ترويض النمر نهى الشهاوي ج3

الحلقة الثانى و عشرون
(واحد صفر)

صعدت ليالى الى البيت و هى حائرة لا تعرف ماذا تقول او ماذا تفعل فكل ما يدور فى ذهن ليالى كلمة فارس و تتسائل ماهو الرد و ماذا يقصد بكلمة الرد حيزعلك فهل يقصد ……… لا لا تطرد ليالى هذه الفكرة فكيف يفكر فارس بهذا الشكل و كيف ينقلب الحب الى رغبة فى التملك و الغاء شخصية الطرف الاخر لم تنم ليالى هذه الليلة و لم تستطع ان تمنع نفسها من التفكير و كل ما جاء بذهنها هى سنريوهات للرد اسوء من بعض و عند اول شعاع نور للصباح كانت ليالى قد توصلت لقرار و هى ان تواجهه و بالاسلوب العامى ( تقطع عرق و تسيح دمه )

خرجت ليالى صباحا الى موقعها لتفقد احواله و بعد الاطمئنان على سير العمل ركبت سيارتها و اتجهت الى مكتب فارس فلم تجدة فقد اخبرتها سالى انه خرج صباحا ليلحق بموعد فى الموقع المسؤولة عنه ليالى فتوجهت ليالى مرة اخرى الى الموقع لمقابلته و ما ان دخلت الى المكتب حتى وجدته جالس على مكتبها و امامة المهندسة رشا

فوجئ فارس من دخول ليالى عليه المكتب و لكن تدارك الموقف سريعا و قام ليحيها ( اهلا وسهلا يا باشمهندسة ……. اتفضلى …….. مقلتليش انك جاية يعنى

ليالى تنظر الى رشا و تقول ( مين حضرتك ؟؟؟؟؟

فارس ( احب اعرفك المهندسة رشا ……….

ليالى ( انا مسالتش على اسمها ……..انا بسال عن كينونتها فى الموقع بتاعى و كونها قاعدة مع جوزى

فارس و هو يحاول السيطرة على ليالى ( طيب اقعدى دلوقت اتفضلى

و تحرك فارس باتجاه ليالى و اشار اليها ان تجلس على مكتبها و هى حركة لاعطاء اهمية لها و انها صاحبة المكان و لكن يتحدث يترقب جدا ( مش انتى يا حبيبى طلبتى منى حد يساعدك فى الموقع عشان حتبقى مشغولة الايام اللى جاية دى للتجهيزات ……………..

ليالى و هى ايضا لا تريد احراج فارس اكثر من هذا لانها ستخسر لو تمادت فى احراجة و لكن تتحدث ايضا بترقب و ترقب شديد و بابتسامة مصطنعة ( اه يا روحى طلبت منك ……… بس مش كنت تقولى انك جبت مهندسة زى ما قولتلك …………………

فارس ( اصلها من معارف علاء فمكنش فيه فرصة نعمل انترفيو و تكونى حاضرة عموما حسيبكم مع بعض تعرفيها الحاجات المطلوبة منها و تفهميها الشغل و حروح انا المكتب عندى حاجات كتير جدا

فارس و هو يحدث رشا ( اسيبك باه مع المهندسة ليالى تفهمك مهام عملك و لو فيه حاجة عاوزاها ابقى كلمينى

ليالى تتحدث بنفس الابتسامة المصطنعة ( طيب و على ايه تزعجك ما انا موجودة و لا انت ناسى انى كنت بدور مليون موقع بمهندسينهم بالتليفون ………..

فارس ( لا يا حبيبى فاكر طبعا دا انتى استاذة و رئيسة قسم ………..انتى حتقوليلى

ليالى ( طيب ربنا معاك و حبقى اعدى عليك فى المكتب عشان ننظم شوية حاجات كدة عشان الشغل …………. و لا مش حتبقى فاضى نخليها فى البيت احسن ………….

فارس ( زى ما تحبى ………. كدة موجود …… كدة موجود و تحت امرك يا هانم

ينصرف فارس و الدم يغلى بعروقة فقد انتزعت ليالى منه امران اولهم انها رجعت للموقع و بدون شك بل و جعلته يقر ذلك امام المهندسة الجديدة ثانيا اعطت ايحاء ان الامور كلها بيدها و الادهى من ذلك اصبحت تهدده فى كلامها و لكن فكر فارس فى امر لم ينتبه اليه سابقا ان ليالى تشعر بالغيرة فالامر ليس اكثر من غيرة و دلاله على ذلك انها استفسرت عن سبب تواجد مهندسة معه و انها اصرت على ايضاح انه زوجها و ايضا لا تريدها ان تحدثة فى التليفون …….. اذن فهى الغيرة و غيرة الانثى قوة مدمرة يمكن ان تقوم بسببها بعمل اى شئ احمق دون ان تفكر فهذه غريزة و عند التحدث عن غريزة المراه لا بد من الحذر فانت تلعب بلغم يمكن ان ينفجر ليدمر كل شئ امامه

ابتسم فارس و قال ( لا لو غيرة بلاش تلعب بالنار لتلسعك يا ابو الفوارس خلينا مشيين جنب الحيط ……………. كدة باه يا ليالى كسبتينى بالثلث و تبقى واحد صفر لليالى ……….. )

بعد انهاء اعمال الموقع تذهب ليالى الى المكتب لتجد سالى على مكتبها و تستعد للرحيل فتقترب منها ليالى و تقول ( ايه يا سوسو اخبارك ايه يا حبيبتى ….

سالى ( الحمد لله يا ليالى ……….. انتى اللى عاملة ايه

ليالى ( و الله تعبانة جدا انتى عارفة بجهز باه و الدنيا بايظة معايا على الاخر …………عقبال يا رب ما اشوفك فى الكوشة كدة يا سالى وجنبك راجل زى القمر كدة

فتبتسم سالى ابتسامة عريضة فتباغتها ليالى بالكلام ( اه بالحق شوفتى المهندسة الجديدة

سالى ( اه شفتها لما جت مع علاء من يومين كدة ………… بس دى شكلها متعرفش تعمل حاجة ………. دا حتى فارس ( فزغرت لها ليالى ) قصدى المهندس فارس مقعدش معاها كتير و قلبها بسرعة ……….. بس مش عارفة اداها معاد تانى ليه تلاقى علاء الح عليه فى انه يشغلها

ليالى ( يا شيخة دى غلبانة قوى و طيوبة جدا متتخيرش عنك يا سالى ………..بس هى جت مع علاء

سالى ( اه جت معاه بس مشى و سابهم مع بعض و قاعدو يدردشو

ينفتح باب مكتب فارس ليخرج منه فارس و يجد ليالى تجلس على المكتب مع سالى فيوجه لسالى الكلام ( يا شيخة دا انا كنت بحسبك اتجنيتى خلاص و بقيتى بتكلمى نفسك …………. لقيتك بتتكلمى مع القمر اللى موطى صوته عشان ميبينش انه هنا …………..

ليالى ( لو بتتكلم على القمر اللى هيا انا فانا مش بوطى صوتى عشان معرفكش انى هنا …….. دا متهيالك

فارس مبتسما ( طيب خلصتى مع سالى و لا اقفل و اسيبكم ساعة كمان

ليالى و هى تقوم و تعدل ملابسها ( لا خلصت و عايزاك انت دلوقت

فارس و هو يتنحى جانبا لتمر ليالى امامه و يقول ( طيب يا هانم اتفضلى …………

يغلق الباب و يقول ( دا انتى ليلتك معايا اسود من قرن الخروب ………………

دخلت ليالى الى المكتب فباغتها فارس بضربة على راسها و قال ( باه انتى تعملى فيا انا كدة ………… وصلت انك زى متكونى قفشتينى مع واحدة فى كازينو ………. و بعدين تنزلى من غير اذنى يا ليالى من امتى انا مش قايل متنزليش من البيت الا معايا ………. كدة و لا لا

ليالى تجلس على الكرسى بشموخ و تحدى واضح ( اولا انت مقلتش الجملة الاخيرة دى لانى عارفة كويس اللى قولته ……… ثانيا انا نزلت اتكلم معاك و سالى اللى قالتلى انك فى الموقع فرحت اتكلم معاك هناك ………… ثالثا افتكر كدة انك لما شوفتنى مع خالد و قالى نفطر مع بعض و كان اللى بينى و بينك مجرد شغل عملت فيا ايه ؟؟؟؟ …..يبقى مستنى منة انا ايه لما اشوفك مع واحدة انا معرفهاش و كمان فى موقعى …….. اجيبلكم شجرة و اتنين لمون

فارس ( ليالى خدى بالك من كلامك ………….

ليالى ( ماشى يا فارس حاخد بالى من كلامى ………. انت باه فاكر لما سيادتك قولت انك مكنش فى وقت تعمل انتر فيو مع المهندسة الجديدة ….. ازاى و هى كانت عندك فى المكتب من يومين مع علاء ………….. صح و لا متهيالى

فارس و هو مندهش ( ايه دا انتى حتحاسبينى !!!!!

ليالى ( اه احاسبك ……… و لا مليش برضو حق

فارس و هو يحاول ان يسيطر على الموقف ( لا طبعا يا بابا ليكى الحق تسالينى و تحاسبينى كمان ……… مش انتى مراتى حبيبتى ……..؟؟؟

ليالى و هى تعلم جيدا اسلوب فارس و انها لو لم تستغل الموقف جيدا سيكون الخسارة كبيرة ( طيب ادينى بحاسبك اهو …… رد عليا ليه مقولتليش انها قبلتك قبل كدة ؟؟؟؟

فارس ( عشان مكنتش مقابلة بالمعنى المعروف دا مجرد علاء خلاها تقابلنى و مكنتش فى المود فخلصت معاها بسرعة و بعد كدة قولت اشوفها ممكن تصد فى الموقع و لا لا ………….. معرفش ان وحش الشاشة مش حيسمع الكلام و ينزل تانى الشغل

ليالى ( طيب بعيد عن تعبير وحش الشاشة دا ………… انت شايف ان مهندسة صغيرة زى دى تقدر تصد …… طبعا لا و انا معنديش مانع من تواجدها معايا فى الموقع و تبقى اداه من ادواتى و انا كل يوم حكون فى الشغل و فى الاجازات حقدر انزل اجيب اللى انا عاوزاه معاك مش انت قولت انى منزلش الا معاك …….. خلاص و انا تحت امرك

فارس و هو يضحك و يمرر يدة فى شعره ( يا بنت الايه ……….. كلتينى و كمان مطلعانى غلطان ……… ماشى يا ليالى بس لو قصرتى فى الشغل بتاعك و لا قولتى ااجل الفرح عشان مش لاحقة اخلص يبقى استحملى باه اللى حعملوا فيكى ………

ليالى ( و انا قد كلمتى …………….

فارس ( بس على فكرة انتى كسبتينى المرة دى عشان انتى اللى عندك الحق ……….. بس اسلوب الامر الواقع ميمشيش معايا ……… خدى بالك
……………………………