رواية سجيـ,ـنة قسمه(الفصل الأول إلى الخامس عشر) بقلم الكاتبة ميرا جبر
الفصل الأول
تجلس فتاه محجبه تنظر من شباك الطائره تفكر لما طلب منها شيقيقها القدوم قبل موعد زيارتها وألح عليها كثيرا كى توافق .
ظلت تفكر ماذا حدث حتى يطلبها بهذا الالحاح الشديد ؟.
فاقت من شرودها على صوت المضيفه وهى تخبرها بربط الحزام اثناء هبوط الطائره.
سحبت حقيبتها وارتدت الاخري على كتفها وذهبت كى تنهى اجراءات وصولها وقفت امام شباك وختمت الباسبور وابتسمت للسيده واخذته وخرجت من المطار تبحث عن اخيها فهو كان ينتظرها .
سحبت حقيبتها وعدلت الاخري على كتفها وذهبت باتجهه عندما رأته وهو ايضا اتجها لها بعد ان رائها .احتضنها بقوه وهى ايضا.
شادي : وحشتني اوووي يـ وعد.
وعد بابتسامة: وانت كمان وحشتني اووي.
ابتعدت عنه ونظرت بعينيه وقالت: مالك يـ شادى قلقتني فى اخر مكالمه منك.
شادي بتنهيده حاره: تعالى الاول نروح وترتاحى من السفر وبعدين نتكلم.
اومأت وعد له حتى لا تصعب عليه الامر ووافقت لانها ايضا مرهقة من رموب الطائره لـ مده كبيرة : ok يلا وصلنى على فيلا بتاعت داد.
شادي : بردو يـ وعد مش هتيجي الفيلا عندنا دي ماما هتفرح اووي لما تشوفك.
ابتسمت وعد بانكسار: انت نفسك مصدق كدا انا عمرى ما فرقت مع مام… حتى لما كنت باجى ازورها فى الاجازه كانت بردو عادي جو الحفلات مش بيتأجل .
اخفض رأسه بانكسار فهو يعرف والدته ووالده فـ لولا وجود وعد بحياته كان اصبح مثلهم يغضب ربه .
❄❄❄❄❄
بمكان اخر يجلس خلف مكتبه وسط ملفاته يدقق بها يضع جاكيت البدله وراءه على ظهر الكرسي ويشمر كم قميصه حتي ساعيديه ويفتح ازرار بدايه قميصه مما زاده وسامه وهو ينظر الى الاوراق ويقلب القلم بين اصابعه .
تنهد ووضع ما بيده على المكتب امامه ويرجع ظهره الى الوراء ويغمض عينه ويسند رأسه اعلى الكرسي.
دخل عليه صديقه محمد ويجلس امامه على الكرسي امام المكتب ويقول: حرام عليك نفسك يـ بنى ارحم نفسك شويه.
اعتدل بجلسته وسند ساعيديه على المكتب .
جاسر: هعمل ايه ي محمد انت عارف ان انا الا شيلت الشغل كله بعد تعب وليد .
محمد بحزن: ربنا يشفيه ويرجع ليا بالسلامه.
تنهد جاسر بارهاق وقال: عملت ايه فى الموضوع الا كلفتك بيه.
محمد : خلاص قربت اخلصه قر….
قاطعه جاسر بحده وهو يخبط بيده على المكتب ويقول: هو ايه… بقالك اد ايه بتدور علي السبب الا عمل في اخويا كدا لو مش قد الموضوع دا قولي وانا اتصرف.
محمد: خلاص خلاص اهدا انا هعرف انهارده او بكرا بالكتير اهدا انت بس وقولي جهزت الصفقة الا هتدخل فيها ضد حسن شوقى.
❄❄❄❄❄
ركن شادى العربيه بالجراج بـ فيلا احمد الإبراهيمي نزلت منها وعد واتجهت ناحية الباب لتدخل اليها دقت الباب فتحت لها الداده رحبت بها بشده ودخلو الى بهو الفيلا جاء شادي بالشنط ودخل ورائهم.
شادى: ازيك يـ داده صفيه.
داده صفيه: الحمدلله… عامل ايه يا بنى.
ثم نظرة الى وعد وحضنتها وقالت: وحشتنى اووي يـ وعد مصدقتش لما كلمتنى وقولتيلى انك جايه مصر .
ابتعدت عنها بعد ومسكت يدها وقالت: وانتى اكتر يـ داده وحشنى اووي.
ربتت الداده ع يدها وقالت: طب يلا اطلعى خدي شور وريحي شويه علي مجهز اكلتك المفضلة.
امأت رأسها بموافقه.
شادى : طب انا همشي دلوقتي ي وعد ونتقابل بليل.
اوقفته وعد قائله: استنى يـ شادي انت هتاكل معايا قبل ما تمشي يلا اطلع ريح بالاوضه الا بتعد فيها هنا علي ما داده تخلص الاكل وتنادي علينا.
وافق شادي فهو يشعر براحه هنا مع وعد والداده صفيه اكتر من وجوده مع امه وابيه .
❄❄❄❄❄
بفيلا راقيه وعصريه نزلت تتغنج علي الدرج ترتدي فستان يكشف اكثر مما يخفي من جسدها .
اقتربت من تلك السيده التى تجلس تقلب باحدى مجلات الموضه وقبلت خدها .
نور : احلى مسا علي احلى مامى في الدنيا.
ابتسمت لها زيزى : نونا حبيبتي ايه خارجه النهارده .
نور : ايوه يا مامى ايهاب عامل حفله انما ايه جاااامده.
زيزى : ماشى يـ حبيبتى مش عايزه حاجه.
قامت نور وامسكت حقيبتها ومفاتيح السياره وقالت: thanks mom . see you.
غادرت وذهب لتقضي ليلتها بين الخمور واصحاب السوء.
❄❄❄❄❄
فيلا احمد الابراهيمي.
جلس شادى و وعد بالجنينه ويتحدثون فـ شادي اقرب لـ وعد من توأمها نور.
وعد: مش هتقولي على الموضوع الا مش هتقدر تقوله ليا في الفون.
تنهد شادى وقال: نور .
وعد عقدة حاجبيها باستفهام: نور… مالها نور.
شادى : انا عرفت ان هى وبابا بيخططو لتدمير رجل اعمال اشهر واشطر منه ويعتبر واكل السوق.
وعد : عرفت ازاى وهدمره ازاى.
شادى : عن طريق اخوه الصغير وهتخليه ينشغل معاه عشان يخسر الصفقة الا هو داخل فيها قصاد بابا.
وعد: طب انت عرفت الخطه بتاعتهم على الاقل نحظر الشخص دا.
شادى: للاسف دا كل الا وصلت له عشان كدا انا كلمتك لانى محتاج مساعدتك .
وعد: انا اقدر اساعدك بايه.
شادى : ممكن تقابلى الشاب دا وتحظريه انتى محدش يعرفك انما انا لو روحت هتعرف وهيوصل لبابا والمشاكل هتكتر بينا.
ثم تابع برجاء: لو سمحتى يـ وعد احنا نقدر ننقذهم يا اما هنبقا السبب لو هم خسرو الصفقه دي لان تقريبا هم داخلين بكل املاكهم .
ظلت تفكر وعد وهى متأثره فكرة انها تستطيع ان تساعد احد وتعترض تلك تخالف اخلاقها وتربيتها فـ دائما والدها يقول لها: طلما تقدري تساعدي حد متتأخريش عليه عشان فى يوم انتى الا هتحتاجى مساعده من حد ليكى.
تنهدت وعد بحراره ثم اغلقت عينيها وقالت: خلاص انا موافقه .
قام شادى من مكانه مسرعا لها ثم احتضنها قائل: شكرا ليكى يـ حبيبتي شكرا يـ وعد انك وافقتى تساعدينى.
ابتسمت وعد بحب وبادلته العناق وربتت على ظهره هاتفه : ولا يهمك يـ حبيبي المهم ان احنا نلحق نساعد فى الموضوع قبل ما يكونو نفذو فعلاً.
ابتعد عنها شادى ثم قبل رأسها وجلس مكانه وقال: هتروحى بكرا باذن الله وتتكلمى معاه .
ثم اكمل حديثه عن جاسر الذي ستقابله لتعرف ما ستقبل عليه حياتها .
لا تعرف ان المجهول سيذيقها العذاب بانواعه.
الفصل 2
وقفت امام الشركه متردده اتدخل ام لا .
بعد مرور بعض الوقت قررت الدخول اليها واستعانت بالله ان يعطيها القوه التى تحتاجها ورددت بعض الادعيه .
وقفت امام مكتب الاستقبال.
وعد: السلام عليكو.
موظفة الاستقبال: وعليكم السلام . اقدر اساعد حضرتك بايه.
وعد: ممكن اقابل مستر جاسر لو سمحتي.
موظفة الاستقبال: عند حضرتك معاد سابق.
وعد: لا بس ممكن تبلغيه لانى عايزاه ف موضوع ضروري.
موظفة الاستقبال: مقدرش ي فندم لازم يكون فى معاد سابق.
كان محمد يتجه الى مكتب الاستقبال حتى يطلب شئ منها لكن توقف عند سماع وعد وهى تقول: لو سمحتى هم 5دقائق بس لازم اقوله ع حاجه ضروري تخص اخوه.
موظفة الاستقبال: مقدرش حضرتك لازم تا…
قاطعها محمد وهو ينظر الى وعد : موضوع ايه دا .
وعد: حضرتك مستر جاسر.
محمد: لا انا صديقه لو ف حاجه مهمه ممكن اوصلها ليه.
وعد: للاسف مش هعرف اتكلم الا معاه هو بس ياريت لو اقدر اقابله دلوقتي ضروري.
نظر لها محمد ثوانى ثم قال: طب اتفضلى معايا انا هخليكى تقابليه .
شاور لها باتجاه المصعد وذهبوا ودلفو وضغط محمد ع زر الدور المنشود .
التفت محمد اليها وقال: انتى تعرفي وليد منين .
نظرة له باستفهام ف اخيها لم يخبرها الا اسم جاسر فقط. : وليد مين!!
دهش محمد من عدم معرفتها اسم وليد اذا لما هى قادمه من اجله.
محمد: انتي تعرفي جاسر .
وعد بابتسامة بسيطه : سمعت عن اسمه الا موجود ف السوق بس متقابلناش قبل كدا.
قبل ان يتحدث محمد كان يفتح باب المصعد اكتفى بامأت رأسه ثم شاور لها ان تخرج وتتبعه .
وقف امام السكرتيره وسألها عن جاسر وعرف انه لوحده يتابع بعض الملفات طلب من وعد ان تنتظره ودلف الى المكتب كى يمهد الحديث مع جاسر حتى يعرفو سر زيارتها ثم خرج وطلب منها الدلوف ايضا .
جلست مقابل محمد امام مكتب جاسر وهو يجلس وراءه ويحاول السيطره على اعصابه حتى لا يثور عليها.
نظرة وعد اليه وهى تدعى الله ان يمدها بالقوه فهو يشبه الفهد الجريح الذي ينتظر فريسته حتى ينقض عليها.
صوت جاسر الذي قطع الصمت : احنا هنفضل اعدين كدا كتير ممكن حضرتك تعرفينا انتى مين وموضوع ايه الا عايزانى فيه.
وعد بتوتر: ممكن اتكلم مع حضرتك على انفراد.
جاسر : لا تقدري تتكلمى محمد زي اخويا اتفضلى لان ورايا شغل.
وعد: احم .. حضرتك تعرف رجل اعمل اسمه حسن شوقي.
نظر جاسر ومحمد الى بعضهم بصدمه ثم سيطر جاسر عليها بسرعه ورسم ملامح البرود وقال: ايوه اعرفه ممكن اعرف ايه داخله باخويا زي ما حضرتك بتقولى.
تنهدت وعد: انا عرفت ان هو بيعمل خطه عشان يأذي اخو حضرتك وانا جيت عشان احذرك انك تاخد بالك من اخوك.
جاسر: وانتى بتعملى كدا ليه!!! ايه المقابل!.
وعد : بدون مقابل انا عرفت ان هو عمل كدا عشان حضرتك داخل صفقه قصاده وهو عايز يخليك تعلن افلاسك.
جاسر وهو يحاول ان يسيطر على اعصابه وغضبه فهو عرف من وراء مرض وادمان اخيه ولكن من هي لما تساعده .
جاسر: بس انا معرفتش حضرتك مين ولا ايه الفايده الا هتعود عليكي بمساعدتى.
وعد: مافيش فايده هتعود عليا انا عملت كدا زي ما ديني امرنى .
ثم وقفت وامسكت حقيبتها وقالت: عن اذن حضرتك دلوقتي انا كدا عملت الا عليا.
وخرجت مسرعه قبل ان يستوعب اى شئ.
جاسر بغضب وهو يكسر الاشياء التى توضع على مكتبه ويرمى كل شئ امامه ع الارض: ابن الكلب لو هو الا عمل فيه كدا والله ما هرحمه .
محمد: اهدا بس وقولى انت هتعمل ايه.
جلس جاسر على الكرسي الخاص به بانفعال وقال: عايزك تعرف ليا كل حاجه عن الموضوع دا ومين الا ساعده وكل حاجه تكون عندي بليل قبل ما اروح سمعت يـ محمد.
❄❄❄❄❄
غادرت الشركه مسرعه وقلبها ينبض بـ سرعه وتشعر انها كانت بحرب وقفت بعيدا عن الشركه تلتقط انفاسها وتنتظر تاكسي .
اوقفت تاكسي وركبته مسرعه انطلق التاكسي وهى تضع يدها ع موضع قلبها تنهدت واسندت رأسها واخبرت السائق العنوان .
❄❄❄❄❄
شركة حسن شوقي.
مكتب حسن .
جلس حسن وراء مكتبه وامامه تجلس نور.
حسن: خير ي نور.
نور: هو ايه الا خير يـ انكل احنا اتفقنا ان انا هاخد 2 مليون لو نفذت الا اتفقنا عليه.
حسن : اتفقنا لما المناقصة ترسى عليا ولا ايه.
نور: والله ماليش دعوه انا ليا خلصت الا عليا وانت لازم تنفذ الا عليك دا شغلك مش شغلى.
حسن: تؤتؤتؤ .. كدا ازعل منك ي نونو دا انتى بنتى الا مربيها بردو.
نور بتحذير: مش عليا الكلام دا يـ حسن بينا اتفاق يا اما انت متعرفش ممكن رد فعلى لو خلفت بوعدك هيبقي ايه وافتكر كويس ان مش نور الابراهيمي الا يضحك عليها واديك قولت تربيتك عن اذنك يا… ثم ابتسمت نصف ابتسامه وقالت: يا بابى.
غادرت مكتبه واغلقت الباب وراءها بعنف .
حسن بتوعد: ماشى يا بنت زيزي انا بتهديدينى انا تبقي غلطانه الشاطر الا يضحك ف الاخر.
❄❄❄❄❄
فيلا احمد الابراهيمي.
ارتمت ع الكرسي ومازالت تفكر بلقائهم .
وعد: انا لازم معتش اقابله خالص ي رب معتش اشوفه حتى لو صدفه دا شكله يرعب.
رأتها داده صفيه تحدث نفسها ووجها لونه اصفر اقتربت منها وربتت على كتفها بـحنان وقالت: مالك ي بنتى وشك اصفر كدا ليه ومين الا بتدعى متشوفيهوش تانى.
وضعت يدها تلقأياً على وجهها وعد: مافيش ي داده انا بس اتخضيت من حاجه.
ثم قالت مغيره الحديث: هاا … طبخلنا ايه ع الغدا انهارده اصل انا همـ,ـوت من الجوع.
ابتسمت لها داده صفيه بحب وقالت: عملت البشاميل الا انتى بتحبيه .
فرحت واحتضنتها فهى من عوضتها عن حنان امها بعد ما تركتها : ربنا يخليكى ليا ي داده .
…..: ايه دا وعد وداده صفيه ااااه قلبى .
ابتعدت وعد وعندما رأت شادى اخيها ضحكت ع طريقته المسرحيه بالكلام فهو ليس شقيقها من الابوين ولكن هو يحبها اكثر من اختها تؤامها .
وعد: ايه دا انت جيت امتى لا وكمان ظابط المعاد ع الغدا .
شادي وهو يقترب منهم حتى وقف بجوارهم وقال للداده: هاا ي داده جهزي الغدا بسرعه اصل انا واقع وسمعت كدا الحكايه فيها بشاميل فـ بسرعه بقي.
ابتسمت الداده وقالت : من عنيا ثوانى الغدا يكون جاهز. ثم غادرت الى المطبخ.
نظر شادى ل وعد و قال: هاا عملتى ايه.
ضاقت ملامحها وعبثت ثم تنهدت وجلست ع الكرسى وعد: مافيش قابلته .
جلس شادى ع الكرسي بجوارها وقال بلهفه: وبعدين قولتيله.
امأت رأسها وقالت: اه وقولتله ع كل حاجه انتى قولتيلى عليها ومشيت بسرعه انا كنت حاسه ان هو هيقوم يقتلنى ساعتها.
ربت شادى على يدها وقال : انا اسف انى حطيتك ف موقف زي دا .
وضعت يدها الحره ع يده وقالت: متتأسفش انا بحاول اصحح الغلط مكان اختى .
قبل رأسها بحنان اخ وقال: ربنا يخليكى ليا بـ طيبة قلبك وحنيتك علينا دي حتى وهى بتنتقدك وبتعاملك كدا بردو بتحاولى تساعديها.
ابتسمت له بحب وقالت: مقدرش مقفش جنبها مهما كانت دي اختى تؤامي .
رواية سجينة قسمه.
بقلم ميرا جبر.
الفصل 3
مازال يفكر بها لا يعرف ما يجذبه اليها عندما راء عينيها ولم تغادر تفكيره ولو لاحظه. سمع صوت دقات ع باب مكتبه فأمر الطارق بالدخول.
دلف محمد وبيده ملف واقترب من مكتبه وجلس امامه وقال: انا عايزك تهدى خالص وانتى بتشوف الملف دا وتفكر الف مره قبل اى خطوه تعملها.
سحب الملف من يده بشده وقال: اخلص ي محمد مش فضيلك .
ولكن عندما فتح الملف وصار يقرأ ما به حتى اتسعت حدقتيه عندما راء صورتها ولكن دون حجاب .
جاسر بصدمه: ازاى … امال كانت جايه عامله نفسها فاعل خير ليه .
محمد: اهدا ي جاسر لازم نفهم كل حاجه الاول وبعدين نبقي نتصرف .
جاسر قام بغضب بصوت عالى: اهدا .. اهدا ازاى بنت الكلب جاى تلعب عليا انا وهى السبب ف ادمان اخويا ودخوله المصحه .
محمد بـ محاولة تهدأته :خلاص يـ جاسر احنا هنجيب حقه بس اهدا واقعد بس نفكر هنعمل ايه.
جلس جاسر وتنهد ومازال صدره يعلو ويهبط من اثار انفعاله ثم قال بعد دقائق من التفكير : البنت دي لازم تتربى وعلى ايدي .
نظر له محمد بـ ملامحه قلقه: هتعمل ايه يـ جاسر .
جاسر بهدوء ما قبل العاصفة: ولا حاجه .
اطلع انت بقي من الموضوع دا انت كدا عملت الا عليك.
❄❄❄❄❄
جاء صباح يوم جديد ولكن لما تحس بهذا الشعور لما قلبها منقبض ويشعر ان شئ سئ سيحدث .
ادت فرضها وقرأت وردها من القرأن الكريم. ثم نزلت الى بهو الفيلا تنادي على داده صفيه.
اقتربت منها الداده وقالت: حالا ي حبيبتى هجهز الفطار.
قاطعتها بابتسامه وقالت: لأ ي داده انا هروح انهارده عند مامى وهقعد اليوم معاها.
❄❄❄❄❄
جلس يـ فطر وهو يفكر بها فكيف تكون امامه ملاك وهي شيطان بنظره . ثم ابتسم عندما افتكر بـ ماذا سيلقنها درساً لا تنساه.
❄❄❄❄❄
نزلت من التاكسي امام فيلا حسن شوقي.
اقتربت من حرس الباب وطلبت منهم ان يفتحو لها فهو يعرفها جيدا بسبب التشابه بينها هى ونور.
وقفت امام باب الفيلا متردده اتدخل ام لا فـ أمها لا تعاملها كـ نور تشعر دائما بـ الغربه والجفاء بـ حضنها بعد دقائق رنت الجرس حتى فتحت لها الخادمه .
ابتسمت لها الخادمه وقالت: اهلا ي وعد هانم اتفضلى.
وعد: مامى موجوده ي صفاء.
صفاء: ايوه ي هانم اتفضلى . ثم اشارت لها الى الصالون لكى تجلس به.
جلست وعد بارتباك وتفرك يدها ببعضها.
صفاء : ثوانى هبلغ زيزي هانم بوجودك.
ابتسمت لها ثم امأت برأسها .
نزلت بهذا الوقت نور ظلت تنادي ع احدا الخدم ليأتو لها.
وصل الخادم فطلبت منه ان يحضر لها القهوه وحبوب الصداع فرأسها يكاد ينفجر من سهرتها ليله البارحه وسط الخمر والشباب . ثم اتجهت الى الصالون حتى تنتظر القهوه رأت وعد امامها تنظر بالفون بتاعها وتقلب دون ان تنتبه لها.
جلست نور ع الكرسي امامها وقالت ببرود: جيت امتى ؟
رفعت رأسها ونظرت لها ثم ابتسمت وقامت حتى واقتربت منها واحتضنتها بشوق كبير ولكن نور لم تبادلها العناق بل ظلت مكانها لم تتحرك.
نور: خلاص كل دا وابعدتها عنها وقالت: انتى وصلتى امتى .
وعد : وصلت من يومين .
امأت نور برأسها ولم ترد عليها وذهبت وعد كى تجلس مكانها وبعد لحظات دلفت امها ونظرت لها .
عندما رأتها وعد قامت مسرعه كى تحتضنها فهى تبحث دائما عن حنان ودفئ حضن الام ولكن لا تجدهم الا مع داده صفيه. لم تبادلها امها العناق الا بعد مده حتى تبعدها عنها .
ربتت زيزي ع ظهرها بجفاء ثم ارتسمت ابتسامه بسيطه وابعدتها عن حضنها وقالت: حمدلله ع سلامتك وصلتى امتى.
وعد وهى تحاول ان تداري حزنها غصبت ابتسامه وقالت: وصلت من يومين ي مامى.
زيزى وهى تتجه للجلوس : بس دا مش معادك الا بتيجى فيه ف حاجه .
وعد وهى تجلس: لا مافيش ي مامى . انتى عامله ايه ؟ وحشتنى اووى.
زيزى بجفاء : الحمدلله . وانتى اكتر ي حبيبتى . ثم نظرت الى نور التى كانت تجلس تتابع بملل : مالك ي حبيبتى تعبانه اكلم الدكتور.
نور: مافيش ي مامى شويه صداع من سهرة امبارح.
زيزى: طب اطلب لك قهوه وحبايه مسكن حالا . ثم نادت بصوت عالى : ي صفاء ي صفاء انتى ي زفته.
وصلت صفاء مهروله اليها: ايوه ي هانم تؤمري بحاجه.
زيزي: ايوه بسرعه قهوه وحباية مسكن لـ نور بسرعه.
لم تستطيع وعد ان تداري حزنها فهى امها وتفرق بينهم بسبب انها اختارت العيش مع والدها وتربت ع قيم واخلاق دينيه وازداد جفاء امها لم قررت ان تتحجب ولكن هى لم تنسي الله وتدعى دائما بالهدايه لامها واختها .
❄❄❄❄❄
وصل الى الشركه وهو يرسم ابتسامه ع وجهه ويرحب بالموظفين .
دلف الى مكتبه وجلس وراء المكتب ثم داخل وراءه محمد وقال بغضب حاول السيطره عليه: انت اتجننت عايز تسجنها.
ارجع ظهره باريحه ع الكرسي ثم قال بهدوء: عايز ايه ي محمد ع الصبح انا مش فاضيلك .
جلس محمد امام مكتبه وقال: انت عايز منها ايه هى ساعدتك وعرفتك مين السبب ف اذية اخوك و….
قاطعه جاسر بخبطه ع المكتب بيده وقال بغضب: ساعدتنى انت بتسمى دى مساعده هتلقيها جاتلى لما هو خلف بوعده معاها بس انا هربيهم الاتنين وهى السبب ف ادمان وليد ولا نسيت.
تنهد محمد محاوله السيطره ع اعصابه : اهدا ي جاسر هى واضح عليها انها متعرفش وليد وشكلها مايوحيش انها ليها ف طرق المخدرات والسهر .
ضحك جاسر بتهكم وقال: انت دخل عليك الشويتين دول هتلقيها كانت بتغير شكلها بس عشان محدش يعرفها بس قسماً بربى لاوريها الجحيم واعرفها ازاى تلعب عليا.
(وقع القسم ولكن هل سيندم ع قسمه ام سيظل يكابر حتى لا يعترف بغلطه وستظل هى سجينته )
❄❄❄❄❄
فيلا حسن شوقى.
نور: مامى انا مش هقدر اروح الشركه انهارده يا ريت تكلمى انكل حسن تبلغيه .
زيزى : ماشى ي حبيبتى خلاص انا هكلمه واقوله ماتشليش هم حاجه انتى.
امأت نور برأسها وابتسمت لها.
كانت وعد تجلس معهم وتحاول الاقتراب منهم ولكن دائما هم يشعروها انها غريبه عنهم.
كلمت زيزى حسن واخبراته ان نور لن تذهب الى الشركه ولكن هو طلب منها ان ترسلها وترسل معها الملف لان وجودها بالاجتماع مهم .
عندما نظرت زيزى لنور و وعد قررت ان ترسل وعد مكانها حتى ترتاح منها قليلا.
اقتربت زيزى من وعد وابتسمت بحنان مزيف وقالت: وعد ي حبيبتى نور اختك تعبانه مش هتقدر تروح الشركه ايه رأيك ي حبيبتى تروحى انتى مكانها .
تفاجأت وعد من طلب والدتها : انتى بتقولى ايه ي مامى اروح الشركه مكانها ازاى انا مش بفهم حاجه ف الحسابات.
زيزى برجاء: ي حبيبتي نور تعبانه وهى اكيد مخلصه الملف بتاع الاجتماع انتى بس هتروحى توديه وتحضري مكانها وتسجلى الاجتماع وتيجى .
وعد بقلة حيلة : حاضر ي مامى هروح فين الملف دا.
نظرة زيزى لـ نور وسألتها وذهبت كى تحضر الملف .
زيزى وهى تسلم الملف لـ وعد : بس ف طلب ممكن لو حد سألك متقوليش انك وعد قولى ان انتى نور عشان متأذهاش ف شغلها .
وعد : عايزانى اكدب ي مامى وانتى عارفه انى عمري ما اكدب.
زيزى برجاء: عشان خاطر اختك ي وعد محتاجه مساعدتك هترديها من غير ما تساعديها انتى ماتعرفيش الصفقه دى مهمه ازاى .
وبعد محاولات زيزى لاقناع وعد وحلفتها بـ الله ان لا تخبر احد من هى. جلست وعد مع نور تفهمها ما موجود بالملف .
الفصل 4
وقف التاكسي امام شركة حسن شوقى . حاسبت السائق ثم مسكت الملف و حقيبتها ونزلت وقفت امام الباب تنظر له هناك من يخرج وهناك من يدلف الى الداخل وحارس يقف بجواره يتابع تنهدت واحتضنت الملف الذي بيدها ورددت بعض الادعيه حتى تساعدها ع التماسك حتى ترضي امها وتحاول ان تقربها منها هى واختها دلفت ولم يمنعها الحارس لانها تشبه نور كثيرا ولكن الانظار كلها توجهت لها ف ملابسها وحجابها مختلفه تماما عن نور ولكن الشبه بينهم لا يعرف احد يفرقهم غير المقربين منهم هناك من تعجب من تغير نور المفاجأ بالنسبه له فـ نور معروف عنها انها لا تعرف شئ عن دينها ولكن من هى التى امامهم الان .
اتجهت الى المصعد وفعلت مثل ما اخبرتها اختها ان تفعل وذهبت الى مكتبها واخذت باقي الملفات المهمه .
تفاجأت بدخول حسن المكتب عليها .
حسن: نور يلا بسرعه عشان الاجتماع . قاطع باقى كلامه عندما وجد وعد هى التى امامه فهو يعرفها .
ظلت تنظر له ولا تعرف ماذا تفعل .
اتجه اليها ووقف امامها وابتسم ومد يده لها لكى يسلم عليها: ازيك ي وعد ؟ وصلتى امتى.
وعد وهى تسلم عليه: الله يسلمك ي انكل. انا وصلت من يومين .
حسن باستغراب: امال فين نور .
وعد بارتباك: ماهو ماهو … بصراحه ي انكل نور تعبانه ومش هتعرف تيجي ف انا جيت مكانها وماتخفش هى فهمتنى كل حاجه عن الاجتماع .
حسن باستفهام: ازاى لازم تكون نور هى الا موجوده لو المندوبين عرفو انها مش هتحضر كل حاجه هتضيع.
وعد وهى تفرك يدها ببعضها من التوتر : متقلقش ي انكل انا هحضر الاجتماع انى نور مش وعد ومحدش هيعرف.
ابتسم حسن بخبث فهو عرف انها خططت وامها واختها : طب تمام يلا بينا وعايزك تتصرفى زي نور عشان الصفقه دي مهمه جدا للشركه سامعه ي وعد .
امأت وعد واخذت الملفات وذهبت وراءه ثم دلوفو الى غرفة الاجتماع .
❄❄❄❄❄
عند الاستقبال .
دلف بعض الرجال الاشداء منهم من بملابس شرطه ومنهم من يرتدى ملابس عاديه.
وقفو امام الاستقبال .
الظابط: الانسه نور الابراهيمي موجوده.
موظفة الاستقبال: ايوه هى عندها اجتماع دلوقتى ي فندم اقولها مين.
الظابط بحده : مكتبها فين .
موظفة الاستقبال: ي فندم …..
قاطعها الظابط بحده وقال : هى فين ..
موظفة الاستقبال بخوف : ف غرفة الاجتماعات .
الظابط بإجاز : فين.
اخبرته مكانها ثم اتجه مسرعا نحو المصعد ودلف وراءه العساكر ثم ضغط ع زر الاغلاق.
❄❄❄❄❄
غرفة الاجتماعات.
دلفت وعد وهى تردد مع نفسها الادعيه حتى يساعدها الله وتستغفر ربها ع كذبها .
ظل الموكلون من الشركه الاخري ينظرون لها باندهاش نعم الحجاب زادها جمالا كما يظنون انها نور .
اقترب منها احدهم ومد يده حتى يسلم عليها وقال: ازيك انسه نور بجد اللوك دا يجنن عليكى .
ظلت تبادل النظر من وجهه الى يده فهى لا تسلم ع الرجال كما امرها دينها وتفكر ماذا تفعل .
قاطع تفكيرها اقتراب حسن حتى ينقذ الموقف فهو يعرفها وامسك يده وقال : ازيك ي محمد باشا .
تنهدت بخفوت وقبضت يدها بقوه ع الملفات كى تستجمع شجاعتها وقالت: نقدر نبدأ الاجتماع عشان الوقت.
فهكذا هى نور لا تربط اى شئ بالعمل هى بالعمل جاده ولا تخشي احد .
حسن: طبعا … اتفضلو .
شاور لهم ان يلتفو حلو تربيزة الاجتماعات. جلسو ثم انغلق النور الا الشاشه التى امامهم وقفت وعد وبدأت تشرح مثل ما علمتها اختها فكانت تبدو انها نور فعلا لا يستطيع اى احد ان يفرق بينهم .
انفتح باب الغرفه بقوه ودلوف رجال الشرطه فنفتحت الانوار ونظرو لمن هذا الذى اقتحم الغرفه وقت الاجتماع .
قام حسن مسرعا وهتف بغضب: انت اتجننت !!! ازاى تدخل كدا ؟!! ومين الا سماح لك بـ كدا !!! انت مين؟؟؟
الظابط بهدوء مستفز : شششش … انا الرائد محمود جمال ممكن اعرف الانسه نور الابراهيمي فين.
اتسعت حدقتى وعد ولم تستطيع ان ترد .
ازدرد حسن ريقه ونظر لـ وعد ان قال انها ليست موجوده سيخسر الصفقة ظل يفكر ماذا يفعل قال: انت عايزها ليه ي فندم ممكن اعرف.
الرائد محمود: معايا اذن من النيابه بالقبض عليها . ممكن اعرف هى فين .
حسن دون ان يفكر لثانيه اخري شاور ع وعد .
انتفضت وعد من مكانها و رجعت الى الخلف بخطوات بطيئة وتحرك رأسها نافياً.
فهى لا تستطيع ان تخلف بوعدها مع امها ان تقول لأحد انها ليست نور قاطع تفكيرها صوت الظابط وهو يأمر احد العساكر باحضارها وراءه ثم خرج.
اتجه العسكري منها ومسكها من يدها وسحبها وراءه .
❄❄❄❄❄
فيلا حسن شوقى.
وقفت زيزي متسعت الحدقتين وهى تتحدث بالفون: انت بتقول ايه ي حسن ازاى مطلوب القبض ع نور .
حسن:………….
زيزى : طب وعد مشيت معاهم من غير ما تتكلم .
حسن:………..
زيزى: طب خلاص انا هتصرف اقفل انت .
نور: خير ي مامى مطلوب القبض عليا ازاى.
زيزى وهى تربت ع كتفها: متخفيش ي حبيبتى انا هتصرف مستحيل اسيبك تروحى السجن حتى لو ليله واحده .
ثم نظرت امامها لثوانى تفكر .
نظرت للفون وطلبت رقم وتحدثت مع صاحبه.
❄❄❄❄❄
مركز الشرطه .
وقفت وعد مع العسكري امام الرائد محمود.
وعد: ممكن اعرف ي فندم سبب القبض عليا .
محمود : ف واحد من الا انتى مشغالهم اعترف عليكى.
وعد باستغراب: اعترف عليا ومين الا انا مشغالهم دول ي فندم.
محمود بحده : احنا هنستعبط ي روح امك يعنى مش عارفه انك بتاجري فـ المخدرات.
شهقت وعد بفزع ووضعت يدها ع فمها من الصدمه ماذا قال … مخدرات … لا يمكن ان يوصل الحال باختها ان تفعل ذالك قالت: اكيد ف حاجه غلط ي فندم او تشابه اسماء .
لم يستطيع محمود الرد عليها عندما قاطعه الصول بـ الدخول يخبره بوصل المحامى الخاص بـ المتهمه .
دلف المحامى ومد يده بالكارت الخاص به وقال: المحامى صلاح عبدالعزيز حاضر عن موكلتى نور الابراهيمي.
التقط من الكارت وقال: اتفضل .
صلاح : ممكن ي فندم اعرف ايه التهمه الموجه الى موكلتى.
اخبره الرائد محمود بتفاصيل القضيه ثم وافق ع طلب صلاح ان يجلس مع وعد ع انفراد قبل التحقيق معها ثم خرج وتركهم لوحدهم.
اقتربت وعد مسرعه من صلاح وقالت وهى تحاول ان تظل متماسكه : انا مش نور حضرتك ممكن تخرجنى من هنا وتقول لظابط الحقيقه.
صلاح: اهدي ي انسه وعد انا عارفه والدت حضرتك فهمتنى كل حاجه وطلبت منى اوصلك رساله منها ع ما توصل .
وعد: رسالة ايه.
صلاح: بتقول لحضرتك لو حد طلب منك البطاقه هتقولى انها مش معاكى ومش هتتكلمى خالص وانا الا هتعامل مع القضيه.
وعد: انا فعلا مش محتاجه اكذب لان هم لما اخدونى شنطتى ف الشركه وفيها البطاقة بتاعتى . بس مامى مش عايزانى اقول انى وعد ليه.
صلاح: معرفش ي فندم هى زمانها وصلت وهى هتفهمك كل حاجه دا الا اقدر اقوله لك .
لم تستطيع وعد بالرد عليه عندما دلفت زيزى الى المكتب .
اتجهت وعد اليها مسرعه : مامى ايه الكلام دا وحقيقى نور بتاجر ف المخدرات .
زيزى بهدوء: وعد مش انتى ديما عايزه تساعدى اختك عشان انا اقرب منك.
وعد: اكيد ي مامى انا بحبكم اووي انتم عيلتى .
زيزى برجاء مزيف: وعد مش لازم حد يعرف انك مش نور اختك لو اتقبض عليها ممكن تقتل نفسها.
ابتعدت وعد بدهشه ماذا تطلب منها امها اتطلب منها التضحيه بنفسها لاجل اختها.
تابعت زيزى برجاء مزيف: اوعدك انى مش هسيبك وهفضل معاكى لحد لما تخرجي انا عارفاكى انتى اقوى من نور وهتستحملى لحد لما تخرجى براءه .
ثم امسكت يدها بحنان ام مزيف واكملت: حبيبتى انى عارفه انى بحبك زي نور بس مش كنت بابين عشان متسبيش بابكى لوحده ساعدى اختك ي وعد وصدقنى انا هفضل جنبك لحد لما تخرجي.
ظلت وعد ع صدمتها من طلب امها ولم تتحدث وظلت تفكر ساد الصمت دقائق حتى قاطعه صوت وعد: انا………..
الفصل 5
بـ غرفه مظلمه لا يدخل لها الا شعاع نور متمرد من نافذه صغيره بـ اعلى الحائط فهى سجينه ولا تعرف لما تم القبض عليها تجلس بزاويه الزنزانة تضم قدمها وتخفى وجهها بينهم وتبكي وتفكر ماذا تفعل هى ليست مذنبه بشئ هو وافقت فقط ع طلب والدتها دون ان تشعر .
سمعت صوت الباب وهو يفتح رفعت رأسها عندما ندا عليها الصول حتي تقوم.
قامت وهى تحاول ان ترسم الشجاعه ع ملامحها حتي تدافع عن حقها .
دلفت الى غرفة الرائد محمود كما طلب منها الصول .
الرائد محمود: اتفضلى ي نور ادخلى جاسر بيه عايز يقابلك.
وقفت تنظر له فهى رأته مره واحده وكم تمنت ان لا تقابله مره اخري.
قام الرائد محمود واستأذن وخرج وتركهم كما طلب منه جاسر.
جاسر: ايه واقفه عندك ليه تعالى اقعدي قدامى هنا.
وعد بدموع وشئ من القوه: انت عايز منى ايه انا معرفكش ولا شوفتك ولا اتعملت معاك قبل كدا .
جاسر ببرود وملامح متجمده: لا انا اعرفك ازاى مش مهم . اما عايز منك ايه فهو طلب صغير مقابل برأتك.
وعد بشجاعه مصتنعه: طلب ايه.
جاسر : تتجوزينى!!!..
وعد بصدمه : اتـ… اتجوزك طب ليه.
جاسر ببرود عكس ما بداخله: دا طلبى قصاد برائتك .
وعد: مقدرش انت.. انت متعرفش انا مين ولا تعرف عنى حاجه وكمان انا مقدرش اتجوز واحد معرفوش ولا حتى معجبه بيه.
جاسر: نور احمد الابراهيمي. 26 سنه. محاسبه بشركة حسن شوقى . جوز امك عندك اخ واحد اسمه شادي معيد بكلية حقوق.
هاا … اكمل ولا كفايه .
ضحكت وعد بتهكم : وانت كدا بتأكد ليا انك تعرفني تبقي غلطان .
نظر لها باستغراب من رد فعلها ويفكر ماذا قاله خطأ نعم هى نور الفرق بينها وبين الصور الحجاب التى ترتديه .
وعد بابتسامة باهته: عن اذنك انا هعرف اطلع من هنا من غير عرضك المغري دا .
ثم التفتت واتجهت الى الباب وخبطت عليه وطلبت اعادتها الى السجن.
ظل يحدق بها حتى اختفائها من امامه خارج المكتب . خرج مسرعه من المكتب ومن مركز الشرطه نهائيا وركب سيارته وقاد بسرعه عاليه .
❄❄❄❄❄
فيلا حسن شوقى .
شادى بصوت جهوري وغضب: ازاى انتى مش ام ازاى تسمحى لواحده من بناتك تتسجن مكان التانيه ياشيخه دا الاتنين بناتك حرام عليكى.
زيزى ببرود وهى جالسه واضعه رجل ع اخري: صوتك ميعلش عليا انا امك .
شادى وهو يسيطر ع غضبه: انتى تعرفى يعنى ايه امومه اصلا تسجنى بنتك البرئيه ليه .
زيزى : انا ميهمنيش الا مصلحة نور وبس اه هى بنتى بس هى اختارت ابوها عليا مش شبهى ف حاجه ومستحيل اسمح ان نور تتسجن ولو للدقيقه واحده سامع.
شادي: انا مش هسكت انا هروح اعترف بكل حاجه وهخرجها .
زيزى بصوت عالى: لو عملت كدا ي شادى يبقي انت الا بدأت ومترجعش هنا تانى سااااامع.
خرج شادى مسرعا ولم يلتفت لها ولا ان يرد عليها .
❄❄❄❄❄
بالمقطم.
ركن سيارته بغضب حتى اصدرت صوتا وظل يفكر برد فعلها ع طلبه من هى حتى ترفضه فهى ف موضع لا تحسد عليه ومع ذالك تتكبر عليه وترفض الزواج منه .
ظل يضـ,ـرب المقود وينهر نفسه ع تهوره لما ضعف امامها لم عينيها تأسره من اول ما رائها بمكتبه تجلس امامه وتوترها هى تتحدث لما يشعر انها مظلومه ولكن هو عرف انها السبب بما حدث لأخيه .
نهر نفسه ع تفكيره بها ومحاولة امتلاكها ان لا تكون لغيره .
جاسر: انا مستحيل انجذب لها مستحيل لازم اظهر وشها الحقيقى اه انا هتجوزها واعيشها ف جحيم . لازم تدفع تمن الا عملته ف اخويا.
❄❄❄❄❄
بمركز الشرطه.
وقف شادي امام مكتب الرائد محمود وطلب من العسـ,ـكري مقابلته .
دلف الى المكتب .
شادى: السلام عليكم ي فندم.
محمود: وعليكم السلام اتفضل حضرتك.طالب تقابلنى ليه وايه هو الموضوع الحياة او مـ,ـوت .
شادى : انا اسف ي فندم بس اختى مقـ,ـبوض عليها غلط .
محمود : اخت حضرتك مين الا ب تتكلم عنها.
شادى: وعد الابراهيمي .
محمود : حضرتك غلطان الا هنا نور الابراهيمي.
شادى: لا ي فندم الا انت قبضت عليها تبقي وعد الابراهيمي توأم نور الابراهيمي.
محمود بدهشه: ازاى وامها والمحامي اكدو ان هى نور الابراهيمي.
شادي : ي فندم دا اتفاق ضدها بس هى مواطنه امريكية ومش حبب ادخل السفاره الامريكيه عشان تحل الموضوع.
محمود بصدمه: ازاى ي فندم الكلام دا ف اثبات عليه.
شادى: ايوه ي فندم اتفضل جواز السفر بتاعها .
نظر الرائد محمود الى الجواز وكان امريكيا فعلا وتأكد من صحة كلام شادي بعد عدة مكالمات ثم طلب من العسكري احضارها من الزنزانة.
❄❄❄❄❄
ارتمت وعد باحضان اخيها اول ما راته امامها بالمكتب وظلت تبكى وتستشعر بوجوده الامان .
ط
لب شادي من الرائد محمود تركهم لوحدهم ووافق وخرج وتركهم .
شادى: ينفع كدا ي وعد . ليه كدا ي حبيبتى ليه تشيلى ذنب غيرك.
وعد بدموع ومازالت محتضنه شادى: انا اسفه ي شادى بس مقدرتش اقول لمامى لأ انت عارف انا بحبها هى ونور اد ايه .
شادى وهو يربت ع ظهرها بحنان : خلاص اهدي انا حليت المشكله وهتخرجى انهاردة.
ابتعدت وعد عنه سريعا وسألته بصدمه: ايه انت حليتها ازاى.
شادى: روحت الفيلا وجيبت اوراقك وجواز السفر بتاعك الا يثبت انك وعد مش نور وان معاكى الجنسيه الامريكية .
وعد: ازاى تعمل كدا ي شادي كدا مامى هتكرهنى اكتر وهتبعد عنى اكتر هى ونور.
شادى : اهدي وافهمى انا مستحيل اسيبك تعملى كدا ف نفسك وانتى مظلومه وتتحبسي مكان نور .
وعد: بس مامى قالتلى ان هى هتخرجنى باسرع وقت ومش هتسيبنى.
شادى: وعد مش وقت الكلام دا احنا نخرج من هنا الاول وبعدين نتكلم واذا كان ع نور احنا هنسعيدها وهنخرجها بكفاله لحد لما اثبت براءتها .
وعد باستسلام : خلاص ي شادي الا انت شايفه .
خلاص شادي اوراق خروجها ووكيل النيابه اصدر امر ضبط واحضار لـ نور ووالدتها بسبب تضليل الشرطه.
❄❄❄❄❄
فيلا صلاح التهامى.
قام غاضباً واهدر بصوت عالى : يعنى ايه افرجو عنها .
وقف امامه المحامى الخاص به بخوف منه فهو يتحول للشيطان بغضبه .
المحامى ياسر : يـ فندم ميقدروش يسجينوها وهى مواطنه امريكية وكمان مش هى الا انت قدمت البلاغ باسمها .
جاسر: مش فاهم ازاى مواطنه امريكيه وازاى مش هى انت هتسطعبت .
ياسر بتلعثم: والله ي فندم انا عملت كل الا طلبته منى معرفش ان الا اتقبض عليها تبقى اختها التوأم .
جاسر بصدمه : اختها التوأم ازاى الملف بتاعها مش مكتوب فيه ان ليها غير اخ من امها بس.
ياسر بخوف : يـ… فند……
لم يكمل كلامه بسبب مقاطعة جاسر له بصوت غاضب وعالى : خلال 24س اذا ملقتش كل حاجه تخصها بالظبط قدامى ع المكتب يبقي انت الا حكمت ع نفسك سااااااامع.
ياسر وهو يحرك رأسه بالموافقه وخوف وتلعثم: حـ… حاااضر ي فندم .
وغادر مسرعا يحاول ان ينجو بروحه من غضب الشيطان امامه.
الفصل 6
اوقف السياره امام باب الفيلا الداخلى .
شادي: انزلى يلا ي حبيبتى عشان ترتاحى.
دلفو الى بهو الفيلا رأتهم داده صفيه اسرعت الى وعد واحتضنتها بحب وحنان ولهفه: حمدلله ع سلامتك ي حبيبتى ايه الا حصل .
ابتعدت وعد عنها وابتسمت بحزن فهى دائما تعوضها عن امها بحنانها : خلاص ي داده عدت انا هطلع اريح شويه .
داده صفيه : استنى ي بنتى اجهزلك حاجه سريعه تاكليها زمانك مأكلتيش حاجه خالص من الصبح.
وعد بارهاق وتعب: ماليش نفس ي داده انا تعبانه وعايزه ارتاح بس عن اذنك.
وتركتها وصعدت الى غرفتها حزينه لا تعرف ماذا فعلت لامها كى تفضل اختها عنها دلفت الى الغرفه وخلعت حجابها ودلفت الى الحمام الملحق بالغرفه ووقفت تحت الدوش بملابسها وفتحت الماء البارد كى يهدأها قليلا جلست وضمت ركبيتيها وظلت تبكى والماء منهمر عليها .
جلست ع السرير تجفف رأسها بالفوطه الصغيره لا تعرف كم مر من الوقت وهى تبكى وقفت واغتسلت وغيرت لبسها لمنامه تمدت ع السرير ولم يأتى لها النوم كيف يأتى وهى تفكر لما دائما مكتوب عليها تساعد الاخرين ف حين لا يشعرون هم بها دقائق وارتفع اذان الفجر استغفر ربها وقامت توضأت وارتدت اسدال الصلاه وصلت الفجر وظلت جالسه ع السجاده تدعى ربها ان يعطيها الصبر حتى تشعر بها امها وبعدها جلست تقرأ وردها حتى ارتاحت روحها من ايات الذكر الحكيم وقامت نامت ع سريرها وهى تحتضن المصحف وترتدي الاسدال.
❄❄❄❄❄
صعد قرص الجوناء الى عنان السماء مسدل خيوطه الذهبيه يبشر بقدوم يوم جديد هناك من قام واتجه الى عمله وهناك من يدعى ربه بالرزق هل يوجد امل جديد كما يقولون ان يوم جديد بأمل جديد.
❄❄❄❄❄
فيلا صلاح التهامى.
بـ جناح كلاسيكي لونه بين الاسود والرمادي يدل ع ان صاحبه ذات شخصيه مرموقه وغامضه .
مدد جسمه ع السرير و يضع ذراعه ع عينيه فهو لم يزوره النوم الليله الفائته كيف ينام وهو لم يعرف عنها شئ بعد لقد اقسم ع دخولها لعرينه دون ان تخرج منه لن يستسلم دون ان تكون بين يديه .
تنهد بحراره وابعد يديه عن عينه ينظر بالساعه انها السابعة صباحاً قام ودلف الى الحمام الملحق بغرفته يكى يفعل روتينه اليومى.
❄❄❄❄❄
دلف الى غرفة السفره كى يفطر قبل ذهابه للشركه .
كانت والدته تجلس وبجانبها اخته . اقترب جاسر من امه وقبل رأسها وقال: صباح الخير ي امى.
ربتت عفاف والدته ع يده وابتسمت له بحب وقالت: صباح النور ي حبيبى .
اتجه الى اخته ايضا وقبل رأسها ايضا بحنان اخ واب : صباح الخير ي دودو.
هايدي بابتسامة: صباح النور ي ابيه .
جلس جاسر يرأس السفره فهو مكان والده وهو بعد وفاته تحدث لهايدي وهو يتناول فطاره : عامله ايه ف الجامعه ي دوك .
هايدي : شوية تشريح ع جثث ايه انما العجب ي ابيه .
ضحك جاسر و والدته واردف: جثث وتشريح ماشي انما عجب دي مش ليقه ي دكتوره ف دكتوره تكلم كدا.
هايدي: خلاص ي ابيه امال لو قولتلك ي برنس هتعمل فيا ايه لما بتتريق ع عجب .
جاسر : عجب وبرنس بت انتى متأكده انك ف طب.
هايدي ببراءه: اه والله ي ابيه قسم جراحة قلب كمان .
جاسر: امال بتجيبي الكلام دا منين .
هايدي بـ مشاكسه : خلاص بقي ي ابيه كل عاد كدا مافيش فرق بين الدكتور والسايس كله بيتكلم زي بعضه عشان نفهم الدنيا ماشيه ازاى.
جاسر وهو يمسح فمه بالمنديل ويقوم : ماشى ي لمضه . الحمدلله . عايزه حاجه ي امى .
ثم اقترب منها وقبل يدها .
عفاف : لا ي حبيبي سلامتك .
جاسر : عايزه حاجه ي دودو .
هايدي بتردد : لا ي ابيه سلامتك.
لاحظ جاسر تردد اخته فهى ليست اخته فقط بل ابنت قلبه الذي تولى تربيتها بعد وفاة والدهم .
جاسر: تعالى ي دودو ورايا المكتب .
امأت له : حاضر ي ابيه.
❄❄❄❄❄
مكتب جاسر بالفيلا.
دلف جاسر وجلس وراء المكتب ودلفت وراءه هايدي وهى تفرك يدها وانمالها ببعضهم من التوتر والتردد ان تخبر اخاها.
جاسر: واقفه عندك ليه ي هايدي تعالى اقعدي ي حبيبتي .
اقتربت من المكتب وجلست مقابله له .
جاسر: مالك ي هايدي عايزه ايه .
هايدي بتردد: مافيش ي ابيه .
جاسر بحنان : هتخبي عليا ي هايدي .
هايدي: لا ي ابيه بس ..
جاسر: بس ايه قولى مره واحده ي هايدي.
هايدي ببعض الخوف: وليد ي ابيه . ثم نظرت له كى تري رد فعله .رأته منتظرها ان تكمل.
هايدى: انا احتمال اسافر قريب لـ جامعة هارفارد وكنت عايز قبل ما اسافر يعنى اروح لـ وليد اقعد معاه عشان وحشنى اووى.
حاول ان يسيطر ع غضبه كى لا يتهور عليها فهى لا تعرف شئ بعد : مينفعش ي هايدي وليد ف بورسعيد بيخلص شغل الجمارك هناك ومش هيفضي انك تقعدي معاه مش هياخد باله منك.
هايدي : ي ابيه هو بئاله شهرين هناك وفين وفين لما بيكلمنا هو وحشنا اووي وحضرتك مانع اى حد يروح زياره ليه.
جاسر بهدوء مزيف: خلاص ي هايدي مافيش مناقشه ف الموضوع دا ويلا عشان انا اتأخرت ع الشركه وانتى كمان ع الكليه.
هايدى برجاء: ي ابيه..
قاطعها بحزم لانهاء الكلام: خلاص ي هايدي قلنا لما هيخلص الشغل الا ف ايده هيجى .
ثم قام واخذ مفاتيحه و اشياءه وخرج من الفيلا وصعد الى سيارته وقادها .
❄❄❄❄❄
فيلا حسن شوقى.
فاقت زيزى من النوم ع اصوات ودوشه بالاسفل ارتدت الروب وخرجت مسرعه من غرفتها لترى سبب هذا الضوضاء.
تفاجأت بوجود الشرطه بالاسفل ويطلبو من صفاء احضار زيزي و نور .
زيزى : خير ي فندم حضرتك طالبنى انا وبنتى ليه.
الرائد محمود: مطلوب القبض عليكم ي ريت ي فندم تطلعى تلبسي وتنزلى ي اما هتر انى اخدك معانا كدا .
زيزى بتكبر: انت ازاى تتكلم معايا كدا انت نسيت انت بتكلم مين ومطلوب القبض علينا ليه بتهمة ايه.
محمود بهدوء مزيف: ي فندم ي ريت تتعونى معانا عشان مصلحتك انتى وبنت حضرتك اتفضلى غير هدومك .
التفتت زيزى لصفاء : اتصلى فورا ع المتر صلاح وخليه يسبقنا ع المركز .
امأت صفاء وذهبت مسرعه تنفذ ما طلب منها .
صعدت زيزى ووراءها نور ودلفو الى غرفة زيزي.
نور : انت هتروحي معاهم ي مامى بجد .
زيزى: يلا ي نور روحي غيري هدومك انا عارفه ان اخوكى زمانه هد الدنيا ف دماغنا لازم نتعامل بهداوه مع الامور عشان نعرف نحلها وانا اافوق بس من المصيبه دي وصدقينى هخليه يندم هو الست هانم التانيه الا عمل كدا عشانها .
نور بنرفزه: اووف حاضر ي مامى .
وخرجت من الغرفه واتجهت الى غرفتها كى تبدل ثيابها.
اما زيزى امسكت الهاتف كى تكلم حسن الذي لم يعد منذ ليلة البارحه من المؤكد انه ف شقته مع احدي العاهرات كعادته.
زيزى وهى تستمع الى المسجل ان هاتفه مغلق زفرت بحنق وقالت: ماشي ي حسن الزفت لما نشوف اخرت قرفك دا ايه وكمان قافل الفون بتاعك حسابك معايا .
ثم اتجهت الى خزانتها واخرجت الثياب كى تبدلها .
الفصل 7
فاق ونظر بـ جواره فكانت هناك فتاه نائمه وظهرها العاري له تذكر سهرته ونهايتها باحدي العاهرات معه بالسرير اعتدل وجلس ع جانب السرير ثم قام ودلف الى الحمام الملحق بغرفته.
خرج بعد ان انتها وارتدا ملابس اخري غير المبعثره بالغرفه . وقف امام المرأه كى يمشط شعره الذي وضح عليه الشيب من سنه . تملمت تلك الفتاه وقامت اعتدلت بجلستها وسحبت الغطاء تداري جسدها العاري به وقالت: صباح الخير ي بيبي .
نظر لها ب المرأه وابتسم بخبث: صباح النور ي بوسي يلا قومى عشان تلبسي وتمشي.
سحبت قميصه المرمى بجوارها ع الارض وارتدته وقامت واقتربت منه بدلع وقبلته وايديها تلعب بازرار قميصه العلويه: اهون عليك ي بيبى عايز تمشى وتسبنى .
ابعد حسن يدها وهو يضحك: خلاص ي بوسي مش عليا الكلام دا احنا قضينا ليله حلوه مع بعض واتبسطنا احنا الاتنين الفلوس عندك ع الكومودينو انسي الحوار الا انتى عايزاه كله .
زفرت بحنق وأخذت ثيابها الملقاه ع الارض واتجهت الى الحمام واغلقت الباب بقوه.
اتجه حسن الى الكومودينو واخذ هاتفه وفتحه وجد عدت اتصالات من زيزي وصفاء الخادمه رن ع هاتف زيزي كى يعلم ماذا تريد.
❄❄❄❄❄
