علشان نروح نشوف بدلتي .
تسنيم : لا مش قادرة انا عايزة اروح انا تعبت وعايزة انام . خليها بكرة .
أكمل : قرب منها . اممم . ممكن بس بشرط .
تسنيم : شرط ايه ده بقي.
أكمل : حضنها من ظهرها ووشوشها . ننام النهاردة في أوضة واحدة .
تسنيم : ههههه لا
أكمل : ليه بس يا قطتيتي احنا من ساعة مارجعنا من السخنة وكل واحد بينام في أوضته .
تسنيم : مينفعش . انت ناسي دادا صباح لو شافتنا حنعمل ايه .
أكمل : امممم حقولك انا بعد ما كل واحد يدخل أوضته حنطلك من بلكونة أوضتي . اتفقنا .
تسنيم : هههههههه مش بقولك مجنون .
أكمل : اه مجنون . مجنون بيكي وبحلاوتك يا قطتيتي .

ورجع أكمل وتسنيم علي البيت وفعلا عمل زي ما قالها ونط من بلكونة أوضته . وتاني يوم راحوا اختاروا بدلة أكمل وجهزوا كل حاجة وشوكت اتصل بيهم وقالهم ان هو جاي تاني يوم . وفي الليلة دي بالليل أكمل نط تاني لتسنيم .
تسنيم : وبعدين معاك حتي النهاردة . ده بابا جاي الصبح .
أكمل : متقلقيش حروح أوضتي قبل ما يجي . وبعدين ايه المقابلة دي موحشتكيش ولا ايه .
تسنيم : ههههه لا طبعا وحشتني وووحشتني اوووي كمان .
أكمل : طيب تعالي بقي وبطلي كلام كتير …………

وفي الصباح جه اليوم اللي مستنينه وعمللنه الف حساب وجه شوكت بس يا تري بعد كل اللي حصل بين تسنيم وأكمل . حيتجوزوا ولا لا وياتري ايه اللي ممكن يحصل ويفرقهم . ده اللي حنعرفوا بعدين

(((أقدار الحب )))بقلم ريحانة الجنة

(((الحلقة العاشرة ))

في الصباح تسنيم صحيت علي صوت دادا صباح . وأكمل نايم حنبها .
صباح : من ورا الباب . تسنيم يا سمسمة اصحي يا حبيبتي علشان تجهزي باباكي زمانوا جاي .
تسنيم : حاضر حاضر يا دادا انا حقوم اهو . هو أكمل صحي.ولا لسة
صباح : طب ماتفتحي الباب علشان اعرف اكلمك .
تسنيم : لا معلش علشان بغير هدومي روحي انتي صاحي أكمل .
صباح : انا خبط ومفتحش . وانتي عارفة أكمل بينام وواخد راحته . مينفعش ادخلوا. خلصي انتي وتعالي صاحيه.
تسنيم : حاضر روحي انتي . ورجعت تسنيم للسرير. علشان تصحي اكمل . أكمل . كيمو قوم بقي . كل ده نوم .
أكمل : ابتسم وشدها وحضنها . اه كل ده نوم ولو عليا مقومش من حضنك ابدا .
تسنيم : شششش وطي صوتك لدادا تسمعك .
أكمل : وهو بيهمس . حاضر حوطي صوتي بس بشرط .
تسنيم : ابتسمت بخبث . شرط ايه .
أكمل : انتي عارفة ..
تسنيم : تؤ تؤ معرفش .
أكمل : اممم كدة طب تعالي وانا أعرفك ……………….

وبعد شوية أكمل راح أوضته من البلكونة كالعادة وهو وتسنيم اخدوا حمام ولبسه ونزلوا وفطروا سوا . وكانوا قاعدين مستنين شوكت . وهما . بيهزروا وبيضحكوا شوكت جه بس مكنش لوحده كان معاه مايا . أكمل وتسنيم قاموا يسلموا عليهم .
تسنيم : بابا وحشتني . مايا حبيبتي ليه مقولتليش انك جاية .
مايا : بخنقة . عادي مجتش فرصة احنا اصلا مش قريبين اوي يعني علشان اقولك كل حاجة. وراحت لاكمل . ازيك يا كيمو وحضنته وباسته .
أكمل : احمم ازيك يا مايا عاملة ايه . وطنط نسرين كويسة .
مايا : اه كويسة .
شوكت كان ساكت ومبيتكلمش وراحوا كلهم علشان يقعودوا .
تسنيم : شدت اكمل من التيشيرت . وزغدته وهي بتجز علي سنانها . متبقاش تحضن اوي كدة بدل ما اوريك شغلك.
أكمل : وشوشها : اي اي . حاضر براحة . أعملها ايه هي اللي حضنتني . بس متخفيش حبقي اقولها اني محجوز وحصري يا قطيتي ..
تسنيم : هههههه ايوة كدة احسن اموتك .
مايا : بإستفزاز . بتضحكوا علي ايه ماتضحكونا معاكم .
أكمل وتسنيم : بصوا لبعض وضحكوا تاني . وراحوا قعدوا معاهم .
أكمل : حمد لله علي سلامتك يا عمي .
شوكت: وهو مهموم . الله يسلمك يا بني .
أكمل : عمي انا كنت عايز حضرتك في موضوع مهم جدا ومينفعش يتأجل .
شوكت : انا كمان عايزك في موضوع مهم تعالي معايا علي المكتب .

وقام شوكت واكمل وراه وهو ماشي غمز تسنيم بعنيه . وهمسلها . ادعيلي .
تسنيم : ابتسمت . وهزت راسها .
مايا : مالك مبتسمة كدة وفرحانا . انتي تعرفي هما حيتكلموا في ايه .
تسنيم : حاجة زي كدة .
مايا : طيب ما تقوليلي علشان ابتسم زيك .
تسنيم : لا مش حينفع لما يخرجوا حتعرفي .

(في مكتب شوكت )

شوكت قاعد مهموم ومضايق .
اكمل : مالك يا عمي . انت تعبان اطلبلك الدكتور .
شوكت : كان بيفك الكرتفات وهو بيحاول ياخد نفسه.
أكمل : قلق. خير يا عمي مالك
شوكت : حقولك حقولك كل حاجة . بس قولي ايه الموضوع المهم اللي انت عايزني فيه .
أكمل : لا مش حينفع وانت في الحالة دي انا عايز اتكلم معاك وانت كويس . قولي بس مالك في ايه .
شوكت : عنيه دمعت . عمك حيتفضح عمك معرفش يربي يا أكمل .
أكمل : بلع ربقه بصعوبة . ليه يا عمي ايه اللي حصل .
شوكت : مايا مايا يا أكمل كانت . سايبة البيت وعايشة مع الواد اللي اسمه اياد ده
أكمل : معقول . وطنط نسرين ازاي ستبتها تعمل كدة .
شوكت : دي حسابها معايا عسير بس لما اخلص من المصيبة دي . المشكلة انها مكنتش عايشة معاه وبس . لا دي كمان.. كمان
أكمل : كمان ايه يا عمي . قولي .
شوكت : سلمتله نفسها يا أكمل كانت عايشة اكنها مراتوا . ضيعت نفسها مع كلب ولا يسوي . كسرتني وزلتني يا أكمل عمك اتكسر
أكمل : كان بيعض علي شفايفه من الغيظ حاس ان الكلام وجعه لانه هو كمان عمل كدة في بنته التانيه . حس ان عمه صعب عليه وانها حتكون صدمة ليه لو عرف اللي بينو وبين تسنيم .
شوكت : ساكت ليه يا بني
أكمل: احممم لا ابدا المهم دلوقتي حنعمل ايه احنا لازم نخلي الحيوان ده يتجوزها .
شوكت : اومال انا كنت قاعد هناك كل ده بعمل ايه . انا اول ما نسرين كلمتني وقالتلي تعالي عايزاك في مشكلة تخص مايا. سافرت بعد ماكلمتكوا في دبي . ولما روحت قالتلي علي المصيبة دي وبعلاقاتي . واتصالاتي عرفت هما قاعدين فين . ولما روحنا علشان نجبها اول ماعرف ان احنا وصلنا هرب وسابها .
أكمل : طيب معرفتوش تيجبوه ولا تتصلوا بيه.
شوكت: مايا كلمته وقالتلوا بابا عايزك تتجوزني . قالها لا ابوكي عايز يقت,لني او يلبسني مصيبة وانا مش جاي وقفل السكة ومحدش عارف هو راح فين . ابن الكلب ضيعها وسابها وهرب .
أكمل : كان متغاظ . طيب وبعدين حنعمل ايه في المصيبة دي .
شوكت: الحل في ايدك انت يا أكمل . انت اللي تقدر تنفذ سمعة عمك من الفضيحة .
أكمل : انا يا عمي . انا تحت امرك قولي اعمل ايه بس .
شوكت : تتجوز مايا .

انا اتجوز مايا ازاي مستحيل .مقدرش .
شوكت : انا عارف يا ابني ان الموضوع صعب وانك ملكش ذنب انك تتدبس في مصيبة غيرك . بس علشان خاطر عمك وافق .
أكمل : عمي . انت مش محتاج تتحايل عليا الموضوع مش كدة . المشكلة اني بحب واحدة تانية ومقدرش اتخلي عنها دي حب عمري مقدرش اخسرها.
شوكت : طيب بص حتي اتجوزها كام شهر ولا حتي سنة وبعدين طلقها . المهم انها تتجوز انا مقدرش اطلب الطلب ده من حد غيرك . ارجوك يا أكمل انا لو اتفضحت . ممكن اطب ساكت . ودموعه نزلت وهو بيترجي اكمل
أكمل : عمي كفاية ارجوك انا بتعذب والله ربنا عالم بيا . بس مش عارف اعمل ايه . مش عارف.
شوكت : اتجوزها يا أكمل وبعد ما تطلقها بعدها بسنة كدة علشان كلام الناس . ليك عليا اجوزك اللي انت عايزها وانا اللي حتكفل بجوازك من كل حاجة وحعملك اكبر فرح المهم تنقذني من الورطة دي .
أكمل : مكنش قدامه حل تاني .وفكر إنه لو رفض عمه حيزعل منه وحتي مش حيخليه يتجوز تسنيم . لكن ممكن انه بعد مايطلق مايا يتجوز تسنيم . عمي توعدني انك تجوزني اللي اختارها ومترفضتش .
شوكت : لاوالله يا ابني حجوزك اللي انت عايزها .
أكمل : لسانة مش قادر يطاوعوا ويقولها . ساكت
شوكت : خلاص يا أكمل حتتجوزها
أكمل :هز راسه وهو عيونه وصوته مخنوقين من الدموع
شوكت : حبيب عمك انا عمري ماحنسالك الجميل ده . علي فكرة انا كنت متاكد انك حتوافق ومش حترفضلي الطلب ده علشان كدة واحناجاين قلتلها انك حتتجوزها وهي عارفة.
أكمل : كمان . يعني هي عارفة اومال هي ليه مش باين عليها انها زعلانة ولا مكسورة ولا حتي ندمانة
شوكت : ما انت عارف دي غير تسنيم دي متربية علي ايد نسرين . بس انا اللي غلطان اني سيبتهالها تربيها . كان لازم اعرف انها مش ممكن تعرف تربي . وادي النتيجة ضيعت البنت .بس اكمل انا مش حجيب سيرة لتسنيم مش عايز اختها تقل في نظرها ويكون بينهم حساسية انا عايزهم يقربوا من بعض . حنقول انك طلبت ايد مايا وانا وفقت .
يالا خالينا نخرج نبلغهم ونحدد معاد الفرح .

وخرج شوكت وأكمل لمايا وتسنيم وأكمل كان خارج مهموم ومخنوق ومش عارف حيبص في عين تسنيم ازاي وتسنيم لما لقتهم خرجوا كانت فرحانه ومستنية الخبر اللي هي بتتمناه . وخصوصا لما شوكت بدا كلامه .
شوكت : تسنيم عاندي ليكي خبر حلو . أخيرا أكمل قرر يتجوز .
تسنيم : مبتسمة . ومين سعيدة الحظ دي اللي حتتجوز كيمو .
شوكت :مايا أكمل طلب ايديها مني
تسنيم :حاست انها دايخة ومش مستوعبة. مممايا . أكمل حيتجوز مايا .
شوكت : ايوة هو كان مستني لما أرجع علشان يبلغني بالخبر ده .
تسنيم بصت لأكمل نظرة مفيش كلام ممكن يوصفها ولا الف كلمة وجع والم وجرح واهانة . احساس صعب يتوصف ولا يتقال .
تسنيم : وصوتها مخنوق وبيترعش من خنقة الدموع . مممبروك يا أكمل . مبروك يا مايا .
شوكت : انتي بتعيطي ولا ايه .
تسنيم : وهي بتحاول تتماسك وبتضحك ضحكة وجع . هههه لا طبعا بس اصلي فرحت اختي الوحيدة وأكمل ابن عمي وأخويا حيتجوزوا لازم افرح . مبروك اااانا لازم اروح ابتدي اجهز نفسي علشان ده مش حيكون فرح عادي . ده حيكون يوم عمري محنساه . وجريت تسنيم علي أوضتها .
أكمل : كان مش قادر يمسك نفسه وهو بيمسح وشه وشعره بخنقة وغيظ ومش عارف حيعمل ايه مع تسنيم لعد اللي حصل بينهم .

في أوضة تسنيم قاعدة معاها دادا صباح
تسنيم ماسكة المخدة وكاتمة بيها نفسها ودموعها علشان محدش يسمعها . كانت اهاتها وصريخها فوق الاحتمال .
تسنيم : بعياط هستيري . اه اه اه يادادا اكمل ضيعني يا دادا أكمل ذبحني يادادا اه انا مش مصدقة مش مصدقة . أكمل يعمل فيا كدة . ليه ليه .
صباح :يا حبيتي اهدي علشان خاطري مايا ممكن تسمعك . ولا تزعلي نفسك من بكرة تتجوزي سيد سيده هو انت قليلة ده انتي الف غيره واحسن منه يتمنوكي .
تسنيم : بتعيط بحرقة . مبقاش ينفع . خلاص . خلاص يادادا مبقاش ينفع . انا اللي بيني وبين اكمل أكبر من كدة بكتير .
صباح : مسكتها من ذراعها الاتنين. تسنيم انا مش فاهمة ايه اللي حصل بينكم . اوعي يكون …
تسنيم : مغمضة عنيها وبدموعها اه اه يا دادا. حصل . حصل .
صباح : يالهوي ليه ليه تعملي كدة انتي يا تسنيم ليه كدة معقول . منك لله يا أكمل ضيعت البنت منك لله . وانتي ازاي ازي سيبتيلوا نفسك وامتي هو مش كان بيقول انك اختوا يبقي حصل ازاي فهميني .
تسنيم : بتاخد نفاسها . لما كنا في دبي . اعترفلي انه بيحبني وحصل هناك وكمان لما رجعنا هنا. كان بيحصل كل يوم كل يوم يا دادا . انا حموت حموت يادادا مش ممكن انا حاسة اني في كابوس . صحيني ياداد صحيني وقوليلي اني بحلم . ده مش ممكن يكون حقيقي أكمل ميعملش فيا كدة لا لا .
وتسنيم فجاة اغمي عليها وفقدت وعيها .
صباح : اتخضت عليها . تسنيم تسنيم . ردي عليا مالك يا بنتي يا ربي اعمل ايه .
في الوقت ده الباب خبط . ودخل اكمل . اول ماشافها جري عليها وهو ملهوف
أكمل : تسنيم حبيبتي مالك . مالها يادادا ايه اللي حصل .
صباح : بدموعها . مش عارف مالها بعد ما ضيعتها وعملت فيها اللي عملتوا لسة بتسأل . اخرح من هنا انا حفوقها . لازم تفوق وتشوفك علي حقيقتك . لا سف كلنا اتخدعنا فيك وكنا فاكرين انك لو شفتها عريانة تغطيها مش انت اللي تعريها بإيدك . امش اخرج برة .
اكمل : كان مخنوق ومش طايق نفسه وحاسس انه جبان وفعلا ضيعها . خرج وساب قلبه معاها ونزل واخد عربيته ومشي وراح لمروان

في شقة مروان
أكمل : بيعيط وبيصرخ وبخبط في الحيطة بيإيده . ضيعت تسنيم يا مروان ضيعتها بإيدي انا انا اعمل فيها كدة مش مصدق . اناكلب وجبان جبان .
مروان : خلاص يا اكمل كفاية. ارجوك انت اتحطيت في موقف وحش مكنش ينفع تعمل غير كدة . كنت حتعمل ايه بس . لو كنت قولتلو لا مكنش حينسهالك ولا عمرك كنت حتتجوز تسنيم. لكن كدة ممكن بعد ماتطلق مايا تتجوزها . وخصوصا ان محدش يعرف اللي حصل بينكم غير دادا صباح وانا . فمفيش مشكلة . اهدي بس واتماسك وفهمها انت بس كل حاجة .
أكمل : اه اه يا مروان لو كنت شوفت نظرتها ليا لما عمي قالها الخبر ده . كانت بتقطعني . كانت بتقولي ياجبان يا خاين انا تعمل فيا كدة كانت مجروحة اوي يا مروان كان وجعها وهي بتقولي مبروك ميتوصفش ولا يتحكي . انا حموت عليها والله حاسس اني قلبي حيقف . مش قادر
مروان : اهدي يا اكمل انا عمري ماشوفتك كدة .
أكمل : اهدي ازاي وانا كل حياتي بتضيع مني في غمضة عين . اهدي ازاي قولي . قولي ازاي . دي تسنيم تسنيم .
مروان : طيب اهدي وانا حروح اجبلك حاجة تهديك .
وفضل اكمل قاعد منهار وبيبكي لحد ماهدي ورجع البيت كان الوقت اتاخر ولما طلع وراح أوضته سمع تسنيم في بلكونتها مشغلة الاغنية دي وقاعدة في الارض وساندة راسها علي الحيطة وبتعيط . وكانت اغنية صعبة ووجعت أكمل اكتر ماهو موجوع . كانت لحماقي (كان وكان)( وده كان وكان وكان . كان فترة حلوة واحلي احساس بالامان كان حب اراهن حس بيه في يوم انسان . كان اللي مهما اتعبله راضي ومش تعبان . تؤم ايه كان حبيبي . وانا اللي حلمت وفاجئني في نص الحلم . نهاية غريبةومتنفعش حتي لفيلم . ده مفيش حدوتة حب تعيش بطلها طلع جبان . وده كان وكان وكان . اه من تعب الفراق ده اللي اتحكالوا عن مراره غير اللي داق . وخصوصا لما بيبقي من غير اتفاق .
مش سحر حد ينام بجرح ويصحي فاق . وانا مش حنسي وده عيبي . وانا اللي حلمت وفاجئني في نص الحلم . نهاية غريبة ومتنفعش حتي لفيلم. ده مفيش حدوتة حب تعيش بطلها طلع جبان . ) أكمل سند ظهره علي الحيطة ونزل علي الارض وهو بيبكي وبيخبط راسه في الحيطة
أكمل : فعلا جبان جبان وغدرت بيكي ليكي حق ليكي حق . اه يارب ليه كدة ليه بعد كل اللي حصل ليه تعمل فيا وفيها كدة اعمل ايه بس انا مش عارف مش عارف . يارب يارب.