نوارة بقلم فرح احمد ج 2
الفصل الثاني عشر
____________
و هيا بتحط الاكل لقت حد بيخبط فيها لفتله و ولما شافته اتخضت و وقعت الاطباق م ايدها و اغمي عليها
هنا رامي رمي القطه الي في ايده و بسرعه لحق نواره قبل م تتخبط راسها ع الارض وقال:ادهممم , ماااماااااا
وجم بسرعه و اول م شاف ادهم نواره بسرعه شالها و حطها ع الكنبه ونده حد يجيب برفيم
ادهم بعصبيه:انت عملت ايه فيها…؟!
رامي:معملتش , انا خبطها ف كتفها ولما لفت اتخضت و اغمي عليها ع طول
عزه:شكلها بتخاف م القطط
و جه البرفيم و فوقها ادهم وهو قلقان و لما فاقت نواره مسكت في دراع ادهم وقالت بدموع:ادهم خلي يبعد القطه , خلي يبعد القطه
ادهم باطمنان:خلاص بعده معنتيش تعيطي بقا
نواره فضلت تعيط وادهم فضل يطبطب عليها و يهديها
رامي:انا , انا اسف ي نواره , انا مكنتش اعرف انك بتخافي م القطط
عزه:متزعليش ي نواره , هو مكنش يقصد
نواره:خلاص ي رامي , انا الي اسف اني قلقتكم , بس انا عندي فوبيا منهم
رامي:طيب
نواره:يالا الغدا جاهز
و ققامت نواره بس ادهم سندها عشان متقعش……و بدوا ياكلوا و طبعا الاكل عجبهم
عزه:نفسي اعرف بتحطي ايه ف اكلك عشان يبقي بالحلاوه دي
نواره بابتسامه:مبحطش , بس انا ماما الله يرحمها هيا عملتني م انا صغيره , و كان اكلها حلو فطلعت زيها
عزه:الله يرحمها
و خلصوا اكل و اتكلموا شويه لحد م رن فون ادهم و قام و عزه راحت الحمام
نواره:بقولك
رامي:نعم
نواره:مش انا كتبت اسمك
رامي:طيب
نواره:انت مكلضم ليه…؟!
رامي:ملكيش دخل
نواره:انت لسه مضايق م الموضوع
رامي:و اضايق ليه…؟! , انا مالي بيكي اصلا
نواره:لا مالك , لانِي بعتبرك اخويا الصغير ي رامي , و من اول مره شوفتك فيك وانا حسيت انك طيب و جدع
رامي ببرود:ماشي ي ستي شكرا
نواره:علي فكره انا كتيت اسمك , و دا عشان انا بعزك
رامي:و لما ادهم هيشوفوا انتي هتقوليله ايه….؟!
نواره:متخفش مش هيلاحظه
رامي:انتي دراعك و رجلك و رقبتك مليانين رسومات كدا ليه….؟!
نواره ببرود مصطتنع:ملكش دخل
رامي:لا ليا دخل , مش انتي اعتبرتيني اخوكي الصغير , يبقي انا هعتبرك اختي الكبيره , او صحبتي
نواره بابتسامه:ماشي , انا ي سيدي بحب التاتوهات عادي , فبقيت اعمل اي رسمه تخطر ع بالي
رامي ضجك باستخفاف:زي الطور الي ع دراعك دا
نواره:دا ادهم
رامي ضحك جامد اول م قالت كدا
نواره:مش مصدق
رامي:لا مصدقك طبعا , و محطتيش حمار ليه , حتي يبقي الطور اولي بلحم حمارته
نواره بضيق مصطتنع:اتلم ي رامي بدل
قاطعها رامي:اشرشحلك , عارف
نواره:كويس انك عارف
و رن تليفون رامي وكانت “عطوه” و رد عليها سريعاً وقفل
نواره:عطوه مين…؟!
رامي:بنت معايا ف النادي و المدرسه , بس هيا في اولي ثانوي
نواره بتفكير مصطتنع:مممم النادي و المدرسه , علي كدا حلوه البنت دي…؟!
رامي بلامبالاه:اه كويسه
نواره:كويسه مممم , تعرفها م يجي قد ايه…؟!
رامي:من زمان يجي م 6 او 7 سنين
نواره:و العلاقه م بينكم ايه….؟!
رامي باستغراب م اسئلتها:اخوه , صداقه
نواره:مممم صداقه…..اخوه , كويس
رامي:في حاجه ي نواره , انتي عامله تقولي ممم كويس , اخوه صداقه , في حاجه….؟!
نواره:لا مفيش
رامي بضيق:اخلصي ي نواره و قولي بتفكري في ايه…؟!
نواره:هو امك و ادهم اتاخروا راحو فين…؟!
رامي:نوواره بتفكري في ايه , اخلصي
نواره:انت بتحب عطاء ي رامي…؟!
رامي:بحبها…؟! , والله انتي مجنونه ومبتفهميش , بقولك بعتبرها اختي احبها ازاي , انتي قعدتك عند ادهم هبلتك ولا ايه…؟!
نواره:لا بس انت قولت اقول الي في بالي وانا قولت , يعني انت مبتحبش عطاء…؟! , و الي م بينكم صداقه اخوه بس مش اكتر
رامي:اه بالضبط
نواره:طيب كويس , ربنا يوفقك ف دراستك
رامي:شكرا
نواره:انا قايمه اشوف ادهم
رامي:من امتي الحب و الاهتمام دا…؟!
نواره:انا قررت بدل م انا عامله احارب ادهم , فعمل معاهده معا , و اعمله حلو , بدل الخناق و الزعيق و الشد الي م بينا
رامي:لو لسه عايزه تهربي
نواره قطعته وقالت بضيق:بقولك قررت اكسبه , ايه , هو انا بقول طور نقول احلبوه
رامي:انا بقولك…لو شايفه ان الحياه مستحيله قوليلي و انا هاهربك
نواره:شكرا ي رامي , بس ادهم دا بقا عامل زي قدري الاسود , كل م يبعد عني يرجع تاني , عارف المثل الي بيقولك “عملوا م الفسيخ شربات” اهو انا هتخيل ادهم فسيخه و هعمله شربات , هو اكيد هيبقي طعمه مر و لا ريحته لا تطاق , بس هعمله بردو
رامي:ماشي و متنسيش تدوقيني
نواره:لما اعمله الاول
و راحت لادهم الي شافها وقال:نعم , عايزه حاجه…؟!
نواره:في حد يقول لمراته نعم , عايزه ايه
ادهم:عايزه ايه ي نواره…؟!
نواره في سرها”مفيش فايده بقوله يمين يروح شمال , ي الله:مش هتيجي تقعد معانا…؟!
ادهم:هاجي اهو , اسبقيني انتي
نواره:طيب
و خرجت وبعدها ادهم جه و فضلوا شويه مع بعض لحد م مشيت عزه و رامي , و هنا ادهم هيرجع مكتبه بس لقي نواره بتقوله:ادهم
ادهم:نعم
نواره:ممكن اطلب طلب
ادهم:قولي
نواره:ممكن توديني المقابر عند بابا و ماما
ادهم:طيب , بكرا الصبح هاخدك و نروح
نواره فرحت اووي و باست ادهم ف خده وقالت بابتسامه:شكرا جدا
ومشيت و استغرب ادهم م ردة الفعل دي بس اكتفي بابتسامه بسيطه و رجع لمكتبه
___________________________________
حُلم:مممم , حلوه ردة الفعل , كدا انتي بقيتي ف الطريق الصح
نواره:طب كويس , و هعمل معا كدا لحد م اكسبه , هتعب اه , بس كله ف سبيل راحتي
حُلم:طيب
نواره:تعرفي نفسي اساله تاني اتجوزتني ليه , بس مش عايزه ارجع للخناق تاني
حُلم:اجلي السوال دا , لحد م يجي الوقت المناسب , او هو هيقولك بنفسه
نواره:ماشي و تعالي نتمشي ف الجنينه
حُلم:تعالي
و راحوا للجنينه و فضلوا يتمشوا شويه يسكتوا و شويه يكلموا , نواره لمحت خرطوم مايه فراحت عنده و استغلت ان حُلم كانت لفت لان ف بنت م الخدم بتكلمها….و شغلت الخرطوم و قالت بصوت عالي:حُلم
حُلم لفت ولقت مايه جايه عليها و صرخت وقالت:عااااا ايه الي عملتي دا ي نواره…؟!
نواره وقربت منها و كانت بتضحك:اصل لقيت الدنيا حر قولت ابردك
حُلم و شده الخرطوم و غرقت نواره هيا كمان و ابدت الحرب يغرقوا ف بعض و يجروا ورا بعض و ضحك طالع م القلب و تشوفهم تقول اطفال , م ضحكهم و جريهم ورا بعض و جسمهم الي بقا عُصرا
__________________________________
ادهم سمع صوت ضحكات و بنات م الخدم يجروا عليهم , و راح شاف لقي حُلم و نواره و 3 بنات بيضحكوا و مبلولين…..فضل ادهم باصص لنواره و سرحان فيها , بس اتحرك و راح نحيتهم و الخدم اول م شافوا قاموا و استئذنوا ومشيوا و معاهم حُلم
ادهم:ايه الي انتي عامله دا…؟!
نواره و وقفت وقالت بابتسامه:عادي بنلعب , زي كدا بالضبط
و في اقل م الثانيه كانت مغرقا ادهم بالمايه وضحكت وقالت:شوفت بقا
وطلعت تجري خوفا م ادهم لانه عنيه اكنها طالع منها شرار
ادهم اتعصب م حركتها و ازاي تتجرا تعمل كدا فقال بنبره غاضبه:نووواره , تعالي هنااا
نواره خافت م نبرته الي تحسها زي البركان هتنفجر ف وشها فقالت:لا مش جايه
ادهم بغضب اكتر م عدم سمعها كلامه لي:بقولك تعالي هنا
نواره و راحت خايفه و مرعوبه و ندمانه م الي عملته هيا اساسا متوقعه منه كدا هيا غبيه انها هزرت و وقفت قدامه وقالت بشجاعه مزيفه عشان ميفكرهاش ضعيفه و مرعوبه:عاي…
ومكملتش الكلمه ولقت ادهم بيشلها و تصوت انو يسيبها و جري ع البسين و نط في و سابها
ادهم ابتسم ع منظر نواره الي كانت بتطلع راسها برا المايه و تمسك في اي حاجه تنجدها فادهم قرب منها وسندها لما حس انها بتغرق بجد وقال بجديه:اسيبك تغرقي عشان تفكري بعد كدا
بتهزري مع مين
نواره بخوف و رعب و عيون مهدده بالدموع ومسكه في قميص ادهم وقالت:لالا متسبنيش , و انا اخر مره هاهزر كدا , بس متسبنيش انا بترعب م المايه
ادهم ابتسم باستخفاف ع خوفها بعكس الشجاعه المزيفه الي كانت بتبينها:و طالما جبانه كدا بتهزري هزار مش قده ليه
نواره وخلاص هتعيط:انا اسفه بس طلعني ,, انا مرعوبه
ادهم قربها منه اكتر و ركز ف عيونها الي سحرته و نواره خايفه فمسكه ف ادهم زي حبل النجاه , ادهم قرب منها و باسها……..
_________________________________________
ف البيت عند هنا
هنا ابنها حرارته مرتفعه جدا , عمتله كمدات و حمته مفيش فايده فكلمها اكرم
هنا:اكرم تعالي بسرعه , مازن سُخن اووي
اكرم باستعجال:انا جاي حالاً , البسي انتي
وقفل بسرعه لبس ع السريع و راحلها لقاها مستنيا فركبت و طلعت ع المستشفي
اطمنوا عليه و اخد حقنه و روحوا
هنا:شكرا ي اكرم
اكرم:بطلي كلمة شكرا دي , احنا اخوات ي هنا
هنا بابتسامه:ماشي , عايز حاجه…؟؟!
اكرم:لا شكرا , لو عوزتي انتي حاجه كلميني , وانا مش هتاخر عليكي
هنا:حاضر , عن اذنك
و اخدة ابنها و طلعوا و اكرم روح…………..؟!
___________________________________________
ادهم بعد عنها مصدوم م الي عمله و طلع البسين و نواره اصدمت من الي عمله , و بسرعه قربت م السلم و طلعت بصت لادهم بانكسار بانه احارجها بزقه ليها و جريه ع السلم عشان يطلع و يبعد ,, حست ان معندهاش كرامه و انه هانها جامد , فقررت انها متستسلموش تاني مهما حصل…..طلعت اوضتها اخدة شاور و لبست و خرجت راحت تنام مع حُلم ف اوضتها
ادهم ميعرفش سبب ابتاعده مع انه كان جبه قربها , بس حس انها بتسامه عشان هيا ضعيفه و خايفه تغرق , و هو مش عايز يعمل حاجه غصب عنها او ف وقت ضعف , فبعد
دخل الفيلا و طلع ع السلم لقي نواره نزله فقال:راحا فين…؟!
نواره مردتش عليه و نزلت سلمه فادهم مسكها م ايدها و لفها لي وقال بعصبيه:اخر مره ي نواره , اكلمك مترديش عليا و تديني ظهرك
نواره ببرود:طيب
ادهم:راحا فين…؟!
نواره:هبات مع حُلم
ادهم:اتفضلي ع الاوضه , مفيش بيات عند حد
نواره:انت عايز ايه ي ادهم….؟!
ادهم:اطلعي ع اوضتك , مش عايز اعمل رد فعل متعجبكيش ي نواره
نواره:و انت مالك بيا , انا مش عايزه اكون معاك ف اوضه واحده
ادهم:قولت اطلعي ي نواره
نواره بعصبيه:طيب , بس انا مش هفوت الليله دي بقا ي ادهم
و طلعوا و دخلوا الاوضه ادهم دخل الحمام و و نواره قعدة ع السرير بصت ع الكومودينه و بصت ليه و هيا عرفا هتجيب ايه , فتحت الدُرج وطلعت حاجه متغطيه فتحتها , و كان موس , فبصت ليه بغل و عصبيه و ضيق فامحستش بنفسها غير و هيا بتقطع شرينها , فامددت ع السرير و مش حاسه باي امل في الحياه و قالت قبل م تفقد الحياه”و اديني خلصت منك ي دنيا , معنتيش هخليكي تضحكي عليا تاني ” و فقدة الحياه نواره ……؟!
