رواية مريض الحب (الفصل الأول إلى العاشر) بقلم إيمي أحمد

خرجت الست فاطمه وتركت ميسون ترتاح..وبمجرد خروجها..انفجرت ميسون بالبكاء….
وبعد ساعه وصلت ليلي الي البيت وعلمت من فاطمه انها ليست بخير..فدخلت اليها ووجدتها تبكي..فاحتضنتها حتي هدأت..ثم سألتها عن ما حدث معها..فحكت لها ….

ليلي:خلاص يا حبيبتي ماتزعليش انا هجبلك حقك..

ميسون(ببكاء):انا خايفه اووي يا ليلي..

ليلي(احتضنتها):اوعي تخافي وانا معاكي..انا جنبك وهحميكي من اي حد..يفكر يضايقك او يكسر بخاطرك..

ظلت ليلي تهدأ من ميسون واضحكتها..حتي قل توترها وخوفها..ثم اخذتها وخرجت لتجهز الغداء مع والدتها حتي لا تشعر بشئ….

»»»»»»»»»»»»»»»»»»»»»»»»»»»»»»

في فيلا د.مراد حمدي….

دخل مراد غرفته..اخرج ملابسه من حقيبته ووضعها في غرفة ثيابه..واخذ منشفته ودخل الي الحمام ليستحمل..ويرخي اعصابه..لعله ينسي تلك الذكريات الموجعه..في تلك الاثناء..وصل مازن الي البيت…ودخل الي والدته في المطبخ..

مازن:الله الله علي روايحك يا ست الكل…انا هموت من الجوع…(احتضن والدته).. وحشتيني..

مرفت: يا بكاش..اتاخرت ليه..؟

مازن: هحكي لك..بس قول لي الاول فين مراد..؟

مرفت:في اوضته بياخد شور وهينزل..انت كمان روح غير هدومك وخد شور..لحد ما السفره تجهز..

مازن:ماشي يا قمر…صحيح نادين رجعت من الكليه؟

مرفت:ايوه واعده في اوضتها بتذاكر..

مازن:طيب انا هطلع اوضتي..اغير هدومي..واروح اشوفهم..

صعد مازن الي غرفته واخذ شوره وخرج من غرفته وذهب لغرفة مراد..طرق الباب..سمع صوته يأذن له بالدخول..

مازن(قال بنبره..حاده): دكتور مراد..مطلوب القبض عليك..

مراد(ضحك):بتهمة ايه يا حضرت الظابط؟

مازن: بتهمت انك غبت في سفريتك وماتصلتش ولا مره بيا..

مراد(احتضنه):معلش يا ميزو والله..كنت مشغول..العمليه دي كانت مهمه جدا..مهمه بالنسبه لسمعتي وسمعة المستشفي..

مازن(ابتعد عنه ..و وضع يده اسفل ذقنه واغمض احد عينيه مدعيا التفكير):خلاص افراج..بس اعمل حسابك المره الجايه فيها حبس يا دكتور…

مراد(ضحك …ولف ذراعه حول كتفه يضمه اليه): تمام يا لمض..يلا بينا ننزل..بدل ما مرفت هانم تحكم علينا بالاعدام..

مازن:هههههه..يلا بينا..

اخذ مراد مازن وذهب الي غرفة اختهم نادين طرق الباب ثم فتحه..ولم يدخل..فقط نظر في الغرفه من وراء الباب وقال..

مراد:ممكن ادخل؟

نادين(عندما رأته..قفزت من علي سريرها بفرحة شديده وحضنته):ابيه..حمدلله علي السلامه..

مراد (ابتسم ): براحه يا مجنونه..

نادين:وحشتني اووي يا ابيه..ما اتصلتش بيا ليه..وماردتش ليه علي رسايل الواتس الي بعتها لك..

مراد:معلش يا حبيبتي..كنت مشغول في الشغل..اوعدك اني مش هغيب عنكوا تاني..

جذب مازن اليه وحضنهما معا..ودخلت مرفت عليهم..وعندما رأتهم هكذا..

مرفت:ربنا يخليكوا لبعض ويحميكوا من كل شر..

احتضنها الثلاثه..وقبل مراد يدها..قائلا..ربنا يخليكي لينا يا أمي..

مرفت:يلا يا حبايبي السفره جهزه…

نزل الجميع الي اسفل واجتمعوا علي السفره..وكانوا سعداء..
مرفت:صحيح…انت ايه الي اخرك يا مازن؟

مازن:هحكي لك..انا ظلمت بنت النهارده..وشوهت سمعتها..من غير ما اقصد..

مرفت: ازي يعني..؟

حكي مازن للجميع ما حدث..
مرفت: يا قلبي..زمانها دلوقتي مفزوعه..

مراد:انت مالكش ذنب في الي حصل..العسكري الي عندك هو الي غلطان..

مازن:انت مش شفتها كانت عامله ازاي..كانت شبه الطفله الضايعه والخايفه من كل الناس..دي بريئه اووي…اتخضت لما لقت نفسها متهمه وهتلبس قضيه…

نادين(غمزت لمازن بعينها):اشتلتها وحطتها علي الكنبه..ايوه يا عم الرومانسي..

مازن(اخذ قطعة لحم من طبقها بشوكته):بطلي..تركزي في التفاصيل..بدل ما أكل طبقك..

نادين(ضـ,ـربته بخفة في ذراعه..وابعدت طبقها عنه):لاااا…كل الا دا..

نادين:انت قلت هي في كلية ايه؟

مازن:كلية الاداب..تقريبا..

نادين:خلاص اتحلت يا ميزو..وصلني بكره الجامعه وروح اسأل عنها في كليتها واعتذر منها..
مازن(ضـ,ـربها علي رأسها ضـ,ـربة خفيفه):ايه الدماغ دي يا قرده..وتفتكري اول ما اسال عنها ..هيدوني معلومات عنها بالساهل كدا..

نادين:انت ناسي انك ظابط ولا ايه..

مازن: اااه..يا قرده..لا بتفكري..

وخلال حديثهم..دق جرس الباب فطلبت مرفت من سميه الخادمه ان تفتح الباب..

مرفت:مين يا سميه الي جه؟

……:دا انا يا مرفت هانم..

توقفوا عن تناول الطعام..ونظروا الي المتحدث..وعندما وقعت عيني مراد عليه..اظلمت عينيه وانزعج….و….