تزوجـ,ـت زوج اختي واللي حصل

وقام اياد وقال.. اياد انا شبعت يا لولو هروح اغسل ايدي.. عمر وانا كمان شبعت يا لولو. ساميه ام محمود ايه لولو دي يا ولد منك ليها اسمها ماما ولاء.. اياد خالتو هي اللي قالت نقولها كده يا تيته وما نقولش لحد ماما بعد ماما الله يرحمها.. ساميه پحده والله عال انتي بتعلمي الولاد قلة الادب ولا ايه.. ولاء پحده وهي ايه قلة الادب في اللي هما قالوه ده انا مهما عملت هبقي خالتهم وبس مش بالعافيه هبقي مكان اختي وهما من زمان بيدلعوني وبيقولولي يا لولو.. ساميه ولنا تقفي وتردي عليا كده قدامهم بلسانك الطويل ده دي مش قلة

ادب برضو.. جات ولاء ترد يس محمود قال بجمود خلاص يا ولاء وادخلي مع الولاد عشان يغسلو ايدهم واعملي شاي.. _اتملت عيون ولاء دموع واخدت ولاد اختها ودخلت المطبخ بيهم وساميه قالت لمحمود بعصبيه.. ساميه معقوله دي تبقي اخت مريم اللي كانت في منتهي الادب والاخلاق.. محمود وهي غريبه يعني يا ماما ما هي اختها وبصراحه ما فيش واحده هتبقي حنينه علي الولاد بعد مريم غؤر ولاء وعشان كده اتجوزتها.. ساميه وانت البت دي بتشوف طلباتك ولا لا.. محمود دي حاجه بيني وبينها يا ماما وانا ما اشتكيتش من حاجه.. ساميه محمود انت لسه في عز شبابك يا حبيبي ولو

كنت بس سمعت كلامي واتجوزت بنت مدام هناء كان زمانها مهنياك.. محمود انا مرتاح كده مدام ولادي مرتاحين وولاء مع الوقت هتتعود علي الوضع انا مش عايز اضغط عليها ولا عليا احنا الاتنين في موقف صعب.. ساميه ترفت تغير دماغك من ناحيتي من اولها من زمان وانا ما بقبلهاش البنت دي.. محمود مش مهم انا ولا انتي يا ماما المهم الولاد اللي هيكبرو وهيتربو معاها.. ساميه ربنا يهديها عليك وانا ليا ايه غير انك تبقي مبسوط انت وولادك انت عارف لو عليا اخدهم عندي بش انا برضو صحتي علي قدي.. محمود طيب ما تيجي تعيشي معانا هنا وتبقي جنبي بدل

ما انتي قاعده لوحدك… ساميه ما انا معايا الشغاله وبعدين هو انا اتفق ازاي مع ام اربعه واربعين اللي جوه دي.. محمود والله البت غلبانه يا امي بس دماغها ناشفه شويه لسه صغيره وبكره تتعلم وكبر… ساميه صغيره ايه ده وانا في سنها كنت مخلفاك علي العموم اللي فيه الخير يقدمه ربنا كمل اكلك يلاا.. _وبالليل بعد ما مشيت ساميه دخل محمود اوضته وكانت ولاء قاعده بتذاكر ولما شافته قغلت الكتاب ونامت.. محمود انتي ما طلعتيش ليه تسلمي علي امي قبل ما تمشي… ولاء يا سلام انت عايزني كمان اطلع اسلم عليها بعد الكلام اللي قالتهولي علي الغدا.. محمود اسمعي

وما ترديش دي زي امك هي طنط ناهد لما بتزعق فيكي انتي بتعلي صوتك عليها. ولاء بس مامتك مش زي ما ماما وما حدش ليه الحق يزعق فيا علي فكره مدام ما عملتش حاجه غلط.. محمود بغيظ الله يرحمك يا مريم كانت جوهره. ولاء معاك حق اختي ما كانش في زيها… قعد محمود جنبيها وقال انا مش عايز مشاكل مع امي يا ولاء فمهما قالت اسمعي كلامها هي بتيجي يوم كل فين وفين بتقعد شويه وبتمشي.. ولاء ان شاء الله..تصبح علي خير.. قرب منها محمود وقال انتي هتنامي بدري كده ليه.. قامت بسرعه من جنبيه وقالت انت عايز مني ايه..

محمود بضيق هكون عايز منك ايه يا ولاء وبعدين ما تخافيش انا مش هغصبك علي حاجه بس حاولي تتعودي علي الوضع بسرعه.. _واداها ضهره ونام وشافها رايحه تنام علي الكنبه فقال پحده.. محمود انتي رايحه فين ما تخلنيش اتعصب عليكي يا ولاء وتعالي نامي جنبر وقولتلك ما تخافيش.. ولاء ما انا مش متعوده انام جنب حد..