تزوجـ,ـت زوج اختي واللي حصل

ليه حقوق عليكي ولاد اختك دول امانة اختك ليكي برضو يعني حقك عليهم عملتيه ربنا هيديكي اجرك ما عملتيهوش وقصرتي فيه يبقي هتشيلي ذنب وانتي بتصلي وتعرفي ربنا واحنا كلنا عشمنا الجنه فنضحي ونصبر ونتحمل قضاء ربنا عشان يجازي صبرنا خير… ولاء بس انا ما اختارتش انا وافقت علي محمود خوف من ابويا.. ناهد اتقبليه حاولي تديه فرصن مدام ما شوفتيش منه حاجه وحشه ربنا حطكم في طريق بعض عشان ليه حكمه في كده اظي جوزك فرصه وارضيه وحطي اختك علي جنب افتكريها وادعيلها وافتكري ديما انها الله يرحمها وولادها امانه عندك وابو ولادها جوزك انتي وليه حقوق وواجبات عليكي

فهمتي يا قلب امك انا ايه. ولاء حاضر يا ماما فهمت اوعدك اني هحاول اتقبله يس دلوقتي انا اتصرف ازاي ولا اعمل ايه.. ناهد بصي انا من رأيي لو هو ما جاش انتي امشي وخدب الولاد وارجعي البيت واتأسفيله وقوليلو انك مش هتعملي كده تاني ولل حتي هتخرجي من غير اذنه فاهمه.. ولاء حاضر يا ماما بس تعابي نجهز عشا الاول وبعدين اخد الولاد اللي بعتهم مع السواق وامشي.. _في الوقت ده الباب خبط. فراحت ولاء تفتح ودخلت ناهد المطبخ عشان تجهز العشا ولما فتحت ولاء الباب اټصدمت بسليم ابن عمها وخطيبها القديم وقال.. سليم معقوله العروسه بنفسها بتفتح الباب

ما صدقتش نفسي لما عرفت انك هنا وقولت اجي اشوفك واعرف ليه عملتي كده.. ولاء بتوتر مالوش لازمه الكلام ده دلوقتي يا سليم انا دلوقتر ست متجوزه وانت ابن عمر وبس.. سليم انا عارف انك كنتي مختلفه معايا ومش عاجبك بس مش لدرجة انك لما اختك ټموت تستغلي الفرصه وتروحي وانتي خطيبتي تعلقي الراجل وتتجوزيه.. ولاء پحده انت بتخرف اقول ايه انت امشي يا سليم من هنا بدل ما والله العظيم اندهلك ماما.. مسك سليم ايدها بسرعه وقال انتي ليه مش عايزه تفهمي ان انا بحبك انا عارف انك ممكن تكوني اتجوزتي محمود ده عشان ولاد اختك او عشان غني

بس انا بحبك وهو عمره ما يحبك ربع ما انا بحبك.. _قبل ما تسحب ايدها منه او ترد عليه جه محمود وشاف سليم وهو ماسك ايد مراته وبصلهم پغضب وعصبيه وهي بسرعه شالت ايدها من ايده وقالت.. ولاء مم محمود ده سليم كان جاي لبابا و.. وقف محمود جنبيها وقال لسليم خير في حاجه يا سليم.. سليم ده. بيت عمي مش بيتك عشان تسأل انت السؤال ده.. محمود ده بيت اهل مراتي وبعد كده لما مراتي تبقي هنا نا اشوفش وشك عندهم.. طلعت ناهد وقالت بقلق في ايه يا محمود يا ابني صوتك عالي كده ليه ايه ده سليم انت

بتعمل ايه هنا.. سليم انا جاي اسأل علي عمي بس البيه قليل الذوق ده بيطردني قال ايه وولاء هنا انا ما اجيش يرضيكي الكلام ده يا مرات عمي.. اتوترت ناهد تحرج مين فيهم وقالت اا هو بس يقصد ان عمك مش موجود وانت ما ينفعش تدخل البيت وعمك ما فيش.. سليم بغيظ وهو يدخل عادي ده غريب اصلا ومش من العيله.. محمود وانت مال اهلك اصلا..