ابن اختي الدكتور
سماح
بس يا واد انت بلا ضميرك بلا بتاع اركن ونبي ضميرك علي جنب واعمل اللي انا بقولك عليه وبس
طارق
يا ماما انا حالف القسم وبكدا بخون القسم
سماح
لا مبتخنش القسم يا عين امك
طارق
ان شاء الله يا ماما بعد ازنك ورايا شغل بكره انا داخل انام
سماح
روح يا حبيبي تصبح علي خير
وتاني يوم بعد ما خلص شغله طارق راح لخاته سميره يزورها … خبط طارق علي الباب وفتحتله سميره
سميره
حبيب خالتو حبيب خالتو تعالي في حضڼي يا واد انت
طارق
وحشاني ي خالتو والله ووعدتك اني هعدي عليكب
فيك الخير يا طارق مش زي امك العقربه مبتسألش فيا اصلا غير لما اسأل انا
طارق
والله انتو اخوات وانا مليش دعوه بيكم المهم فين الاستاذ ياسر جوز خالتي
سميره
ياسر بياخد دش خمس دقايق وهيخلص هروح انا بقا احضر الغدي
طارق
اه ونبي يا خالتو عشان علي لحم بطني من الصبح
سميره
حااضر يا حيب خالتونص ساعه بالظبط وهيكون الاكل جهز ريمود التلفزيون اهو عشان عرفاك مدمن تلفزيون
طارق
حبيبتي يا خالتو روحي بقا خفي زن
سميره
شوف الواد وقلة ادبو.. وبعدها دخلت المطبخ عشان تحضر الاكل . وبعدها خرج ياسر من الحمام وطلع سلم علي طارق
ياسر
اهلا اهلا بالدكتور طارق وانا اقول اي ريحه الولاده دي ههههه
ي جوز خالتي اتريق
ياسر
بنضحك معاك يا عم طارق م انت عارف ان دا الطبيعي ولا القيصري هههههه
طارق
طب استاذن الله
ياسر
اقعد ياعم دا انت قماص اتعلم منهم شكلك من كتر منتا بتشتغل معاهم
طارق
والله حاسس كدا
ياسر
المهم انا عايز افهم حالة سميره بس من غير متعرف ف وطي صوتك دا وتكلم بصوت واطي
طارق
تمام عايز تفهم اي
ياسر
الكلام عندك انا عرضت عليها اني اعرضها علي دكتور تاني
طارق بتوتر
طيب وانا مقصر ف ايه
ياسر
ياعم مقولناش انك مقصر انت هتعملي زيها ما هي رافضه اصلا ومش راضيه تروح لغيرك
طارق
غيري هيقولها نفس اللي بقولو هي مفهاش اي مشكله هي محتاجه شوية منشطا*ت بس والمسأله مسألة وقت مش اكتر وانت اصبر ولا عايز تتجوز
اتنيل بلا اتجوز وبسسس عشان سميره جايه
سميره
يلا يا طارق الاكل جهز اهوو وانت كمان ي ياسر يلاا
طارق وياسر
حااضر اهو جايبن
ياسر
قوم ياعم مش ناقصين احنا
وقام ياسر وطارق عشان يتغدو وفضلو يصحكو ويهزرو لغايت ما خلصو اكل
طارق
ياااااه ي خالتو والله ليا كتير مضحكتش كدا عموما هقوم امشي انا عشان العياده
سميره
متخليك يا حبيبي شويه لسه بدري والله
طارق
لا يا خالتو معادي قرب ابقا اجيلك تاتي قعدتكم حلوه والله يلا السلام عليكم
سميره
وعليكم السلام يا حبيبي اشوفك يوم الاعاده بقا
ومشي طارق
وبعدها سماح رنت عليه
سماح
الو انت فين ي طارق عديت عليك فالعياده قالولي انك مشيت
طارق
روحت لخالتي سميره والله يا ماما
سماح بغيظ
وانت ايه اللي يوديك عند سميره متنساش نفسك وبلاش عطفتك دي هي مش امك يا طارق دي خالتك
طارق
انا مش عارف انتي ليه بتكرهيها كدا علي
الرغم من انها بتحبك وبتحب عيالك اوي ليه بتكرهيها كدا
سماح
عشان اخده كل حاجه لواحدها كل حاجه لازم احرمها من كل حاجه زي ما حرمتني من حب بابا وماما
طارق
اييه يا امي السواد والجحود اللي انتي فيه دا والمشكله اني سامع كلامك وبديها علاج يمنعها من الخلفه وكله عشانك
سماح
ولسه هتديها ي طارق انا مش عايزاها تشم ريحة العيال ابدا مش عايزاها تبقا ام عايزاها تشوفني احسن منها واني معايا عيال وهي لا
طارق
يكون في علمك يا ماما انا مش هستمر في اللي انتي مخلياني اعملو دا كتيير ومسير الحقيقه تكتشف والكره يظهر سلااام .. وقفل طارق السكه وبعدها سميره رنت علي سماح
يوليه يا ندله هو انتي متسأليش عليا غير لما اسأل جايبه النداله دي منين
سماح
من بعض من عندكم يا اختي
سميره
عامله اي وحشاني والله بطلتي تسألي عليا وبطلتي تقوليلي يلا نخرج
سماح
مببقاش فاضيه والله يا سميره
سميره
طيب فاضيه النهارده
سماح
لا مش فاضيه والله عايزه احضر الاكل لطارق
سميره
مع ان طارق كان عندي النهارده وتغدي بس تمام يا سماح اللي تشوفيه يختي سلام
وبعد ما قفلت سميره مع سماح رجع طارق البيت وستلمتو سماخ
