ندم متأخر
ندم متاخر بقلم هاجر عفيفي
اتجوزتنى ليه يا يوسف
قالتها عائشه بحزن ودموع
يوسف بسخريه : ايه السؤال ده ؟؟ وايه لازمته دلوقتى مش فاهم
عائشه بإنفعال : ماهو مش هفضل على الحال ده كتير تجاهل منك وقولت ماشى معلش يمكن مشغول ومش فاضى عدم تقدير ليا ولأى حاجه بعملها وقولت معلش يمكن مبيعرفش يزوق الكلام وطبعه كده زعيقك وعصبيتك على أقل سبب قولت استحمل عشان ده واجبى ناحيتك ك زوجه لكن انك تقل من كرامتي وتكلم واحده عليا وكمان تتفقوا على الجواز ده ال مش هسمح بيه ابدا ولا لكرامتى
يوسف كان واقف مفيش رد فعل عليه غير أن بيبصلها وبس
عائشه مسحت دموعها ال نزلت وهى بتكلمه وقالت بهدوء : انا دلوقتى اقدر أشيل
حمل من عليك واخلى مسئوليتك من ناحيته
يوسف ضيق عيونه وقال بحذر : قصدك اي ؟؟
عائشه خدت نفس عميق وقالت : طلقنى يا يوسف
يوسف بغضب : انتى اكيد اتجننتى صح طلاق ايه ال بتتكلمي عنه ده
عائش بضحك : عشان بس ظروفك متقدرش تخليك تفتح بيتين انا بقا ميهونش عليا اشوفك كده الافضل طلقنى وخليك مع ال قلبك اختارها
يوسف قرب منها ومسكها من دراعها بغضب وقال : عارفه لو سمعت الكلمه دي منك تانى هندمك عليها ياعائش فااااااهمه
عائشه زقت ايده وقالت ببرود مميت : لاء مش فاهمه عشان مش عايزه اكمل
يوسف قال بعصبيه : مفيش خروج من البيت ده مفهوووم وانا لما ارجع من الشغل نتفاهم لو خرجتى هتندمى والله
قال اخر كلامه وخرج من الشقه ورزع الباب خلفه
عائشه قعدت على الأرض غريبه حتى دموعها منزلتش عليه خالص فضلت قاعده ساكته لوقت كبير وبعد كده قامت وقفت قدام المرايه وقالت بثقه : انا جميله جدا وكمان ماثرتش فى حاجه ناحيته بس أنا هندمه على ال عمله ومش هخلى واحده زى دى تهدم بيتى ال حاولت كتير ابنيه
قالت اخر كلامها وابتسمت بثقه
#هاجر_العفيفى
أستغفروووا
يوسف كان فى الشركه بيتكلم فى التلفون : هى عرفت كل حاجه
البنت بفرحه : بجد يا يوسف طب مستنى ايه هنتجوز امتى
يوسف بضيق : مش وقته دلوقتى يا ريناد عائش طالبه الطلاق
ريناد بضيق : طب وايه يعنى طلقها واخلص منها
يوسف بغضب : ريناااااد ده مكانش اتفاقنا عائش هتفضل على ذمتى ولو حصل ايه مستحيل اطلقها
ريناد بسخريه : ليه يعنى على ايه ده انا حتى أحلى منها و
قطعت كلامها لما لقت يوسف قفل التلفون فى وشها
ريناد بغيظ : كده يا يوسف ماااشى انا هخليك تكون ليا لوحدى انت وشركاتك وفلوسك وكل حاجه
#هاجر_العفيفى
صلوا على شفيعكم
فى المساء
دخل يوسف الشقه وكانت هاديه قلبه خاف جدا لايكون عائشه مشيت بالفعل دخل بهدوء وشافها قاعده على الكنبه وكانت لابسه بيجامه جميل جدا حرير ورافعه شعرها وبتتفرج على التلفزيون بهدوء حتى مبصتش ناحيته
يوسف سرح فيها وكمان زعل جدا أنها مجربتش عليه زى كل يوم مقابلته بابتسامتها المعهوده قرب منها وقعد جمبها وقال : السلام عليكم
عائشه من غير ماتبص ليه خالص : وعليكم السلام ورحمة الله وبركاته
يوسف بابتسامه : مبسوط انك سمعتي الكلام وممشتيش
عائشه بصتله بنظره غريبه مقدرش يفسرها كره ولا عتاب ولا حزن
اتكلم باحراج بسبب تجاهلها : الاكل جاهز طيب
عائشه بلامبلاه : اطلب دليفرى كنت تعبانه ومقدرتش اعمل حاجه
يوسف عارف انها زعلانه منه جدا لانها هي مش من طبعها التجاهل كده
قام وقف ولسه هيدخل الأوضاع وقفه صوتها : يوسف
يوسف قال بابتسامه : نعم ياعائش
عائشه ببرود : انا حامل
يوسف بصدمه : ……
يتبع
ياترى يوسف عمل كده ليه وليه اتصدم لما عرف انها حامل ؟؟؟ توقعاتكم
متنسوش ذكر الله
#ندم_متأخر
بقلمى #هاجر_العفيفى
دمتم في حفظ الرحمن شكرا على التفاعل يابنات البارت الثانى
عائشه ببرود : انا حامل
يوسف بصدمه وفرحه : ح حامل بجد
عائشه هزت راسها بهدوء وهو قرب منها وقعد جمبها وقال بلهفه : مش عايزك تتعبى نفسك خالص انا هعمل كل حاجه بس ارتاحى خالص
عائشه ضحكت بسخريه وقالت : بس انا اصلا مش هكمل معاك يا يوسف
يوسف حاول يتملك أعصابه وقال : عائش اظن احنا اتكلمنا فى الموضوع ده الصبح مفيش طلاق ياحبيبتى
عائشه وقف وقالت بعصبيه : متبقاش انانى كده انت شوفت حياتك ومش عشان قولتلك أن حامل أن أنا باقيه عليك لاء انا بس عملت ال عليا قدام ربنا
يوسف بحنان : طيب عشان خاطر ابننا اعطينى فرصه كمان
عائشه دموعها نزلت وقالت بقهر : طيب وخاطرى أنا ملهوش لازمه انت كسرتنى اووى يا يوسف ومستحيل اسامحك
قالت اخر كلامها ودخلت الأوضه وقفلتها بغضب ونامت على السرير وعيطت بحرقه
يوسف زعل جدا عليها بس اتعصب لما عرف أنها عايزه تطلق دخل أوضة الاطفال واترمى على السرير بغضب
أستغفروووا
ريناد بعصبيه : بقولك مش عايز يطلقها
سليم والدها ببرود : طيب وايه يعني مش هتفرق معانا كتير المهم هو
ريناد بضيق : يوسف بيحبها وانت عارف ان طول ماهي موجوده على ذمته هيفضل يأجل فى موضوع جوازنا ومش هنعرف ناخد منه اى حاجه
سليم بخبث : جاتلى فكره
ريناد : ايه هى
سليم : هقولك
#هاجر_العفيفى
صلوا على شفيعكم
عائشه قاطعها من عياطها صوت تلفونها فتحته وكانت والدتها
مسحت دموعها وحاولت تكون طبيعيه : سلام عليكم
والدتها : وعليكم السلام ورحمة الله وبركاته
(إلقاء السلام سنه ورد السلام فرض)
عائشه : ازيك ياماما عامله ايه
والدتها : الحمد لله يابنتى انتى كويسه
عائشه بتنهيده : اه الحمد لله
والدتها بقلق : لاء انا قلبى مش مطمن انتى فيكى حاجه
عائشه بمرح مصطنع : انتى كده علطول قلقانه ياحبيبتى صدقينى انا بخير
والدتها بعدم ارتياح : يارب دايما بخير ياحبيبتى قولتى لجوزك على الحمل ولا لسه
عائشه بحزن حاولت تداريه : اه قولتله وهو فرحان جدا وكمان كان عايزنا ننزل نجيب هدوم للبيبى يوسف حنين اووى ياماما
والدتها بارتياح : ربنا يسعدك يارب ياحبيبتى ويفرحكم
عائشه : أمين يارب العالمين
قفلت مع والدتها وحطت التلفون جمبها ونامت بهدوء
يوسف كان بيسمعها وهى بتكلم والدتها واتصدم من ال قالته وأنها معرفتش حد حاجه دخل البلكونه ووقف واتنهد بتعب وقال : سامحينى ياحبيبتى
أذكروا الله
تانى يوم
عائشه كانت بتقرأ الورد بتاعها والجرس رن قامت تشوف مين ويوسف كان فى الأوضه فتحت الباب وشافت بنت متبر”جه قدامها قالت بعدم فهم : مين حضرتك ؟؟
ريناد بخبث : يوسف موجود
عائشه كانت هترد قاطعها صوت يوسف ال قال بغضب : ايه ال جابك هنا ياريناد
ريناد بحزن مصطنع : اخص عليك يا يوسف ينفع تزعق كده لأم ابنك
عائشه بصدمه : أم ابنه !!!!!
ريناد بخبث : اه ياحبيبتى انا حامل من يوسف
يوسف بصدمه : نننننعم !!!!
فجاه عائشه وقعت على الأرض فاقده وعيها
يوسف بخوف : عااائش
يتبع
تفاعل يابنات فضلا
متنسوش ذكر الله
#ندم_متأخر
بقلمى #هاجر_العفيفى
دمتم في حفظ الرحمن شكرا على التفاعل يابنات البارت الثالث
ريناد بخبث : انا حامل من يوسف
يوسف بصدمه : ننننعم !!!
عائشه وقعت فاقده وعيها
يوسف بخوف : عاااائش
جرى عليها بسرعه وشالها ودخلها الأوضه ونيمها على السرير وخرج شاف ريناد بره لسه
قال بغضب : انتى لسه هناااا أمشى دلوقتي ليكي حساب معايا
ريناد بدلع : ماشى ياچو بس لينا كلام تاني
سألته ومشيت وهو دخل المطبخ عمل عصير ودخل عند عائش تانى وحاول يفوقها بهدوء مكانتش راضيه تستجيب حاول تانى ابتدت تفتح عيونها ببطئ وهو اتنهد بارتياح
يوسف مسك أيدها وقال بقلق : انتى كويسه ياحبيبتى
عائش بتعب زقت ايده وقالت : ابعد ايدك عنى
يوسف بحزن : والله انا
قاطعته عائشه وقالت بتعب : طلقنى يا يوسف مش هقدر اعيش معاك تانى صدقنى وكمان ابنك او بنتك مش هحرمك منهم بس طلقنى عشان خاطرى
يوسف قام من على الأرض قعد قصادها وقال بحزن : صدقينى دى كذابه والله انا معملتش حاجه صدقينى ياعائش انا چو حبيبك
عائشه بصتله وقالت بسخريه : كنت حبيبى
يوسف بخوف : ق قصدك ايه !!!
عائشه غمضت عيونها وقالت بالم : بقيت بكر”هك يا يوسف بكر”هك وبكر”ه المكان ال انت موجود فيه
يوسف شد على أيده بغضب وحزن من كلامها الجارح بالنسبه له
قام وقف وقال ببرود عكس ال بداخله : تمام مفيش طلاق يا عائش ومش هتخرجى من هنا غير لما تولدى ابنى وبعدين ابقى افكر فى الموضوع ده وكمان انا هتجوز
فعلا وهجيبها هنا
عائشه بدموع : متخلنيش اكر”هك اكتر يا يوسف سيب حتى ذكرى واحده حلوه معايا
قالت كلامها ونامت على السرير بتعب وغطت وشها ونامت وهى بتبكى بشده
وهو غمض عيونه بألم وخرج من الأوضه ومن الشقه بأكملها
ريناد بانتصار : عملت ال قولتلى عليه اهو
سليم بخبث : حبيبة قلب أبوكى
ريناد بقلق : بس انا خايفه من يوسف انا لسه دلوقتي معرفش هو ناوى على ايه
سليم : اممم لو واجهك قوليله انا قولت كده عشان بحبك وعشان انت متجاهلنى بكده
ريناد : تمام بس ممكن أسألك سؤال يا بابا انت ليه بتعمل معايا كده ليه بتستغلنى عشان شغلك بالطريقه دى انا بنتك برضوا
سليم بخبث : ياحبيبتى الشغل مفيهوش بنتى وبنتك الشغل شغل وانا بحب استغل كل حاجه حواليا حتى لو بنتي
ريناد حزنت من كلام أبوها وتعامله معاها على أنها سلعه
#هاجر_العفيفى
صلوا على شفيعكم
مازن : يابنى صارحها بالحقيقه وخلاص
يوسف : مقدرش مقدرش دلوقتي بالذات مقدرش
مازن : بس هتخسرها كده
يوسف بحزن : هو ده ال خايف منه يا مازن
مازن : امممم طيب ناوى تعمل ايه مع ريناد
يوسف بوعيد : مش فايق ليها دلوقتي بس حقيقى عقابها معايا كبير اووى على ال عملته ده
#هاجر_العفيفى
أذكروا الله
فى منتصف الليل
دخل يوسف الشقه وكانت هاديه جدا مفيش صوت دخل فتح النور وبعدين دخل أوضة الاطفال غير هدومه وخرج بص على أوضة عائشه واتردد يدخل ولا لاء وقرر أن يدخل يطمن عليها عشان ميحصلش معاها زى الصبح تانى وخصوصا انها حامل
دخل فتح الباب بهدوء واتصدم من ال شافه كانت عائشه قاعده فى ركن وضمه نفسها وبتعيط بهستيريا
يتبع
ياترى ايه ال وصل عائشه للحاله دى ؟؟؟
متنسوش ذكر الله
#ندم_متأخر
بقلمى #هاجر_العفيفى
دمتم في حفظ الرحمن شكرا على التفاعل يابنات البارت الرابع
يوسف دخل الأوضه وشاف عائشه قاعده فى ركن الأوضه وبتعيط بهستير*يا جرى عليها وقال بخوف : مالك ياحبيبتى أهدى مالك
عائشه زقته وقالت بصراخ : ابعد عنى ابعددد انا بكر”هك
يوسف ضمها بالعافيه وهى بتقاومه وقال : طيب قوليلى مالك فهمينى
عائشه بحزن ودموع : ريناد أختى وكمان حامل منك ازااااى
يوسف بصدمه : يابنتى افهمى والله ماحصل افهمى بقااااا
عائشه زقته تانى وقالت : افهم ايه بس انت طلعت مش بنى ءادم يايوسف انت حقييي*ير
يوسف بغضب : مش هسمحلك ياعائشه افهمى الاول وبعدين احكمى بلاش تسرع
عائشه قعدت تعيط برضوا بحزن
يوسف قرب منها مسك أيدها وهى حاولت تسحبها بس هو رفض وفضل ماسكها بتملك وقال بحزن : هفهمك كل حاجه ريناد فعلا أختك بس مخطو”فه
عائشه بصتله بصدمه وهو كمل : اه والله ريناد كانت عايشه مع والدتك زمان واتخ”طفت وهى صغيره والدتك دورت عليها كتير اووى بس ملقتهاش فقدت الامل وقررت أنها تعوضك انتى بعد مده وبعد جوازى منك انا كنت مسافر فى مأموريه وشوفت ريناد كانت هناك ولمحت أنها لابسه نفس السلسله بتاعتك وكمان نفس الشكل بس المختلف الاسم والدتك كانت حكتلى الموضوع قبل كده ولما بحثت وراها عرفت أن سليم ال خا”طفها وكاتبها بأسمه وهى متعرفش وكمان بيستغلها لشغله عشان كده قررت أقرب منها لحد لما اخليها ترجع لوالدتك وهى مقتنعه مليون فى الميه مش مجبوره فهمتى بقا والله يابنتي حوار الحمل ده هى ال عملته عشان تفرقنا مش اكتر لكن أنا عمرى محبيت ولا عرفت حد غيرك
عائشه اترمت فى حـ,ـضنه وقالت بدموع وندم : انا اسفه
يوسف ابتسم وضمها بحب وقال : انا ال اسف عشان معرفتكيش كل حاجه من الأول وخليت الشك يدخل بينا حقك عليا
عائشه كانت رأسها تقلت وهو عرف انها نامت ابتسم وشالها ونيمها على السرير ونام جنبها وحـ,ـضنها بهدوء ونام
ريناد : الاستاذ مكلمنيش ليه
يوسف بهدوء : عايزه اقابلك ياريناد ضرورى
ريناد بفرحه : بجد فين
يوسف : فى الكافيه ال بنتقابل فيه
ريناد : تمام تمام مسافة السكه
يوسف قفل معاها وبص على عائشه ال نايمه جنبه وهى فتحت عيونها ببطئ
يوسف بحب : صباح الخير
عائشه بنعاس : صباح النور صاحى من امتى
يوسف بتنهيده : لسه دلوقتى بقولك انا هخرج اقابل ريناد لازم اخلص من الموضوع ده ضرورى النهارده وارتاح
عائشه بإحراج : ماشى بقولك
يوسف : نعم
عائشه بصتله فى عيونه وقالت : زعلان منى
يوسف باس جبينها بحب : مقدرش ازعل من ست البنات وكمان أم ابنى
عائشه ابتسمت وقالت : صحيح عندى كشف النهارده عند الدكتوره
يوسف بابتسامه : متروحيش غير لما أجى واروح معاكي عايز اطمن على ابنى
عائشه بابتسامه : حاضر
يوسف بحب : بحبك
عائشه بخجل : وانا كمان
#هاجر_العفيفى
صلوا على شفيعكم
ريناد كانت داخله مكتب سليم عشان تقوله أنها خارجه مع يوسف وقفت مكانها لما لاقته بيتكلم بهمس فى التلفون قربت براحه عشان تسمع لم لاقيته ذكر اسمها
سليم بهمس وغضب : بقولك عرفت أن يوسف تبع كريمه وهو قرب من ريناد عشان يعرفها الحقيقه اتصرف مش كل ال عملته يضيع ريناد مينفعش تعرف ان كنت خا”طفها مينفعش تعرف أن ليها أهل غيرى انا هخسر كل حاجه
ريناد كانت بتسمع كل ده وهى مصدومه ودموعها بتنزل بغزاره
يتبع
تفاعل يابنات
متنسوش ذكر الله
#ندم_متأخر
بقلمى #هاجر_العفيفى
دمتم في حفظ الرحمن شكرا على التفاعل يابنات البارت الخامس
ريناد سمعت كلام سليم واتصدمت جريت على بره وركبت تاكسى وطلعت على المكان ال فيه يوسف وبعد وقت وصلت ولاقته منتظرها
يوسف بهدوء وشك : شكلك معيطه
ريناد بدموع محبوسه : كنت عايزنى فى ايه
يوسف اتنهد وقال : ريناد انتي لازم تعرفى الحقيقه سليم مش أبوكى و
قاطعته ريناد وقالت بسخريه : عارفه
يوسف بصدمه : عارفه !!!!؟
ريناد دموعها نزلت وقالت : لسه عارفه دلوقتى وكمان عرفت أن أنت كمان بتضحك عليا كلكم خد”عتونى
يوسف بهدوء : انا مش خدعتك ياريناد انا كنت عايز ارجعك لأهلك
ريناد بلهفه : يعنى بتحبنى
يوسف : للأسف ياريناد انا محبتش فى حياتى غير عائشه وبس وكمان عائشه أختك
ريناد بصدمه : أختى !!!!! يعنى انت جوز أختى
يوسف هز رأسه وكمل : أيوه هحكيلك كل حاجه
يوسف قص عليها كل حاجه وهى كانت بتسمع ودموعها نازله
يوسف : ممكن تهدى
ريناد بحزن : ممكن اشوف أمى وعائشه
يوسف بفرحه : اكيد طبعا هوصلك وهاروح اجيب عائشه
ريناد : تمام يلا
قاموا الاتنين وركبوا عربية يوسف ومشيوا
#هاجر_العفيفى
استغفروووا
كريمه بدموع : بنتي حبيبتى وحشتينى تعالى فى حـ,ـضنى
ريناد جريت عليها وحـ,ـضنتها وعيطت بشده وحرقه
كريمه بدموع : أهدى ياروحى أهدى ياحبيبتى
ريناد بدموع : محتاجلك اووى ياماما
كريمه : وانا معاكى ياقلبى أهدى بس
يوسف عيونه دمعت من المنظر وقال بمرح : ياجماعه خلاص هعيط وربنا
الاتنين ضحكوا عليه
كريمه : اومال فين عائشه يايوسف هى معرفتش
يوسف بضحك : عرفت طبعا البت طلبت الطلاق قررت اعترف من غير ماخد القلم
كريمه : ربنا يهدى سركم يارب ياحبيبى انا متشكره ليك يايوسف اووى انك رجعت ليا بنتى تانى
يوسف باحترام : مفيش شكر يا أمى ده واجبى وبعدين هناخد منك ريناد شويه لسه عشان الخطه تكمل
ريناد بعدم فهم : قصدك ايه
يوسف : هتواجهى سليم وطبعا هتسجلى ليه كل حاجه واحنا هندخل فى الوقت المناسب وهنقبض عليه
ريناد بتفهم : اه تمام
كريمه بقلق : بس ده مش هيكون خطر عليها
ريناد بهدوء : متخافيش ياماما يوسف هيكون معايا
كريمه بقلق : ماشى
يوسف بهدوء : هاروح اجيب عائش واجى مش هتاخر
كريمه : ماشى ياحبيبى
#هاجر_العفيفى
صلوا على شفيعكم
عائشه كانت فى المطبخ سمعت صوت في الخارج عرفت أن يوسف خرجت من المطبخ وقالت : حبيبى أنت جيت
استغربت لما ملاقتش قالت بدهشه : اومال صوت الباب ده كان ايه
لسه هتلف فى شخص جه من وراها وخدر”ها وهى اغمى عليها
#هاجر_العفيفى
أذكروا الله
يوسف فتح الشقه ودخل فضل ينادى على عائشه بس مكانش في رد خالص قلق جدا ودخل دور عليها فى المطبخ والاوضه وملاقهاش قلبه وجعه وهو خارج لمح ورقه على السفره فتحها واتصدم وكان محتواها
(فاكر نفسك ذكى ياحضرة الظابط السنيوره بتاعتك معايا وهى قدام ريناد ولو ريناد مرجعتش هتقرا على حبيبتك الفاتحه)
يوسف قبض على الورقه وقال بغضب : مش هسييييبك ياسليم
يتبع
تفاعل يابنات وياترى يوسف هيضحى ب ريناد عشان عائشه ولا لاء ؟؟
متنسوش ذكر الله
#ندم_متأخر
بقلمى #هاجر_العفيفى
دمتم في حفظ الرحمن شكرا على التفاعل يابنات البارت السادس
يوسف اتصدم وقلبه وجعه على عائشه وخرج بسرعه من البيت علشان يتصرف طلع على بيت حماته وكانت ريناد هناك
يوسف وهو بينهج : تعالى معايا بسرعه
كريمه بقلق : مالك يابنى فى ايه
يوسف بحزن : عائشه اتخطفت سليم خطفها
كريمه بصدمه : ياحبيبتى يابنتى
يوسف : يلا ياريناد مفيش وقت
ريناد بدون تفكير : يلا
نزلوا الاتنين بس قبل يوسف ماينزل وقفه صوت كريمه ال قالت برجاء : عشان خاطرى يابنى انا عايزه بناتى الاتنين
يوسف بابتسامه : حاضر
نزل بسرعه وركب عربيته هو وريناد وطلعوا على فيلا سليم
كريمه بدموع وحزن : يارب نجيهم يارب
أستغفروووا
فى فيلا سليم
دخلت ريناد وقالت بجمود : جيتلك بنفسى اهو ياسليم باشا
سليم بخبث : كده تعجبينى
ريناد ببرود : فين عائشه
سليم ببرود : فى الحفظ والصون بس أضمن منين أن هى مش خطه منكم عشان توقعونى
ريناد قالت بتمثيل : خطة ايه هو أنت فاكر أن أنا أول ماحد يقولى دول أهلك هجرى عليهم وانسى تربيتك ليا وفضلك عليا
سليم بضحك : يعنى انتى هتفضلى هنا
ريناد : ايوه طبعا ده مكانى ال اتربيت فيه ومستحيل اسيبه بس عائشه تخرج وترجع حياتها تانى
سليم بخبث : والمقابل
ريناد بتوتر : انا اهو رجعت
سليم : تمام
طلع تلفونه ورن على رقم وقاله بجمود : نفذ
قفل التلفون وريناد قالت برعب : ينفذ ايه
سليم ضحك بصوت عالى وقال : انتى فاكرانى هاخد بكلامك الا”هبل ده لاء ياحبيبتى كان غيرك اشطر
ريناد بدموع : عشان خاطرى محدش يأذيها هعملك كل ال أنت عايزه والله
فى الوقت ده البوليس دخل ويوسف كان معاهم ريناد جريت عليه وقالت بدموع : الحق عائشه يا يوسف هيق”تلوها
يوسف بخضه :تعرفى المخزن
ريناد : ايوه اعرفه تعال معايا
جريوا ركبه العربيه وطلعوا على المخزن وبعد وقت وصلوا ودخلوا ويوسف ضـ,ـرب ال واقفين ودخل عند عائشه وشاف واحد مصوب ناحيتها المسد”س وكان هيق”تلها بس يوسف ضر”به وقعه على الأرض وفضل يضـ,ـرب فيه لحد لما فقد الوعى وريناد جرت على عائشه حـ,ـضنتها وهى بتعيط بشده ويوسف جرى عليها وشالها وخرج هو وريناد وطلعوا على البيت وطلبوا الدكتوره
#هاجر_العفيفى
صلوا على شفيعكم
كريمه وهى حاضنه ريناد وعائشه قالت بفرحه : الحمد لله يارب انك طمنتنى عليهم
يوسف بابتسامه : مخلفتش وعدى اهو ورجعت بيهم الاتنين
كريمه بحب : ربنا يحفظك يابنى يارب
ريناد بإحراج : يوسف انا اسفه على اي أذى انا سببته ليك فى حياتك
يوسف بابتسامه : مفيش حاجه ياريناد احنا هنبدأ من جديد كلنا
#هاجر_العفيفى
أذكروا الله
بعد مرور سبع شهور
ريناد بمرح : حبيبة قلب خالته طلعت شبهى
يوسف بضحك : لاء طبعا بنوتى شبهه مامتها قمر
ريناد بزعل : كده برضوا يا ابو نسب
كلهم ضحكوا عليها
عائشه ضحكت بتعب وقالت : دايما خناق كده مبتتعبوش
يوسف قرب منها وخدها فى حـ,ـضنه وقال : أختك ال بترخم عليا ياقلبي
عائشه بابتسامه : لاء ريناد عسل
ريناد حدفت ليها بوسه فى الهوا وقالت : أختشى حبيبتى
يوسف بزعل مصطنع : كده برضوا ياعائش
عائشه بصتله بحب وقالت : وانت حبيبى وكل حاجه حلوه حصلتلى فى حياتى
يوسف بابتسامه وهمس : لاء بقا كده انا هضطر امشيهم كلهم
عائشه ضـ,ـربته بخفه وقالت : اتلممم
يوسف بضحك : ايه يابت ايدك تقيله اومال لو مش لسه والده وتعبانه
عائشه بغيظ : مستفز
البنت الصغيره عيطت يوسف قال : هتطلعى نكديه زي ماما ياحبيبتى
كلهم ضحكوا وعائشه قالت بغيظ : ماشى يا يوسف
يوسف ضمهم وقال بحب : قلب يوسف والله
كريمه حـ,ـضنت ريناد وقالت بحب : ربنا يخليكم لبعض ويحفظكم من كل شر يارب
الجميع : يارب
دمتم في حفظ الرحمن
