زواج تحت التهديد بقلم اسراء محمود ج٢

(زواج تحت التهديد بقلمي اسراء محمود لا حول ولا قوه الا بالله العظيم . اللهم اني خرجت من حولي وقوتي لا حولك وقوتك).
وغابت شمس اليوم ده على عيون ابطلنا اللي ناموا عشان يقابله صباح يوم جديد بشمس جديده واحداث جديده وثاني يوم بعد ما صحيوا وفطروا اتصل عيسى بجواهرجى مشهور هو عارفه فى المكان ده وجه وجاب لهم الشبكه واختاروها. وبعد ما تم كل شيء اتصل ماجد بفضل وقال له ان هو جاب الاولاد على اول الشارع فنزل حاتم اخذ منه الولاد ولكن ما قالوش على اي حاجه بتحصل
عيسى اول ما شاف اولاد صبا كان حريص انه يخليهم يحبوه وكان هو بيتعامل معاهم بحب وحنان وحنيه واخذهم هو وحاتم وجاب لهم حاجات كثير جدا حلوه فرحوا بيها الاطفال جدا وكانت معامله عيسى مع اولاد صبا محسساها بالفرحه والاطمئنان وحاسه بالامان من جهه الشخص ده على اولادها. كمان الاولاد كانوا فرحانين بيه جدا وحبوه علشان هو جاب لهم كل اللي كان نفسهم فيه . بعد فتره مهران: والله يا حاج فضل احنا اتشرفنا بمعرفتكم وبناسبكم بس هنسيبكم بقى ونروح بلدنا وان شاء الله على وعد اللقاء بعد المده ماتنتهى.
فضل:الشرف لينا احنا يا حاج مهران والله نورتونا وشرفتونا
مهران: حبيبي تسلم يا ولد الاصول
وهيبه وهي بتسلم على صبا: والله هتوحشيني يا بنتي وهفضل اعد الايام والليالي علشان تيجي وتنوري دارك
صبا:شكرا يا طنط
وسلموا على بعض وعيسى سلم على اولاد صبا بعد ماوعدهم انه هيجي تاني وهيجيب لهم كل اللي نفسهم فيه . وبعد ما بيقشيوا جري ساهر ابن صبا وقال: لها ماما هو عمو عيسى فعلا هيجي تاني
صبا: اه يا حبيبي هيجي
ساهر: انا حبيت عمو عيسى قوي يا ماما تعرفي هو قال لي انه هيجبلي حصان وهيخليني اتعلم ازاي اركبه وكمان قال لسهر انه هيجيب لها مهره صحيح يا ماما الحصان للولد والمهره للبنت
حضنه صبا ابنها وقالت :صحيح يا حبيبى
ساهر: ماما هو احنا فعلا هنروح نعيش عند عمو عيسى
صبا: مين قال لك كده يا حبيبي
(سبحان الله العظيم من كل ذنب عظيم واتوب اليه سبحان الله وبحمده سبحان الله العظيم)
ساهر: عمو عيسى قال لي انه لما نروح نعيش عندهم هيعلمني حاجات كثير جدا ما يخليني اقوى واحد في الدنيا كلها وقال لي انى راجل ولازم اكون شجاع.
صبا: صحيح يا حبيبي.
ساهر :ماما هو احنا خلاص مش هنروح نعيش عند بابا تاني
صبا: حضنه ابنها وقالت لا يا حبيبي خلاص ما بقاش ينفع
ساهر: ليه يا ماما انا بحب بابا عايزين نرجع نعيش معاه
صبا: بصي يا ساهر مش انت قلت انك بتحب عمو عيسى وعايز تشوف الحصان اللي قال لك عليه
ساهر: اه طبعا يا ماما
صبا :خلاص يا حبيبي احنا لازم نروح نعيش عند عم عيسى علشان تشوف الحصان علشان يعلمك الحاجات اللي قال لك عليها تمام
ساهر: تمام وسابها وطلع يجري علشان يلعب مع اخته.
اما عند عيسى بعد ما رجع الصعيد اتقابل مع محمد صديقه وابن عمه .
محمد :اهلا وسهلا يا عيسى يا اخويا حمد لله على السلامه.
عيسى: الله يسلمك يا اخويا . وسلموا حضنوا بعض.
محمد : قولى عاد شفت العروسه وغمز بعينه لعيسى
عيسى: والله طول ما انت وراي ما في حاجه هتنفع ابدا
محمد :واه وانا ذنبي ايه ايه اللي حصل يعني
عيسى بغيظ:ما رضيتش تخليني اشوف وشها بتقول لسه في فتره العده. وطلبت مني كمان ما اشوفش وشها غير بعد ما تيجي اهنه
محمد:واه وده ليه ان شاء الله هي عفشه ولا ايه
عيسى: امي واختي ورد عمالين يقولوا عليها شعر وورد بتقول لي يا بختك يا اخويا هتشوف حاجه هتشرح قلبك
محمد: امال ايه يعني عايز تبقى مفاجاه
عيسى: مش عارف المهم ان اضطريت اوافق واحترمت رغبتها.
محمد: خلاص هانت
عيسى بتنهيده: هانت فعلا .
وفعلا مرت الشهور سريعه وتوالت فيها الاحداث وانتهت عده صبا وفي اليوم الاخير من عده صبا اتصل الحج مهران والد عيسى بفضل والد صبا واتفق معاه انهم جايين بكره ومعاهم القليل من رجال العائله علشان يعقدوا قران عيسى وصبا وفضل طبعا اخبر اهله وجاء اليوم الثاني وبالفعل جاء عيسى واخوه يونس ووالدهم واولاد اعمامه ومن ضمنهم طبعا محمد صديقه وابن عمه وجاء العديد من اقارب صبا وتم عقد القران وكانت صبا واقفه وهي ترتدي دريس اسلامي ابيض ونقاب وخمار ابيض وتضع على راسها تاج ابيض من الورد وكان عيسى يرتدي جلباب صعيدي ويجلس مع الماذون ومع الرجال بجانب والجانب الاخر تقف هي مع امها واختها وصاحبتها مياده ومجموعه من الاقارب.
مياده وهي واقفه كانت ماسكه ايد صبا اهدي يا صبا في ايه
صبا صوت ضعيف ومخنوق: ما فيش انا عايزه ادخل جوه ليه خلتونى اخرج انا كنت عاوزه افضل جوه ما كانش فيه داعي لكل ده كاني هموت واتجوز. اقتربت منها فريده وضمتها
فريده معلش يا صبا اهدي عشان خاطري خلاص هانت وهتدخلي خلاص الماذون بيخلص . لكن صبا كانت في دنيا تانيه كانت بتكلم نفسها ماذا سوف يحدث لها بعد ذلك؟ماذا سوف يفعل عيسى؟ هل سيجبرها على شيء اخر ام ماذا؟ ولكن فاقت من كل هذه الاسئله على قول الماذون بارك الله لكما وبارك عليكما وجمع بينكما في خير.
(زواج تحت التهديد بقلمي اسراء محمود لا اله الا الله سيدنا محمد رسول الله صلى الله عليه وسلم)
اما عند ماجد فكان في صراع مع والدته
ماجد: يا امي مش عايزك تفكري في الموضوع ده دلوقتي خالص
امل :ليه يا حبيبي انت جاهز وعروستك جاهزه
ماجد بتوتر:يا امي ما تفكريش فيه دلوقتي انا لسه مش مؤهل
امل:مش مؤهل ليه عشان صبا .صبا خلاص اتجوزت النهارده كتب كتابها يا ابني
ماجد مصدوم: بتقولي ايه النهارده صبا اتجوزت
امل بحزن: اه يا حبيبي اتجوزت و كتب كتابها النهارده.وهتسافر مع جوزها على اخر الاسبوع.وانت كمان لازم يا حبيبي تشوف حياتك
ماجد: حاضر يا امي اللي تشوفيه.
امل: ايه رايك اتفق مع الجماعه يبقى كتب الكتاب والدخله . بعد شهر ان شاء الله
ماجد: لا كلمى عمى وعرفيه إنى عاوز ادخل قبل نهاية الاسبوع
امل:بس يا حبيبي
ماجد:مش بتقولى جاهزين احنا متفقين مش هنعمل فرح.
امل: خلاص ماشى يا حبيبي.وسابها ماجد وخرج
نرجع بقى لصبا. بعد ما انهى الماذون كل الترتيبات لكتب الكتاب دخلت صبا اوضتها وخلعت نقابها وبدات تاخذ نفسها بانتظام لانها كانت حاسه بره انها مش قادره تاخد نفسها. بدات تكلم نفسها يا ترى هيعمل ايه لما يدخل يا ترى هياخذني معاه ويجبرني اني اسيب اولادي واهلي يا ترى هيجبرني اني اخلع النقاب علشان يشوف وشي وهل يا ترى سوف يتعامل معي كخادمه له كما اقرا في روايتي. ولكن فاقت من شرودها وتفكيرها على صوت خبط الباب فلبست نقابها وثبتته كويس وقالت: اتفضل. اتفتح الباب ودخل هو بهيبه رهيبه ولكن احسست بالتوتر وخوف شديد دخل عيسى واغلق الباب خلفه
عيسى اقترب منها: الف مبروك يا عروسه
صبا :شكرا
عيسى: شكرا ماشي يا ستي على العموم انا داخل اقول لك تجهزي حالك علشان هاجي يوم الخميس وهاخدك انت واهلك والاولاد علشان نروح بلدنا يوم الجمعه الفجر ان شاء الله.
صبا:بس الولاد في مدارس ولازم يفضلوا هنا علشان يكملوا السنه الدراسيه علشان ما تروحش عليهم
عيسى: عارف كلمت عمي فضل وقال لي انهم هيفضلوا هنا لحد ما يخلصوا السنه دي وبعد كده هنقل الورق بتاعهم عندنا في الصعيد ان شاء الله. لكن انتى بقيتي مرتي خلاص ولازم تكوني معايا مكان ما اني موجود ولا انت خايفه يفضلوا اهنه. لو خايفه يبقى بلاها السنه دي ويجوا معانا الصعيد ويبقوا يبداوا من السنه الجايه
صبا: لا طبعا خايفه ايه وما ينفعش اخليهم ياجلوا مش عاوزه اضيع عليهم سنه
عيسى: خلاص ماشي اني خارج وماشي انا والرجاله وهسيبك بس جاي يوم الخميس
صبا: تمام. ومد لها عيسى يده وبها بعض الاموال
صبا: ايه ده
عيسى: دي فلوس طبعا
صبا :ما انا شايفه انها فلوسي بس بتاعه ايه وعلشان ايه
عيسى: علشان لو محتاجه اي حاجه انتى عروسه وخلاص بقيتي مراتي وكل حاجه محتاجاها مطلوبه مني
صبا: بس انا مش محتاجه حاجه شكرا
عيسى بحده خفيفه :لما اقول حاجه تسمعيها عشان مش بحب اعيد كلامي مرتين
صبا: هو اي تحكم وخلاص
اقترب منها عيسى ونزل بمستوى فهو اطول منها عيسى: اسمعي الكلام علشان ما اعملش حاجه هموت واعملها وانتى خلاص بقيتي حلالى.وغمز لها بس اني محترم رغبتك فيا ريت انت كمان تحترمي رغبتي فاخذت منه الاموال دون اي كلمه اخرى فابتسم عيسى وقال: برافو عليك شطوره يا ريت تفضلي كده على طول علشان نفضل كويسين مع بعض ويلا بقى محتاجه حاجه انا مسافر.
صبا :لا شكرا
عيسى :تمام بس اني عندي طلب
صبا :ايه هو
عيسى :يا ريت ما فيش خروج من غير ما اعرف
صبا :وده ازاي يعني
عيسى :تكلميني وتعرفيني انت رايحه فين انت مسلمه مو ملتزمه واكيد عارفه واجباتك ولا ايه
صبا: اه تمام عارفه بس هوصل لك ازاي يعني
امسك عيسى هاتفه واتصل بها ووجدت هاتفها يرن وقال عيسى: ده رقمي. ثم امسك هاتفها وسجل رقمه باسم زوجي العزيز اهو رقمي يا ريت ما تنسيش وتركها وخرج. وهو خارج الشاف هدى
عيسى اقترب من هدى :محتاجه حاجه يا امي
هدى ببسمه: يا حبيبي ربنا يبارك لك يا ابني ما انحرمش منك ابدا
عيسى: اي حاجه تحتاجيها رني عليا على طول انا مسافر وجاي يوم الخميس
هدى: بالسلامه يا حبيبي ربنا ينور طريقك. باس عيسى يدها وسلم عليها وتركها وخرج.
صبا.❣️❣️❣️❣️❣️البارت التاسع
خرج عيسى وشاف هدى وسلم عليها
عيسى :محتاجه حاجه يا امي
هدى: لا يا حبيبي ربنا يبارك فيك يا ابني وما انحرمش منك ابدا
عيسى: اي حاجه تحتاجيها رني عليا على طول انا مسافر وجاي يوم الخميس ان شاء الله
هدى :بالسلامه يا حبيبي ربنا ينور طريقك. بس عايزه ايديها وسلم عليها وخرج وسافر.
مياده وفريده دخلوا لصبا اول ما عيسى خرج
فريده: ايوه يا عم الراجل مصدق بابا قال ادخل مراتك جري على الاوضه وضحكوا هم الاثنين.
مياده: قوليلى يا صبا عملتوا ايه ها قلتوا ايه
صبا بيضيق: والنبي ما تحسسوني اني انا وهو عشاق وهنموت على بعض كل الفكره انه دخل يديني اوامر ويعرفني انه جاي ياخذني يوم الجمعه. تمام الموضوع معايا مختلف فبلاش الكلام ده ماشي. جلسه صبا على سرير وجلسه بجانبها مياده وفريده
مياده: ليه بس كده يا صبا حبيبتي انت عروسه افرحي
صبا:الظاهر كده انتوا نسيتوا الجوازه دي تمت ازاي وعشان ايه تمام
فريده حست ان صبا زعلت جدا فحاولت تغير الموضوع.
فريده :سيبك انت يلا جهزي عشان من النهارده ولحد يوم الجمعه عندنا مواعيد في صالون التجميل في حاجات كثير ورانا لازم نعملها عايزين نصبغ ونرمم وننظف ونظبط وحاجات كثير ورانا لازم نعملها
صبا بتريقه طب ما تاخدوني وش محاره بالمره. وبعدين ليه كل ده
فريده: وحياه ربنا كنت عارفه انك هتقولي كده عشان كده انا حجزت من غير ما اقول لك على حاجه انا خارجه وانت يا مياده كلميها وخليها تجهز علشان نخرج وخرجت فريده
مياده: يلا يا صبا قومى اجهزى علشان نمشي
صبا: انا مش راحه اروح ليه انت رايحه علشان جوزك جاي بعد 10 ايام وهي عشان بتجهز نفسها وهتتجوز بعد شهر انا ليه بقى
مياده: انت ليه ليه مش انت عروسه انكتب كتابه من ساعه تقريبا وبقيتي على ذمه راجل ولازم تجهزي نفسك ولا ايه نظامك انا متفقه معاكي ان الموضوع غصب لكن اهو تم ولا انت ناويه على حاجه ثانيه
(زواج تحت التهديد بقلم الاسراء محمود اللهم صل وسلم وزد وبارك على سيدنا محمد وعلى اله وصحبه وزوجه اجمعين)
صبا بنرفزه :لا حاجه تانيه ولا حاجه ثالثه انت عارفه اني بخاف ربنا وبحبه وما بحبش اغضبه فبلاش اسئله رخمه.
مياده :تمام يبقى تقومي وتجهزي وتعملي اللي عليك وخلاص
صبا بتنهيده: طيب ماشي خلاص يلا بطلي زن بس اصبري هتكلم في التليفون
مياده باستغراب:هتكلمي مين دلوقتي ان شاء الله
صبا بتريقه: هكلم زوجي العزيز وضحكت بسخريه
مياده: وده ليه بقى ان شاء الله
صبا :حضرته طلب مني ما اخرجش من غير ما اكلمه فلازم ارن عليه واعرفه اني خارجه
مياده: اه طيب وانت معاكي رقمه بقى
صبا: اه يا اختي رن عليا واسجل اسمه بزوجي العزيز.
ضحكت مياده وقالت :ماشي يا اختي رني وكلمي زوجك العزيز. وسابتها وخرجت. اتصلت صبا بعيسى وهو كان لسه في العربيه ولقى التليفون وبيرن وكان اسم صبا من منور الشاشه
ابتسم ورد فورا صبا الو السلام عليكم.
عيسى: وعليكم السلام ورحمه الله وبركاته التليفون نور والله
صبا: شكرا هو انا ممكن اخرج
عيسى: طبعا بس ممكن اعرف فين
صبا: رايحه صالون تجميل يعني هعمل شويه حاجات وكده وكمان هجيب شويه حاجات علشانى وعلشان الاولاد.
عيسى: تمام بس لبسك انت والولادي يوم الفرح انا هجيبه وانا جاي تمام
(استغفروا بنيه تفريج الهم)
صبا :يعني ايه
عيسى :يعني جايب ليكوا لبس عشان يوم فرحنا يا زوجتي العزيزه
صبا: طيب تمام. وفي الوقت ده دخلت مياده عليها وقالت لها بصوت منخفض جدا: وصلوا. حركت صبا كتفها بعدم المعرفه فقالت لها مياده طب اسالي
صبا: هو انت وصلت
عيسى: لا لسه كتير على ما نوصل
صبا: توصلوا بالسلامه ومعلش تبقى تسلملي على ماما الحاجه وورد
عيسى- الله يسلمك لما اوصل هكلمك ان شاء الله وانت لما تروحي كلميني تمام
صبا :تمام. وذهبت صبا ومياده وفريده الى حيث مكان التجميل وظلها كذا كل يوم خروجات وتجهيزات . وكانت صبا في هذه الفتره دائمه الاتصال بعيسى تخبره بخروجها وعودتها. حتى اصبحت جزء من يوم عيسى.
اما بقى عند عيسى كان راح راح لادهم الحصان فاكرين
عيسى دخل على ادهم كيفك يا ادهم توحشتك قوي وحضنه
اتحرك الحصان وكانه بيسال عيسى
عيسى: عارف بتسال مالي هقول لك
انا بقى يا سيدي خلاص اتجوز ت وكتبت على مراتي اللي لحد دلوقتي لسه ما اعرفش شكلها عامل ايه ما اعرفش ليه رفضت تخليني اشوف وشها ما اعرفش ازاي انا وافقت على حاجه زي دي بس انا حسيت ان هي دي رغبتها وحبيت انفذ لها رغبتها وبعدين هانت كلها ايام وهشوف وشها خلاص ما حدش هيقدر يمنعني.
تعرف على الرغم من اني اصلا لما كنت رايح اول مره غصب علشان اشوفها واتعرف عليها واتكلم معاها الا اني لما شفتها وسمعت صوتها قلبي دق بطريقه غريبه جدا كانه كان هيخرج من مكان. حاولت اتجاهل كل ده بس الموضوع كان بيزيد كل ما بسمع صوتها ولما قالوا لي انك جت الفرصه اني اشوف وشها كنت ملهوف بطريقه غريبه ولكن هي رفضت بس هانت.
نرجع بقى لصبا.
في يوم التلات. صبا:ماما احنا خارجين عاوزين حاجه
هدى: لا يا حبيبتي بالسلامه احنا كمان طالعين
صبا: على فين
فضل: اصل ماجد ابن عمتك دخلته النهارده يعني كتب كتاب ودخله على طول فاتصل بيا وقال لي اجيب مامتك والاولاد ونروح
صبا بحزن: تمام بس قول له صبا بتقول لك الف الف مبروك
وتركتهم وخرجت وتوالت الايام حتى جاء يوم الخميس وكانت صبا في صالون التجميل وبعد ما انهو جلستهم وهم خارجين لقت عيسى واقف وساند على عربيته مستنيهم هو وحاتم بس اللي شافتهم الاول كانت مياده.
مياده: بنت يا صبا مش ده جوزك