قصة سر الحجاب

انا فى كارثه بجد انا عروسه متجوزه من سنه وبحب جوزى جدا وهو كمان نسيت اعرفكم بنفسى انا المغفله قصدى ضحى وبشتغل مدرسه وجوزى معيد فى الجامعه

حصل حمل مرتين بس للأسف سقط والحمل مش بيوصل للشهر التالت

جوزى بيحبنى جدا وانا كمان بعشقه يمكن الكلمه دى قليله عليه

محمد جوزى لى طقوس يوميه بيقوم يروح الجامعه الصبح

ويرجع على الساعه 9 بالليل نتعشا انا وهو ومش بنخرج غير فى الإجازات المهم انا كل يوم بصحى من النوم الصبح جسمى متكسر وهلكانه وتعبانه معرفش ليه وانا بعانى من الانيميا بس اكيد مش ده السبب

كلمت ماما علشان تيجى معايا اكشف قالتلى متقلقيش يمكن برد فى جسمك

قولتلها لا

حجزت عند الدكتوره وميعادى عندها بكره بالليل خدت ماما تبات معايا ومحمد مكانش عارف انها هتبات

نامت فى غرفه الأطفال وياريت ما دخلت

محمد رجع من الجامعه كالعاده الساعه 9 قولتلوا حبيبى قالى نعم يا عمرى قولتلوا ماما عندنا النهارده كان ماسك فى ايده

كوبايه المياه وانا بكلمه رد قالى تنور يا حبيبتى راح قالى هى هتنام فين اصل احنا عندنا غرفه أطفال وغرفه تانيه اسمها معيشه قالى هتنام فييييين قولتلوا فى غرفه الأطفال راحت كوبايه المياه وقعت من ايده وانا كنت حزينه قولتلوا هى اسمها كده قالى حبيبتى بكره تبقى زى الفل واحنا بنتكلم حسيت جسمى بيرتعش وكانت الساعه 10 بالليل محمد قالى ادخلى نامى قولتلوا مش دلوقتى راح قالى

الساعه 10 وانتى عندك شغل وانا كمان واحنا بنتكلم لاقيت محمد بيقولى خلى ماما تنام فى غرفه المعيشه وهو بيتكلم لاقيت ماما خارجه من الغرفه وبتقول انا عرفت يا ضحى انتى مش بتخلفى ليه وماسكه فى ايدها حجاب

محمد بص فى زهول وماما قالت محمد رد وقالها نعم قالت هو انت اللى…… عاوزين تعرفوا حكايه الحجاب وهل محمد لى يد كله هيبان

لاقيت ماما خارجه من الغرفه وبتقول انا عرفت يا ضحى انتى مش بتخلفى ليه وماسكه فى ايدها حجاب

محمد بص فى زهول وماما قالت محمد رد وقالها نعم قالت هو انت اللى حاطط الحجاب ده فى الدولاب وسط ملايات السرير وضحكت من قلبها لأن فعلا شئ لا يصدقه عقل جوزى حبيبى حبيب عمرى يعملى عمل؟ وهنا بقى السؤال مين حط الحجاب ده فى الدولاب وسط ملايات السرير

محمد دخلى غرفتنا ينام وقال لماما وباسها من راسها تصبحى على خير يا حماتى وقعدوا يضحكوا

اول ما دخل ماما غمزتلى وقالت ادخلى اتأكدى انه نايم

وفعلا دخلت واتسحب بشويش زى الحراميه ههههه

مش مصدقه نفسى

خرجت لماما راحت شدتنى وقعدتنى على كنبه الانتريه وقالتلى مين اللى حاب الحجاب ده هنا انتى خايبه وعبيطه

انا مش هسكت وهولعها نار 🔥 🔥 🔥 ولازم اعرف مين

بيأذيكى يا بنتى وحضنتنى وقعدت ټعيط كل ده وانا فى ذهول مش مصدقه نفسى

راحت سالتنى مين بيدخل شقتك قولتلها مفيش غير جارتى وسام ومش بتتحرك من مكانها راحت ماما قالت ومين تانى

قولتلها نهى سلفتى وانتى عارفه مناخيرها فى سمھا حتى مش بتيجى كتير وكانت هنا من اسبوع وأصحابى دعاء وداليا وطبعا تربيه ايدك يا ماما وضحكت

ماما قالت بتضحكى انتى فى مصيبه يا بنتى فى حد حطك فى دماغه بس مين معرفش

راحت ضحى قالت ماما ماما قالت نعم يا عين ماما وعينها مليانه بالدموع ضحى افتكرت فى بنوته كده بتيجى هنا هى بنت اخوه صاحب محمد طلب منه يذاكر لها بتيجى كل أسبوع مره او مرتين

ماما امممممم ماشى ربك المستعان ربنا ينور بصيرتنا للحق

ضحى يلا يا ماما الموضوع مش مستاهل دى حته ورقه ههههه

ماما قالت حته الورقه دى بقالك سنه مش عارفه تخلفى كل مره تسقطى حته الورقه دى بينت ان ليكى عدو وحسبنا الله

لاقيت نفسى برتعش وجسمى تلج وحسيت بتعب ماما

مالك قولتلها ده كل يوم على كده انا هدخل انام تصبحى على خير

ماما يلا نامى يا ست الكل علشان بكره نروح للدكتور

ضحى دخلت تنام وهى تعبانه وطبعا ده آثار العمل

lلام قعدت تفكر وقالت مين اللى بيفكر يإذى بنتى وسام جارتها ولا اصحابها ودول مستحيل ولا سلفتها ولا البنت تبع جوزها محمد بس ايه جاب الشام جمب المغربى وليه lلام هتجنن

دخلت تنام معرفتش وقامت وقالت لازم اتصرف ترجع بس من عند الدكتور وربنا يحلها من عنده

وقام محمد من النوم وضحى حضرت الفطار بس الغريبه ان محمد كان مرتبك ومضايق من وجود حماته ضحى محمد انت مسالتش على ماما قالها قولت انها نايمه هههههه وضحك ضحكه صفرا

ضحى هدخل اصحيها تفطر محمد قالها انا همشى باى يا حبيبتى

ضحى دخلت على مامتها الغرفه بتبص ملقتهاش فى السرير

ضحى استغربت بشده ماما فيييين

عاوزين تعرفوا حكايه العمل بتاع ضحى وكمان مامتها راحت فيييين وهتعمل بالحجاب ايه وهتكشف سره ازاي

ضحى دخلت على مامتها الغرفه بتبص ملقش فى السرير

ضحى استغربت بشده ماما فيييين ومن كتر ما اتلغبطتت خرجت بره غرفه الأطفال وبقت تدور وتنادى ماما ماما

وراحت عالحمام ومسكت باب الحمام وهى بتفتحه لاقت حد بيخبط على باب الشقه وقالت بصوت عالى مين وراحت تفتح وفتحت الباب ضحى ايه ده ماما انتى كنتى فيييين؟؟؟ انا قلقت عليكى آوى ماما مالك فى حاجه

قالت لها وهى بصوت حزين 😔 مفيش يا بنتى وفى سرها بتقول فى بلاوى

ضحى هدخل احضر فطار

lلام لا لا مش، دلوقت

ضحى لا هحضر يا ست الكل غيرى هدومك يلا بقى وهى بتضحك وفرحانه

lلام فى نفس الوقت بتقول فى سرها انتى فى كارثه يا بنتى

ربنا يخرجك منها على خير واعرف مين اللى عملك العمل الأسود ده والأم سرحاااانه

ضحى ماما ماما بصوت فرحان الفطار جهز

lلام جايه اهو

ضحى والأم قعدوا على السفره يفطروا وضحى مبسوطه لان مامتها قاعده معاها

lلام حزينه مش عارفه مين عمل لضحى كده ومين بيكرهها

ويقصد ايه بالظبط واسئله كتيره بدور فى راسها

ضحى ماما مالك من وقت ما رجعتى وانتى سرحاااانه صحيح يا ماما كنتى فيييين؟ ؟؟؟ الكلام خدنى ونسيت أسألك

lلام كنت عند خالتك يا ضحى

ضحى استغربت خالتوا يا ماما قالت لها آه

ضحى من امتى ڈم ..ا انتى واخده موقف منها علشان موضوع الفلوس هى رجعتها وانا معرفش؟؟؟

lلام لا يا ضحى دى اختى ومستغناش عنها

lلام بتقول فى سرها لازم يا بنتى ألجأ لها هى اللى تعرف فالحاجات دى وطبعا تقصد ( العمل)

اليوم كله عدى وجه وقت الدكتور

ضحى ماما ماما انا جهزت خلصتى

lلام ايوه خلاص يلا يا ضحى متنسيش تاخدى معاكى التحاليل والاشعه

ضحى ده مش دكتور نسا يا ماما

lلام نسيت يا بنتى معلش…

ونزلوا راحوا عند الدكتور وفى الطريق قبلتهم صاحبه ضحى داليا

ضحى ايه يا بنتى فينك مش باينه داليا قالت انا اهو

داليا ازيك يا طنط

lلام ازيك يا حبيبتى اخبارك ايه وعامله ايه وهتجوزى امتى

داليا ان شاء الله كلها شهر وانتم مش محتاجين عزومه

طبعا

lلام وضحى فى نفس الوقت لا وقعدوا يضحكوا

داليا انتوا رايحين فيييين كده

ضحى عند الدكتور اصلى دايخه وبقوم من النوم جسمى مكسر وبحس انى هلكانه ومتعبه

داليا ربنا يطمنك ويكون خير متقلقيش، طيب اسيبكم انا علشان متتأخروش وهطمن عليكى وهتصل بيكى اكيد

ضحى باى باى والأم طريق السلامه يا عروسه وكانت مبتسمه

وصلوا عند الدكتور وقعدوا يستنوا ميعادهم

lلام تعالى اققعدى جمبى يا ضحى

ضحى حاضر ثوانى يا ماما هروح اشوف هندخل امتى بالظبط lلام ماشى يا حبيبتى

lلام وهى قاعده بتبص على اللى قاعدين فالعياده شافت ست ومعاها بنت بس البنت دى كان شكلها تعبان اوى

lلام هى مالها البنت دى وراحت قالتلها هى مالها

الست وشكلها مامتها قالت دى مدوخانى بقالها 5 شهور مفيش حل وتعبانه على طول وولاد الحلال قالوا الدكتور ده كويس

lلام قالت ربنا يطمنك عليها واطمن على ضحى بنتى وضحى جت

ماما يلا علشان ندخل الست قالت لها دى بنتك

lلام اه ضحى بنتى لسه عروسه

الست شكلك لسه مخلفتيش

lلام عرفتى ازاى الست ارتبكت وقالت لا لا علشان مش ع ايدها بيبى ولا حاجه

lلام اااه ربنا ييسر أمرها

الست خييير

الست قالت فى سرها …

هو مش خير يا عينى عليكى يا بنتى ده انتى صغيره

lلام قالت عن اذنك الست اتفضلوا lلام رجعت وقالت. معلش ممكن اعرف اسمك قالت لها انا أسمى ماجده lلام عاشت الأسامى يا ماجده

ضحى ومامتها دخلوا للدكتور وكشفت والدكتور قالها اعملى تحليل ډم اشوف نسبه الانيميا اختلفت ولا لا عموما الانيميا عندك 10 كويسه مش وچشه بس يمكن تكون اتغيرت

lلام دى بدوخ يا دكتور وجسمها هلكان وبيرتعش كتير ويسقع بس قبل النوم

الدكتور هشوف التحاليل وبإذن الله خير اطمنى

lلام فى سرها ده مش طريقنا! علاج بنتى مش عندك نفسى اعرف مين بيكره بنتى وعايزها تعيش تعيسه انا مش هسكت بس اعرف مين ؟

ضحى التليفون

ضحى ده محمد الو ايوه يا حبيبى انا خلصت وهننزل من عند الدكتور لما اروح البيت هكلمك راح قالها انا هتاخر شويه ضحى مهتمتش وقالت ماشى

lلام مع السلامه يا ماجده معرفه سعيده 😊 اتشرفت بيكى وربنا يطمنك على القمر ماجده قالت دعاء اسمها دعاء

lلام عاشت الأسامي

ماجده هاتى رقمك واستنى منى مكالمه

lلام ثوانى وقالت لها الرقم

ماجده بتقول فى سرها لازم اققولك بنتك فيها ايه قبل ما حالتها تبقى زى دعاء بنتى وقعدت ټعيط

lلام وضحى نزلوا من عند الدكتور وتليفون lلام بيرن وقالت لضحى دى خالتك يا حبيبتى

lلام ردت على اختها ولاقيتها بتقولها عاوزاكى ضرورى بكلمك من بدرى قالت لها مسمعتوش

الخاله انا حجزتلك عنده lلام قالت لها وهى قلقانه ماشى امتى

الخاله بكره بعد العصر lلام انا هكون لوحدى

الخاله ماشى نفهم وبعدين نقول لضحى

ضحى فى ايه وهى بتضحك lلام مفيش يا حبيبتى

كله خيييير

lلام فى سرها ما اظنش بس لازم اعرف مين مترصدلك يا بنتى ولازم اعرف حجاب مين ده ومين حطه فى حاجتك دى مش غريبه وقعدت تفكر راحت ضحى قالت لها بصوت عالى ومرتبكه ماما ماما

lلام مالك فى ايه

ضحى عاوزه اققولك مين دخل شقتى غير اصحابى وسلفتى مش هتصدقى

lلام وهى مزعوره مييييين ؟؟؟؟

عاوزين تعرفوا ضحى افتكرت مين دخل شقتها وياترى لى يد فعلا وهل ماجده عرفت ضحى ان معمول لها عمل ولا تقصد حاجه تانيه 🤔 يا ترى مييييين ؟؟؟ اسئله كتيره؟؟

عاوزه اققولك مين دخل شقتى غير اصحابى مش هتصدقى

lلام مزعوره وقالت مييييين ؟؟؟ ضحى فاكره يا ماما ولاء

lلام ولاء؟؟ ضحى ايوه ولاء بنت عم احمد البواب وحتى اليوم ده قعدت عندى طول اليوم ودخلت غرفه نومى وغرفه نوم الأطفال لأنها روقت الشقه

lلام قالت فى سرها ودى اصلا هتعمل ليه كده! لا انا لازم اروح لاختى تودينا للراجل وهو هيعرف وهيقولى؟

ضحى يلا يا ماما علشان منتاخرش محمد هيتأخر النهارده lلام ربنا معاه

وفعلا lلام روحت مع ضحى البيت كانت خايفه عليها مش من جوزها ما هو بعيد عن الشك ده حبيبها هى خايفه لأنها حاسه ان فى حد بيكره ضحى ومترصد لها

ضحى ماما ماما استنى هدخل السوبر ماركت اجيب شويه حاجات قبل ما نطلع البيت

lلام انا هسبقك يا ضحى طيب خودى المفتاح

lلام هاتى.. ضحى راحت السوبر ماركت ودخلت تشترى وشافت مييين؟؟ صاحب محمد جوزها ومراته وقالت لهم ايه ده ايه الصدف الجميله دى منورين ازاى تيجوا لحد البيت ومتطلعوش صاحب محمد واسمه احمد قالها بس كان شكله غريب معلش أن شاء الله هنجليكوا مره تانيه ضحى ازيك يا شرين مش بتتصلى بقالك فتره ولا حتى بتسألى شرين معلش كنت مشغوله يا ضحى

ضحى بقولك فرح داليا قرب ابقى تعالى يا شرين اكيد هكون موجوده بس اعرف امتى وضحكت من غير نفس

ضحى اسبكم انا وهستناكم تنورونى

ضحى مشيت وسلمت عليهم وهى بتسلم على شرين كانت خايفه

ضحى مالك يا بنتى هو انا هاكلك ههههههههه شرين معلش ايدى ملوحه

ضحى الف سلامه عليكى

ضحى خدت الطلبات وخرجت من السوبر ماركت وهى خارجه قابلت محمد فى وشها وقالت ايه ده مش قولت هتتأخر!؟ محمد خلصت شغل وراح سأل هى ماما فييين مشيت وكان مبتسم

ضحى لا دى سبقتنى يا حبيبى محمد كشر كأن فى حاجه وكان قلقان

ضحى ومحمد طلعوا والأم قاعده شارده بتفكر وسرحانه وبتقول مين عاوز يإذى بنتى حسبى الله وكفى

محمد وضحى مالك يا ماما lلام تعالوا حبايب قلبى ربنا يعوض عليكم بالخير كله

ضحى ومحمد يارب

lلام دخلت تنام وكالعاده ضحى قالت انا بردانه وجسمى بيرتعش وحاسه انى هلكانه محمد تعالى ندخل ننام

التليفون رن ومحمد راح يشوف مين لاقاه صاحبه احمد جوز شرين رد عليه الو ازيك يا احمد

ضحى حبيبى انا هدخل انام مش قادره محمد ما صدق ادخلى حبيبتى ضحى دخلت ونامت قټيل!

محمد ازيك يا احمد واخبارك ايه مع ضحى

lلام كانت لسه صاحيه وسمعت صوت محمد بيتكلم وبيقول اوعى يا احمد تكون انت وشرين اتكلمت مع ضحى فى حاجه

محمد مرتبك ومضايقك وابتدى ينفخ