سر حياتي قصة رااائعة

انا اسمي سمر وبشتغل معيدة في كلية الحقوق وعايشة انا وماما مع بعض بعد ما بابا الله يرحمه ټوفي وعيشتنا كويسه اوي
مفيش حاجة كانت بتنكد عليا عير ان ماما كانت عايزاني اتجوز ومن ابن عمها بس انا كنت رافضة الجوازة دي وفي يوم
ام سمر
سمر تعالي عايزة اتكلم معاكي واوعي تقولي ورايا مذاكرة وشعل وكدة
سمر

يا سلام امري يا ست الكل الشغل والمذاكرة كل حاجة تتوقف لحد ست الكل
ام سمر
طيب بطلي تاكلي بعقلي حلاوة ولازم تفهمي كلامي اللي هاقوله كويس اولا يا حبيبة قلبي احنا الاتنين محتاجين راجل يعيش معانا
سمر
ياااااه ايه الكلام القديم ده يا امي بطل الكلام ده خلاص احنا بقينا في زمن مختلف ومجتمع مختلف
ام سمر
انا مليش في الكلام ده انا ما اعرفش غير ان البنت طلعت ولا نزلت ملهاش غير بيتخا وعيالها
سمر بقلق
امممم وبعدين هو في ايه ما تيجي معايا في الكلام عالطول يا ماما
ام سمر
في عريس متقدم رسمي واللي انتي عايزه هيعمله وهو مغمض عينيه واهم حاجة انه بيحبك وبيموت فيكي
سمر بزعل
تاني وتاني وانا عند رائي انا مش ممكن اتجوز ياسين اولا واحد مش متعلم وتاني حاجة انسان معندوش تفاهم اللي هو عايزه يتنفذ وبس
ام سمر
نعم دا ياسين لو مع الدنيا كلها عصبي وعندي معاكي انتي عامل زي العيل الصغير دا لما بيقي عندنا عينيه ما بتزلش من عليكي ويتمني انك تبصيله
سمر
انا مش عايزه وانا مش بحبه واول ما هافكر اتجوز مش هاتجوز سي ياسين ده
ام سمر بزعل
انا قولت كلمة لللراجل وهايجي النهاردة
واقعدي معاه وشوفي طلباتك ايه واللي انتي عايزه واشرطي براحتك
سمر
اشرط واتكلم مع مين اذا كان انا مش عايزه من اساسه ومش بقبله
ام سمر بتعب
هو لو ابوكي كان عايش كنت ارتحت من الهم ده انا عملتك كل اللي انتي عايزه وبرضوا مش عايزة تسمعي كلامي اه اه
سمر
ماما في ايه يا ماما ياماما ارتاحي وبطلي كلام انا هانزل اجيب الدكتور اللي تحت
وبعد ما كشف الدكتور قال
هي والدتك عندها الضغط والسكر من امتي يا انسة سمر
سمر
ضغط ايه وسكر ايه يا دكتور دا ماما عمرها ما اشتكت من الحاجات اللى بتقول عليها دي
الدكتور
لا يا انسة سمر انتي غلطانه والدة حضرتك عندها الضغط وعالي جدا ومن اللي انا شايفة قدامي ان السكر عندها من فترة بعيدة واهم حاجة بعد العلاج ممنوع الكلام الكتير والانفعال وانا هابقي هاعدي عليها بكرة ان شاءلله
وبعد ما مشي الدكتور
سمر
الف سلامة عليكي يا ست الكل ربنا يخليكي ليا وميحرمنيش منك ابدا انا اسفة اني زعلتك
ام سمر
هو الدكتور قالك ايه في حاجه خطېرة خلتك تخافي عليا
سمر
وبعدين بقي في الكلام اللي ملهوش لازمة دا دا انتي اغلي حاجة عندي في الدنيا
ولعلمك انا هاسمع كلامك في موضوع سي ياسين ده
ام سمر بابتسامة
صحيح يا سمر هاتوافقي علي ياسين والله ما هتلاقي حد في الدنيا يحبك اده يالا روحي غيري هدومك دي زمانه جاي
وفعلا وصل ياسين
ام سمر
نورت يا ابني عامل ايه في شغلك وبطلت تسال عليا زي الاول مافيش حاجة جابتك النهاردة غير الاستاذة سمر
ياسين
ابدا والله يا ام سمر بس انتي عارفة شغل الاعمال الحرة ده عالطول مقابلات وبتتعامل مع ده واروح هنا وهناك ولا ايه رائك يا استاذة سمر
سمر بتناكة
اه طبعا وانت ايه انواع الاعمال الحرة بتاعتك دي انا شايفة الكلمة كبيرة عليك
ياسين بقرف
اه اصل حضرتك ما جيتيش ولا مرة شوفت الشركه بتاعتي ولا مصنع العربيات بتاعتي
سمر باستغراب
مصنع مرة واحدة وشركات

ايه ده كله منين مش غريبة شوية
ياسين
لا غريبة ولا حاجة ابقي تعالي مرة كده عندي في الشركة وانا هاعرفك كل ده منين
ام سمر
ايه هو انتوا الاتنين هتفضلوا تتكلموا علي الشغل كده روحي يا سمر هاتي حاجة حلوة من جوا لياسين
ياسين
لا لو سمحتي يا ام سمر احنا الاول نتكلم وبعدين الحاجات الحلوة مش هطير اسمع يا سمر بكل وضوح وصراحة ومن غير لف ولا دوران انا بحبك وعمري ما حبيت واحدة زيك وانا داخل البيت زي ما بيقول من بابه واللي انتي عايزه مش هارفضه

ام سمر
احنا يا ابني عارفينك ونش هانشرط اكتر من الاصول واللي ناس ماشية بيه
سمر
لو سمحتي يا ماما
انا عايز اقول حاجة اسمع انت تكلمت بوضوح وصراحة زي ما بتقول انا كمان عايزة اتكلم واقول علي كل اللي انا عايزه بوضوح وبكل صراحة
ياسين
ياريت وده يكون احسن ليا وليكي بس قبل اي حاجة واي كلام انا عمري ما حد ذلني حتي لو روحي فيه
سمر
مش كده خالص يا ياسين اولا انا هاشتغل وهاكمل في كليتي لحد ما اكون دكتورة في الجامعة واكبر محامية ان شاء الله والشرط ده ما فيهوش تنازل
وتاني حاجة انا عايزة شقة كبيرة علي النيل وماما هتعيش معايا ومش عايزة اكتر من كده
ياسين بضحك
هو بس كدة اولا انا موافق علي الشرط الاول دا حاجة تشرفني ان تكوني في اعلي المراكز
وتاني حاجة الشقة موجودة ومش واقفة غير علي الالوان اللي انتي هتختاريها وبراحتك ومساله ان والدتك تعيش معانا انا كنت هطلب منكم ده لان امك هي في مكانة امي
ام سمر وبصت لبنتها
تسلم يا ابني انت بتثبتلي ان اختياري ليك زوج لبنتي وابن ليا في محله
ياسين
بس لسه يا ام سمر باقي حق الاستاذة من بكرة هننزل سوا تنقي الشبكة اللي هيا عايزها والقايمة بتاعتها تتكتب بالرقم اللي انتوا عايزينه وانا مش عايز منكم حاجة شقتي هافرشها من اولها لاخرها عليا يا دوب تيجوا بشنطة الهدوم
سمر
ليه هو حضرتك مش فاكرني اقدر اجهز نفسي ولا ايه ولا انتي بشتريني
ياسين
لا انا عارف انك تقدري تيجيبي الجهاز اللي انتي عايزه بس ما قولتي انا فعلا بشتريمي وعايز اشتريكي بالغالي اوي ان شاء الله بكرة هاعدي عليكم الساعة 10الصبح نروح نجيب الشبكة وبالمرة نتغدي برة
ومشي ياسين وتاني يوم راحوا جابوا الشبكة وباليل عند سمر
ام سمر
الله علي اليوم ده يا ياسين ما يتنسي ابدا وايه الاماكن دي اول مرة انبسط كده من زمان
سمر
دا بجد يا ماما دا انتي جاية مع ياسين اوي
ياسين
المهم انكوا تكونوا مبسوطين ودلوقتي يا ست العرليس انا عايز احدد ميعاد الفرح
سمر بصة لامها وسكتت
ام سمر
انت جهز شقتك ونكون جهزنا حاجاتنا نقول كده بعد شهر ايه رائك
ياسين
علي خير يارب العالمين انا هاروح دلوقتي وابقي هاكلمك ان شاء الله بكرة الصبح
سمر
معلهش ما ترنش عليا بكرة عشان هاكون في الجامعة من الصبح بدري واليوم كله هاكون مشغولة
ياسين بزعل
علي العموم رقمي عندك يا سمر في اي وقت تكون فاضية او محتاجة اي حاجة رني عليا بعد اذنكم
وبعد ما مشي ياسين
ام سمر
انا مش عايفة ايه قلة الذوق بتاعتك دي زطول واملة سد الحنك ومش بتتملمي مع الراجل وهو يا قلب امه ھيموت علي كلمة منك
سمر
يا امي عشان خاطري انا وافقت علي الجوازة دي علشان خاطرك والنبي سيبيني براحتي لحد ما اتعود عليه في حياتي
وفعلا بعد شهر تم الجواز وفي ليلة الفرح
ياسين
الف مبروك يا احلي عروسة انا

مش مصدق نفسي انك بقيتي مراتي
سمر بدموع وولفت وشها الناحية التانية
ياسين بحزن
ايه للدرجة دي بتكرهيني ومش عايزة تبصي في وشي طيب ممكن نتكلم كلمتين مع بعض الاول
سمر بدموع شديدة
كلام ايه دلوقتي اللي هينفع انا خلاص نفذتلكم اللي انتوا عايزينه صح
ياسين
لا مش صح انا حبيتك من زمان وامك قريبتي وانتي اغلي حاجة عندي وانا يا بنت الناس عمري ماهغصبك علي حاجه

سمر باستغراب
قصدك ايه بالكلام اللي انت بتقوله ده
انا مش فاهمة انت عايز تقول ايه لو سمحت اتكلم عالطول من لف ودوران
ياسين
انا مش بلف ولا بدور انا بقولك انك اغلي حاجة في حياتي وعمري ما هاخليكي تعملي حاجة ڠصب عنك انتي هاتعيشي معايا زي ما احنا كده لحد ما تحبيني ولو ما حبتينش
انا هاسييك ومش هاضيقك في حياتك ابدا
سمر
انت ازاي بتتكلم بالطريقة دي مع انك انسان مش متعلم
ياسين بضحك
هو التعليم في المدارس وبس اسمعي البيت بيتك وانا ضيف عندك وتصبحي علي خير يا اغلي الناس
ونام ياسين علي الكنبة وفضلت سمر طول اليل بتفكر في اللي قاله ياسين وتصرفاته نعاها وهو معقول في حد بيحب حد كده
والصبح صحيت نور لقيت ياسين خارج من الحمام واول مرة تاخد بالها منه واد انه شخص وسيم وايه جسم رياضي درجة اولي
ياسين
صباح الخير يا ست العرايس ايه انتي نماي بالفستان قومي غيري هدومك عشان نخرج نفطر مع
ماما
وبعد ماغيرت سمر هدومه ولبسة فستان وردي وشعرها علي طهرها
ياسين كان هيتجنن عليها بس خرجوا يفطروا مع ام سمر
ام سمر
الف مبروك ايوة كده العرايس الحلوة الاي تفتح النفس دي تعالوا انا خليت تجهز فطار ملوكي للعرسان
ياسين
والله انتي بتفهمي انا هاموت من الجوع وكمان عشان سمر ما تعشيتش ونامت من غير عشا وبعد الفطار يا سمر في مفجأة ليكي
ام سمر
يا اخويا مادلعش اوي كدة من اولها هتاخد علي كدة
سمر
والله العظيم انا اول مرة اشوف ام كده جاية علي بنتها وايه المفأجاة دي
ياسين
انا فتحتلك مكتب عشان خاطرك خاص بيكي لوحدك وامبارح الصبح علقت اسمك علي المكتب من بره ودي هدية جوازنا
سمر
لا بجد انت بتتكلم بجد دا طلعت بتفهم بعد الفطار هاتخدني توديني اشوف المكتب
ياسين بضحك
وكمان يا ستي في عربية ليكي عشان الجامعة والمشاوير بتاعتك عشان ما تتعبيش في المواصلات
ام سمر
يا ابني كفاية كده كل ده مرة واحدة وبعدين الدلع الزيادة بېخرب الستات علي رجالتها
سمر
والله العظيم انا اول مرة اشوف واحدة زيك معقول جايه معاه علي بنتك
ام سمر
طبعا انا ربنا مكرمنيش بعيال غيرك وياسين ابني اللي مخلفتوش وغلاوته عندي زيك واكتر
ياسين
يا سلام بعد الكلام الحلو ده انا هتغر اوي ولا ده كرم من عند ربنا كرمني بزوجة وام
بعد ما كان مليش حد
ام سمر
عشان انت طيب وربنا هيكرمك اكتر واكتر انا عمري ما هنسي انك الوحيد اللي وقفت معايا بعد جوزي ما افتكره ربنا ويارب يبعد عنك ولاد الحړام
ياسين
ايوة حلوة اوي الدعوة دي انا محتاجة بجد خصوصا الايام دي في ناس مستني اني اقع ويرفعوا السكاكين
سمر
ليه كده هو انت ليك اعداء مع ان شكلك بيقول انك مش بتاع مشاكل
ياسين
ازاي يا استاذة يا محامية هو معقول واحد ناجح ملهوش اعداء الشخص اللي ليه اعداء تاكدي انه انسان ناجح
سمر بصتله باعجاب
ومين اعداءك دول وانت خاېف منهم لايؤذوك في شغلك
ياسين بثقة
اولا انا مابخافش غير من اللي خلقني ومعملش حساب غير لله دي اول قاعدة في حياتي لازم تعرفيها كويس وبعدين اي واحد معاه حد بيحبه وبيخاف عليه

حتي لو وقع هيقوم تاني وتاني
ام سمر
طيب والنبي كفاية كلام في المواضيع دي وربنا يا ابني يسترها معاك ويحرسك ويبعد عنك ولاد الحړام
ياسين
طيب احنا دلوقتي مش هنعمل شهر عسل عشان خاطر شغل الاستاذة
سمر قاطعة كلامه وقالت
اولا قبل ما تكمل كلامك انا عايزة اعرف ايه حكاية الاستاذة كل شوية بتقول الكلمة دي ايه حضرتك بتتريق عليا ولا ايه

ياسين بصلها بضحك وقال
والله ما تريقة ولو قولتلك اني فخور وفىحان بيكي مش اكتر ونرجع لكلامنا احنا كل يوم لمدة 15 يوم هنخرج نسهر ونتعشي بره قولتوا ايه
ام سمر
يا سلام وايه لازمة المصاريف دي كلها هو اكل البيت وحش نص اللي هتتدفع ونعمل احلي اكل وفي البيت ولا نشوف راي الاستاذة
ياسين بضحك اوي
بلاش الاستاذة دي ياماما احسن تزعل وبعدين انا خلاص قررت العشا بره وكل مرة في مكان مختلف انا هدخل المكتب عشان اخلص شوية شغل
ام سمر
شايفة قدامك اد ايه ياسين ذخص محترم وجدع وطيب واني معايا حق اني اغصبك عليه
سمر
اممم اومال ماهو لازم يعمل كدة في الاول بس لازم يبين حاجات حلوة اوي بس بعدين هيظهر علي حقيقته
ام سمر
تعرفي يا بنتي رغم انك دخلت مدارس والجامعة وبتشتغلي الا انك ما بتعرفيش في الناس مين الكويس ومين اللي ولا اقولك قلة الكلام معاكي احسن
وعدي اسبوع وفي يوم
ياسين
بقولكم ايه يا جماعة في واحد صاحبي اوي وشغال معايا جاي يبارك النهاردة معلهش مش هنقظر نخرج نتعشي بره النهاردة وهنتعشي كلنا سوا في البيت
سمر
لا ولا يهمك وبعدين بصراحة وحشني اوي اكل البيت ولعلمك انا بعرف اطبخ كويس
ياسين
يا سلام عليك يا شيف شيربيني ورينا النهاردة شاطرة في الطبخ ولا كلام وعندك بدل الخدامة اتنين
سمر
هو ده تحدي انا موافقة بس بشرط لو اكلي عجبكم هانزل الكلية من بكرة زهقت من قعدة البيت
ياسين بزعل
والله زهقت من البيت طيب اعتبريني الاكل عجبني من غير ما ادوقه ومن بكرة هترجعي لكليتك وشغلك
سمر
انت زعلت ولا ايه انا والله العظيم مش قصدي حاجه بس انا طول عمري متعودة علي الشغل والدراسة زي ما
انت متعود علي شغلك انا بجد اسفة
ياسين
ولو قولتلك بجد اني مش زعلان منك وده لسبب واحد اني مش قادر ازعل منك بس يالا عايز اشوف شاطرتك في الاكل مع اني انا اه
سمر
من غير اه ولا غيره باليل هتعرف النتيجة لوحدك بس ياريت ما تاكلش صوابعك
وباليل كان كل حاجة جاهزة ووصل عماد
ياسين
تعال اقعد مالك انت مكسوف ولا ايه يا سمر هاتي ماما وتعالي دلوقتي هاعرفك علي عيلتي
سمر
مساء الخير ازيك نورتنا والله أخيرا شوفنا لياسين صاحب
عماد
نورت ايه دا انتي منورة الدنيا كلها الف مبروك مع انها متاخرة
وعماد هو بيسلم طم اوي علي ايد سمر
ولاحظت امها الحركة دي وقالت
ام سمر
الله يبارك فيك ادخلي ياسمر خليهم يحطوا الاكل جوا علي السفرة وانت يا ابني منين بالظبط وتعرف ياسين من امتي
عماد
انا من القاهرة هنا يا حجة وبعرف ياسين من فترة قريبة بس بقينا اكتر من الاخوات
ام سمر
ياريت يا حبيبي تبقي فعلا اخوه وتحافظ عليها وتصونه
عماد بصلها كده
ياسين
انا مش بقولك اني ربنا عوضني با احن ام في الدنيا انا ما شوفتش امي بس مع ام سمر بحس انها امي
ودخلت سمر ووقفت جنب ياسين
سمر
الاكل جاهز يا ياسين ادخل انت وصاحبك اتعشوا براحتكم وانا وماما هناكل بعدين
عماد
لا والله العظيم لو ما اقعديش معانا انتي والحجة انا مش هاكل وهازعل بجد يا صاحبي
ياسين
امم انتي عايزة تهربي من الرهان انا قولتلك

اكلك حلو اصل دي اول مرة اكل من ايد سمر يا لا بينا علي السفرة كلنا هنتعشي سوا
وهما بيتعشوا كان عماد بيبص علي سمر من تحت لتحت وسمر كانت مضايقة اوي
وبعد ماخلصت السهرة
عماد
علي العموم الف مبروك ليك يا صاحبي انا هامشي ونتقابل بكرة في الشركة تصبحوا علي خير
ومشي عماد وفي اوطته ياسين

ياسين
مالك يا سمر حاسك متغيرة هو انتي اضايقت من حاجة
سمر
لا والله ما فيش حاجة بس مش عارفة ليه مش مرتاحة لصاحبك ده انت تعرفه منين
ياسين
لعلمك هو شكله بس والله انسان كويس
وبعدين انا عارف في ايه انتي عايزة تعرفي اذا كان اكلك حلو ولا
سمر
لا خلاص ما انا عرفت دا انت كنت هتاكل الضبق صح ولت لا
ياسين
بصراحة استاذة ورئيسة قسم في الاكل علي العموم شكرا ليكي تشرفي في كل حاجة يال تصبحي علي خير عشان تروحي شغلك بدري
وتاني يوم رجعت سمر من الكليه لقيت امها تعبانة رنت علي ياسين وجه ومعاه الدكتور وقال لازم ترتاح في السرير ومتعملش اي مجهود
ياسين
ما تخافيش يا سمر علي امك الدكتور قال انه شويه لخبطة في الاكل والعلاج باظت الدنيا معاها شوية
سمر
امي لو حصلها حاجة انا هضيع انا مليش غيرها في الدنيا دا انا اموت من بعدها
وقع الكلام علي قلب ياسين زي الحجارة
ياسين
ربنا يخليها لينا وميحرمنيش منها ولا منك
وبعدين انتي روحي ارتاحي وانا اللي هاسهر جنبها شويه ومن غير منقاشة ادخلي ارتاحي شويه وبعدين تعالي اطمني عليها يالا
وبعد كام ساعة دخلت سمر عند امها ولقيت ياسين صاحي بصتله بكسوف وقالت
ياسين انا اسفة بجد انا بتكلم احيانا وبجرح اللي قدامي من غير ما اقصد بصراحة انا عاشرتك فترة قليلة بس عايزة اقولك حاجة ودي بجد انا من غيرك انت هضيع بجد
قام ياسين وقف قدمها ومسكها وحضنها وقال
دا اللي كنت ضايع لحد ما شوفتك وحبيتك وكمت مراهن نفسي انك هيجي يوم وتحسي بيا انتي كل حياتي واهلي اللي اتحرمت منهم وربنا يقوملنا ماما بالسلامة وهاخدمكم نسافر في اي حته نغير جو كلنا
سمر
اد ايه انا كنت مغفلة معقول في حد طيب وشهم زيك دلوقتي بجد انا اللي اتغيرت اي مكان معاك بيكون جنة ايه ده ماما فاقت
ياسين
حمد لله على سلامتك ايه يا ست الكل عايزة تشوفي غلاوتك عندنا ولا ايه
سمر
اهو انت اطمنت علي ماما ممكن بقي تروح تنام عشان انت مارتحتش دقيقة واحدة علي بعض ومن غير مناقشة
ضحك ياسين وراح نام وفضلوا علي الحال ده لمدة اربع ايام وبعد ما اطمنوا علي صحة ام سمر وفي اوطتهم
اول مرة ياسين يشوف سمر متزوقة ولابسه حلو اوي
ياسين
ايه القمر ده والله العظيم انا ربنا بيحبني معقول متجوز برنسيسة
سمر
انا اسفة يا ياسين انا عملت حاجات كتير اوي غلط في حقك وبجد
محتقرة نفسي اني ما كنتش عارفك علي حقيقتك
ياسين
الناس ما بتتعرفش غير لما تعاشريها واللي بيحب حد بجد اكيد التاني هيحس بيه وبعدين احنا هنفضل نتكلم طول الليل يالاننام
وعاشوا كلهم مع بعض شهور زي الفل لحد يوم ما رجع ياسين وشه مقلوب من الشغل
سمر
في ايه يا ياسين انا اول مرة اشوفك في الحالة ده هو في حاجه حصلت في الشغل
ياسين بزعل وخنقة
كنت داخل صغقة كبيرة ورقها كله اتسرق وخسرتها ودي تاني مرة تحصل انا كل شغلي بدا يضيع و خسړت كتير الشهرين اللي فاتوا وكنت عامل حسابي علي الصفقة دي عشان اعوض
سمر
بص كده واسمعني كويس اكيد في خاېن في شركتك وقريب منك لازم

تعرفه وتكشفه لهضيعك ويضيع شقي عمرك كله
ياسين
انا شكيت في السكرتير اللي معاه ورق الصفقة بس الراجل مستحيل يعمل معايا كده وغير انه لو ضاع الورق منه هو هيتكشف
سمر
طيب فكر كده براحة وافتكر انك قولت لحد علي الصفقة او علي حاجات في شروطها وارقامها لحد
ياسين
مستحيل يا سمر ما فيش غير عماد صاحبي هو الوحيد اللي عارف كل حاجة عن الصفقة بس مستحيل يخون صاحبه

سمر
اسمعني كويس انا مش هاقولك اتهمه دلوقتي بس دور وراه خلي حد يراقبه واللي انت عايزه هاتعرفه
ونفذ ياسين كلام سمر لحد ماعرف الحقيقة وفي الشركة
ياسين
مبروك يا عماد علي شقة المهندسين الجديدة هي بكام صحيح
عماد
امم الله يبارك فيك اصل كنت شايل الفلوس وحوشت كمان قرشين وجيبتها تقسيط
ياسين بتريقة
يارجل دا انا سمعت انك دفعت يها مليون ونص كاش يا صاحبي يا خاېن انا عرفت كل حاجة يا خسارة
عماد
وانت ايه اللي مزعلك اوي ما عندك عل قلبك اد كده ورنا فاتحه عليك حرام لو واحد غلبان زي اخد حبة
ياسين
يااااه دا انت قلبك اسود يا خسارة الغيش والملح اللي بينا اطلع بره ات مرفوض ونا اشوف وشك في اي مكان انا فيه والا هاتشوف الوش التاني وانت عارفه كويس
عماد
بتطردني من شركتك الايام بينا والله لهخليك تمشي تبص وراك الا ما وريتك
ولما رجع ياسين كان مضايق اوي
سمر
مالك يا حبيبي ايه اللي مزعلك اكيد عرفت مين الخاېن اللي غدر بشغلك
ياسين
كلامك كان صح يا سمر تتخيلي يطلع عماد صاحبي هو اللي طلع سري بره وايه كمان بقول وايه يعني ما انا علي قلبي اد كده
سمر
اعوذ بالله ده انسان حقود وقلبه اسود بس انا عظدي ليك خبر ممكن يفرحك شويه
ياسين
معلهش يا سمر سيبيني دلوقتي انا بجد تعبان ومخڼوق ومش عايز اقول حاجة تزعلك
سمر
طيب والله العظيم الخبر وانا هاقوله ولو عايزني امشي هامشي انا حامل في شهر ونص
ياسين عينيه وسعت ووشه نور وقالها
ياسين
والله العظيم بتتكلمي بجد انا مش مصدق سبحانك يا رب عالطول بتيعتلي اللي يفرحني وقت زعلي وتعبي
سمر
اهدي يا ياسين انا اول اشوفك في الحالة دي انت بټعيط انا قولت انك هتغير الزعل
ياسين
يا عبيطة دي دموع الفرح انا كان مليش حد في الدنيا كل الناس القريب والغريب بعد ابويا وامي ما ماتوا بعدوا عني الا امك كانت بتسال عليا وربنا عوضني بام وزوجة وحبيبة وكمان هايبقالي عليه واولاد انتي من النهاردة مش هتتحركي من علي السرير مفهوم وكل الطلبات هاتيجي لحد عندك
سمر
حاضر بس معلهش بكرة انا هاروح اخد اجازة من الشعل ومن الكليه وهاعدي علي الكتورة عشان هاعمل شويه وحاجات كده ممكن
ياسين
ممكن اوي هابعدلك السواق بتاعي بمرة يوديكي ويجيبك وتهلي بالك من نفسك يا اغلي الناس يلا عشان تتعشي وتتغذي كويس وعشان كمان ماما تتعشي ةتاهد العلاج بتاعها
وتاني يوم بعدنا خرجت سمر في حد بعت شنطة علي بيت ياسين وياسيم رجع من الشغل بدري
ام سمر
حمد لله علي السلامة يعني جيت بدري النهاردة دا في واحد بعتلك شنطة حطيتها جوا المكتب
ياسين دخل يجيب الشنطة
مين ده اللي جابلي شنطة قالك اسمه وبتاعة ايه دي يا نهار اسود انت عارفة دا ايه دي ممنوعات حد قاصد يوديني في مصېبة اعمل ايه
ام سمر
اسمعني لازم الزفت ده يختفي تعال معايا الحمام تكبه وتفتح عليه الميه بسرعة لاحسن يكون في حد مبلغ عنك
ودخلوا الحمام يفضوا الممنوعات ودخلت سمر ولقيتهم في الحمام
سمر
ايه اللي انتوا بتعملوه ده انت جيبت ده منين يا ياسين
انت بتاجر

في الممنوعات
ياسين
اسكتي يا سمر انا بتاجر في ايه حرام عليكي انتي لحد دلوقتي مش عارفني
ام سمر
حرام عليكي يا شيخة دا واحد جابله الشنطة دي ولولا جوزك ما جه بدري الله اعلم ايه اللي كان هيحصل
سمر
ياستار يارب وكمان بتاع الزباله بره انا هحط الشنطة اللي لقيتوا فيه الممنوعات للراجل بتاع الزباله ومين اللي عايز يعمل فيك كده

ياسين
انا عارف مين والله ما هارحمةه انا هارن علي السكرتير يجيب عنوان عماد الجديد
وبعد شويه رن السكرتير علي ياسين وبعد ما كلمه
سمر
مال وشك يا ياسين ايه اللي حصل هو في حاجة حصلت تاني
ياسين
اللي معاه ربنا عمره مايضر صح عارفة عماد عمل حاډثة قبل نا يبلغ قدام قسم الشرطة وحاليا في المستشفي حالته خطېرة جدا شوفتي اللي معاه ربنا عمره مايضر