مريض الحب بقلم ايمي احمد ج1

مراد:لا ابدا..تعبان من السفر بس مش اكتر..

وليد:انت عملت ايه صحيح في سفريتك؟..انا سامع ان طاقم الدكاتره الفرنسي..انبهروا بنجاح العملية الي عملتها..وقرروا يتعاملوا مع المستشفي بتاعتنا ويبعتوا الحالات الصعبه تتعالج عندنا..

مراد:خلينا نتكلم في الموضوع دا بعدين..لما نتقابل بكره..

وليد:ok

بعد ساعه تقريبا…اوقف وليد سيارته امام بوابة فيلا د.حمدي..وطلب من البواب ان يفتح البوابه..

وليد:افتح البوابه يا عم حسن..

عم حسن فتح البوابه: اهلا اهلا يا دكتور وليد..

وليد دخل بسيارته وتوقف امام باب الفيلا..ونزل من سيارته واخرج حقيبة مراد واعطاها لعم حسن ليدخلها ويخبر والدتة مراد بوصوله..

عم حسن:حمدلله ع السلامه يا مراد بيه..

مراد نزل من السياره: الله يسلمك يا راجل يا طيب..معلش دخل الشنطه جواه وقول لهانم اني وصلت..

عم حسن: حاضر يا بيه..

مراد:تعالي شويه يا وليد..

وليد:لا ..اصل الدكتور صاحب المستشفي شراني وممكن يرفضني..

مراد:…طب الحق قبل ما يظبطك..

وليد:…هجيلك باليل..سلام..

مراد: سلام..

مراد دخل الفيلا وكانت والدته في المطبخ…
مراد(حضن والدته من ظهرها):وحشتيني يا ست الكل…وحشتيني اوووي..

مرفت: وانت كمان يا حبيبي..حمدلله علي سلامتك..انا مش هسيبك تغيب عني تاني ابدا..البيت وحش اووي من غيرك يا حبيبي..

مراد(قبل يد والدته): انا مش هسيبك تاني ابدا يا حبيبتي..اومال فين حضرت الظابط والدكتوره..

مرفت:مازن كلمته وهو قدامه نص ساعه ويوصل..ونادين فوق في اوضتها بتذاكر..

مراد:انا هطلع اوضتي اخد شور واسلم علي نادين واجي اساعدك..

مرفت : ماشي يا حبيبي..

ترك مراد والدته واخذ حقيبته وصعد الي غرفته ليستحم ويبدل ملابسه..و….

»»»»»»»»»»»»»»»»»»»»»»»»»»»»»»
(في بيت موجود في احد الاحياء الشعبيه متوسطة الحال)..

كانت فتاه نائمة وتحلم بكابوسا اعتادت علي الاستيقاظ عليه..مفظوعة…
انتفضت تلك الفتاه من علي فراشها تصرخ…
ليلي(بفظع): لااااااااااا..اه..اه…اه..

ميسون(احتضنتها لتهدئ من فظعها):اهدي يا ليلي..اهدي يا حبيبتي..

بعد فترة قليله هدأت ليلي..وبعدت قليلا عن ميسون…
ميسون:هو هواه نفس الحلم؟

ليلي(أومأت براسها): ايوه هو..خلاص يا ميس انا بقيت كويسه قومي يلا علشان نجهز الفطار وتلحقي كليتك..

ميسون: بس انا مش عاوزه اروح الكليه النهارده…عاوزه اروح معاكي الشغل…

ليلي:لا يا ميسون ماتزعلنيش منك..انتي اذا حبه تساعديني بجد..خلي بالك من دراستك..

ميسون:بس انا……

ليلي(قطعتها): مفيش بس يلا قومي…

ميسون(بزعل):حاضر..

ليلي(احتضنتها): هخدك معايا وانا رايحه المستشفي بعد بكره..

ميسون(بفرحه):وعد؟

ليلي(بابتسامه):ايوه وعد…

ميسون(بفرحه كبيره):بحبك اووي يا لوليتي..

ليلي:وانا كمان بحبك يا قلب لوليتك..يلا نقوم نشوف ماما فاطمه بتعمل ايه من غيرنا..

قامتا الفتاتين وذهبا الي المطبخ ليمرحن كالعاده مع والدتهم..
كانت فاطمة تقف في المطبخ غير منتبه لدخول الشقيتين..اقتربت منها ليلي وميسون..وافزعنها..

فاطمه:بسم الله الرحمن الرحيم..مربيه قرود..

ليلي وميسون ظلوا يضحكن عليها..

فاطمه: بتضحكوا عليا…طيب فين المأشه..

وما ان قالت عبارتها تلك حتي اختفت الفتاتين..
وضحكت فاطمه عليهن..واكملت تجهيز الفطور لهن..
ليلي ذهبت لتتوضأ وتصلي وترتدي ملابسها لتذهب الي العمل..
وميسون صلت وارتدت ثيابها وخرجت من الغرفه لتفطر..وتذهب الي جامعتها..
كانت ليلي وفاطمه وميسون ياكلن..وذهبت ميسون لكي ترتدي حذائها تذكرت انه قد تمزق..ولكنها لم تلقي بال وارتدته..وعندما همت بالرحيل..اوقفتها ليلي…

ليلي:ميسون..استني شويه..

ميسون: ايوه يا لولتي..

ليلي: هتروح الكليه ازاي .جذمتك مقطوعه..؟

ميسون: عادي يا ليلي..مش باينه اووي..

ليلي(اخرجت علبه من وراء ظهرها): اتفضلي..

ميسون(باستغراب): ايه دي قنبله..

ليلي:هههههه..لا مش قنبله..افتحيها..

ميسون(فتحت العلبه..التي كان بها حذاء جديد): ايه دا يا ليلي؟

ليلي:دي جذمه غير الي اتقطعت..وممنوع اشوف دموعك تاني ومش عاوزه اسمع كلمة شكرا..علشان مفيش شكر بين الاخوات..

ميسون(احتضنت ليلي): انا بحبك يا احن ليلي في الدنيا كلها..ربنا يخليكي ليا..

ليلي:ويخليكي ليا يا قلبي..بلا بقي هتتاخري كدا..

ميسون: يلا سلام..

فاطمه:مع السلامه يا بنتي..ربنا يجعلك في كل خطوة سلامه..

ليلي: مع السلامه..

رحلت ميسون وعادت ليلي لتكمل فطارها..

فاطمه(برضا): ربنا يخليكوا لبعض..و..

لم تستطع ان تكمل كلامها فقد بدات تكح وتسعل..جرت ليلي تحضر لها كوب ماء..وما ان شربته حتي هدا سعالها..

ليلي:مالك يا ماما فاطمه..شكلك تعبانه..

فاطمه: لا يا ليلي يا بنتي انا كويسه..شوية برد علي صدري بس..ماتقلقيش..ويلا بس علشان متتاخريش علي شغلك..

ليلي: ماشي..مع السلامه..

فاطمة: مع السلامه يا حبيبتي..ربنا يحرسك ويحميكي..ويوقفلك ولاد الحلال..ويكفيكي شر ولاد الحرام..

ليلي: ربنا يخليكي ليا يا رب..ومتحرمش من دعواتك الحلوه دي ابدا..عاوزه حاجه اجبهالك وانا جايه…

فاطمة: عاوزه سلامتك يا حبيبتي..

ليلي: مع السلامه..

خرجت ليلي من المنزل وذهبت لتشتري الورد الذي ستبيعه في الاشاره..و
»»»»»»»»»»»»»»»»»»»»»»»»»»»»»»(في مستشفي د.حمدي ادريس)

كان النظام والهدوء هما المسيطران علي الاجواء في المشفي..وصل وليد الي المشفي..وقابله الجميع بابتسامه..ودخل مكتبه وارتدي بلطو الاطباء…وعندما هم بالخروج..اعترضته دكتوره ميار..(دكتوره نسا وتوليد..تعمل ضمن طاقم العمل في المشفي..تتودد دائما الي مراد..وتتمني ان توقعه في حبها..)

ميار:صباح الخير د.وليد.

وليد:صباح الخير د.ميار…خير في حاجه؟

ميار:ابدا..انا كنت جايه اسأل حضرتك هو د.مراد..رجع من السفر ولا لا؟

وليد: وانتي يهمك في ايه؟

ميار:احنا كلنا في استف واحد..ولازم نطمن علي بعض..

وليد:ماشي يا دكتوره..مراد رجع النهارده من السفر..

ميار:وهيجي المستشفي امتي؟

وليد:بكره ان شاء الله..