رواية دموع الورد (الجزء الثاني من الفصول) بقلم نيفين عبدالسلام
حنان بحزن: ان شاء الله هيفوق منها المهم خالى بالك منه وعائشه يابنى طمنى عليها
عند ذكر اسم معشوقته اهتز قلبه عليها: ادعيلها هى كمان اصلها تعبانه
حنان بلهفه: هى كانت معاه وقت الحادثه
اسر : لا ياماما بس لما عرفت جالها انهيار عصبى وتعابنه اوى
حنان : هدعيلها حاضر المهم خليك جمبهم
اسر: حاضر بس بابا هنعمل ايه معه
حنان: متقلقش بابا مش هينزل غير لم يخلص علاجه
اسر باستغراب : بس هو قال
حنان: انا فهمتوا كل حاجه
اسر: بابا عرف
حنان: كان لازم يعرف
اسر : وعمل ايه
حنان: متشغلش بالك خليك جمب مراد وبنته
اسر : حاضر
قفل مع والداته وقرر يروح يطمن على حبيبته فوصل لغرفتها فوجد داده سميحه تخرج من الغرفه وتطلب منه أن يدخل يفضل جمبها
دخل اسر وجدها نائمه مثل الملاك وقرب منها وجدها تحلم بصوت عالى نسبيا وتقول حبيبى انا بحبك خليك جمبى متسبنيش انا محتاجلك
عند سماعه منها تلك الكلمات زادة الغيرة فى قلبه لدرجه دي بتحلم بيه يعنى ممكن تكون فعلا حبيبته زى ماكريستينا قالت وافتكر لما كريستينا جاءت عنده البيت
فلاش باك
اسر : انتي أيه الا جابك هنا
كريستينا وهى تقترب منه بدلع : عايز اسهر معاك
اسر وهو يبعد عنها: انت تعرفينى منين
كريستينا: أنا اعرفك من كلام شوشو
اسر وقد فرح أن شوشو بتحكى عنه لصديقتها : قالت ايه شوشو عني
كريستينا بعد ما لاحظت سعادة اسر حبت تقطع اي أمل: كلامها مش هيعجبك وخصوصا بعد الا عملته مع مارك حبيبها
اسر برق عينها من الصدمه: حبيبها
كريستينا وضحكت: ايوه مارك وشوشو حبايب وقربت منه بس ده سر اوعى تقول عليه لحد وخصوصا اونكل مراد اصل لو عرف أن شوشو بتقابل مارك معرفش ممكن يعمل فيها ايه اصل لم شوفتنا معه قالت اونكل انها نازله تودعنى بس الحقيقه كانت نازلة تشوفه وقربت منه اوى
باك
فاق اسر على دخول الممرضه لمتابعه علاج عائشه فخرج وجواه كتله نار بس قرر أنه هيوقف معها لحد ما مراد يقوم خرج بره وهو حاسس بحزن كبير كمان بتكدبى على بابكى علشانه لدرجه دي بتحبيه
—————————————————————————————-
أما فى الدار
فكانت فريدة فى مكتب زينات تحاول مراجعه بعض الاوراق مع المشرف المالى
خبطت على الباب إحدى العاملات: انسه فريده
فريدة: ايوه
العاملة: فى واحده بتسال على حضرتك بره
فريده : واحده مين
انا يافريدة ممكن ادخل كان هذا صوت علا
قامت فريدة من المكتب وقربت منها بحب طبعا ياحبيبتى وانت محتاجة تستأذني كانت فريدة بتتكلم بكل حب أما علا فكانت تتعامل ببرود
استأذن المشرف من فريدة على أن يعود لتكملت عمله بعد خروج ضيفتها وخرج
سحبت فريدة يد علا وجلست بيها على الكنبه الموجوده فى الاوضه طمنيى عاملة ايه واخباركم ايه وعلاء عامل ايه واولادكم وشغلكم وحشتونى اوى
علا باقتضاب: كله كويس
فريدة : قوللى بقى انت جاية مخصوص ليه ولا كنت فى شغل
علا: لا جاى ليكى مخصوص
فريدة بفرحه وهى بتحضنها: بجد انا فرحانه اوى انا عمرى مانستكم وكنت دائما بقول الدم عمره ماحيبقى مياه
علا وهى تنزل ايد فى فريدة: ازاى عمرك مانستينا وانت اصل نسيتي اخواتك
فريدة باستغراب: انا انساكم مستحيل تقصدى يعنى علشان بقالى فترة مكلمتكومش والله غصب عنى والدار وخده كل وقتى وكملت وهى بتحاول تدارى الحزن وكمان اخر مرة كلمتك حاستك كنت بتقفلى فى الكلام فقولت اكيد مشغولة وهوده الا مزعلك
علا ببرود: اه فعلا انت يوم مكلمتنى كان عندى شغل بس مش ده الا مزعلنى انا الا مزعلنى انك نسيتى مكانتى انا واخوكى وسط المجتمع
فريدة مستغربه من طريقتها: انا عملت ايه خلاكي تقولي كده
علا بحدة : من فترة كان فى جمعيه هنا فى زيارة وكان معهم واحدة عندها شغل معانا وشافتك وجاءت تعايركى بيكى وتقول ازاى سايبه اختك خدامه فى دار مسنين
فريدة مصدومة من طريقه كلام علا: خدامه وتعايركى بيا ليه انا ممرضه وانت اصلا ازاى تسمحلها تقول كده عليا
علا وهى تضع رجل فوق رجل وبتعالى: هى مغلطتش انت غلطانه حد قالك سيبى بيتك وتجى تعيشي فى المكان ده وبتشاور بصوبعها مش بيتك ده الا مرضتيش تبعيها وخرجت من الشركة وكملت باستهزاء وزكرياتك اتخلتى عنها بسهولة كده عنها
كانت فريدة تستمع اليها وهى غير مصدقه هى ده اختى الا تعبت معاها الا ضحيت بكل حاجة علشانها ازاى بتتكلم معايا كده علشان ايه
فاقت من صدمتها على صوت علا : طبعا مفيش كلام تردي عليا بيه بصى يافريدة من الاخر انتي لازم تسيبى الدار دي وتجى عندى الشركة تشتغلى اى حاجه ايه رايك
فريدة : انت ازاى كده انت شايفانى ازاى انتي عارفة ان اول مرة احس باليتم كملت بدموعها أنا بجد دلوقتى ندمانه على كل حاجة عملتها معاكى انت بقتى كده ازاى وقامت وقفت للأسف انا الا ميشرفنيش يكون ليه اخت زيك انسينى زى مااناهنساكى
صدمت علا من كلام فريده وقامت بمنتهى الغضب انت اخترتى اتحملى نتيجه غلطك
وسابتها وخرجت ارتمتت فريدة على الكنبه وهى منهارة
—————————————————————————————
أما فى المستشفى
وصلت زينات وشافت اكرام واقف جريت عليه طمنى يااكرام
اكرام بحزن:حمدلله على سلامتك
زينات : الله يسلمك المهم مراد
اكرام : ادعيلوا لسه مفقش
زينات : بنته فين
اكرام: بنته من ساعة ماعرفت وهى عندها انهيار ونائمة هنا فى المستشفى
جاءه عليهم اسر
اكرام : ده بشمهندس اسر شريك مراد ودي مدام زينات عمة مراد
قام اسر بمصافحتها ورحب بيها
زينات : انت اسر ابن حسن وحنان
اسر: ايوه وحضرتك تعريفيهم
زينات: طبعا دى عشرة اخبارهم ايه
اسر: الحمد لله
زينات: طمنى على عائشه
اسر: لسه نائمة تحت تأثير المخدر
زينات : ربنا معاها
عدى ثلاثه ايام الوضع كماهو مراد لسه مفاقش وعائشه تفوق تسأل على بابها تعرف أن لسه مفاقش ترجع تنام تانى من غير ماتاكل وكانت عايشة على المحاليل
لحد مافى يوم وهما ادام العنايه سمعوا اصوات وحالة من الهرج
جرى اسر على الممرضه يسأل: فى ايه جوه
الممرضه:—
