اسكريبت بقلم روان
-حضرتك إحنا في زمن مختلف متغيرش الموضوع -مخ تلف -إيه؟ -كلمة مختلف قسميها كدة هتبقى مخ تلف ده مخك بقى اللي تلفان والله، أنا بقى لما أعمل كل ده يبقى أنا متزوج ليه -هو إنت هتتجوز واحدة تخدمك ماهو ده ناتج إنكم في بيت أهلكم مش بتشيلوا الطبق اللي بتاكلوا فيه وبعدين يجي على دماغ الزوجة في الآخر
-لا مش متزوج واحدة تخدم وخلاص بس لما أنا أشتغل في اليوم ٨ ساعات علشان أوفر كل متطلباتك ومعظمنا بياخد شغل إضافي كمان ويهلك نفسه علشان يجهز بيته ويوفر كل حاجة على أكمل وجه وبعدين أرجع أعمل شغل البيت يبقى أنا اللي مخي تلف والله! معنديش مشكلة أساعد زوجتي بس ده لما تبقى إنسانة سوية فاهمة يعني إيه زواج أصلا! -نعم! مأنا كمان هشتغل على فكرة هو أنا هقعد في البيت ولا إيه
-بياخد شوية من العصير ويقول: ده حوار يعلي الضغط بجد، ماهو أنا لما أكون موفر كل حاجة إنتِ مش مطلوب منك تشتغلي، مين طلع فكرة إن الأصل الست تشتغل بعد ما تتخرج زيها زي الراجل، لما أتجلط من كلامك ابقي انزلي دوري على شغل وقتها هتكوني مضطرة -إنت جاي من عصر الجاهلية على هنا صح! الست دلوقتي بقيت… -سلعة -إيه؟ -كملي كملي -الست دلوقتي تولت منصب القضاء وبقيت حكم في ملاعب الكورة وقدرت تعمل أي حاجة عملها الراجل
-وبقت سلعة كمان، عايزين نعمل إعلان لهدوم ولا منتجات ولا كيس صلصة حتى هاتلي يابني واحدة ست وخودلي وشها صنفرة وحطها جنب المنتج، سلعة يعني مختلفناش -إنت تفكيرك محدود -وإنتِ لاغية عقلك وماشية ورا هتافات فارغة يا أستاذة يعقوب قمر الدين دبيازة -نعم؟ يعقوب مين -إيه مش الست زي الراجل مالك مسكتي في الاسم ليه، المهم بقى أنا مقولتش شروطي ملابسك وعلاجك لما تحبي تعملي عملية إصلاح مخ إن شاء الله عليكِ مش عليا، لو أخدتي مني فلوس هتبقى سُلفة وهتردهالي، أكلك تطلبيه لنفسك وتحاسبي عليه، الشقة تكاليفها النص بالنص، مصاريف نت وكهربا ومياه بالنص إن شاء الله و….
-حيلك يا أستاذ إنت لسة هتكمل هو إيه ده؟ -ده شروط السكن! ماهو بكلامك أنا واخد واحدة تسكن معايا مش تعيش حياة متزوجين سوية آه نسيت أقولك لو دخلنا مطعم هحاسب لنفسي وإنتِ تحاسبي لنفسك لو ركبنا مواصلات هدفع لنفسي وادفعي لنفسك مش إنتو ماشين عمياني ورا الغرب، هم بيعملوا كدة بقى مش هتاخدوا جزء وترموا الباقي وآه لو اتعاكستي وأنا ماشي معاكِ مش هرد ولا هدافع، الست زي الراجل دافعي عن نفسك
